San Juan 14:26 - TÄ̧DO Ä̧CUÄ̧ I̧HUȨNȨ

²⁶ Ja̧'hua̧nö̧ ja̧'a̧nä̧ Espíritu Santomä, Ppädäcuähuä I̧sa̧mä̧, Chä'o ttö chi̧mi̧nä̧ huȩä̧cua̧mä̧ o'ca juiyönä u̧huo̧juȩtä̧cua̧ ucuturu. Ja̧'hua̧ta̧nö̧ o'ca juiyönä ucuturu jidähuinömä cuamöcuädätucua pä'ö ji̧ä̧huä̧cua̧ ucuturu.

Nuevo Testamento Uwotjüja

²⁶ Ja̧'wa̧nü̧ ja̧'a̧nä̧, ppädäkuäwä i̧sa̧, Epíritu Sa̧tu̧, ttü chi̧mi̧nä̧, Chä'o weäkutä jä̧kua̧'a̧, o'kajuiyünä̧ u̧wo̧juȩtä̧kua̧mä̧ ja̧'wa̧ta̧nü̧ o'kajuiyünä̧ chukuokuinü̧ ku̧ni̧chi'ätuku juiyünä̧ jȩä̧kua̧mä̧.

San Juan 14:26 Iomraidhean Croise

San Mateo 1:18

Pa̧'a̧nö̧ ji̧na̧'a̧do Jesucristo uhuäpächinömä. Ja̧ju̧ Maríamä José pä'ö mi̧cua̧ irecua jä̧cua̧ju̧ pi̧nä̧ju̧do. Josécu kö̧jä̧cua̧'a̧ ä'canä muchaju pä'i'inäjudo Espíritu Santo ujuruttu.

San Mateo 1:20

Ja̧'hua̧nö̧ amöcuädomenä, ya̧tȩ ángel, Tu̧ru̧hua̧ huȩ'ä̧hua̧, 'cuo̧ti̧nä̧ i̧jȩcui̧nä̧cu̧do. Ja̧u̧ ángel pä'inödo: —José, David a̧hua̧ru̧hua̧, Maríarö cuirecua päi'önä cu̧ja̧ pä'ö yecuhuecuä'. Yajutä ki̧tti̧ u̧huä̧pä̧chä̧cua̧mä̧ Espíritu Santo jähuädo.

San Mateo 28:19

Ja̧'hua̧nö̧ ja̧'a̧ttö̧ o'ca toi'önä ttö̧ja̧rö̧ pi̧jä̧ pa̧ja̧cu̧nä̧ 'chä̧nö̧, ji'ähuäjätucui ttörö ttesetäcua'a̧nö̧. Chä'o i̧mi̧nä̧'i̧nä̧, I̧tti̧ i̧mi̧nä̧'i̧nä̧, Espíritu Santo i̧mi̧nä̧'i̧nä̧ jahuätörö bautizando jȩpä̧tu̧cui̧.

San Mateo 3:11

Ttömä, iso päi'önä ajiyanätä bautizando jȩpö̧sä̧ korotö totta pä'ö pärocuäcutä cuamöcuädätucua'a. Juhuorö'inä ttö cho'ca'anä ichömä ucuturu bautizando jȩä̧cua̧ Espíritu Santocu, ocuräcu. Ja̧u̧ ttöttö'inä abonänö ju̧ru̧hua̧. Ttömä yoröiso adihuä i̧sa̧cö̧sä̧. Ja̧'hua̧ta̧nö̧ ö̧jä̧pö̧ isäya'inä ko̧'ä̧dö̧ chicu juiyö'a̧nö̧ ja̧'a̧.

San Marcos 12:36

Chutä Davidmä Espíritu Santo huo̧juȩcuä̧nä̧ pä'inödo: Dios pä'inö ttö Chu̧ru̧hua̧rö̧, “Chu̧huo̧jua̧'a̧nä̧ pä̧mä̧di̧, cuaboiyotörö cu̧jä̧pö̧ dȩa̧'a̧ chötome jubö päi'önä” pä'inödo.

