San Juan 14:27 - TÄ̧DO Ä̧CUÄ̧ I̧HUȨNȨ

²⁷ “Chami iso'quinä eseunu röji ucuocusä ucuturu. Ucuturu eseäcuähuä iyösä. Ja̧'hua̧nö̧ ja̧'a̧nä̧ pi̧jä̧ ttö̧ja̧ eseäcuähuä ttiyö'a̧nö̧ iyocösä. Cua̧'cua̧ tta̧cu̧huȩcuä̧tu̧cuä̧'. Ja̧'hua̧ta̧nö̧ yecuhuecuätucuä'.

Nuevo Testamento Uwotjüja

²⁷ Wȩnȩ juiyünä̧ kkä̧kuä̧wä̧ kku̧ni̧pü̧ chi̧yä̧u̧jä̧; Dio-rü esetokotü ttiyü'anü̧mä̧ chi̧yo̧ko̧u̧jä̧. Kua̧mi̧ iso'kitukunä̧mä̧ yekuekuätukuä.

San Juan 14:27 Iomraidhean Croise

San Mateo 10:26

Juhua'a yabonö huo̧juȩti̧nö̧do Jesús: —Ja̧'hua̧nö̧ ja̧'a̧ttö̧ pi̧jä̧ ttö̧ja̧rö̧ yecuhuecuätucuä'. Yoröiso juiya'a yä̧huä̧i̧nä̧ jȩä̧cuä̧huä̧nä̧mä̧. O'ca juiyönä ttu̧huo̧juä̧cuo̧tö̧. Ja̧'hua̧ta̧nö̧ yoröiso juiya'a pi̧jä̧nä̧ dajicuämä. O'ca juiyönä tottäcuotö.

San Lucas 1:79

Tȩa̧u̧ i'cächä̧u̧ yo̧ö̧nä̧ ka̧cuä̧tö̧rö̧, hua'are tö'cö ka̧cuä̧tö̧rö̧, u̧huo̧juȩta̧ pä'ö Diosrö eseunu tö̧ja̧cua̧ pä'ö, ucuocuinödo Zacarías.

San Lucas 10:5

Täcö isode do'ächömä äcuomenämä pa̧'a̧nö̧ te'ähuätucui: “Dios cua̧'cua̧tu̧cu̧ adiunä iyätucuacu pä'ösä ucuturu.”

San Lucas 12:4

“Ucutu chahuaruhuä, ttö pädä̧u̧jä̧, yecuhuecuätucuä' ucutu cuidepämä cuä'ö icuätörömä, juhua'a yabonö jȩä̧cuä̧huä̧ jui'ätörömä.

San Lucas 2:14

Tucuotätucua Dios Ju'toju Ru̧hua̧rö̧. Tta̧'cua̧ adiunä ttö̧ja̧cua̧ pätä̧u̧ pi̧jä̧nä̧ ka̧cuä̧tö̧mä̧, Dios öjö'cä̧u̧mä̧.

San Juan 14:1

Jesús pä'inödo: —Cua̧'cua̧ tta̧cu̧huȩcuä̧tu̧cuä̧' cuami iso'quitucunä. Diosrö esetätucui. Ttörö'inä esetätucui.

San Juan 16:33

Ucuturu ji'äusä pi̧yȩ, ttörö esetö cuesehuätucua pä'ö. Pi̧jä̧nä̧ kä̧nö̧ ubara ttucuhuäcuotöjä. Ja̧'hua̧nö̧ ja̧'a̧nä̧ cujuruhuätucuaja. Ttömä pi̧jä̧ttö̧'i̧nä̧ abonänö ju̧ru̧hua̧sä̧, —pä'inödo Jesús.

San Juan 20:19

Ja̧u̧nu̧ mo̧ro̧tä̧, semana äcuomenä mo̧ro̧, yodo päi'omenä, Jesús u̧huo̧juȩtä̧u̧ ca̧ca̧cui̧nä̧tö̧do. Ttö̧ca̧ca̧cui̧'ode äpate 'quiyönä mö̧'ȩpi̧nä̧tö̧do, judíos ttö̧ja̧rö̧ ye'ecu. 'Quiyönä mö̧ttȩpä̧ji̧ o'ca'a, Jesús do'ächi'ö, ttö'quȩtȩnä̧ kä̧mä̧dö̧, te'äu pä'inödo: —Eseäcuähuä ku̧nä̧rä̧tu̧cui̧.

