San Juan 19:18 - TÄ̧DO Ä̧CUÄ̧ I̧HUȨNȨ

¹⁸ Ju̧huȩnȩmä̧ korotö ta̧ju̧cu̧ dau isodänä pȩ'o̧pö̧ ku̧ni̧nä̧tö̧do. Ka̧ra̧mä̧ Jesús u̧huo̧jua̧'a̧nä̧, ka̧ra̧mä̧ ieruhua'anä pȩ'o̧pö̧ ku̧ni̧nä̧tö̧do. Jesúsru kä'co päte'ö pȩ'o̧pö̧ ku̧ni̧nä̧tö̧do.

Nuevo Testamento Uwotjüja

¹⁸ Ja̧'wa̧nü̧ ja̧'a̧ Jesú-rumä̧ juȩnȩtä̧ pȩ'o̧pü̧ kku̧ni̧nä̧tü̧, ü̧jo̧kä̧ jäinä̧; ippeyänä̧'i̧nä̧ kkorotü ta̧ju̧ku̧, Jesú-mä̧ kkä'ko päte'ü jo̧mȩ ü̧jü̧nä̧.

San Juan 19:18 Iomraidhean Croise

San Mateo 27:44

Jitötä nä̧u̧cuä̧rä̧tö̧ ttö̧ja̧ ja̧u̧tä̧cu̧ pȩ'o̧pö̧ ttu̧ju̧ni̧nä̧u̧'i̧nä̧ suronä huȩnȩtö̧ ucuocuinätödo Jesúsru.

San Juan 18:32

Ja̧'hua̧nö̧ pättomenä, Jesús, chutä 'corupäi'ä̧cuȩ huȩnȩ päinö ta'anö 'cuäopa pä'ö pä'inätödo.

San Juan 19:32

Ja̧'hua̧ ja̧'a̧ttö̧ su̧ro̧da̧u̧ korotörö Cristo ippeyänä pȩ'o̧pö̧ ttu̧ju̧nä̧jä̧u̧ru̧ ttö̧ttä̧ri̧yä̧ 'teähui'önä cuä'inätödo.

Hechos 2:23

Dios täcö amöcuädinö, Jesúsru iya pä'ö ucuturu. Ä'canä u̧huo̧jui̧na̧'a̧ttö̧ ucuturu iyinö. Ja̧'hua̧ ja̧'a̧ ucutu iyinätöjä Jesúsru suronä jȩpä̧tö̧rö̧, daunä pȩ'o̧pö̧ ku̧nu̧ cuä'ö tticuarö pä'ö.

Gálatas 3:13

Cristomä hueähuä huȩnȩ tä̧bo̧cuä̧ ja̧ji̧ jȩpö̧ icuinä̧u̧jä̧. Chutä Cristo ujuturu rettö pä'ö hueähuä huȩnȩ tä̧bo̧cuä̧ ja̧ji̧ päi'önä 'corupä'i'inö. Huȩyu̧cuä̧ Huȩnȩ päa'a: “O'ca toi'önä daunä pȩ'o̧pö̧ ttu̧ju̧nä̧u̧ 'corujuo'ächätömä suropätö.”

Hebreos 12:2

Jesús, ujutu tesetäcuru, ujuturu aditö icuru, adiunätä to̧tä̧rä̧tu̧cua̧ja̧. Jesús dau isodänä kä̧nö̧ 'corupäi'omenä, ja̧'hua̧nö̧ 'corupä'i'ö ödäpecua pä'ö amöcuädoca'a ubara ttu'inödo. Chutä huo̧jui̧nö̧do ja̧'hua̧nö̧ ubara ttudu o'ca'a chȩsȩhuä̧cua̧sä̧ pä'ö. Ja̧'hua̧ta̧nö̧ Dios ö̧'o̧mȩ u̧huo̧jua̧'a̧nä̧ pä̧mä̧di̧nö̧do.