San Juan 17:6 - TÄ̧DO Ä̧CUÄ̧ I̧HUȨNȨ

⁶ “Pi̧jä̧ttö̧ ttörö iyö huecuhuinä̧u̧ru̧, ucurutä ttu̧huo̧jua̧ pä'ö huo̧juȩtö̧ ji'ähuinösä. Jahuätömä ucutä cui̧tti̧mö̧ huotö pi̧nä̧tö̧. Ja̧'hua̧ ja̧'a̧ ttörö iyö huecuhuinä̧u̧. Jahuätö cui̧huȩnȩ päö ta'anö jȩpi̧nä̧tö̧.

Nuevo Testamento Uwotjüja

⁶ Pi̧jä̧ttü̧, ttürü pojopü kuiyinä̧u̧ru̧mä̧, uku kutü'kü ttu̧wo̧jui̧pü̧nä̧ jȩpi̧nü̧sä̧. Uku kuȩmi̧nä̧u̧ ja̧'a̧ttü̧, ttürü'i̧nä̧ iyinü̧jä̧ ja̧'wa̧nü̧ ja̧'a̧ttü̧ kui̧wȩnȩ wekumä̧ esetinä̧tü̧.

San Juan 17:6 Iomraidhean Croise

San Juan 1:18

Diosrö topinömä, yoröisotä toa'a. Ja̧'hua̧nö̧ ja̧'a̧nä̧ chutä I̧tti̧, chu ä̧cua̧tä̧, Jä'ocu tö'cö kö̧tä̧, ujuturu huo̧juȩtö̧ Dios ö̧jö̧ huȩnȩ.

San Juan 12:28

Chä'o, ucu cui̧mi̧nä̧ ttesehuäcua'a̧nö̧, —pä'inödo Jesús. Ja̧u̧nu̧ o'ca'a mo̧ro̧jä̧ra̧'a̧ttö̧ ya̧tȩ i̧huȩnȩ ucuocua'a ä̧ju̧cui̧nä̧tö̧do. Ja̧u̧ huȩnȩ päina'ado: —Täcö ttö chi̧mi̧nä̧ ttesehuäcuähua pä'ö jȩpi̧nö̧sä̧. Ja̧'hua̧ta̧nö̧ pä'äji ta'anö ttö chi̧mi̧nä̧ ttesehuäcuähua pä'ö jȩchä̧cua̧sä̧.

San Juan 15:19

Ucutu pi̧jä̧ ttö̧ja̧ jȩttö̧'a̧nö̧ jȩcu̧'ä̧tu̧cu̧ttu̧mä̧, ucuturu repe'ajatö jitörötä ttamönä repettö'a̧nö̧. Ja̧'hua̧nö̧ ja̧'a̧nä̧ jahuätöttö o'ipinösä ucuturu. Ja̧'hua̧nö̧ ja̧'a̧ttö̧ ucutu pi̧jä̧ ttö̧ja̧ cu'ätucuoca'attö, ucuturu kö'cocotö.

San Juan 15:3

Ucuturu chu̧huo̧juȩti̧nö̧ cuesetätucua'attö, adiunä ka̧cuä̧tö̧jä̧ jitämä.

San Juan 15:7

“Ttörö todeunä cu̧ja̧cuä̧tu̧cuo̧mȩnä̧, chu̧huo̧juȩti̧nö̧ cunichi'ätucu juiyöttömä, ucuturu pä̧huä̧ rö̧jö̧ jäcuhue'ätucuomenä, Chä'o i̧yä̧cua̧ ucuturu.

San Juan 17:12

Ttömä jahuätöcu pi̧jä̧nä̧ chö̧jomȩnä̧, cujurunä tta̧'ä̧ri̧nö̧sä̧, suronä 'cuäopö juiya pä'ö ttörö cuiyinä̧u̧ru̧. Jahuätöttö Huȩyu̧cuä̧ Huȩnȩ päö'a̧nö̧ 'cuäopa pä'ö, ya̧tȩtä̧ ihueye suropinötä to'ei'inö, korotöttö ya̧tȩ'i̧nä̧ toei'oca'a tta̧'ä̧ri̧nö̧sä̧.

San Juan 17:14

Ucu huecuhuinö huȩnȩ jahuätörö ji'ähuinösä. Ja̧'hua̧nö̧ ja̧'a̧nä̧ pi̧jä̧ ttö̧ja̧ jahuätörö kö'cocotö. Ttö pi̧jä̧ ttö̧ja̧ i̧sa̧cö̧sä̧. Jahuätö'inä ttö ta'anö pi̧jä̧ ttö̧ja̧ huocotö.

San Juan 17:16

Ttö pi̧jä̧ ttö̧ja̧ i̧sa̧cö̧sä̧. Jahuätö'inä ttö ta'anö pi̧jä̧ ttö̧ja̧ huocotö.