San Marcos 13:11

Ucuturu ruhuotörö ttiya pä'ö ttȩpo̧mȩnä̧, jicuhuähuätucuä̧cuȩmä̧ yoröiso cuamöcuädätucuä'. Jicuhuähuätucuä̧cuȩmä̧, Dios iyä̧cuȩmä̧ jicuhuähuäcuotöjä. Ja̧'hua̧nö̧ jicuhuähuätucuomenä, Espíritu Santo huo̧juȩcuä̧nä̧ jicuhuähuäcuotöjä.

San Lucas 1:15

Ucu cui̧tti̧ Dios ä'ca jo̧mȩttö̧mä̧ ucuo i̧sa̧ jä̧cua̧. Ahuocö jä̧cua̧ vino isoya'inä, ni̧yö̧ ajiya'inä. Uhuäpächäcua'a ä'canätä Espíritu Santottö suhuädi'önä jä̧cua̧.

San Lucas 1:35

Angel ädätinödo: —Espíritu Santotä i̧chä̧cua̧ ucurumä. Dios Ju'toju Ru̧hua̧ ajiya isoppa jä̧'i̧nö̧'a̧nö̧ ujurunä ö̧jä̧mä̧dä̧cua̧ju̧jä̧. Ja̧'hua̧nö̧ ja̧'a̧ttö̧ ji̧'qui̧cha̧hua̧ uhuäpächä̧cua̧mä̧ adihuä i̧sa̧ jä̧cua̧. Ja̧'hua̧ta̧nö̧ pä̧ttä̧cua̧ Dios I̧tti̧ pä'ö.

San Lucas 1:41

Elizabet, María ja̧'hua̧nö̧ tejäu kä̧ju̧cuo̧mȩnä̧, ku̧cuä̧ba̧ttö̧ ji̧'qui̧cha̧hua̧ bore'inäcuado. Ja̧'hua̧ta̧nö̧ jahuäju kami iso'quinä suhuädinäjudo Espíritu Santottö.

San Lucas 1:67

Juan jä'o Zacarías Espíritu Santottö su̧'pȩhua̧, Dios i̧huȩnȩ iyäjimä ucuocuinödo:

San Lucas 11:13

Ucutu suronä jȩä̧cuä̧huä̧ ttö̧ja̧'i̧nä̧ cui̧tti̧mö̧tu̧cu̧ru̧mä̧ adiutä iyähuänä huo̧juä̧tö̧jä̧. Ju̧huȩnȩ abonänö Cuä'o Dios mo̧ro̧jä̧ra̧'a̧ kö̧mä̧, Espíritu Santorö i̧yä̧cua̧ churutä jä'epätörömä, —pä'inödo Jesús.

San Lucas 2:25

Ja̧u̧nu̧ pä̧nä̧ ya̧tȩ ki̧'ä̧ji̧nö̧do Jerusalén ötahuiyänä Simeón pä'ö mi̧cua̧. Ja̧u̧ adihuä i̧sa̧, Diosrö ucuotäcuähuä i̧sa̧ pi̧nö̧do. Ja̧u̧ tta̧'ä̧ri̧'ä̧ji̧nö̧do Israel ttö̧ja̧rö̧ suronä jȩttö̧ jȩpö̧ i̧cuä̧cua̧ icha'anä. Simeón ami iso'quinä Espíritu Santorö ku̧nä̧ri̧nö̧do.

San Lucas 24:49

Ä̧ju̧cuä̧tu̧cui̧. Ttö Chä'o iya päinö huȩdä̧cua̧sä̧ ucuturu. Ja̧'hua̧nö̧ ja̧'a̧nä̧ cujurutucu ju'tojuttu cuȩmä̧tu̧cua̧'a̧ jubö päi'önä, pȩnȩtä̧ Jerusalén ötahuiyänätä ka̧cuä̧tu̧cui̧.

