San Juan 15:5 - TÄ̧DO Ä̧CUÄ̧ I̧HUȨNȨ

⁵ “Ttömä kada'ca hua̧sä̧. Ucutumä ä̧na̧jui̧yä̧ huotöjä. Ttörö todeunä cue'ächömä, ttö'inä ja̧u̧ru̧ todeunä chö̧ja̧'a̧ttö̧, rö̧ȩnä̧ u̧huä̧ju̧ u̧ju̧nä̧rä̧cua̧. Ucutumä ttörö toönä yoröiso jȩpo̧co̧tö̧jä̧.

Nuevo Testamento Uwotjüja

⁵ Ttütäsä, uwa daumä̧, ukutumä̧ ä̧na̧jui̧yä̧jä̧. Ttünä̧ kkü̧mä̧ ja̧'wa̧ta̧nü̧ ttü chü̧jä̧ku̧mä̧, jua̧u̧tä̧ ja̧'a̧ u̧wä̧ju̧ rü̧ȩnä̧ wȩjä̧ku̧mä̧; ja̧'wa̧nü̧ ja̧'a̧ttü̧ ttü toünä̧mä̧, yoriso jȩa̧ pä'ümä̧ juiya'a.

San Juan 15:5 Iomraidhean Croise

San Mateo 13:21

Jahuätö ujupo'tiyä juiya'attö, recuo 'quiyönä esetocotö. Dios i̧huȩnȩ tteseta'attö, jahuätörö suronä 'cuäopomenä, jaropi'ätö.

San Juan 12:24

Iso päi'önä pä'ösä ucuturu, ya̧mö̧tȩ rȩjȩ ma̧ä̧cha̧'a̧ hua'ö icu juiyöttömä, jitetetä ja̧'a̧. Ja̧'hua̧nö̧ ja̧'a̧nä̧ ma̧ä̧cha̧'a̧ hua'ö icu bauttumä, rö̧ȩnä̧ öte päi'äcua'a.

San Juan 15:16

Ucutumä ttörö o'ipocotö pi̧nä̧tö̧jä̧. Ttömä ucuturutä o'ipinösä. Ja̧'hua̧ta̧nö̧ ucuturu hue'inösä rö̧ȩnä̧ u̧huä̧ju̧, beipächocö juäittö cu̧ju̧nä̧rä̧tu̧cua̧ pä'ö. Ja̧'hua̧nö̧ cu̧ju̧nä̧rä̧tu̧cu̧ttu̧mä̧, o'ca juiyönä chi̧mi̧nä̧ jäcuhue'ätucumä, Chä'o i̧yä̧cua̧ ucuturu.

San Juan 5:19

Ja̧'hua̧ ja̧'a̧ttö̧ Jesús pä'inödo jahuätörö: —Iso päi'önä pä'ösä ucuturu, Dios I̧tti̧ chutä amönä amöcuädömä, yoröiso jȩpo̧cö̧. Chutä Jä'o jȩö̧ tomenä, ja̧u̧ juäi jȩpö̧ chu'inä. O'ca juiyönä Jä'o jȩö̧mä̧, I̧tti̧'i̧nä̧ ja̧'hua̧ta̧nö̧ jȩpö̧.

San Juan 9:33

Ja̧u̧ ubomä Diosttö ichinö juiyöttömä, ja̧'hua̧nö̧ yoröiso jȩpo̧cö̧ paji, —pä'inödo.

Hechos 4:12

Ka̧ra̧mä̧ toa'a suronä jȩtö̧ jȩpö̧ icumä. Pi̧jä̧ ttö̧ja̧rö̧ iyocö pi̧nö̧ ka̧ra̧ i̧mi̧nä̧, suronä jȩttö̧ jȩpö̧ icua pä'ö, —pä'inödo Pedro.

Romanos 12:5

Ja̧'hua̧ta̧nö̧ ujutu recuätö ta'anä, ji̧nä̧ ji̧yȩtȩ huotöjä Cristonä. Ja̧'hua̧nö̧mä̧ i̧mi̧cu̧nä̧ amöcuädocotöjä.

