San Juan 15:2 - TÄ̧DO Ä̧CUÄ̧ I̧HUȨNȨ

² Koro ttöttö ä̧na̧juä̧ u̧huä̧ju̧ juiyömä 'cui'opö icu. Koro u̧huä̧ju̧ ka̧cu̧mä̧ adiunätä aditö tta̧'ä̧rö̧, juhua'a yabonö rö̧ȩnä̧ u̧huä̧ju̧ huȩja̧ pä'ö.

Nuevo Testamento Uwotjüja

² O'kajuiyünä̧, ä̧na̧jui̧yä̧, ttünä̧ u̧wä̧ju̧ wȩjo̧kü̧mä̧, ȩmü̧ i̧kuä̧kuȩ; ja̧'wa̧nü̧ ja̧'a̧nä̧, o'kajuiyünä̧ ji̧yȩ u̧wä̧ju̧ wȩjü̧mä̧, surojü juiyünä̧ aditü u̧ju̧nä̧kuȩ, yabonü̧ u̧wä̧ju̧ wȩja̧ pä'ü.

San Juan 15:2 Iomraidhean Croise

San Mateo 13:12

Ja̧'hua̧ ja̧'a̧ttö̧ ya̧tȩ ku̧nä̧rö̧mä̧, rö̧ȩnä̧nö̧ ȩmä̧cua̧, rö̧ȩnä̧ u̧ju̧nä̧rä̧cua̧'a̧nö̧. Ja̧'hua̧ta̧nö̧ jui̧'a̧mä̧ ji̧'qui̧cha̧nö̧'i̧nä̧ u̧ju̧nä̧ro̧mȩnä̧, yoröisotä to̧ȩi̧'i̧yä̧cua̧ jui̧'a̧tä̧ ö̧jö̧nä̧.

San Mateo 13:33

Koro juäi jä̧'i̧nö̧'a̧nö̧ jö̧ huȩnȩ'i̧nä̧ huo̧juȩti̧nö̧do Jesús. —Dios hueömä pan ppö̧ä̧mö̧ juäi jä̧'i̧nö̧'a̧nö̧ ja̧'a̧. Ja̧u̧ juäi yajute ji̧'qui̧cha̧nö̧tä̧ pan i̧sa̧ppȩnä̧ kȩno̧mȩnä̧, rö̧ȩnä̧ ppö̧ä̧mi̧'a̧'a̧, —huo̧juȩti̧nö̧do.

San Mateo 15:13

Jahuätörö pä'inödo: —O'ca juiyönä daumä Chä'o mo̧ro̧jä̧nä̧ kö̧ u̧ju̧no̧cö̧mä̧, ujupo'tiyä'inä sa'ö i̧cuä̧cua̧.

San Mateo 21:19

Mä̧nä̧ jäyänä topinödo cuäcuähuäi, higuera pä'ö micuäi. Tö'cönänö 'chä̧hui̧'ö̧ tomenä, u̧huä̧ju̧mä̧ juiyina'ado. Ojiyätä ji̧na̧'a̧do. Ja̧'hua̧ ja̧'a̧ Jesús pä'inödo: —Korotö'inä yoröiso ttucuocoijä cu̧huä̧ju̧mä̧. Yotäcu päomenä, juhuäi hua'ö icuina'ado.

San Mateo 25:29

Iso päi'önä rö̧ȩnä̧nö̧ ku̧nä̧rö̧rö̧, jitä ya'ute ttiyarödo, rö̧ȩnä̧ u̧ju̧nä̧rä̧cua̧'a̧nö̧. Ja̧'hua̧nö̧ ja̧'a̧nä̧ jui̧'a̧rö̧ ji̧'qui̧cha̧nö̧tä u̧ju̧nä̧rö̧'i̧nä̧ 'chottipäcuotö.

San Mateo 3:10

I̧da̧pä̧'quȩ täcö jo̧mȩ päi'a'a dauhuiyä ku̧'u̧ icua pä'ö. Ja̧'hua̧ta̧nö̧ o'ca juiyö dauhuiyä adihuä juäi cuäcuähuä huȩjo̧cö̧mä̧, ku̧'u̧ icuipö ku i̧cuä̧cua̧ ocuränä.

San Mateo 3:12

Ja̧'hua̧ta̧nö̧ trigo pättö juäi ppa̧'ȩpö̧ icua pä'ö, jo̧mȩ päi'önä ru'tucä 'chu̧'ä̧rö̧ u̧mö̧nä̧. Trigo ppa̧huȩpö̧mä̧ isodenä hua'adö u̧ju̧nä̧cua̧. O'co'cuamä ocuränä, yoröiso beipocaränä, ku i̧cuä̧cua̧, —pä'inödo Juan.