San Lucas 3:22

Ja̧'hua̧ta̧nö̧ Espíritu Santo unucu ta'anö hua̧ mȩyȩhui̧'ö̧ kä̧mä̧di̧nö̧do Jesúsru tottönä päi'önä. Ja̧'hua̧ta̧nö̧ ttä̧ju̧cu̧nä̧ mo̧ro̧jä̧ra̧'a̧ttö̧ ya̧tȩ i̧huȩnȩ rä̧mi̧pa̧'a̧ ä̧ju̧cui̧nä̧tö̧do. Ja̧u̧ huȩnȩ päina'ado: —Ucumä ttö chi̧tti̧ rȩni̧'a̧jä̧. Ucuru juiyo eseusä, —päina'ado.

San Juan 1:33

Ja̧'hua̧nö̧ tochomenä ji̧nä̧ chieruhuinäcu. Ja̧'hua̧nö̧ ja̧'a̧nä̧ ajiyanätä bautizando jȩcha̧ pä'ö hue'inömä, ttörö pä'inö: “Espíritu Santo mo̧ro̧jä̧ttö̧ mȩyȩu̧ ya̧tȩrö̧ kä̧mä̧dö̧ tocu'omenä, ja̧u̧tä̧ Espíritu Santocu bautizando jȩä̧cua̧.”

San Juan 12:16

Äcuomenä ja̧u̧ huȩnȩ päömä 'cucuächi'oca'a ä̧ju̧cui̧nä̧tö̧do u̧huo̧juȩtä̧u̧mä̧. Ja̧u̧nu̧ o'ca'a, Jesús ttoächomenä, ja̧u̧ o'ca juiyönä ja̧u̧ru̧ huȩyu̧cua̧'a̧ amöcuädinätödo. Ja̧'hua̧nö̧ huȩyu̧cua̧'a̧ttö̧, ihueye 'cuäopina'ado ja̧u̧ru̧.

San Juan 14:16

Ja̧'hua̧nö̧ ja̧'a̧ttö̧ Chä'orö jä̧dȩpä̧cua̧sä̧ ucuturu huea pä'ö ka̧ra̧ Ppädäcuähuä I̧sa̧rö̧. Ja̧u̧ ö̧jä̧cua̧'a̧nö̧ ucutucu 'cuäopönä.

San Juan 14:25

“Ucutucu chö̧ja̧'a̧nä̧ pi̧yȩ o'ca juiyönä ji̧'ä̧huä̧rö̧sä̧ ucuturu.

San Juan 15:26

“Ucuturu Ppädäcuähuä I̧sa̧, iso päi'önä Espíritu, Chä'ottö huȩdä̧cua̧mä̧ ichomenä, ttörö adiu u̧cuo̧cuä̧cua̧.

San Juan 16:7

Iso päi'önä pä'ösä ucuturu, ttö chi̧'chä̧cua̧'a̧ adihuäcua'a ucuturu. Ttö chi̧'chö̧ juiyöttömä, ucuturu Ppädäcuähuä I̧sa̧ ichocö jä̧cua̧. Ja̧'hua̧nö̧ ja̧'a̧nä̧ chi̧'chö̧ttö̧mä̧, ja̧u̧ru̧ huȩdä̧cua̧sä̧ ucutucu ö̧ja̧ pä'ö.

San Juan 2:22

Ja̧'hua̧nö̧ ja̧'a̧ttö̧ 'corupäi'omettö ttoächomenä, u̧huo̧juȩtä̧u̧mä̧ päinö huȩnȩ amöcuädö, Huȩyu̧cuä̧ Huȩnȩ'i̧nä̧, chutä u̧huo̧juȩti̧nö̧'i̧nä̧ adiu esetinätödo.

San Juan 20:22

Ja̧'hua̧nö̧ päomenä, jahuätörö ami yuppa ppö'ö pä'inödo: —Espíritu Santorö ku̧nä̧rä̧tu̧cui̧.

San Juan 6:45

Dios i̧huȩnȩ jiäcuähuä isotö tti̧huȩyu̧ti̧nä̧'tä̧nä̧ pa̧'a̧nö̧ päa'a: “Dios o'ca toi'önärö u̧huo̧juȩtä̧cua̧,” päa'a. Ja̧'hua̧nö̧ ja̧'a̧ttö̧ o'ca toi'önä Chä'orö ä̧ju̧cu̧ huo̧jui̧pä̧tö̧mä̧, ttörö esetö ichätö.

