San Juan 14:1 - TÄ̧DO Ä̧CUÄ̧ I̧HUȨNȨ

¹ Jesús pä'inödo: —Cua̧'cua̧ tta̧cu̧huȩcuä̧tu̧cuä̧' cuami iso'quitucunä. Diosrö esetätucui. Ttörö'inä esetätucui.

Nuevo Testamento Uwotjüja

¹ Kua̧mi̧ iso'kitukunä̧mä̧ kua̧'kua̧ tta̧kuȩkuä̧tu̧kuä̧. Dio-rü esetümä̧ ja̧'wa̧ta̧nü̧ ttürü'i̧nä̧ esetätukui.

San Juan 14:1 Iomraidhean Croise

San Juan 11:33

Maríacu, korotö judíos ttö̧ja̧ jahuäjucu ichäjätö ttajuähua'a topö, Jesús a̧'cua̧ tta̧'ȩcui̧nö̧do. Ami iso'quinä a̧'cua̧ tta̧nö̧ amöcuädö, jahuätörö jä'epinödo: —¿To cutäjätucuäröttö? Ädätinätödo: —Tu̧ru̧hua̧, topächi.

San Juan 12:27

“Jitätä rö̧ȩnä̧ cha̧'cua̧ tta̧'ȩcu̧sä̧. ¿Tta̧'a̧nö̧ pädäcua'ajä̧ttö̧? “Chä'o, ttörö 'cuäopä̧cuȩmä̧ jȩpö̧ icuittö” ¿pädäcua'a tä̧ji̧? I̧socö̧. Ja̧'hua̧nö̧ ttörö 'cuäopa pä'ö ichinösä.

San Juan 12:44

Jesús pä̧i̧cu̧nä̧ ucuocu pä'inödo: —Ttörö esetömä, ttörötä esetocö. Ttörö'inä, Chä'o, ttörö hue'inörö'inä esetö.

San Juan 13:19

Pi̧yȩ ä'canä ji̧'ä̧huä̧rö̧sä̧ ja̧'hua̧nö̧ 'cuäopa'a tocu'ätucuomenä, iso päi'önä ttörö cu̧huo̧juä̧tu̧cuä̧cua̧'a̧nö̧.

San Juan 16:24

Jitä mo̧ro̧ päi'önä ucutumä yoröiso jä'epocotö pi̧nä̧tö̧jä̧ chi̧mi̧nä̧. Jä'epätucui. Dios i̧yä̧cua̧ ucuturu o'ca juiyönä, cuesehuätucua pä'ö.

San Juan 16:3

Chä'orö'inä, ttörö'inä ttieruhua'attö, ja̧'hua̧nö̧ jȩttä̧cuo̧tö̧.

San Juan 16:6

Ja̧'hua̧nö̧ jidähuomenä, ucutu rö̧ȩnä̧ cua̧'cua̧ tta̧ pä'i'ätöjä.

San Juan 6:40

Ja̧'hua̧ta̧nö̧ ttörö hue'inömä pä̧huä̧ rö̧jä̧cu̧ o'ca toi'önä Dios I̧tti̧rö̧ topö esetätömä kä̧cuä̧huä̧ i'co ttu̧ju̧nä̧ra̧ pä'ö. Röji mo̧ro̧ päi'omenä, jahuätörö tto̧dä̧dä̧cuä̧u̧, —pä'inödo Jesús.

2 Corintios 2:7

Jitämä ro̧cu̧huȩpi̧nä̧tu̧cu̧ o'ca'a, jȩi̧nö̧mä̧ unichi'ätucui. Ja̧u̧ru̧ ppä'ädätucui, rö̧ȩnä̧ a̧'cua̧ tta̧'ȩcu̧ kä̧nö̧, juhua'a yabonö a̧'cua̧ tta̧'ȩcu̧ juiyäcua'a̧nö̧.

Efesios 1:15

Ja̧'hua̧nö̧ ja̧'a̧ttö̧ ucutu Tu̧ru̧hua̧ Jesúsru cuesetätucu'inä, o'ca toi'önä Dios i̧tti̧mö̧rö̧ repecuhuätucu'inä chä̧ju̧cuo̧mȩnä̧, 'cuäopönä ucuturu eseunu amöcuädö ucuocusä Diosrö.

2 Tesalonicenses 2:2

Täcö Tu̧ru̧hua̧ ichö mo̧ro̧ 'cuäopa'a pä'ö jittähuomenä, ucutu cuamöcuädätucumä, pärocuäcumä cuamöcuädätucuä'. Koro adihuä huȩnȩ jittähua'a ä̧ju̧cu̧, yecuhuecuätucuä'. Korotö ttucuocu huȩnȩ'i̧nä̧ ä̧ju̧cu̧, yecuhuecuätucuä'. Ja̧'hua̧ta̧nö̧ koro cuyäru isojä, Pablo huȩyu̧tu̧ iyinojä pättomenä, yecuhuecuätucuä'.

1 Pedro 1:21

Ucutumä Cristorö esetö kä̧nö̧, esetätöjä Diosrö. Ja̧u̧tä̧ Dios Cristorö, 'corupä'i'äjirö, tto'ädinö. Ja̧'hua̧ta̧nö̧ o'ca toi'önä ttucuotarö pä'ö hue'inö. Ja̧'hua̧nö̧ ja̧'a̧ttö̧ ucutu Diosrö amöcuädö tta̧'ä̧rä̧tö̧jä̧.