San Juan 13:13 - TÄ̧DO Ä̧CUÄ̧ I̧HUȨNȨ

¹³ Ucutumä, Huo̧juȩcuä̧ I̧sa̧'i̧nä̧, Tu̧ru̧hua̧'i̧nä̧ pä'ätöjä ttörö. Ja̧'hua̧nö̧ päcuhuätucuomenä, ttötäsä. Adiu pä'ätöjä ja̧'hua̧nö̧mä̧.

Nuevo Testamento Uwotjüja

¹³ Ukutumä̧, ttürümä̧, pä'ä'ijä̧tü̧jä̧, «Chu̧ru̧wa̧,» «Wo̧juȩkuä̧ i̧sa̧,» jü̧nä̧; jua'amä̧ adiu pä'ätüjä̧, iweye jua̧u̧tä̧ cha'attü.

San Juan 13:13 Iomraidhean Croise

San Mateo 20:28

Ubo I̧tti̧ ji̧nö̧'a̧nö̧ jä̧cua̧. Ubo I̧tti̧mä̧ ttö̧ja̧ ppättädarö pä'ö ichocö pi̧nö̧do. Ja̧u̧mä̧ ttö̧ja̧rö̧tä̧ ppäda pä'ö ichinödo. Ja̧u̧ 'corupäi'a pä'ö ichinödo recuätö suronä jȩttö̧ttö̧ ejädö icu ucuojanä mitäu, —pä'inödo Jesús.

San Lucas 10:28

Ja̧'hua̧nö̧ ja̧'a̧ Jesús ädätinödo: —Adiu ädätäjijä. Ja̧'hua̧nö̧ jȩcu̧'u̧ttu̧mä̧, kä̧cuä̧huä̧ i'co cu̧ju̧nä̧rä̧cua̧jä̧.

San Lucas 6:46

“¿Tta̧'a̧nö̧ pä'ö päcuhuätucuättö ucutumä ttörö, “Chu̧ru̧hua̧, Chu̧ru̧hua̧,” pädö ta'anö jȩcu̧'ä̧tu̧cuo̧ca̧'a̧nä̧?

San Lucas 7:43

Simón ädätinödo: —Ttö chamöcuädömä chutä rö̧ȩnä̧ imippota'anä “Huäinä ja̧'a̧cuä̧” päjäcu, a̧'cua̧ra̧'a̧. Jesús ädätinödo: —A̧, adiu pä'öjä.

San Juan 11:2

Ya̧ju̧tä̧ María, Lázaro na̧'ä̧chi̧nö̧ uböamä, amehuoya Jesús ö̧jä̧pö̧nä̧ da'epäjä'caju, kuhuo'chenä 'ca̧'i̧nä̧ju̧ pi̧nä̧ju̧do.

San Juan 11:28

Ja̧u̧ jijähuäji o'ca'a, Marta köjähuaju Maríarö huopö 'chi̧nä̧ju̧do. Yä̧huä̧i̧nä̧ päjinäcuado: —Huo̧juȩcuä̧ I̧sa̧ ichäji. Ucuru huopö.

San Juan 11:3

Ja̧'hua̧nö̧ ja̧'a̧ttö̧ jahuätömä, Martacu, Maríacu, Jesúsru jittähua pä'ö hue'inätödo. Pä'inätödo: —Tu̧ru̧hua̧, cua̧hua̧ru̧hua̧ na̧'ä̧chö̧ rö̧.

1 Corintios 12:3

Ja̧'hua̧ ja̧'a̧ cu̧huo̧juä̧tu̧cua̧ pä'ösä. Ya̧tȩ päöttömä: “Jesúsmä su̧ro̧pa̧”, ja̧u̧mä̧ Espíritu Santo ujurunä ucuocuocö. Ja̧'hua̧ta̧nö̧ ya̧tȩ päöttömä: “Jesúsmä ttö Chu̧ru̧hua̧”, ja̧u̧mä̧ iso päi'önä Espíritu Santo ujurunä ucuocu.

1 Corintios 8:6

Ja̧'hua̧nö̧ pätta'anä, ujutumä huo̧juä̧tö̧jä̧ ya̧tȩä̧tä̧ Tä'o Diostä kö̧. Ja̧u̧ Tä'o o'ca juiyönä aditinödo. Ujutu'inä ja̧u̧ru̧ pä̧huä̧ rö̧jo̧mȩnä̧ ka̧cuä̧tö̧jä̧. Ja̧'hua̧ta̧nö̧ Tu̧ru̧hua̧mä̧ ya̧tȩä̧tä̧ kö̧. Ja̧u̧mä̧ Tu̧ru̧hua̧ Jesucristo. Ja̧u̧ru̧ pä̧huä̧ rö̧jo̧mȩnä̧, ujutu'inä ka̧cuä̧tö̧jä̧, pi̧jä̧nä̧ ka̧cu̧'i̧nä̧ o'ca juiyönä ka̧cua̧'a̧.

Efesios 6:9

Ucutu'inä ruhuotö, cumöhuäyotörö adiunätä jȩpö̧ ka̧cuä̧tu̧cui̧, suronä ro̧cu̧huȩpä̧tu̧cuo̧ca̧'a̧nä̧. Amöcuädätucui, ucutu'inä, cumöhuäyotö'inä ya̧tȩrö̧tä̧, mo̧ro̧jä̧nä̧ kö̧rö̧, adihuä Tu̧ru̧hua̧rö̧ ku̧nä̧rä̧tö̧jä̧. Chutä tomenä, o'ca toi'önä yorätehuätöjä.

Filipenses 2:11

Ja̧'hua̧ta̧nö̧ o'ca toi'önä ttättö'inä jittähuäcuotö Jesucristomä Tu̧ru̧hua̧ ja̧'a̧ pä'ö. Iso päi'önä Tä'o Diosrö ttucuotäcua'a̧nö̧.

Filipenses 3:8

Ja̧'hua̧ta̧nö̧ koro'inä ttörö ppädö chesetinömä, yoröiso micuähuocö jä̧'i̧nö̧'a̧nö̧ jä̧cu̧sä̧. Koro, Chu̧ru̧hua̧ Jesucristorö huo̧jui̧cuä̧, iso päi'önä ttörö ppädötä amöcuädösä. Ja̧u̧ru̧ repe'ö, o'ca juiyönä pä'äji chesetinö, koro juäi icuicuä tticuipö'a̧nö̧ icuipinösä, Cristorö rö̧ȩnä̧ cheseta pä'ö.

Santiago 2:19

Ucumä esetöjä Dios ya̧tȩtä̧ kö̧ pä'ö. Ja̧'hua̧nö̧ cuesetomenä, adiu esetöjä. Ja̧'hua̧nö̧ ja̧'a̧nä̧ espíritus suropätö'inä Diosrö esetö ttö̧'ä̧huä̧tö̧.