San Juan 7:39

Jesús ja̧'hua̧nö̧ päomenä, ja̧u̧ru̧ esetätö Espíritu Santorö ttȩmä̧cuo̧tö̧ pä'ö pä'inödo. Ja̧u̧nu̧ pä̧nä̧ Espíritu Santo ji̧nä̧ ichoca'a ji̧na̧'a̧do, Jesús ji̧nä̧ ttoächoca'attö ttucuotarö pä'ö.

Hechos 1:4

Jesúsmä chutä hueinä̧u̧cu̧ kä̧nö̧ hue'inödo: —Jerusalén ötahuiyättömä räcuhuo'ächätucuä'. Tta̧'ä̧rä̧tu̧cui̧ Chä'o iya päinö. Ja̧u̧ päinömä jidähuinö ä̧ju̧cui̧nä̧tö̧jä̧.

Hechos 1:8

Ji̧nä̧ isocu ttö chujuru cuȩmä̧cuo̧tö̧jä̧, Espíritu Santo ucuturu ichomenä. Ttö chujurunä ttö chi̧huȩnȩ jicuhuähuäcuotöjä Jerusalén ötahuiyä ttö̧ja̧rö̧'i̧nä̧, o'ca juiyönä Judea rȩjȩ ttö̧ja̧rö̧'i̧nä̧, Samaria rȩjȩ ttö̧ja̧rö̧'i̧nä̧, kara'a oto ka̧cuä̧tö̧rö̧'i̧nä̧, —pä'inödo Jesús.

Hechos 11:16

Ja̧'hua̧nö̧ 'cuäopomenä, amöcuädi'inösä Tu̧ru̧hua̧ päinömä: “Juan ajiyanä bautizando jȩpi̧nö̧. Ja̧'hua̧nö̧ ja̧'a̧nä̧ ucutu bautizado päcuhui'äcuotöjä Espíritu Santonä.”

Hechos 13:2

Ttu̧cuȩ a̧do̧chö̧ Diosrö ucuocuinätödo. Espíritu Santo jahuätörö pä'inödo: —'Quȩ'ȩpö̧ ȩmä̧tu̧cui̧ Bernabérö'inä, Saulorö'inä. Jahuätörö täcö pätetö hue'äjisä ttadita pä'ö.

Hechos 13:4

Ja̧'hua̧nö̧ ja̧'a̧ Bernabécu, Saulocu Espíritu Santo hueäjä̧u̧ Seleucia ötahuiyära̧'a̧ 'chi̧nä̧tö̧do. Juhuorö huoi'canä pä̧mä̧di̧nä̧tö̧do Chipre kä'co i̧sä̧sa̧ra̧'a̧ tti̧'cha̧ pä'ö.

Hechos 15:28

Espíritu Santo'inä, ujutu'inä amöcuädäjätöjä koro juäi hue'ocotöjä pä'ö. Pi̧yȩtä̧ ji̧yȩä̧cuȩtä̧ hue'ätöjä.

Hechos 15:8

Dios, o'ca toi'önä ttamöcuädö huo̧jua̧mä̧, judíos huocotörö'inä pä̧huä̧ rö̧jä̧cu̧ pä'ö tu̧huo̧juä̧cua̧'a̧nö̧, jahuätörö'inä Espíritu Santorö iyinö, ujuturu iyinö ta'anö.

Hechos 16:6

Espíritu Santo Asia rȩjȩttö̧ hue'ocö pi̧nö̧do adihuä huȩnȩ jittähua pä'ö. Ja̧'hua̧nö̧ ja̧'a̧ Frigia rȩjȩcu̧, Galacia rȩjȩcu̧ 'cuä'opö 'chi̧nä̧tö̧do.

