San Juan 12:37 - TÄ̧DO Ä̧CUÄ̧ I̧HUȨNȨ

³⁷ Jesús judíos ttö̧ja̧ ttä'ca jo̧mȩttö̧ rö̧ȩnä̧ ttö̧ja̧ ttieru juäi jȩa̧'a̧ tottomenä, ja̧u̧ru̧ yoröiso esetocotö pi̧nä̧tö̧do.

Nuevo Testamento Uwotjüja

³⁷ Juätü ttä'kattü, rü̧ȩnä̧ jȩtto̧kü̧ jü̧ juei, Jesú-mä̧ jȩä̧'i̧ja̧'a̧nä̧ ttesetokoku pinü̧.

San Juan 12:37 Iomraidhean Croise

San Mateo 11:20

Ja̧u̧nu̧ o'ca'a koro ötahuiyä ttö̧ja̧rö̧, chutä rö̧ȩnä̧ ttö̧ja̧ ttieru juäi jȩä̧ji̧mä̧ topinätörö, ro̧'ȩpö̧ ucuocuinödo Jesús. Jahuätö Jesús jȩö̧ tottomenä, yoröiso pärocuäcutä amöcuädocotö pi̧nä̧tö̧do. Jahuätörö pä'inödo:

San Lucas 16:31

Ja̧'hua̧nö̧ ja̧'a̧nä̧ Abraham pä'inödo: “Moisés'inä, Dios i̧huȩnȩ jiäcuähuä isotö jittähuinö ttesetö juiyöttömä, ya̧tȩ 'corupä'i'inö pä'äji ta'anö tto'ächö jiäuttu'inä, esetocotö ttäcuotö,” —pä'inödo Jesús.

San Juan 1:11

Pi̧jä̧ aditinö topö ichinödo. Ahuaruhuä aditinä̧u̧ ja̧u̧ru̧ ttöjö'cococu pi̧nö̧do.

San Juan 11:42

Ttörö 'cuäopönä ä̧ju̧cu̧jä̧ huo̧jua̧sä̧. Ja̧'hua̧nö̧ ja̧'a̧nä̧ pitö, pȩnȩ ka̧cuä̧tö̧, ttörö huecuhuina'a tteseta pä'ö ucuocusä jitä.

San Juan 12:36

Ja̧u̧ tȩa̧u̧, ji̧nä̧ ucutucu ö̧ja̧'a̧ esetätucui, tȩa̧u̧ ttö̧ja̧ päcuhui'ätucua pä'ö. Ja̧'hua̧nö̧ ji'ähuäji'ca̧, Jesús jahuätö ttö̧jo̧mȩttö̧ rä'opächö, jahuätöttö dajahuächinödo.

San Juan 12:38

Ihueye Dios i̧huȩnȩ jiäcuähuä i̧sa̧ Isaías i̧huȩyu̧ti̧nö̧ ta'anö 'cuäopa pä'ö esetocotö pi̧nä̧tö̧do. Ja̧u̧ huȩyu̧ti̧nö̧do: Chu̧ru̧hua̧ cui̧huȩnȩmä̧, ¿dijä̧ttö̧ esetinömä? Tu̧ru̧hua̧ ujurumä, ¿dirö i̧jȩcui̧nä̧ttö̧?

San Juan 15:24

Jahuätö ttö̧'quȩtȩnä̧ korotö jȩtto̧cö̧ ji̧nö̧ juäi jȩchi̧nö̧ juiyöttömä, jerupö jȩttö̧'a̧nö̧ ja̧'a̧. Ja̧'hua̧nö̧ ja̧'a̧nä̧ ja̧u̧ totta'anä'inä, ttörö'inä, Chä'orö'inä kö'cocotödo.

San Juan 2:11

Pi̧yȩmä̧, Caná ötahuiyänä Galilea rȩjȩttö̧, Jesús jȩi̧nö̧mä̧, äcuomenätä ttö̧ja̧ ttieru juäi jȩpi̧nö̧do. Ja̧'hua̧nö̧ jȩo̧mȩnä̧, ttö̧ja̧ öadihuä topinätödo. U̧huo̧juȩtä̧u̧mä̧ ja̧u̧ru̧ adiu ttesetinäcudo.

San Juan 6:2

Recuätö ttö̧ja̧ koro juäi ttö̧ja̧ ttieru juäi, na̧'ä̧chä̧tö̧rö̧ aditö icua'a tottinö o'ca'a, chutä o'ca'anä cue'ächinätödo.