San Juan 20:21

Ja̧u̧nu̧ o'ca'a Jesús pä'äji ta'anö pä'inödo jahuätörö: —Eseäcuähuä ku̧nä̧rä̧tu̧cui̧. Chä'o ttörö hueinö ta'anö, ucuturu'inä hue'ösä.

San Juan 20:26

Ko̧ro̧mö̧ttö̧nö̧ huäbodäcuä mo̧ro̧ o'ca'a, Jesús u̧huo̧juȩtä̧u̧ pä'äji ta'anö ca̧ca̧cui̧pi̧nä̧tö̧do. Ja̧u̧nu̧mä̧ Tomás jahuätöcu pi̧nö̧do. Ja̧'hua̧ ja̧'a̧ttö̧ äpate 'quiyönä mö̧ttȩpä̧ji̧ o'ca'a Jesús do'ächi'ö, ttö̧'quȩtȩnä̧ kä̧mä̧dö̧, te'äu pä'inödo jahuätörö: —Eseäcuähuä ku̧nä̧rä̧tu̧cui̧.

Hechos 10:36

Iso päi'önä Dios hue'inö Jesucristo, Israel ttö̧ja̧rö̧ jiähua pä'ö i̧huȩnȩ, adihuä huȩnȩ, eseunu kä̧cuä̧huä̧ huȩnȩ. Chutä Jesucristo o'ca toi'önä Ttu̧ru̧hua̧ päi'önä kö̧.

Hechos 18:9

Ja̧'hua̧nö̧ ja̧'a̧ koro yodo Pablo ttu̧'cuo̧ti̧cua̧'a̧ jä̧'i̧nö̧'a̧nö̧ päi'omenä, Tu̧ru̧hua̧ ucuocua'a ä̧ju̧cui̧nö̧do. Päina'ado: —Ttö̧ja̧rö̧ yecuhuecuä'. Yabocutä ji'ähui cu'coruchi'oca'a.

Romanos 1:7

Chi̧huȩnȩ huȩyu̧tu̧ hue'ösä ucuturu, Roma ötahuiyä ttö̧ja̧rö̧, Dios repeä̧u̧ru̧. Ja̧'hua̧ta̧nö̧ Dios huoinä̧u̧jä̧ umöhuäyotö cu'ätucua pä'ö. Tä'o Dios'inä, Tu̧ru̧hua̧ Jesucristo'inä ucuturu adiu ppättädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ ucuturu ttiyäcua'a̧nö̧.

Romanos 15:13

Dios, ta̧'cua̧ tu̧huȩnä̧ra̧ pä'ö iyömä, ucuturu suhuädi'önä iyäcua'a̧nö̧ eseäcuähuä'inä, cua̧'cua̧ adiu kä̧cuä̧huä̧'i̧nä̧, ja̧u̧ru̧ cuesetätucuomenä. Ja̧'hua̧ta̧nö̧ Espíritu Santo ujurunä cua̧'cua̧ cu̧huȩnä̧rä̧cuä̧huä̧ rö̧ȩnä̧ juoächö'a̧nö̧ ucuturu.

Romanos 5:1

Ja̧'hua̧nö̧ ja̧'a̧ttö̧ ujutu tesetiniyäcu, Dios ujuturu jȩpi̧nö̧ chutäcu ji̧nä̧ ji̧yȩtȩ huotö ta pä'ö. Ja̧'hua̧ ja̧'a̧ttö̧ Diosmä aboiyotömäcö̧jä̧ Tu̧ru̧hua̧ Jesucristorö teseta'attö.

Romanos 5:10

Ujutu Dios aboiyotö pi̧nä̧tö̧jä̧. Ujutu ja̧'hua̧nö̧ jȩta̧'a̧nä̧'i̧nä̧, Diosmä hue'inö I̧tti̧rö̧ 'corupäi'a pä'ö, ahuaruhuä päti'a pä'ö. Ja̧'hua̧ ja̧'a̧nä̧ ujutu ahuaruhuä tö̧ja̧cua̧'a̧ttö̧, Dios I̧tti̧ ö̧ja̧'a̧ttö̧, juhua'a yabocutä tta̧huä̧rä̧cua̧ ujuturu.

