San Juan 17:4 - TÄ̧DO Ä̧CUÄ̧ I̧HUȨNȨ

⁴ “Pi̧jä̧nä̧ kä̧nö̧ ucurutä eseunu ucuocu jȩpä̧'i̧jö̧sä̧. Jȩcha̧ pä'ö huecuhuinömä cä'ädösä jitämä.

Nuevo Testamento Uwotjüja

⁴ Ttümä̧, pi̧jä̧ttü̧mä̧ kukuo jäwä i̧jȩpi̧nü̧sä̧; Täkü kä'ädäjisä chadita pä'ü wekuinü̧mä̧.

San Juan 17:4 Iomraidhean Croise

San Lucas 22:37

Ucuturu pä'ösä, Huȩyu̧cuä̧ Huȩnȩ ttörö päö'a̧nö̧ 'cuäopäcua'a. Ja̧u̧ huȩnȩ päa'a: “Ttö̧ja̧ pä'inätö, ¿ja̧u̧'i̧nä̧ suronä jȩpi̧nö̧ tä̧ji̧?” Iso päi'önä o'ca juiyönä ttörö Huȩyu̧cuä̧ Huȩnȩ päö'a̧nö̧ 'cuäopäcua'a.

San Juan 12:28

Chä'o, ucu cui̧mi̧nä̧ ttesehuäcua'a̧nö̧, —pä'inödo Jesús. Ja̧u̧nu̧ o'ca'a mo̧ro̧jä̧ra̧'a̧ttö̧ ya̧tȩ i̧huȩnȩ ucuocua'a ä̧ju̧cui̧nä̧tö̧do. Ja̧u̧ huȩnȩ päina'ado: —Täcö ttö chi̧mi̧nä̧ ttesehuäcuähua pä'ö jȩpi̧nö̧sä̧. Ja̧'hua̧ta̧nö̧ pä'äji ta'anö ttö chi̧mi̧nä̧ ttesehuäcuähua pä'ö jȩchä̧cua̧sä̧.

San Juan 14:13

O'ca juiyönä chi̧mi̧nä̧ jäcuhue'ätucumä iyösä, I̧tti̧ Jä'o öadihuä i̧jȩpä̧cua̧'a̧nö̧.

San Juan 15:10

Chä'o hueömä jȩcha̧'a̧ttö̧ ttörö repeö'a̧nö̧, ttö huedömä jȩcu̧'ä̧tu̧cu̧ttu̧mä̧, ucuturu rȩpȩdä̧cua̧sä̧.

San Juan 19:28

Ja̧u̧nu̧ o'ca'a täcö o'ca juiyönä 'cuäopäja'a huo̧jui̧nö̧do Jesús. Ja̧'hua̧ ja̧'a̧ttö̧ Huȩyu̧cuä̧ Huȩnȩ 'cuäopa pä'ö Jesús pä'inödo: —Chahua a̧di̧ rö̧jä̧chi̧'ä̧cu̧sä̧.

San Juan 19:30

Jesús ja̧u̧ vino a̧'toya ahuäji'ca̧, pä'inödo: —Täcö o'ca juiyönä 'cuäopäja'a. Ja̧'hua̧nö̧ pä'ö, 'corupäi'omenä, rȩjȩcu̧ päi'önä topö 'corupä'i'inödo.

San Juan 4:34

Jesús jahuätörö pä'inödo: —Ttörö hue'inörö pä̧huä̧ rö̧jö̧tä̧ jȩcho̧mȩnä̧, ja̧u̧tä̧ ttö chu̧cuȩmä̧. Chutä aditähuä'inä cädädomenä, ja̧u̧tä̧ ttö chu̧cuȩmä̧.

San Juan 5:36

Koro Juan jiähuinöttö'inä abonänö adihuä juäi ku̧nä̧rö̧sä̧, ttörö cuesetätucua pä'ö. O'ca juiyönä jȩchö̧mä̧, Chä'o hueinäcusä ja̧u̧ jȩcha̧ pä'ö. Ja̧u̧ juäi topö cu̧huo̧juä̧tu̧cuä̧cua̧'a̧nö̧ Chä'o hueinäcusä.

San Juan 9:3

Jesús jahuätörö pä'inödo: —Chutä'inä, jä'o'inä, ja̧ju̧'i̧nä̧ suronä jȩpo̧co̧tö̧ pi̧nä̧tö̧do. Pi̧jä̧ ttö̧ja̧ Dios ujuru tottäcua'a̧nö̧ ja̧'hua̧nö̧ uhuäpächinödo.

Hechos 20:24

Ja̧'hua̧nö̧ ja̧'a̧nä̧'i̧nä̧ 'corupädi'öttömä, huäinä ja̧'a̧. Pi̧yȩtä̧ pä̧huä̧ rö̧jä̧cu̧sä̧. Eseunu jo̧mȩ päi'önä cädäda pä'ösä chaditähuä, Tu̧ru̧hua̧ Jesús chadita pä'ö hueinömä. Tu̧ru̧hua̧ Jesús hueinäcusä adihuä huȩnȩ, Dios ppädäcuähuä huȩnȩ, jidähua pä'ö.

2 Timoteo 4:7

Ttö adiu rohuähuinösä surojöcu. Ttö adiu jȩpi̧nö̧sä̧ o'ca juiyönä Dios hueinö. Ttö adiu esetinösä.