San Mateo 7:19

O'ca juiyönä dauhuiyä adihuä juäi huȩjo̧cö̧mä̧, ku̧'u̧ icu, ku tticu'a̧nö̧ ja̧'a̧ ocuränä.

San Marcos 4:20

Ja̧'hua̧nö̧ ja̧'a̧nä̧ korotömä Dios i̧huȩnȩ ä̧ju̧cu̧ esetätö. Jahuätö adiu ä̧ju̧cu̧ u̧huä̧ju̧ rö̧ȩnä̧ ku̧nä̧rä̧tö̧, jacuä jähuä rȩjȩ adihuome ma̧ä̧chö̧ huȩja̧'a̧ jä̧'i̧nö̧'a̧nö̧. Korotömä koro jacuä jähuä treinta jo̧mȩnä̧ huȩji̧nö̧ ta'anö huotö. Korotömä sesenta jo̧mȩnä̧ huȩji̧nö̧ ta'anö huotö. Korotömä ya'ute cien jo̧mȩnä̧ huȩji̧nö̧ ta'anö huotö, —pä'inödo Jesús.

San Lucas 8:13

Korotömä, jacuä jähuä inähuänä ma̧ä̧chö̧ jä̧'i̧nö̧'a̧nö̧ huotö. Jahuätömä Dios i̧huȩnȩ ä̧ju̧cu̧, eseunu esetätö. Ja̧'hua̧nö̧ ja̧'a̧nä̧ ujupo'tiyä juiya'attö, a̧'u̧cua̧'a̧tä̧ esetätö. Ja̧'hua̧ ja̧'a̧ttö̧ Dios i̧huȩnȩ tteseta'attö, jahuätörö suronä 'cuäopomenä jaropi'ätö.

San Juan 15:1

Jesús huo̧juȩti̧nö̧do: —Ttö koro dau, adihuä uva dau jä̧'i̧nö̧'a̧nö̧ hua̧sä̧. Chä'omä dau tta̧huä̧rä̧cuä̧huä̧ i̧sa̧ jä̧'i̧nö̧'a̧nö̧ hua̧.

San Juan 15:16

Ucutumä ttörö o'ipocotö pi̧nä̧tö̧jä̧. Ttömä ucuturutä o'ipinösä. Ja̧'hua̧ta̧nö̧ ucuturu hue'inösä rö̧ȩnä̧ u̧huä̧ju̧, beipächocö juäittö cu̧ju̧nä̧rä̧tu̧cua̧ pä'ö. Ja̧'hua̧nö̧ cu̧ju̧nä̧rä̧tu̧cu̧ttu̧mä̧, o'ca juiyönä chi̧mi̧nä̧ jäcuhue'ätucumä, Chä'o i̧yä̧cua̧ ucuturu.

San Juan 15:3

Ucuturu chu̧huo̧juȩti̧nö̧ cuesetätucua'attö, adiunä ka̧cuä̧tö̧jä̧ jitämä.

San Juan 15:6

Koro ä̧na̧jui̧yä̧ do'opö tticu joipö o'ca'a, ca̧ca̧tö̧ ocuränä ku tticua'a jä̧'i̧nö̧'a̧nö̧, 'cuä̧o̧pä̧cua̧ ttörö todeunä ko̧cö̧mä̧.

San Juan 15:8

Ucutu u̧huä̧ju̧ rö̧ȩnä̧ cu̧ju̧nä̧rä̧tu̧cuo̧mȩnä̧, Chä'orö ucuotönö jȩpä̧tö̧jä̧. Ja̧'hua̧nö̧ jȩpö̧, iso päi'önä chu̧huo̧juȩtä̧u̧ pä'i'ätöjä.

San Juan 17:12

Ttömä jahuätöcu pi̧jä̧nä̧ chö̧jomȩnä̧, cujurunä tta̧'ä̧ri̧nö̧sä̧, suronä 'cuäopö juiya pä'ö ttörö cuiyinä̧u̧ru̧. Jahuätöttö Huȩyu̧cuä̧ Huȩnȩ päö'a̧nö̧ 'cuäopa pä'ö, ya̧tȩtä̧ ihueye suropinötä to'ei'inö, korotöttö ya̧tȩ'i̧nä̧ toei'oca'a tta̧'ä̧ri̧nö̧sä̧.

