San Juan 13:3 - TÄ̧DO Ä̧CUÄ̧ I̧HUȨNȨ

³ Chutä Jesús, Dios ö̧jo̧mȩttö̧ ichina'a pä'ö huo̧jui̧nö̧do. Ja̧'hua̧ta̧nö̧ Dios ö̧ja̧'a̧cu̧ ppa̧huä̧chä̧cua̧ huo̧jui̧nö̧do. Ja̧'hua̧ta̧nö̧ Dios o'ca juiyönä ujuru iyinäcu huo̧jui̧nö̧do Jesús.

Nuevo Testamento Uwotjüja

³ Jesú-mä̧ u̧mü̧nä̧, Jä'o Dio o'kajuiyünä̧ iyina̧'a̧'i̧nä̧ ja̧'wa̧ta̧nü̧ Dio-ttü ichina̧'a̧'i̧nä̧ wo̧juä̧u̧ kkä̧nü̧ pä'äjita'anü̧ jua'atä ppa̧wä̧cha̧'a̧'i̧nä̧ wo̧juä̧u̧,

San Juan 13:3 Iomraidhean Croise

San Mateo 11:27

“Chä'omä o'ca juiyönä iyinäcusä. Yoröiso ya̧tȩ'i̧nä̧ jȩru̧pa̧ Dios I̧tti̧rö̧mä̧. Chä'otä I̧tti̧rö̧ huo̧jua̧. Ja̧'hua̧ta̧nö̧ yoröiso jerupätö Chä'orömä. Ttötä I̧tti̧tä̧ huo̧jua̧sä̧. Ja̧'hua̧ta̧nö̧ chutä I̧tti̧rö̧ pä̧huä̧ rö̧jä̧u̧cu̧tä̧ ttu̧huo̧juä̧cu̧.

San Mateo 28:18

Ja̧'hua̧ ja̧'a̧ Jesús jahuätörö ichi'ö pä'inödo: —Mo̧ro̧jä̧nä̧'i̧nä̧, pi̧jä̧nä̧'i̧nä̧ o'ca juiyönä chujuruhua pä'ö iyinäcusä Diosmä.

San Lucas 10:22

“Chä'omä o'ca juiyönä iyinäcusä. Yoröiso ya̧tȩ'i̧nä̧ jȩru̧pa̧ Dios I̧tti̧rö̧mä̧. Chä'otä I̧tti̧rö̧ huo̧jua̧. Ja̧'hua̧ta̧nö̧ yoröiso jerupätö Chä'orömä. Ttötä I̧tti̧tä̧ huo̧jua̧sä̧. Ja̧'hua̧ta̧nö̧ chutä I̧tti̧rö̧ pä̧huä̧ rö̧jä̧u̧tä̧ ttu̧huo̧juä̧cu̧.

San Juan 1:18

Diosrö topinömä, yoröisotä toa'a. Ja̧'hua̧nö̧ ja̧'a̧nä̧ chutä I̧tti̧, chu ä̧cua̧tä̧, Jä'ocu tö'cö kö̧tä̧, ujuturu huo̧juȩtö̧ Dios ö̧jö̧ huȩnȩ.

San Juan 13:1

Pascua fiesta jȩttä̧cua̧'a̧ ä'canä mo̧ro̧ ji̧na̧'a̧do. Jesús pi̧jä̧ jaroi'a pä'ö, Jä'o ö̧ja̧'a̧ i̧'cho̧mȩ päi'a'a huo̧jui̧nö̧do. Chutä i̧tti̧mö̧rö̧, pi̧jä̧nä̧ ka̧cuä̧tö̧rö̧, 'cuäopönä repe'inödo. Iso päi'önä 'corupäi'ome jubö päi'önä repe'inödo jahuätörö.

