San Juan 19:31 - TÄ̧DO Ä̧CUÄ̧ I̧HUȨNȨ

³¹ Ja̧u̧nu̧mä̧ pascua fiesta ä'canä mo̧ro̧ ji̧na̧'a̧do. Ja̧u̧nu̧ ttö̧ja̧ 'cuättächi'ö mo̧ro̧mä̧ ttö̧ja̧ tto'co jähuä dau odiyänä ttu̧ju̧ni̧'a̧ pä'ocotö pi̧nä̧tö̧do judíos ttö̧ja̧. Ja̧u̧nu̧ pä̧nä̧ pascua fiesta jȩtto̧mȩnä̧, ja̧u̧ ttö̧ja̧ 'cuättächi'ö mo̧ro̧ rö̧ȩnä̧ amöcuädinätödo. Ja̧'hua̧nö̧ ja̧'a̧ttö̧ Pilatorö jä'epinätödo huea pä'ö dau odiyänä ttu̧ju̧nä̧jä̧u̧ru̧, ttö̧ttä̧ri̧yä̧ 'teähui'önä cuätta pä'ö. Ja̧'hua̧nö̧ jȩpö̧ dau odiyänä pȩ'o̧pö̧ ttu̧ju̧nä̧jä̧u̧ru̧ kara'a ttȩpa̧ pä'inätödo.

Nuevo Testamento Uwotjüja

³¹ Ja̧'wa̧nü̧ 'kuäopa'anä̧, Pacua pä'käri ä'kanä̧ mo̧ro̧ ji̧yä̧u̧, kkoro mo̧ro̧mä̧ sawaru mo̧ro̧ jä̧kua̧'a̧ ja̧'a̧, ü̧jo̧kä̧ jü̧ oinä̧, ttü̧ja̧ ttü̧rȩjü̧ pä'ü, Judío-mä̧ Pilato-rü jä'epinä̧tü̧ ttüjawiyä 'te'chü ttikunä̧ wea pä'ü, ja̧'wa̧nü̧ jȩpü̧ juorü ȩmü̧ ttikuatü pä'ü.

San Juan 19:31 Iomraidhean Croise

San Mateo 27:62

Ja̧u̧nu̧ o'ca'a mo̧ro̧, 'cuättächi'ö mo̧ro̧ jȩä̧cuä̧huä̧ ttaditäji o'ca'a mo̧ro̧, sacerdotes ruhuotöcu, fariseos huotöcu Pilatorö topö 'chi̧nä̧tö̧do.

San Marcos 15:42

Ja̧u̧nu̧mä̧ yodo päi'ina'ado. Ttö̧ja̧ 'cuättächi'ö mo̧ro̧ ä'canä, ttö̧ja̧ 'cuättächi'ö mo̧ro̧ jȩä̧cuä̧huä̧ ttaditö mo̧ro̧ päi'ina'ado.

San Juan 19:1

Ja̧u̧nu̧ o'ca'a Pilato hue'inödo Jesúsru cuäcuätta pä'ö.

San Juan 19:14

Ja̧u̧nu̧ mo̧ro̧, ja̧'hua̧nö̧ 'cuäopinö mo̧ro̧, pascua fiesta ä'canä mo̧ro̧ ji̧na̧'a̧do. Ja̧'hua̧ta̧nö̧ Pilato ru̧hua̧ i̧dȩä̧cä̧nä̧ kä̧hua̧ jueö kö̧rö̧ pä̧mä̧di̧nö̧do. Ja̧'hua̧nö̧ pä̧mä̧dö̧, judíos ttö̧ja̧rö̧ pä'inödo: —¡Topätucui! ¡Pidesä cu̧ru̧hua̧tu̧cu̧!

San Juan 19:42

Juhuoränä tö'cönänö ji̧yä̧u̧ rötinätödo Jesús o'co jähuä. Ja̧'hua̧ta̧nö̧ ttö̧ja̧ 'cuättächi'ö mo̧ro̧ päi'äcua'a ä'canä rötinätödo.