Romanos 8:6

Ttidepä jähuä ttamöcuädömä, hua'arecu ȩpa̧'a̧. Ja̧'hua̧nö̧ ja̧'a̧nä̧ Espíritu Santo jähuä ttamöcuädömä, tta̧'cua̧ adiucu ȩpa̧'a̧. Ja̧'hua̧ta̧nö̧ adiu kä̧cuä̧huä̧cu̧ ȩpa̧'a̧.

1 Corintios 1:3

Tä'o Dios'inä, Tu̧ru̧hua̧ Jesucristo'inä ucuturu adiu ppättädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ ucuturu ttiyäcua'a̧nö̧.

Gálatas 1:3

Tä'o Dios'inä, Tu̧ru̧hua̧ Jesucristo'inä ucuturu adiu ppättädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ ucuturu ttiyäcua'a̧nö̧.

Gálatas 5:22

Ja̧'hua̧nö̧ ja̧'a̧nä̧ Espíritu Santo ujuturu iyömä repeäcuähuä, eseäcuähuä, tami iso'quinä eseäcuähuä, ta̧'cua̧ pö̧nö̧ jö̧, korotörö adiu ppädäcuähuä, ucuotäcuähuä, o'ca juiyönä yaparehuäcuähuä juiyönä jȩä̧cuä̧huä̧.

Gálatas 6:16

Ucutumä iso päi'önä Diosrö esetätömä, pi̧yȩ huȩnȩ jȩpö̧ ka̧cuä̧tö̧rö̧'i̧nä̧, o'ca toi'önä Dios i̧tti̧mö̧rö̧'i̧nä̧ eseäcuähuä iyäcua'a̧nö̧ Dios. Ja̧'hua̧ta̧nö̧ ucuturu'inä o'ca toi'önä Dios i̧tti̧mö̧rö̧'i̧nä̧ re rö̧jö̧nä̧ toäcua'a̧nö̧.

Filipenses 4:7

Ja̧'hua̧ ja̧'a̧ttö̧ Dios ttö̧ja̧'i̧nä̧ yoröiso ttierunä i̧yä̧cua̧ ucuturu cuami iso'quitucunä eseäcuähuä. Ucutu Cristo Jesúsru cuesetätucuomenä, ja̧u̧ eseäcuähuä cuami iso'quitucunä'inä, cuamöcuädätucunä'inä tta̧huä̧rä̧cua̧.

Colosenses 1:20

Ja̧'hua̧nö̧ ja̧'a̧ttö̧ Diosmä o'ca juiyönä pi̧jä̧nä̧ ka̧cu̧'i̧nä̧, mo̧ro̧jä̧nä̧ ka̧cu̧'i̧nä̧ ttesehuarö pä'inödo. Ja̧'hua̧nö̧ ja̧'a̧ttö̧ Cristo dau isodänä 'corupäi'omenä, eseäcuähuä iyinödo.

Colosenses 3:15

Dios iyinö cuami iso'quitucunä eseäcuähuä. Ja̧u̧ eseäcuähuä hueäcua'a̧nö̧ cuami iso'quitucunä, ji̧nä̧ ji̧yȩtȩ huotö päcuhui'ätucua pä'ö Diosrö esetö, chutä hueinö ta'anö. Ja̧'hua̧nö̧ ja̧'a̧ttö̧ esehuätucui ja̧u̧ru̧.

2 Tesalonicenses 1:2

Tä'o Dios'inä, Tu̧ru̧hua̧ Jesucristo'inä ucuturu adiu ppättädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ ucuturu ttiyäcua'a̧nö̧.

2 Tesalonicenses 3:16

Tu̧ru̧hua̧, eseunu kä̧cuä̧huä̧ Ru̧hua̧, o'ca juiyönä eseunu kä̧cuä̧huä̧ iyäcua'a̧nö̧ ucuturu 'cuäopönä. Tu̧ru̧hua̧ ucutu o'ca toi'önärö ppädäcua'a̧nö̧.