San Juan 17:2

Ucumä Cui̧tti̧rö̧ hue'inöjä pi̧jä̧ ttö̧ja̧ttö̧'i̧nä̧ abonänö ujuruhua pä'ö, kä̧cuä̧huä̧ i'co iyäcua'a̧nö̧ ja̧u̧ru̧ cuiyinä̧u̧ru̧.

San Juan 3:13

“Mo̧ro̧jä̧ra̧'a̧ yoröiso cä'ecuächocotö pi̧nä̧tö̧do. Ya̧tȩä̧tä̧, mo̧ro̧jä̧ra̧'a̧ttö̧ mȩyȩhui̧nö̧tä̧, cä'ecuächinödo. Ja̧u̧tä̧ Ubo I̧tti̧tä̧, mo̧ro̧jä̧ra̧'a̧ kö̧tä̧, ja̧'hua̧nö̧ cä'ecuächinödo.

San Juan 3:35

Chutä Jä'omä, I̧tti̧rö̧ repe'ödo. Ja̧'hua̧ta̧nö̧ o'ca juiyönä huea pä'ö hueinäcudo.

San Juan 7:29

Ttö ja̧u̧ ö̧jo̧mȩttö̧ chichina'attö, huo̧jua̧sä̧ ja̧u̧ru̧. Ja̧u̧ ttörö hue'inö.

San Juan 7:33

Ja̧'hua̧ ja̧'a̧ttö̧ Jesús pä'inödo: —Beometä ucutucu chö̧jä̧cua̧sä̧. Ja̧u̧nu̧ o'ca'a ttörö hue'inö ö̧ja̧'a̧ ppa̧dä̧chä̧cua̧sä̧.

San Juan 8:14

Jesús jahuätörö ädätinödo: —Ttötä chamönä chucuocu'inä, iso päi'önä huȩnȩ ucuocusä. Ttö chichäja'a'inä, chi̧'chä̧cua̧'a̧'i̧nä̧ huo̧jua̧sä̧. Ucutumä chichäja'a'inä, chi̧'chä̧cua̧'a̧'i̧nä̧ jerupätöjä.

San Juan 8:42

Ja̧'hua̧nö̧ pättomenä, Jesús päinä̧u̧do: —Iso päi'önä Dios i̧tti̧mö̧ cu'ätucuttumä, ttörö repe'ajatöjä. Ttömä Diosttö ichösä. Cuä'catucu jo̧mȩ kö̧sä̧. Ttötä chamönä amöcuädäu ichocö pi̧nö̧sä̧. Diostä hueinäcusä.

Hechos 2:36

“Ja̧'hua̧nö̧ ja̧'a̧ ucutu o'ca toi'önä Israel ttö̧ja̧ cu̧huo̧juä̧tu̧cu̧'a̧nö̧ ja̧'a̧ ja̧u̧tä̧ Jesús, ucutu daunä pȩ'o̧pö̧ cu̧ju̧ni̧nä̧tu̧cuä̧cu̧, Dios hueinäcu Tu̧ru̧hua̧ Cristo päi'önä, —pä'inödo Pedro.

1 Corintios 15:27

Diosmä o'ca juiyönä rötinödo Cristo ö̧jä̧pö̧ dȩa̧'a̧. Juhuorö'inä Huȩyu̧cuä̧ Huȩnȩ: “O'ca juiyönä rötinödo” päa'anä, churutä, Diosrötä päoca'a. Iso päi'önä chutä Diostä o'ca juiyönä rötinödo.

Hebreos 1:2

Ja̧u̧nu̧ o'ca'a, jitämä I̧tti̧rö̧tä̧ ucuocuinödo ujuturu. Ja̧'hua̧ta̧nö̧ chutä I̧tti̧, Jä'o ujurunä aditinödo pi̧jä̧ o'ca juiyönä. Ja̧'hua̧ta̧nö̧ Dios o'ca juiyönä ku̧ni̧pi̧nö̧do ja̧u̧ru̧, I̧tti̧rö̧.