San Juan 17:2 - TÄ̧DO Ä̧CUÄ̧ I̧HUȨNȨ

² Ucumä Cui̧tti̧rö̧ hue'inöjä pi̧jä̧ ttö̧ja̧ttö̧'i̧nä̧ abonänö ujuruhua pä'ö, kä̧cuä̧huä̧ i'co iyäcua'a̧nö̧ ja̧u̧ru̧ cuiyinä̧u̧ru̧.

Nuevo Testamento Uwotjüja

² Isopäi'ünä̧ uku kui̧tti̧rü̧mä̧, pi̧jä̧ ttü̧ja̧ ttu̧wä̧mȩnä̧ jü̧nä̧ ujuru iyinü̧jä̧, o'katoi'ünä̧ uku kuiyinä̧u̧ru̧ kkä̧kuä̧wä̧ i'ko chiya pä'ü.

San Juan 17:2 Iomraidhean Croise

San Mateo 11:27

“Chä'omä o'ca juiyönä iyinäcusä. Yoröiso ya̧tȩ'i̧nä̧ jȩru̧pa̧ Dios I̧tti̧rö̧mä̧. Chä'otä I̧tti̧rö̧ huo̧jua̧. Ja̧'hua̧ta̧nö̧ yoröiso jerupätö Chä'orömä. Ttötä I̧tti̧tä̧ huo̧jua̧sä̧. Ja̧'hua̧ta̧nö̧ chutä I̧tti̧rö̧ pä̧huä̧ rö̧jä̧u̧cu̧tä̧ ttu̧huo̧juä̧cu̧.

San Mateo 25:46

Ja̧u̧nu̧ o'ca'a jahuätömä ocurära̧'a̧ beipocarära̧'a̧ tä̧bo̧cuä̧ päi'önä tti̧'chä̧cuo̧tö̧. Korotötä, Diosrö pä̧huä̧ rö̧jo̧mȩnä̧ jȩpä̧tö̧tä̧, kä̧cuä̧huä̧ i'co ttu̧ju̧nä̧rä̧cuo̧tö̧, —pä'inödo Jesús.

San Mateo 28:18

Ja̧'hua̧ ja̧'a̧ Jesús jahuätörö ichi'ö pä'inödo: —Mo̧ro̧jä̧nä̧'i̧nä̧, pi̧jä̧nä̧'i̧nä̧ o'ca juiyönä chujuruhua pä'ö iyinäcusä Diosmä.

San Juan 17:24

“Chä'o, ttörö cuiyinä̧u̧. Ttö chö̧jo̧mȩ'í̧nä̧ ttö̧ja̧cua̧ pä'ösä, chöadihuä, ttörö cuiyinömä, totta pä'ö. Pi̧jä̧ juiyäi'inä ttörö repe'inöjä.

San Juan 17:6

“Pi̧jä̧ttö̧ ttörö iyö huecuhuinä̧u̧ru̧, ucurutä ttu̧huo̧jua̧ pä'ö huo̧juȩtö̧ ji'ähuinösä. Jahuätömä ucutä cui̧tti̧mö̧ huotö pi̧nä̧tö̧. Ja̧'hua̧ ja̧'a̧ ttörö iyö huecuhuinä̧u̧. Jahuätö cui̧huȩnȩ päö ta'anö jȩpi̧nä̧tö̧.

San Juan 17:9

“Jahuätörö jä'epö ucuocusä ucuru. Pi̧jä̧ ttö̧ja̧rö̧ jä'epö ucuocuocösä. Ucutä cui̧tti̧mö̧rö̧tä̧, ttörö cuiyinä̧u̧ru̧tä̧, jä'epö ucuocusä.

San Juan 3:35

Chutä Jä'omä, I̧tti̧rö̧ repe'ödo. Ja̧'hua̧ta̧nö̧ o'ca juiyönä huea pä'ö hueinäcudo.

San Juan 4:14

Ja̧'hua̧nö̧ ja̧'a̧nä̧ ajiya ttötä chiyomettö ahuätömä, yoröiso a̧di̧ rö̧jo̧co̧u̧ ttäcuotö. Ttötä ajiya chiyömä, aje i̧sä̧rä̧ ta'anö juoächäcua'a ami iso'quinä. Ttö chiyömä aumä, kä̧cuä̧huä̧ i'co u̧ju̧nä̧rä̧cua̧.

San Juan 6:27

Cuäcuähuä surojuoächä̧cuȩmä̧ a̧mö̧cuä̧rö̧, cuaditätucuä'. Yoröiso surojuoächocömä, kä̧cuä̧huä̧ i'co iyötä, a̧mö̧cuä̧rö̧ aditätucui. Ja̧u̧tä̧ juäi, ttötä, Ubo I̧tti̧mä̧ iyösä ucuturu, Chä'o Dios ttörö ja̧'hua̧nö̧ hueina'attö.

