San Juan 15:25 - TÄ̧DO Ä̧CUÄ̧ I̧HUȨNȨ

²⁵ Jitörötä hueähuä huȩnȩ päö'a̧nö̧ 'cuäopa pä'ö, ja̧'hua̧nö̧ jȩpä̧tö̧. Ja̧u̧ huȩnȩ päa'a: “Jȩcho̧ca̧'a̧nä̧, ttörö yoröiso kö'cocotö”, päa'a.

Nuevo Testamento Uwotjüja

²⁵ Ja̧'wa̧nü̧ ja̧'a̧nä̧, pi̧yȩmä̧, jitütä jäwä weäwä wȩnȩnä̧ wȩyu̧kua̧'a̧, pä'ijüta'a̧nü̧ 'kuäopa'a: «kkorojueimä̧ jȩcho̧ka̧'a̧nä̧, tta̧mi̧ suru tottinä̧ku̧sä̧» pä'ijomȩ.

San Juan 15:25 Iomraidhean Croise

San Mateo 10:8

Lepra ttöttahuiyä märichei na̧'ä̧chä̧tö̧rö̧'i̧nä̧, koro juäi na̧'ä̧chä̧tö̧rö̧'i̧nä̧ aditö icuätucui. 'Corupä'i'ätörö'inä tto'ädätucui. Espíritus suropätörö'inä rä'epö icuätucui. Ucutu ja̧u̧ ujurumä micuä juiyönä cuȩmä̧jä̧tu̧cu̧ ta'anö, korotörö'inä ja̧u̧ ujurunä micuä juiyönä ppä'ädätucui.

San Lucas 24:44

Ja̧u̧nu̧ o'ca'a jahuätörö pä'inödo: —Ttörö 'cuäopäjimä, ucutucu ji̧nä̧ kä̧nö̧, ji'ähuinösä. O'ca juiyönä Moisés hueähuä huȩnȩ ttörö päö'a̧nö̧'i̧nä̧, Dios i̧huȩnȩ jiäcuähuä isotö ttörö tti̧huȩyu̧ti̧nö̧'a̧nö̧'i̧nä̧, Salmos cuyäru ttörö päö'a̧nö̧'i̧nä̧ 'cuäopäcua'a ji'ähuinösä.

San Juan 10:34

Ja̧'hua̧ ja̧'a̧ Jesús päinä̧u̧do: —Ucutu hueähuä huȩnȩnä̧ Dios päinö huȩyu̧cua̧'a̧. Pa̧'a̧nö̧ päa'a: “Ucutumä pi̧jä̧ttö̧ dioses huotöjä.”

San Juan 13:18

“Ucutu o'ca toi'önärö ji'ähuocösä. Odipinä̧u̧ru̧ huo̧jua̧sä̧ ttömä. Ja̧'hua̧nö̧ ja̧'a̧nä̧ Huȩyu̧cuä̧ Huȩnȩ päö'a̧nö̧ 'cuäopäcua'a pä'ösä. Ja̧u̧ huȩnȩ päa'a: “Ya̧tȩ ttöcu cumä, cha̧bo̧i̧ya̧ pä'i'äji.”

San Juan 19:36

Pi̧yȩ juäi o'ca juiyönä 'cuäopina'ado, Huȩyu̧cuä̧ Huȩnȩ päö ta'anö 'cuäopa pä'ö. Ja̧u̧ Huȩnȩ päa'a: “Yoröiso ihue'ca ji'cate'inä 'te'ädö icuocotö ttäcuotö.”

Romanos 3:19

Ja̧'hua̧nö̧ ja̧'a̧ttö̧ ujutu huo̧juä̧tö̧jä̧, o'ca juiyönä hueähuä huȩnȩ huea'a ja̧u̧ huȩnȩ ä̧ju̧cuä̧tö̧rö̧. Ja̧'hua̧ta̧nö̧ ja̧u̧ hueähuä huȩnȩ huea'a “Ttömä Dios hueähuä huȩnȩ jȩru̧pa̧sä̧” pättö juiya pä'ö. Ja̧'hua̧ta̧nö̧ ja̧u̧ hueähuä huȩnȩ i̧jȩpa̧'a̧ Dios o'ca toi'önärö ro̧ȩpä̧cua̧ pä'ö.

Romanos 3:24

Ja̧'hua̧nö̧ ja̧'a̧nä̧ Dios adiu ppädomenä, mippoönä jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö. Ja̧'hua̧nö̧ jȩpö̧, Jesucristo suronä jȩttö̧ jȩpö̧ icuina'attö.

2 Corintios 11:7

Ucuturu ttö̧ja̧ suronä jȩttö̧ jȩpö̧ icu huȩnȩ jidähuomenä, micuä yoröiso jä'epocö pi̧nö̧sä̧. Usurä i̧sa̧ ta'anö ki̧nö̧sä̧, ucutu rö̧ä̧chi̧'ö̧nä̧ cuesetätucua pä'ö. Ja̧'hua̧nö̧ jȩpö̧ kä̧nö̧, ¿suronä jȩpi̧nö̧sä̧ tä̧ji̧?

Gálatas 2:21

Ja̧'hua̧nö̧ ja̧'a̧ttö̧ ttömä chä̧ppö̧tä̧ra̧ pä'ocösä Dios adihuä juäi iyömä. Ya̧tȩ Moisés hueähuä huȩnȩ jȩo̧mȩnä̧, Dios ȩma̧rö̧ pä'ö jö̧ttö̧mä̧, Cristo 'corujuoächinömä yoröiso micuähuocö ja̧ji̧.

2 Tesalonicenses 3:8

Yoröiso mippoönä cuocotö pi̧nä̧tö̧jä̧ ucutu cu̧cuȩtu̧cu̧ttu̧mä̧. Mo̧ro̧'i̧nä̧, yodo'inä aditinätöjä tö̧ja̧cu̧ micuä päi'önä ucututtu mippoönä jätepö juiya pä'ö.

Apocalipsis 21:6

Ja̧u̧nu̧ o'ca'a, ttörö pä'inö: —Täcö 'cuäopa'a. Ttömä ä'canä'inä, röjinä'inä ru̧hua̧sä̧. O'ca juiyönä juiyäi'inä, beipächomenä'inä ru̧hua̧sä̧. Ya̧tȩ a̧di̧ rö̧jö̧ttö̧mä̧, aje i̧sä̧rä̧, kä̧cuä̧huä̧ i'co i̧sä̧rä̧ttö̧, yoröiso micuä juiyönä ahua pä'ö iyösä.

Apocalipsis 22:17

Espíritu Santo'inä, Cordero irecua'inä pä'ätö: —Ichi. Ja̧'hua̧nö̧ pi̧yȩ huȩnȩ ä̧ju̧cu̧mä̧, ja̧u̧'i̧nä̧ päcua'a̧nö̧: —Ichi. Ya̧tȩ a̧di̧ rö̧jä̧cu̧mä̧, churutä pä̧huä̧ rö̧jö̧ttö̧mä̧ huäinä ichö, kä̧cuä̧huä̧ i'co ajiya micuä juiyönä ahua pä'ö.