San Juan 17:2

Ucumä Cui̧tti̧rö̧ hue'inöjä pi̧jä̧ ttö̧ja̧ttö̧'i̧nä̧ abonänö ujuruhua pä'ö, kä̧cuä̧huä̧ i'co iyäcua'a̧nö̧ ja̧u̧ru̧ cuiyinä̧u̧ru̧.

San Juan 17:24

“Chä'o, ttörö cuiyinä̧u̧. Ttö chö̧jo̧mȩ'í̧nä̧ ttö̧ja̧cua̧ pä'ösä, chöadihuä, ttörö cuiyinömä, totta pä'ö. Pi̧jä̧ juiyäi'inä ttörö repe'inöjä.

San Juan 17:26

Ucuru ttu̧huo̧jua̧ pä'ö ji'ähuinösä. Ji̧nä̧ juhua'a yabonö ji̧dä̧huä̧cua̧sä̧ ttörö repecu ta'anö, jahuätörö'inä repecuhua pä'ö. Ja̧'hua̧ta̧nö̧ jahuätöcu chö̧jä̧cua̧'a̧nö̧ ji̧dä̧huä̧cua̧sä̧, —pä'ö ucuocuinödo Jesús Jä'o Diosrö.

San Juan 17:7

Jitämä o'ca juiyönä ttörö cuiyinömä, ucuttu räopa'a huo̧juä̧tö̧.

San Juan 18:9

Jesús ja̧'hua̧nö̧ pä'inödo, chutä päinö ta'anö 'cuäopa pä'ö. Chutä pä'inödo: “Chä'o ttörö iyinä̧u̧ttu̧mä̧, ya̧tȩ'i̧nä̧ toei'ocö pi̧nö̧.”

San Juan 6:37

O'ca toi'önä Chä'o ttörö i̧yä̧u̧mä̧, ttörötä ichätö. Ja̧'hua̧ta̧nö̧ ttörö ichätörömä, yoröiso ya'opö icuocösä.

San Juan 6:39

Chä'o, ttörö hue'inömä, pä̧huä̧ rö̧jä̧cu̧ o'ca toi'önärö, ttörö iyinä̧u̧ru̧, röji mo̧ro̧ päi'omenä ttodäda pä'ö, ya̧tȩ'i̧nä̧ ire'tehuächö juiyönä.

San Juan 8:51

Iso päi'önä pä'ösä ucuturu, ttö jidäu esetömä, yoröiso hua'ö icuocö jä̧cua̧.

San Juan 8:52

Ja̧'hua̧ ja̧'a̧ttö̧ judíos ttö̧ja̧ ädätinätödo: —Jitämä iso päi'önä espíritu su̧ro̧pa̧rö̧ ku̧nä̧rö̧jä̧ huo̧juä̧tö̧jä̧. Abraham'inä, o'ca toi'önä Dios i̧huȩnȩ jiäcuähuä isotö'inä hua'ö icuinätödo. Ucutä pä'öjä: “Ttö jidäu esetömä, yoröiso hua'ö icuocö jä̧cua̧do.”

Hechos 13:48

Judíos huocotömä, Pablocu, Bernabécu jittähua'a ä̧ju̧cu̧, esehuinätödo. —Tu̧ru̧hua̧ i̧hu̧ȩnȩ iso päi'önä adihuä huȩnȩ, —pä'inätödo. Dios ȩmi̧nä̧u̧mä̧ kä̧cuä̧huä̧ i'co ttu̧ju̧nä̧ra̧ pä'ö esetinätödo.

Romanos 11:2

Dios jaropi'ocö pi̧nö̧ Israel ttö̧ja̧rö̧. Äcuomenä päi'önä jahuätörö ȩmi̧nö̧ umöhuäyotö jö̧nä̧. ¿Unichi'inätöjä tä̧ji̧, Huȩyu̧cuä̧ Huȩnȩ päömä, Dios i̧huȩnȩ jiäcuähuä i̧sa̧ Elíasmä Diosrö ucuocu Israel ttö̧ja̧ jȩtti̧nö̧ huȩnȩ jiähuinömä? Chutä pä'inö:

2 Corintios 4:6

Iso päi'önä ja̧u̧tä̧ Dios i̧tȩa̧u̧mä̧ yo̧ö̧ kä'conä tȩa̧huä̧chi̧'ö̧nä̧ hue'inömä, ujutu tami iso'quinä'inä i̧tȩa̧u̧ iyö, Jesucristo ö'änä Dios öadihuä topö tu̧huo̧juä̧cua̧'a̧nö̧.

