San Juan 12:47 - TÄ̧DO Ä̧CUÄ̧ I̧HUȨNȨ

⁴⁷ Ja̧'hua̧nö̧ ja̧'a̧nä̧ ya̧tȩ chi̧huȩnȩ ä̧ju̧cu̧, pädö ta'anö jȩpo̧cö̧mä̧, ttötä ja̧u̧ru̧: “Suronä jȩpö̧jä̧”, pä'ocösä. Ttö suronä jȩpö̧jä̧ päda pä'ö ichocö pi̧nö̧sä̧ pi̧jä̧ra̧'a̧. Pi̧jä̧ ttö̧ja̧ suronä jȩttö̧ jȩpö̧ chicua pä'ö ichinösä.

Nuevo Testamento Uwotjüja

⁴⁷ Ja̧'wa̧ta̧nü̧ Ttü chi̧wȩnȩ ä̧ju̧kua̧'a̧nä̧, ukuotokürümä̧; ttümä̧ jua̧u̧ru̧ usurä ȩmä̧u̧nä̧ päda pä'ümä̧ ichokü pinü̧sä̧; pärokua'aku pi̧jä̧ ttü̧ja̧rü̧ ra̧wä̧pi̧jü̧ttü̧ ttü̧ji̧pü̧nä̧ ppä'ädü ichinü̧sä̧.

San Juan 12:47 Iomraidhean Croise

San Mateo 18:10

“Suronä cuamöcuädätucuä' pitö ppo̧'ä̧tö̧rö̧. Ucuturu pä'ösä, pitörö tta̧'ä̧rä̧tö̧ ángelesmä, Chä'o mo̧ro̧jä̧nä̧ kö̧ ä'ca jo̧mȩ ka̧cuä̧tö̧ 'cuäopönä.

San Mateo 18:11

Ubo I̧tti̧mä̧ suronä jȩpö̧ re'tehuächätörö ȩmö̧ ichinödo.

San Mateo 20:28

Ubo I̧tti̧ ji̧nö̧'a̧nö̧ jä̧cua̧. Ubo I̧tti̧mä̧ ttö̧ja̧ ppättädarö pä'ö ichocö pi̧nö̧do. Ja̧u̧mä̧ ttö̧ja̧rö̧tä̧ ppäda pä'ö ichinödo. Ja̧u̧ 'corupäi'a pä'ö ichinödo recuätö suronä jȩttö̧ttö̧ ejädö icu ucuojanä mitäu, —pä'inödo Jesús.

San Lucas 19:10

Ubo I̧tti̧mä̧ suronä jȩpö̧ re'tehuächätörö usu ichinödo, suronä jȩttö̧ jȩpö̧ icuatö pä'ö.

San Lucas 9:56

Ubo I̧tti̧mä̧ ttö̧ja̧rö̧ be'epäjipö icumä ichocö pi̧nö̧. Ttö̧ja̧rö̧ repe'ö suronä jȩttö̧ jȩpö̧ icua pä'ö ichinö. Ja̧'hua̧nö̧ ja̧'a̧ koro ötahuiyära̧'a̧ 'chi̧nä̧tö̧do.

San Juan 12:48

Ya̧tȩ ttörö'inä ucuotocömä, chi̧huȩnȩ'i̧nä̧ ä̧ju̧cuo̧cö̧mä̧, ja̧u̧ru̧ pä̧cuȩ ku̧nä̧rö̧. Ttötä chi̧huȩnȩ chucuocuinömä ja̧u̧ru̧ päcua'a röji mo̧ro̧ päi'omenä.

San Juan 3:17

Dios I̧tti̧rö̧ pi̧jä̧ra̧'a̧ hue'ocö pi̧nö̧do ö̧tä̧bo̧ta̧ pä'ö. Pi̧jä̧ ttö̧ja̧ suronä jȩttö̧ jȩpö̧ icua pä'ö hue'inödo.

San Juan 5:45

Ja̧u̧mä̧ Jä'o ä'ca jo̧mȩttö̧ ujuturu suronä ji̧ä̧huä̧cua̧ pä'ö cuamöcuädätucuättö. Moiséstä, ucutu cuesetätucutä, ucuturu suronä ji̧ä̧huä̧cua̧.

San Juan 8:26

Ucuturu rö̧ȩnä̧ ji'äu pädö'a̧nö̧ ja̧'a̧. Ja̧'hua̧nö̧ ja̧'a̧nä̧ ttörö hue'inömä iso päi'önä pä'ö. Ja̧'hua̧ta̧nö̧ ucuturu, pi̧jä̧nä̧ ka̧cuä̧tö̧rö̧ pädömä, ja̧u̧tä̧ päa'a ä̧ju̧cu̧, pä'ösä.

2 Pedro 3:15

Pi̧yȩmä̧ cunichi'ätucuä'. Tu̧ru̧hua̧ ujuturu ami 'qui'ächi'ö tomenä, ujutu suronä jȩtö̧ jȩpö̧ icua pä'ö tta̧'ä̧rö̧. Ja̧'hua̧ta̧nö̧ tö̧jä̧hua̧ Pablo, Dios huo̧juȩcuä̧nä̧ huȩyu̧ti̧nö̧do ucuturu.

1 Juan 4:14

Ujutu totinömä ji'ähuätöjä, Dios I̧tti̧rö̧ hue'inö pä'ö, pi̧jä̧nä̧ ka̧cuä̧tö̧ suronä jȩttö̧ jȩpö̧ icua pä'ö.