Hechos 2:33

Ja̧'hua̧nö̧ ja̧'a̧ Dios u̧mö̧ u̧huo̧jua̧'a̧nä̧ 'chu'ädö, tto'ädinö I̧tti̧ Jesúsru. Ja̧'hua̧ta̧nö̧ Jä'o iya päinö ta'anö, iyinö Espíritu Santorö Jesúsru. Ja̧'hua̧nö̧ ja̧'a̧ttö̧ ucutu cuä̧ju̧cuä̧jä̧tu̧cu̧mä̧, tocu'äjätucu'inä Jesústtu icha'a.

Hechos 2:4

Ja̧'hua̧nö̧ ja̧'a̧ o'ca toi'önä Espíritu Santo ö̧jä̧mä̧di̧nä̧u̧do. Ja̧u̧nu̧tä̧ Espíritu Santo jiähuomenä, korotö tti̧huȩnȩ ucuocuinätödo.

Hechos 20:28

Cuamönätucutä tta̧'ä̧rä̧cuä̧huä̧tu̧cui̧. O'ca toi'önä Tu̧ru̧hua̧rö̧ esetätörö'inä tta̧'ä̧rä̧tu̧cui̧. Espíritu Santo ucuturu hue'inö jahuätörö tta̧huä̧rä̧cuä̧huä̧ isotö päi'önä cu̧ja̧cuä̧tu̧cua̧ pä'ö. Tu̧ru̧hua̧mä̧ churutä esetätörö ȩmi̧nö̧ ucuojanä 'corupäi'omenä.

Hechos 20:35

Ucuturu huo̧juȩti̧nö̧sä̧ rö̧ȩnä̧ taditö'a̧nö̧ ja̧'a̧ usurä isotörö ppätäda pä'ö. Ja̧'hua̧ta̧nö̧ Tu̧ru̧hua̧ Jesús i̧huȩnȩ tamöcuädö'a̧nö̧ ja̧'a̧. Jesús pä'inö: “Ȩmä̧tö̧ttö̧'i̧nä̧ abonänö eseunu ka̧cuä̧tö̧ iyätömä”, —pä'inödo Pablo.

Hechos 28:25

Ja̧'hua̧ ja̧'a̧ ji̧nä̧ yo̧mȩtȩ ttamöcuädoca'attö, rättopächa pä'inätödo. Rättopächäcua'a ä'canä Pablo jahuätörö pä'inödo: —Espíritu Santo ujutu tä̧do̧tö̧ mi̧nä̧rö̧ adiu ucuocuinödo Dios i̧huȩnȩ jiäcuähuä i̧sa̧ Isaías änä.

Hechos 5:3

Ja̧'hua̧ ja̧'a̧ Pedro pä'inödo ja̧u̧ru̧: —Ananías, ¿dä̧bö̧ cuä̧ju̧cuä̧jä̧ttö̧, ähuettä ucuru cua̧'cua̧nä̧ hueömä? Cui̧rȩjä̧ micuättö ju'to 'quȩ'ȩpö̧ ku̧nu̧ yapareu jȩpä̧ji̧jä̧ Espíritu Santorö.

Hechos 7:51

Juhua'a yabonö pä'inödo Esteban: —Juiyo jarode'ätöjä ucutumä. Diosrö esetocotö ttamöcuädö'a̧nö̧ amöcuädätöjä. Iso päi'önä huȩnȩ ä̧ju̧cuo̧co̧tö̧jä̧. Espíritu Santorö 'cuäopönä jarode'ätöjä ucutumä. Cuä̧do̧tö̧ mi̧nä̧ jȩtti̧nö̧'a̧nö̧, ucutu'inä ja̧'hua̧ta̧nö̧ jȩpä̧tö̧jä̧.

Hechos 7:55

Ja̧'hua̧nö̧ ja̧'a̧ Estebanmä, Espíritu Santo hueinäcumä, mo̧ro̧jä̧ra̧'a̧ topö Dios i̧tȩa̧ topinödo. Ja̧'hua̧ta̧nö̧ Jesúsru topinö Dios u̧huo̧jua̧'a̧nä̧ ö̧ja̧'a̧.