Romanos 6:22

Ja̧'hua̧nö̧ ja̧'a̧nä̧ surojö hueö jȩä̧cuä̧huä̧ isotöttö räcuhuo'ätucuomenä, Dios hueö jȩä̧cuä̧huä̧ isotö juo'ähuinätöjä. Ja̧u̧tä̧ ucuturu adiu ppädömä. Diosrö pä̧huä̧ rö̧jö̧nä̧tä̧ ka̧cuä̧tö̧jä̧. Kä̧cuä̧huä̧ i'co'inä röjinä cuȩmä̧cuo̧tö̧jä̧.

Romanos 7:4

Ja̧'hua̧ta̧nö̧ ttö chö̧jä̧hua̧tö̧, ucutu'inä Jesucristorö esetätömä, hueähuä huȩnȩttö̧mä̧ hua'ö icuinätöjä, ka̧ra̧ hue'ähuotö cu'ätucua pä'ö. Jitä Cristo, Dios hua'arettö ttoädinäcu umöhuäyotöjä. Dios ja̧u̧ru̧ ja̧'hua̧nö̧ tto'ädinö, ujutu Dios ä'ca jo̧mȩttö̧ adiu tö̧ja̧cua̧ pä'ö.

1 Corintios 10:16

Ja̧'hua̧ta̧nö̧ Santa Cena jȩpö̧, Diosrö ucuocu isoya tahuomenä, pä'ätöjä: “Pi̧yȩmä̧ Cristo ucuoja päi'a'a ahuätöjä.” Ja̧'hua̧ta̧nö̧ i̧ri̧si̧'i̧nä̧ tucuomenä, pä'ätöjä: “Pi̧yȩmä̧ Cristo jä̧ttä̧pä̧ya̧ päi'a'a cuätöjä.”

1 Corintios 12:12

Ujutu jättäpäyotömä rö̧ȩnä̧ ku̧nä̧rä̧tö̧jä̧. Ja̧'hua̧nö̧ ja̧'a̧nä̧ o'ca juiyönä ujutu jättäpäyotömä ya̧tȩtä̧ pä'i'ätöjä. Ja̧'hua̧ta̧nö̧ hua̧do Cristomä. Ujutumä o'ca toi'önä ji̧nä̧ yo̧mȩtȩ chutä jä̧ttä̧pä̧ya̧ pä'i'ätöjä.

1 Corintios 12:27

Ja̧'hua̧ ja̧'a̧ ucutumä o'ca toi'önä ji̧nä̧ yo̧mȩtȩ Cristo jä̧ttä̧pä̧ya̧ huotöjä. Ja̧'hua̧ta̧nö̧ ka̧ra̧'i̧nä̧, ka̧ra̧'i̧nä̧ aditö, Cristo jä̧ttä̧pä̧ya̧ hua̧ ja̧'a̧nä̧.

2 Corintios 13:8

Ujutumä iso päi'önä huȩnȩ päö'a̧nö̧ jȩpä̧tö̧jä̧. Yoröiso päocö'a̧nö̧mä̧ jȩpo̧co̧tö̧jä̧.

2 Corintios 9:10

Diosmä ku̧nä̧huä̧ ru̧hua̧rö̧ jacuä jähuä u̧ju̧na̧ pä'ö iyö. Ja̧'hua̧ta̧nö̧ cuäcuähuä iyö, ucua pä'ö. Ucuturu'inä i̧yä̧cua̧ adihuä juäi cu̧ju̧nä̧tu̧cua̧ pä'ö. Ja̧u̧nu̧ o'ca'a, cu̧ju̧nä̧tu̧cu̧ o'ca'a, rö̧ȩnä̧ adihuä juäi cuȩmä̧tu̧cua̧ pä'ö i̧yä̧cua̧.

Gálatas 5:22

Ja̧'hua̧nö̧ ja̧'a̧nä̧ Espíritu Santo ujuturu iyömä repeäcuähuä, eseäcuähuä, tami iso'quinä eseäcuähuä, ta̧'cua̧ pö̧nö̧ jö̧, korotörö adiu ppädäcuähuä, ucuotäcuähuä, o'ca juiyönä yaparehuäcuähuä juiyönä jȩä̧cuä̧huä̧.

