San Juan 15:1 - TÄ̧DO Ä̧CUÄ̧ I̧HUȨNȨ

¹ Jesús huo̧juȩti̧nö̧do: —Ttö koro dau, adihuä uva dau jä̧'i̧nö̧'a̧nö̧ hua̧sä̧. Chä'omä dau tta̧huä̧rä̧cuä̧huä̧ i̧sa̧ jä̧'i̧nö̧'a̧nö̧ hua̧.

Nuevo Testamento Uwotjüja

¹ Ji̧nä̧so, jitä uwa daumä̧, ttütäsä ja̧'wa̧nü̧ ja̧'a̧nä̧, Chä'omä̧ kku̧nä̧wä̧ i̧sa̧ ja̧'a̧.

San Juan 15:1 Iomraidhean Croise

San Mateo 15:13

Jahuätörö pä'inödo: —O'ca juiyönä daumä Chä'o mo̧ro̧jä̧nä̧ kö̧ u̧ju̧no̧cö̧mä̧, ujupo'tiyä'inä sa'ö i̧cuä̧cua̧.

San Mateo 20:1

Juhua'a yabonö huo̧juȩti̧nö̧do Jesús: —Dios hueömä ka̧ra̧ pätta ru̧hua̧ pä'ö kä̧hua̧ räopa'a adicuä ttö̧ja̧rö̧ usu i̧'cha̧'a̧ jä̧'i̧nö̧'a̧nö̧ ja̧'a̧.

San Mateo 21:33

“Pi̧yȩ koro juäi jä̧'i̧nö̧'a̧nö̧ jö̧ huȩnȩ'i̧nä̧ ä̧ju̧cuä̧tu̧cui̧. Ya̧tȩ ubomä uva pätta ku̧ni̧nö̧do. U̧ju̧nä̧ji̧ o'ca'a jäyänä aditinödo i̧so̧ca̧. Isode'inä, uriyu'inä aditinödo uva isoya ya̧tta̧ pä'ö. Ja̧u̧nu̧ o'ca'a isode ju'toju isode aditinödo ya̧tȩ juhuodenä kä̧nö̧ to̧ä̧ra̧ pä'ö o'ca juiyönä ö'ätta. Ja̧u̧nu̧ o'ca'a adicuä ttö̧ja̧rö̧ hue'ipinödo. Chutä kara'atä cue'ächinödo.

San Marcos 12:1

Ja̧u̧nu̧ o'ca'a Jesús koro juäi jä̧'i̧nö̧'a̧nö̧ jö̧ huȩnȩ ucuocu pä'inödo: —Ya̧tȩ ubomä uva pätta rö̧ätta ku̧ni̧nö̧do. U̧ju̧nä̧ji̧ o'ca'a, jäyänä aditinödo i̧so̧ca̧. Isode'inä, uriyu'inä aditinödo, uva isoya ya̧tta̧ pä'ö. Ja̧u̧nu̧ o'ca'a isode ju'toju isode aditinödo, ya̧tȩ juhuodenä kä̧nö̧ to̧ä̧ra̧ pä'ö o'ca juiyönä ö'ätta. Ja̧u̧nu̧ o'ca'a adicuä ttö̧ja̧rö̧ hue'ipinödo. Chutä kara'atä cue'ächinödo.

San Lucas 13:6

Ja̧'hua̧ ja̧'a̧ Jesús pi̧yȩ koro juäi jä̧'inö̧'a̧nö̧ jö̧ huȩnȩ pä'inödo: —Ya̧tȩ ö'ättanä higuera dau ku̧nä̧hua̧'a̧ ku̧nä̧ri̧nö̧. Ja̧'hua̧nö̧ ja̧'a̧ topö 'chi̧nö̧ u̧huä̧ju̧ oba huȩja̧ pä'ö. Ja̧'hua̧nö̧ ja̧'a̧nä̧ yoröiso juiyiniyäcu.