Romanos 14:17

Dios hueömä ttu̧cuȩnä̧tä̧mä̧cö̧, ttaunätämäcö̧. Dios hueömä adiu jȩä̧cuä̧huä̧, tta̧'cua̧ adiu, tta̧'cua̧rö̧ eseu, Espíritu Santonä ttö̧jo̧mȩnä̧.

Romanos 15:13

Dios, ta̧'cua̧ tu̧huȩnä̧ra̧ pä'ö iyömä, ucuturu suhuädi'önä iyäcua'a̧nö̧ eseäcuähuä'inä, cua̧'cua̧ adiu kä̧cuä̧huä̧'i̧nä̧, ja̧u̧ru̧ cuesetätucuomenä. Ja̧'hua̧ta̧nö̧ Espíritu Santo ujurunä cua̧'cua̧ cu̧huȩnä̧rä̧cuä̧huä̧ rö̧ȩnä̧ juoächö'a̧nö̧ ucuturu.

Romanos 15:16

Jesucristo i̧huȩnȩ judíos huocotörö jidähua pä'ö hue'inö. Ttö̧ja̧ suronä jȩttö̧ jȩpö̧ icu huȩnȩ, Dios iyömä ji'äusä judíos huocotörö, Espíritu Santo ȩmä̧u̧ru̧, Dios koro juäi ofrenda ȩma̧'a̧ jä̧'i̧nö̧'a̧nö̧ ȩma̧ pä'ö jahuätörö.

Romanos 5:5

Ja̧'hua̧nö̧ eseunu tta̧tä̧ro̧mȩnä̧, ta̧'cua̧ tta̧'ȩcuo̧co̧tö̧jä̧. Dios ujuturu repe'ö, tami iso'qui suhuädi'önä Espíritu Santorö iyinä̧u̧jä̧.

1 Corintios 12:3

Ja̧'hua̧ ja̧'a̧ cu̧huo̧juä̧tu̧cua̧ pä'ösä. Ya̧tȩ päöttömä: “Jesúsmä su̧ro̧pa̧”, ja̧u̧mä̧ Espíritu Santo ujurunä ucuocuocö. Ja̧'hua̧ta̧nö̧ ya̧tȩ päöttömä: “Jesúsmä ttö Chu̧ru̧hua̧”, ja̧u̧mä̧ iso päi'önä Espíritu Santo ujurunä ucuocu.

1 Corintios 6:19

¿Ucutu jerupätöjä tä̧ji̧? Dios iyinödo ucuturu cuamönätucu jättäpäyotö Espíritu Santo ö̧ja̧ pä'ö. Ja̧'hua̧nö̧ ja̧'a̧ttö̧ Espíritu Santo kö̧ ucutucu. Ja̧'hua̧nö̧ ja̧'a̧ttö̧ ucutumä cuamönätucu jättäpäyotönä ruhuotö huocotöjä.

2 Corintios 13:14

Tu̧ru̧hua̧ Jesucristo ucuturu ppädäcua'a̧nö̧. Dios ucuturu repeäcua'a̧nö̧. Espíritu Santo'inä o'ca toi'önä ucutucu ö̧jä̧cua̧'a̧nö̧. Amén.

2 Corintios 6:6

Ja̧'hua̧ta̧nö̧ ujutu adiunätä tö̧ja̧cuo̧mȩnä̧, Dios umöhuäyotö ta'a topö ttu̧huo̧juä̧cuo̧tö̧. Ja̧'hua̧ta̧nö̧ iso päi'önä huȩnȩ tu̧huo̧jua̧'a̧ttö̧, topö ttu̧huo̧juä̧cuo̧tö̧. Ja̧'hua̧ta̧nö̧ tami 'qui'ächi'ö, korotörö adihuä juäi jȩta̧'a̧ttö̧, topö ttu̧huo̧juä̧cuo̧tö̧. Ja̧'hua̧ta̧nö̧ Espíritu Santo tami iso'quinä ö̧ja̧'a̧tö̧, topö ttu̧huo̧juä̧cuo̧tö̧. Ja̧'hua̧ta̧nö̧ korotörö repeta'a, topö ttu̧huo̧juä̧cuo̧tö̧.