Efesios 5:9

Tȩa̧u̧nä̧ ka̧cuä̧tö̧mä̧, adiunätä jȩpä̧tö̧ o'ca toi'önärö. Ja̧'hua̧ta̧nö̧ iso päi'önä huȩnȩ jȩpö̧, tta̧'cua̧ pö̧nö̧ ka̧cuä̧tö̧.

Filipenses 1:11

Ja̧'hua̧nö̧ cu̧ja̧cuä̧tu̧cuo̧mȩnä̧, Jesucristo ppä̧dä̧cua̧ ucuturu adiutä jȩcu̧'ä̧tu̧cua̧ pä'ö, o'ca toi'önä Diosrö eseunu ttucuotarö pä'ö.

Filipenses 4:13

Iso päi'önä Cristo ttörö ppäda'attö, o'ca juiyönä ttörö 'cuäopä̧cuȩ chu̧juru̧huä̧cua̧sä̧.

Filipenses 4:17

Ja̧'hua̧nö̧ pädomenä, pä'äji ta'anö huecuhuätucua pä'ö amöcuädocösä. Iso päi'önä huecuhuätucuomenä, Diosrö eseusä, Dios ä'ca jo̧mȩttö̧ adihuä juäi jȩpä̧tö̧jä̧ pä'ö.

Colosenses 1:10

Ja̧'hua̧ta̧nö̧ 'cuäopönä Tu̧ru̧hua̧rö̧ pä̧huä̧ rö̧jö̧nä̧ eseunu cu̧ja̧cuä̧tu̧cua̧ pä'ö jä'epätöjä. Ja̧'hua̧ta̧nö̧ korotörö ppä'ädö, adihuä juäi jȩcu̧'ä̧tu̧cuä̧cua̧'a̧nö̧. Diosrö rö̧ä̧chi̧'ö̧nä̧ cu̧huo̧juä̧tu̧cua̧ pä'ätöjä.

Colosenses 1:6

Ja̧u̧ huȩnȩ, cuä̧ju̧cui̧nä̧tu̧cu̧ huȩnȩ, pi̧jä̧nä̧ o'ca juiyönä rö̧ä̧cha̧'a̧. Ja̧'hua̧ta̧nö̧ ucutu äcuomenä Dios i̧huȩnȩ, iso päi'önä repeähuä huȩnȩ, ä̧ju̧cu̧ jȩcu̧'i̧nä̧tu̧cu̧ ta'anö, pärocuätä amöcuädö jȩpä̧tö̧ korotö'inä.

Santiago 1:17

O'ca juiyönä adiumä ttö̧ä̧nä̧huo̧mȩttö̧ icha'ado. Diosttö kä̧hua̧tö̧rö̧'i̧nä̧, si̧ri̧'cö̧rö̧'i̧nä̧ aditinöttö icha'ado. Diosmä yoröiso pärou icuocö. Tti jo̧mȩ pärohue'ö kö̧'a̧nö̧, pärohuocö Diosmä.

1 Pedro 2:4

Tö'cöpächätucui Tu̧ru̧hua̧rö̧, inähuä hua'ö icuocohuä jä̧'i̧nö̧'a̧nö̧ hua̧rö̧. Pi̧jä̧ ttö̧ja̧ ttöjö'cocö ji̧nö̧. Ja̧'hua̧nö̧ ja̧'a̧nä̧'i̧nä̧ Dios öjö'ca'attö, rö̧ȩnä̧ micuähuähuä.

2 Pedro 3:18

Tu̧ru̧hua̧ Jesucristorö juhua'a yabonö adiunä huo̧jui̧pä̧tu̧cui̧. Ja̧'hua̧ta̧nö̧ juhua'a yabonö esehuätucui Tu̧ru̧hua̧rö̧. Jitä'inä, yodoji'inä tesehuäcuähuätucuaja ja̧u̧ru̧tä̧ 'cuäopönä. Amén.