2 Timoteo 1:7

Ujutu yetecua pä'ö iyocö pi̧nö̧ Dios. Adiu tujuruhua pä'ö iyinö. Ja̧'hua̧ta̧nö̧ tahuaruhuärö repeta pä'ö iyinö. Ja̧'hua̧ta̧nö̧ ta̧'cua̧ pö̧nö̧ tö̧ja̧cua̧ pä'ö iyinö.

Hebreos 13:20

Dios, eseäcuähuä Ru̧hua̧, Tu̧ru̧hua̧ Jesucristorö, o̧vȩja̧stö̧ adiu Tta̧huä̧rä̧cuä̧huä̧ I̧sa̧rö̧, ucuojanä jareö huȩnȩ, beipocö huȩnȩ Tta̧huä̧rä̧cuä̧huä̧ I̧sa̧rö̧, 'corupätti'inomettö tto'ädinömä, o'ca juiyönä adihuä isotö päi'önä ucuturu aditö icuäcua'a̧nö̧, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ Jesucristorö teseta'attö, ujuturu o'ca toi'önärö churutä pä̧huä̧ rö̧jo̧mȩnä̧ jȩä̧cua̧'a̧nö̧. ¡'Cuäopönä Cristorö tesehuäcua'a̧nö̧! Amén.

Hebreos 7:2

Abraham örohuähuomenä ȩmi̧nö̧ttö̧, to̧mö̧rȩ jähuättömä, ji̧yȩtȩ 'quȩ'ȩpö̧ iyinödo Melquisedecrö. Chutä Melquisedec i̧mi̧mä̧ ujutu ti̧huȩnȩnä̧ “adihuä ru̧hua̧” pä'ätöjä. Ja̧'hua̧ta̧nö̧ Salem ötahuiyä ru̧hua̧ ö̧ji̧no̧mȩ i̧mi̧mä̧ pä'ätöjä “eseäcuähuä” pä'ö. Ja̧'hua̧ta̧nö̧ koro'inä i̧mi̧mä̧ “eseäcuähuä ru̧hua̧” pä'ätöjä.

Apocalipsis 1:4

Ttö, Juan, ko̧ro̧mö̧ttö̧nö̧ todäre iglesias ruhuärö, Asia rȩjȩnä̧ ka̧cuä̧tö̧rö̧ huȩyu̧tu̧sä̧. Dios ucuturu ppädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ iyäcua'a̧nö̧. Chutä jitä'inä kö̧. Täbocö'inä ki̧nö̧. Yodoji'inä ö̧jä̧cua̧. Ja̧'hua̧ta̧nö̧ ko̧ro̧mö̧ttö̧nö̧ ta̧ju̧nu̧ espíritus chutä ö̧'o̧mȩ ä'ca ka̧cuä̧tö̧'i̧nä̧, ucuturu ppättädäcua'a̧nö̧.

Apocalipsis 2:10

Koronö ubara ttucuhuä̧cuȩmä̧ amöcuädö, yecuhuecuä'. Korotörö, ucututtu, ähuettämä cärenä ö̧tä̧cua̧, cuami 'qui'ächi'ö cu̧ja̧cuä̧tu̧cua̧ pä'ö. To̧mö̧rȩ mo̧ro̧ jo̧mȩnä̧, ubara ttucuhuäcuotöjä. Ja̧'hua̧nö̧ ja̧'a̧nä̧ hua'ö cuicuome jubö päi'önä, adiunätä kä̧nö̧ cue'ächi. Ja̧u̧nu̧ micuä päi'önä chi̧yä̧cua̧jä̧ kä̧cuä̧huä̧ i'co.

Apocalipsis 21:8

Ja̧'hua̧nö̧ ja̧'a̧nä̧ ye'ecuätö'inä, esetocotö'inä, ttahuaruhuärö kö'cocotö'inä, korotörö cuä'ö icuätö'inä, nä̧tö̧rö̧ suronä usätö'inä, märirö esetö jȩpä̧tö̧'i̧nä̧, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esetö ucuocuätö'inä, o'ca toi'önä yapareu ji'ähuätö'inä, ocurä rö̧arära̧'a̧, azufrenä cuoarära̧'a̧ tti̧'chä̧cuo̧tö̧. Ja̧u̧ todärenä 'corupäi'äcuähuä ja̧'a̧.