Efesios 1:13

Ucutu adihuä iso päi'önä huȩnȩ, suronä jȩttö̧ jȩpö̧ icu huȩnȩ ä̧ju̧cu̧, Cristorö cuesetätucuomenä, ja̧u̧cu̧ ji̧nä̧ yo̧mȩtȩnä̧ chutä i̧tti̧mö̧ päcuhui'ätucua pä'ö hueinä̧u̧jä̧, Espíritu Santonä iya päinö ta'anö.

Efesios 1:17

Tu̧ru̧hua̧ Jesucristo adihuä Jä'o Diosrö jä'epösä mo̧ro̧jä̧ttö̧ huo̧juä̧huä̧ iyatö pä'ö, adiu cu̧huo̧juä̧tu̧cua̧ pä'ö chutä u̧huo̧juȩtö̧mä̧. Ja̧'hua̧ta̧nö̧ Diosrö'inä rö̧ä̧chö̧nä̧ cu̧huo̧juä̧tu̧cua̧rö̧ pä'ö jä'epösä.

Efesios 4:30

Espíritu Santo a̧'cua̧ tta̧huȩcu̧ juiyönä ka̧cuä̧tu̧cui̧. Ja̧u̧ Espíritu Santo ucuturu ppädomenä, korotö ucuturu topö huo̧juä̧tö̧ iso päi'önä Dios i̧tti̧mö̧jä̧ pä'ö. Ja̧u̧ Espíritu Santo ucuturu tta̧'ä̧rö̧, Tu̧ru̧hua̧ ucuturu ȩmö̧ ichome jubö päi'önä.

1 Tesalonicenses 4:8

Ja̧'hua̧nö̧ ja̧'a̧ttö̧ pi̧yȩ huo̧juȩcuä̧ huȩnȩ esetocömä, pi̧jä̧ ttö̧ja̧rö̧ öjö'cö juiyönä jȩpo̧cö̧. Diosrötä, Espíritu Santorö iyinörötä, öjö'cö juiyönä jȩpö̧.

2 Timoteo 1:14

Espíritu Santo, tami iso'quinä kö̧, ppädomenä, Dios ucuru iyinömä adiu tta̧'ä̧ri̧.

Tito 3:5

Diosmä suronä jȩtö̧ jȩpö̧ icuinö. Ujututä adiu jȩpo̧co̧tö̧ pi̧nä̧tö̧jä̧. Chutä, Diostä, re rö̧jö̧nä̧ topinö ujuturu.

Hebreos 10:15

Espíritu Santo'inä ja̧u̧tä̧ ji'äudo. Äcuomenä pä'inödo:

Hebreos 2:4

Ja̧'hua̧ta̧nö̧ Dios adihuä juäi, ttö̧ja̧ ttieru juäi, jȩpi̧nö̧, topö tu̧huo̧jua̧ pä'ö. Espíritu Santo'inä chutä iyömä, Diosrö pä̧huä̧ rö̧jo̧mȩnä̧ iyinö ujuturu, jȩta̧ pä'ö.

Hebreos 3:7

Ja̧'hua̧nö̧ ja̧'a̧ttö̧ Espíritu Santo pa̧'a̧nö̧ päa'a: Jitä mo̧ro̧ Dios päö cuä̧ju̧cuä̧tu̧cu̧ttu̧mä̧, cuami 'quicuhuätucuä' cuami iso'quitucunä, pä'äji ka̧cui̧nä̧tö̧ ttami 'quittinö'a̧nö̧mä̧. Jahuätömä de'a kä'cottö ka̧cuä̧mö̧ topinätö Diosrö, Dios ami 'qui'ächi'ö toa pä'ö.