San Juan 1:17

Moisésmä hueähuä huȩnȩ iyinödo ujuturu. Ja̧'hua̧nö̧ ja̧'a̧nä̧ Jesucristotä iso päi'önä huȩnȩ'i̧nä̧, tahuaruhuärö repeäcuähuä'inä iyinödo ujuturu.

San Juan 1:9

Ja̧u̧ iso päi'önä tȩa̧u̧mä̧, o'ca toi'önä ttö̧ja̧ ttami iso'quinä tȩa̧u̧mä̧ ichäcua'a pä'ö, ji'ähuinödo Juanmä.

San Juan 15:2

Koro ttöttö ä̧na̧juä̧ u̧huä̧ju̧ juiyömä 'cui'opö icu. Koro u̧huä̧ju̧ ka̧cu̧mä̧ adiunätä aditö tta̧'ä̧rö̧, juhua'a yabonö rö̧ȩnä̧ u̧huä̧ju̧ huȩja̧ pä'ö.

San Juan 6:32

Jesús jahuätörö ädätö pä'inödo: —Iso päi'önä pä'ösä ucuturu, Moisésmä ja̧u̧ juäi i̧ri̧si̧ mo̧ro̧jä̧ra̧'a̧ttö̧ iyocö pi̧nö̧do. Chä'otä iso päi'önä i̧ri̧si̧ mo̧ro̧jä̧ra̧'a̧ttö̧ iyö ucuturu.

San Juan 6:55

Ttö chidepämä iso päi'önä cuäcuähuä. Ja̧'hua̧ta̧nö̧ ttötä chucuojamä iso päi'önä ahuähuä.

Romanos 11:17

Judíos ttö̧ja̧ adihuä juäi isei olivo dau ä̧na̧jui̧yä̧ jä̧'i̧nö̧'a̧nö̧ huotö. Jahuätöttö yotöcunä adihuä juäi dauttu 'cui'opö do'opö tticua'a jä̧'i̧nö̧'a̧nö̧ huotö. Ja̧'hua̧ta̧nö̧ de'a jähuä olivo dau jä̧'i̧nö̧'a̧nö̧ huotöjä ucutumä. Ja̧'hua̧nö̧ ja̧'a̧ttö̧ olivo de'a jähuättö ȩmö̧, adihuä ku̧nä̧huäinä be'epö ttu̧ju̧na̧'a̧ jä̧'i̧nö̧'a̧nö̧ huotöjä. Ja̧'hua̧ ja̧'a̧ttö̧ de'a jähuä olivocu, ku̧nä̧huä̧ olivocu ji̧nä̧ ji̧yȩtȩ idepä juoächa'a jä̧'i̧nö̧'a̧nö̧ huotöjä.

1 Corintios 3:9

Ujutumä ji̧nä̧ yo̧mȩtȩ aditätöjä Dios hueähuä. Ja̧'hua̧ta̧nö̧ rȩjȩ ttadita'a jä̧'i̧nö̧'a̧nö̧, ucuturu aditö Dios. Ja̧'hua̧ta̧nö̧ isode ttadita'a jä̧'i̧nö̧'a̧nö̧, ucuturu aditö Dios.

1 Juan 2:8

Täbocö hueähuä huȩnȩ ja̧'a̧nä̧, ucuturu chi̧huȩyu̧to̧mȩttö̧ jareö huȩnȩ päi'a'a. Pi̧yȩ jareö huȩnȩ Jesucristo jȩi̧nö̧mä̧ i̧jȩpi̧na̧'a̧ ucutu'inä jȩcu̧'ä̧tu̧cu̧mä̧ i̧jȩpa̧'a̧ iso päi'önä huȩnȩ ja̧'a̧. Yo̧ö̧mä̧ täcö 'cuäopa'a. Iso päi'önä tȩa̧u̧mä̧ jitä kä̧dȩpa̧'a̧.