San Juan 6:37

O'ca toi'önä Chä'o ttörö i̧yä̧u̧mä̧, ttörötä ichätö. Ja̧'hua̧ta̧nö̧ ttörö ichätörömä, yoröiso ya'opö icuocösä.

San Juan 6:39

Chä'o, ttörö hue'inömä, pä̧huä̧ rö̧jä̧cu̧ o'ca toi'önärö, ttörö iyinä̧u̧ru̧, röji mo̧ro̧ päi'omenä ttodäda pä'ö, ya̧tȩ'i̧nä̧ ire'tehuächö juiyönä.

Romanos 6:23

Surojö micuämä, hua'aretä jö̧. Ja̧'hua̧nö̧ ja̧'a̧nä̧ Dios mippoönä iyö kä̧cuä̧huä̧ i'co, Tu̧ru̧hua̧ Cristo Jesúsru tesetomenä.

1 Corintios 15:25

Iso päi'önä o'ca juiyönä aboiyotörö, ö̧jä̧pö̧ dȩa̧'a̧nä̧ ötome jubö päi'önä, huȩä̧cua̧ Cristomä.

Filipenses 2:10

Ja̧'hua̧nö̧ ja̧'a̧nä̧ ja̧u̧ i̧mi̧, Jesús i̧mi̧ ä̧ju̧cu̧, o'ca toi'önä mo̧ro̧jä̧nä̧ ka̧cuä̧tö̧'i̧nä̧, pi̧jä̧nä̧ ka̧cuä̧tö̧'i̧nä̧, pi̧jä̧ dȩa̧'a̧nä̧ ka̧cuä̧tö̧'i̧nä̧ ttihue'quiyunä ttö̧jä̧mä̧dä̧cuo̧tö̧.

1 Timoteo 1:16

Ja̧'hua̧nö̧ ja̧'a̧nä̧'i̧nä̧ Dios re rö̧jö̧nä̧ topinö ttörö. Dios ttö suronä jȩchö̧ jȩpö̧ icuinö, o'ca toi'önä ttu̧huo̧jua̧ pä'ö Jesucristo ami 'qui'ächi'ö topö suronä jȩpä̧tö̧rö̧. Dios ttörö ja̧'hua̧nö̧ jȩpi̧nö̧, korotö'inä ttö ta'anö kä̧cuä̧huä̧ i'co ttu̧ju̧nä̧ra̧ pä'ö ttesetomenä.

Hebreos 1:2

Ja̧u̧nu̧ o'ca'a, jitämä I̧tti̧rö̧tä̧ ucuocuinödo ujuturu. Ja̧'hua̧ta̧nö̧ chutä I̧tti̧, Jä'o ujurunä aditinödo pi̧jä̧ o'ca juiyönä. Ja̧'hua̧ta̧nö̧ Dios o'ca juiyönä ku̧ni̧pi̧nö̧do ja̧u̧ru̧, I̧tti̧rö̧.

1 Pedro 3:22

Chutä Jesucristo mo̧ro̧jä̧ra̧'a̧ cä'ecuächinö. Jitämä Dios u̧huo̧jua̧'a̧nä̧ kö̧do. Ja̧'hua̧ta̧nö̧ o'ca toi'önä ángeles'inä, hue'ähuotö'inä Ttu̧ru̧hua̧ päi'önä kö̧do Jesucristomä.

1 Juan 1:2

Ja̧u̧ kä̧cuä̧huä̧ i'co ji̧nö̧ ujuturu i̧jȩcua̧'a̧ topinätöjä. Jitämä ucuturu'inä ji'ähuätöjä ja̧u̧ kä̧cuä̧huä̧ i'co ji̧nö̧mä̧, Tä'o Dios ö̧jo̧mȩ ka̧cui̧nö̧ ujuturu i̧jȩcui̧nö̧mä̧.

1 Juan 2:25

Jesucristo ujuturu iya pä'inö kä̧cuä̧huä̧ i'co.

1 Juan 5:20

Ujutu huo̧juä̧tö̧jä̧ Dios I̧tti̧ ichinö. Huo̧juä̧tö̧jä̧ ujuturu huo̧juȩti̧nö̧ Dios iso päi'önä kö̧rö̧ tu̧huo̧juä̧chi̧'ö̧nä̧. Iso päi'önä kö̧cu̧ ka̧cuä̧tö̧jä̧ ujutumä, I̧tti̧ Jesucristocu tö̧ja̧'a̧ttö̧. Ja̧'hua̧nö̧ ja̧'a̧ iso päi'önä Dios ja̧u̧tä̧ ja̧'a̧do. Ja̧u̧tä̧ kä̧cuä̧huä̧ i'co ja̧'a̧do.

Judas 1:21

Dios ucuturu repeönä ka̧cuä̧tu̧cui̧. Esetö tta̧'ä̧rä̧cuä̧huä̧tu̧cui̧, Tu̧ru̧hua̧ Jesucristo ucuturu re rö̧jö̧nä̧ topö, kä̧cuä̧huä̧ i'co iyome jubö päi'önä.