Hebreos 9:8

Ja̧'hua̧ ja̧'a̧nä̧ Espíritu Santo huo̧juȩcuä̧nä̧ huo̧juä̧tö̧jä̧. Äcuomenä i̧so̧ca̧ ji̧nä̧ ka̧'a̧nä̧, juhua'a yabocu i̧so̧ca̧nä̧, Ji̧nä̧ Isocu Adihuo̧ca̧mä̧, ji̧nä̧ 'chä̧cuä̧huo̧ca̧'a̧ ji̧na̧'a̧ huo̧juä̧tö̧jä̧.

1 Pedro 1:12

Ja̧'hua̧nö̧ ja̧'a̧nä̧ jahuätö ttȩmö̧ juiya pä'ö huo̧juȩti̧nö̧do Dios. Ujututä tȩmä̧cuȩ pä'ö huo̧juȩti̧nö̧do. Täbocö Dios i̧huȩnȩ jiäcuähuä isotörö Espíritu Santo u̧huo̧juȩti̧nö̧ ta'anö, ä̧ju̧cui̧nä̧tö̧jä̧ ucutu. Iso päi'önä Espíritu Santo, mo̧ro̧jä̧ra̧'a̧ttö̧ huȩ'ä̧hua̧ ujurunä, adihuä juäi huȩnȩ, suronä jȩttö̧ jȩpö̧ icu huȩnȩ, jittähua'a ä̧ju̧cui̧nä̧tö̧jä̧ ucutu. Angeles'inä ttä̧ju̧cua̧ pä'ätö pi̧yȩ huȩnȩmä̧.

2 Pedro 1:21

Dios i̧huȩnȩ ji'ähuinätömä, jitötä ttamönä ttamöcuädömä, ji'ähuocotö pinätödo. Pärocua'acu Diosrö rö̧ȩnä̧ esetinätödo. Diosrö adiu ttamöcuädomenä, Espíritu Santo huo̧juȩcuä̧nä̧ ji'ähuinätödo.

1 Juan 2:20

Jesucristo iyinö Espíritu Santorö ucutucu ö̧ja̧ pä'ö. Ja̧'hua̧nö̧ ja̧'a̧ttö̧ ucutu o'ca toi'önä iso päi'önä huȩnȩ huo̧juä̧tö̧jä̧.

1 Juan 2:27

Espíritu Santo, Jesucristo iyinäcumä, ucutucu kö̧. Ja̧'hua̧nö̧ ja̧'a̧ttö̧ “Ka̧ra̧ ujuturu u̧huo̧juȩtö̧'a̧nö̧ ja̧'a̧” pä'ocotöjä ucutumä. Espíritu Santomä, Jesucristo iyinäcu, o'ca juiyönä ucuturu huo̧juȩtö̧. Ja̧u̧ u̧huo̧juȩtö̧mä̧, iso päi'önä huȩnȩ ja̧'a̧. Yapareu huȩnȩmä̧cö̧. Ja̧u̧ u̧huo̧juȩti̧nö̧ ta'anö jȩpä̧tu̧cui̧. Jesucristocutä ka̧cuä̧tu̧cui̧.

1 Juan 5:7

Mo̧ro̧jä̧nä̧ kä̧nö̧ ji'ähuätömä, huämetucuä ja̧'a̧. Tä'o Dios'inä, I̧huȩnȩ'i̧nä̧, Espíritu Santo'inä. Jahuätö huämetucuä ya̧tȩtä̧ ja̧'a̧.

Judas 1:20

Ja̧'hua̧nö̧ ja̧'a̧nä̧ ucutu, chö̧jä̧hua̧tö̧, adihuä Dios i̧huȩnȩ rö̧ä̧chö̧nä̧ adiu esetö ka̧cuä̧tu̧cui̧. Espíritu Santo ujurunä ucuocuätucui Diosrö.

Apocalipsis 2:11

A̧ja̧ ku̧nä̧rö̧mä̧, iglesias ruhuärö, Espíritu Santo päömä ä̧ju̧cui̧. O'ca toi'önä pi̧jä̧ttö̧'i̧nä̧ abonänö juruhuätömä, todärenä hua'ö icuähuämä yoröiso 'cuäopoca'a jä̧cua̧'a̧ jahuätörö.”