Colosenses 3:16

Ja̧'hua̧ta̧nö̧ Cristo i̧huȩnȩ cuami iso'quitucunä suhuädi'önä ka̧cuä̧tu̧cui̧. Ja̧u̧ huo̧jui̧cuä̧nä̧ huo̧juȩtö̧ ppä'ädätucui korotörö. Diosrö chutä adihuä i̧huȩnȩ ra̧huä̧huä̧, cuami iso'quitucunä eseunu ra̧'ä̧tu̧cui̧.

2 Timoteo 1:13

Ucuru adiu huo̧juȩcuä̧ jidähuinömä, 'cuäopönä amöcuädö kä̧hui̧. Cristo Jesúsru adiu esetö, cuahuaruhuärö repe'ö kä̧hui̧.

Hebreos 2:12

Huȩyu̧cuä̧ Huȩnȩ päa'a: Ucuru ji̧dä̧huä̧cua̧sä̧ chö̧jä̧hua̧tö̧rö̧. Ucuru esetätöcu eseunu ra̧dä̧cua̧sä̧ ucuru.

Hebreos 3:6

Ja̧'hua̧nö̧ ja̧'a̧nä̧ ya̧tȩ i̧tti̧ ahuaruhuärö adiu jȩö̧'a̧nö̧, adiu jȩpö̧ Cristomä Dios i̧tti̧mö̧rö̧. Adiunä röji mo̧ro̧ päi'ome jubö cä'ädö, eseunu tami 'qui'ächi'önö churutä tta̧tä̧rö̧ttö̧mä̧, Dios i̧tti̧mö̧ päti'äcuotöjä.

1 Pedro 1:1

Ttötäsä Pedro, Jesucristo huȩ'ä̧hua̧sä̧. Ponto rȩjȩnä̧'i̧nä̧, Galacia rȩjȩnä̧'i̧nä̧, Capadocia rȩjȩnä̧'i̧nä̧, Asia rȩjȩnä̧'i̧nä̧, Bitinia rȩjȩnä̧'i̧nä̧ ka̧cuä̧tö̧rö̧, jitötä tti̧rȩjä̧ttö̧ dö'ecuächinätörö, huȩyu̧tu̧ hue'ösä pi̧yȩ cuyäru.

1 Juan 5:20

Ujutu huo̧juä̧tö̧jä̧ Dios I̧tti̧ ichinö. Huo̧juä̧tö̧jä̧ ujuturu huo̧juȩti̧nö̧ Dios iso päi'önä kö̧rö̧ tu̧huo̧juä̧chi̧'ö̧nä̧. Iso päi'önä kö̧cu̧ ka̧cuä̧tö̧jä̧ ujutumä, I̧tti̧ Jesucristocu tö̧ja̧'a̧ttö̧. Ja̧'hua̧nö̧ ja̧'a̧ iso päi'önä Dios ja̧u̧tä̧ ja̧'a̧do. Ja̧u̧tä̧ kä̧cuä̧huä̧ i'co ja̧'a̧do.

Apocalipsis 2:13

O'ca juiyönä jȩcu̧'u̧ huo̧jua̧sä̧. Satanás ö̧jo̧mȩ cu̧ja̧'a̧ huo̧jua̧sä̧. Ja̧'hua̧ta̧nö̧ ja̧'a̧nä̧ adiunätä cue'ächöjä ttörö esetö huo̧jua̧sä̧. Ttörö yoröiso jaropi'ocöjä. Ttö chi̧huȩnȩ jiäcuähuä i̧sa̧ Antipasrö, Satanás ö̧jo̧mȩttö̧, ucutu cu̧'quȩtȩtu̧cu̧nä̧ ö̧jo̧mȩnä̧, cuä'ö tticuinö pä̧nä̧'i̧nä̧ jaropi'ocö pi̧nö̧jä̧.

Apocalipsis 3:10

Ttö huedinö ta'anö cuami 'qui'ächi'inöjä. Ja̧'hua̧nö̧ ja̧'a̧ttö̧ ucuru'inä, pi̧jä̧nä̧ pa̧ja̧cu̧nä̧ surojö 'cuäopomenä, ucuru ppä'ädö tta̧dä̧rä̧cua̧sä̧. Ja̧u̧ surojömä ichäcua'a pi̧jä̧nä̧ ka̧cuä̧tö̧rö̧ ka̧cuä̧mö̧.

Apocalipsis 3:8

Ja̧'hua̧nö̧ hua̧mä̧ pa̧'a̧nö̧ pä'ö: O'ca juiyönä jȩcu̧'u̧mä̧ huo̧jua̧sä̧. Ucu cuä'ca jo̧mȩttö̧ äpate ba'epö chiyäcu korotö yoröiso mö̧ttȩpo̧cate. Iso päi'önä rö̧ȩnä̧ cujuruhuoca'anä, ttö chi̧huȩnȩ ä̧ju̧cu̧ jȩpi̧nö̧jä̧. Ttörömä ä̧ppö̧tä̧ro̧cö̧jä̧.