Romanos 11:17

Judíos ttö̧ja̧ adihuä juäi isei olivo dau ä̧na̧jui̧yä̧ jä̧'i̧nö̧'a̧nö̧ huotö. Jahuätöttö yotöcunä adihuä juäi dauttu 'cui'opö do'opö tticua'a jä̧'i̧nö̧'a̧nö̧ huotö. Ja̧'hua̧ta̧nö̧ de'a jähuä olivo dau jä̧'i̧nö̧'a̧nö̧ huotöjä ucutumä. Ja̧'hua̧nö̧ ja̧'a̧ttö̧ olivo de'a jähuättö ȩmö̧, adihuä ku̧nä̧huäinä be'epö ttu̧ju̧na̧'a̧ jä̧'i̧nö̧'a̧nö̧ huotöjä. Ja̧'hua̧ ja̧'a̧ttö̧ de'a jähuä olivocu, ku̧nä̧huä̧ olivocu ji̧nä̧ ji̧yȩtȩ idepä juoächa'a jä̧'i̧nö̧'a̧nö̧ huotöjä.

Romanos 11:22

Amöcuädi. Iso päi'önä Dios adihuä i̧sa̧ ja̧'a̧. Ja̧'hua̧nö̧ ja̧'a̧nä̧ pä̧i̧cu̧nä̧ pä'ö chutä hueö jȩpo̧co̧tö̧rö̧. Ma̧'ä̧chi̧nä̧tö̧rö̧ pä̧i̧cu̧nä̧ päa'anä, ucuru adiu jȩi̧nä̧cu̧jä̧. Ja̧'hua̧nö̧ ja̧'a̧nä̧ ucu Dios ppädäcuähuänä cu̧ju̧'a̧nö̧ ja̧'a̧. Ja̧'hua̧nö̧ cu̧ju̧ juiyöttömä, ucu'inä ä̧na̧juȩ 'cui'opö do'opö tticua̧juȩ jä̧'i̧nö̧'a̧nö̧ cuä̧cua̧jä̧.

Romanos 8:28

Ujutu huo̧juä̧tö̧jä̧ o'ca juiyönä Diosrö repe'ätörö, chutä amöcuädö huoinä̧u̧ru̧ 'cuäopömä Espíritu Santo ppäda'attö, adihua'a pä'ö.

1 Corintios 13:1

Iso päi'önä pi̧jä̧ ttö̧ja̧ tti̧huȩnȩ'i̧nä̧, ángeles tti̧huȩnȩ'i̧nä̧ chucuocuttumä, o'ca toi'önärö repedoca'anä, koro juäi cuoräuttu adicuä ucuocu'a̧nö̧ ucuocusä ttömä.

Tito 2:14

Ja̧u̧mä̧ 'corupä'i'inö ujutu suronä jȩtö̧ jȩpö̧ icua pä'ö. Ja̧'hua̧ta̧nö̧ chutä i̧tti̧mö̧ päti'a pä'ö töcö icuinä̧u̧jä̧ churutä pä̧huä̧ rö̧jo̧mȩnä̧, adiu jȩti̧ya̧rö̧ pä'ö.

Hebreos 12:15

Ya̧tȩttö̧'i̧nä̧ Dios ppädäcuähuä iya päinö ȩmo̧ca̧'a̧ ö̧ji̧pö̧ juiya pä'ö, ttu̧ȩcuä̧nä̧ ka̧cuä̧tu̧cui̧. Ja̧'hua̧ta̧nö̧ koro juäi surä'cua ya̧mö̧'cua̧ bahua'a jä̧'i̧nö̧'a̧nö̧ cu̧ja̧cuä̧tu̧cuä̧'. Ja̧'hua̧nö̧ jȩpö̧ kä̧nö̧, korotörö suronä jȩtta̧ pä'ö cu̧huo̧juȩtä̧tu̧cu̧ juiya pä'ö, ttu̧ȩcuä̧nä̧ ka̧cuä̧tu̧cui̧.

1 Juan 2:19

Ujututtu jaropi'inätömä yoröiso ujutu isotöcö̧. Ujutu isotö jö̧ttö̧mä̧, ujutucu ka̧cua̧ja̧tö̧. Ja̧'hua̧nö̧ ja̧'a̧ jaropi'inätörö topö tu̧huo̧jua̧ pä'ö jahuätömä o'ca toi'önä ujutu isotöcö̧ pä'ö.

Apocalipsis 3:19

Ttömä o'ca toi'önärö repedä̧u̧ru̧ ro̧'ȩpö̧ tä̧bo̧tö̧sä̧. Ja̧'hua̧nö̧ ja̧'a̧ttö̧ adiunä amöcuädö jȩpö̧, pärocuäcutä amöcuädi.