San Juan 20:13 - TÄ̧DO Ä̧CUÄ̧ I̧HUȨNȨ

¹³ Angeles jahuäjuru jä'epinätödo: —Isaju, ¿dä̧bö̧ cuajuähuättö? Jahuäju ädätinäjudo: —Chu̧ru̧hua̧rö̧ ȩmi̧pä̧jä̧tö̧do. Ttötäjome jerupajusä.

Nuevo Testamento Uwotjüja

¹³ Juätü jättepinä̧kua̧: —Isaju, ¿Tta̧'a̧nü̧ pä'ü kuajuäwa'ajä̧ttü̧? Pättäkua, pä'inä̧ju̧: —Chu̧ru̧wa̧rü̧ ȩmi̧pä̧jä̧'kotü, ttütäjomȩ'i̧nä̧ jerupü ajuäwäjusä.

San Juan 20:13 Iomraidhean Croise

San Lucas 24:17

Ja̧'hua̧ ja̧'a̧ttö̧ Jesús jä'epinödo jahuätörö: —Mä̧nä̧nä̧ 'chä̧nö̧mä̧, ¿däje juäi cucuocuätucuättö? ¿Dä̧bö̧ cua̧'cua̧ tta̧cu̧huȩcuä̧tu̧cuä̧ttö̧?

San Juan 19:26

Jesús ja̧ju̧ru̧'i̧nä̧, ka̧ra̧ u̧huo̧juȩtä̧u̧ i̧sa̧, rö̧ȩnä̧ repeäcuru kippeyänä ö̧ja̧'a̧ tomenä, pä'inödo ja̧ju̧ru̧: —Isaju, chujuasä cui̧tti̧mä̧.

San Juan 2:4

Ja̧'hua̧nö̧ ja̧'a̧nä̧ Jesús ädätinödo: —Isaju, ja̧'hua̧nö̧mä̧, ¿dä̧bö̧ päcuhuättö ttörö? Chaditähuä ji̧nä̧ jo̧mȩ päi'oca'a.

San Juan 20:15

Ja̧'hua̧ ja̧'a̧ttö̧ Jesús jä'epinödo jahuäjuru: —Isaju, ¿dä̧bö̧ cuajuähuättö? ¿Dirö cusättö? Jahuäju, ju̧huȩnȩ pätta tta̧huä̧rä̧cuä̧huä̧ i̧sa̧ ucuocua'acö̧ pä'ö ädätinäjudo: —Cha̧hua̧ru̧hua̧, ja̧u̧ru̧ cuȩmi̧pä̧ji̧ttö̧mä̧, cutäjome ji'ähuittö, kara'acu chȩmi̧pa̧rö̧ pä'ö.

San Juan 20:2

Ja̧'hua̧nö̧ topo'ö Simón Pedrocu, ka̧ra̧ u̧huo̧juȩtä̧u̧ i̧sa̧, Jesús rö̧ȩnä̧ repeäcucumä ttö̧jo̧mȩ jopinäjudo. Jahuätörö pä'inäjudo: —Tu̧ru̧hua̧rö̧ ȩpä̧jä̧tö̧ idorättö. Jerupätöjä ttötäjome.

Hechos 21:13

Ja̧'hua̧nö̧ ja̧'a̧ Pablo ädätinö: —¿Dä̧bö̧ cuajuähuätucuättö? ¿Dä̧bö̧ cha̧'cua̧ tta̧dȩcu̧nä̧ jȩcu̧'ä̧tu̧cuä̧ttö̧? Jerusalén ötahuiyättö Tu̧ru̧hua̧ Jesús i̧huȩnȩ jidähua'attö ttörö ttönö'ca pä'ö'inä 'corupädi'a pä'ömä täcö jo̧mȩ päi'önä kö̧sä̧.