San Juan 12:28 - TÄ̧DO Ä̧CUÄ̧ I̧HUȨNȨ

²⁸ Chä'o, ucu cui̧mi̧nä̧ ttesehuäcua'a̧nö̧, —pä'inödo Jesús. Ja̧u̧nu̧ o'ca'a mo̧ro̧jä̧ra̧'a̧ttö̧ ya̧tȩ i̧huȩnȩ ucuocua'a ä̧ju̧cui̧nä̧tö̧do. Ja̧u̧ huȩnȩ päina'ado: —Täcö ttö chi̧mi̧nä̧ ttesehuäcuähua pä'ö jȩpi̧nö̧sä̧. Ja̧'hua̧ta̧nö̧ pä'äji ta'anö ttö chi̧mi̧nä̧ ttesehuäcuähua pä'ö jȩchä̧cua̧sä̧.

Nuevo Testamento Uwotjüja

²⁸ «Chä'o, kui̧mi̧ ukuo i̧jȩpi̧» Päomȩnä̧ mo̧ro̧jä̧ra̧'a̧ttü̧, rȩmi̧pi̧na̧'a̧: «Täkü chi̧mi̧ ukuomä̧ i̧jȩpä̧'i̧jü̧sä̧ ja̧'wa̧nü̧ ja̧'a̧nä̧ pä'äjita'anü̧ chukuomä̧ chi̧jȩpä̧kua̧sä̧.»

San Juan 12:28 Iomraidhean Croise

San Mateo 11:25

Ja̧u̧nu̧ pä̧nä̧ Jesús ucuocuinödo: —Chä'o, mo̧ro̧jä̧'i̧nä̧, pi̧jä̧'i̧nä̧ Tu̧ru̧hua̧, ucuru eseusä. Ucumä pi̧yȩmä̧ adihuä juäimä, dajahuächäji'ca̧mä̧ huo̧juȩto̧cö̧ pi̧nö̧jä̧ rö̧ȩnä̧ huo̧juä̧tö̧rö̧'i̧nä̧, rö̧ȩnä̧ ucuocuätörö'inä. Ppo̧'ä̧tö̧ ttö̧'a̧nö̧ huotörö iyö huo̧juȩti̧nö̧jä̧.

San Mateo 11:26

Iso päi'önä Chä'o, ja̧'hua̧nö̧ pä̧huä̧ rö̧ji̧nä̧cu̧jä̧ ucutä.

San Mateo 17:5

Pedro ja̧'hua̧nö̧ ucuocuomenä, ajiya isoppa tȩa̧u̧ mȩyȩhui̧'i̧na̧'a̧do jahuätö ttö̧ja̧cuo̧mȩcu̧. Ajiya isoppattö ya̧tȩ i̧huȩnȩ ucuocua'a ä̧ju̧cui̧nä̧tö̧do: —Pidemä ttö Chi̧tti̧ rȩni̧'a̧. Ttömä juiyo eseusä ja̧u̧ru̧. Ä̧ju̧cuä̧tu̧cui̧ ja̧u̧ru̧tä̧, —ucuocua'a ä̧ju̧cui̧nä̧tö̧do.

San Mateo 26:42

Todärenä päi'önä ucuocu 'chi̧nö̧do. Pä'inödo: —Ttö Chä'o, ttö ubara ttudä̧cuȩmä̧ ubara ttudu juiya pä̧huä̧ juiyöttömä, ucurutä pä̧huä̧ rö̧jo̧mȩnä̧ jȩpi̧.

San Mateo 3:17

Ja̧'hua̧nö̧ ja̧'a̧ttö̧ mo̧ro̧jä̧ra̧'a̧ttö̧ ya̧tȩ i̧huȩnȩ rä̧mi̧pa̧'a̧ ä̧ju̧cui̧nä̧tö̧do. Ja̧u̧ huȩnȩ päina'ado: —Pidemä ttö Chi̧tti̧ rȩni̧'a̧. Ja̧u̧ru̧ juiyo eseusä, —päina'ado.

San Marcos 1:11

Ja̧'hua̧nö̧ ja̧'a̧ttö̧ mo̧ro̧jä̧ra̧'a̧ttö̧ ya̧tȩ i̧huȩnȩ rä̧mi̧pa̧'a̧ ä̧ju̧cui̧nä̧tö̧do. Ja̧u̧ huȩnȩ päina'ado: —Ucumä ttö Chi̧tti̧ rȩni̧'a̧jä̧. Ucuru juiyo eseusä, —päina'ado.

San Marcos 14:36

Ja̧'hua̧ta̧nö̧ Diosrö ucuocuinödo: —Ttö Chä'o, ucumä o'ca juiyönä jȩpö̧jä̧. Ucuru pä̧huä̧ rö̧jö̧ttö̧mä̧, pi̧yȩmä̧ ttö ubara ttudä̧cuȩmä̧, ubara ttudu juiya pä'ittö. Ja̧'hua̧ta̧nö̧ ja̧'a̧nä̧ ucuru pä̧huä̧ rö̧jö̧tä̧ jȩpi̧, ttörö pä̧huä̧ rö̧jö̧mä̧cö̧.

San Marcos 9:7

Ja̧'hua̧nö̧ ja̧'a̧ ajiya isoppa mȩyȩhui̧'i̧na̧'a̧do jahuätö ttö̧ja̧cuo̧mȩcu̧. Ajiya isoppattö ya̧tȩ i̧huȩnȩ ucuocua'a ä̧ju̧cui̧nä̧tö̧do: —Pidemä ttö Chi̧tti̧ rȩni̧'a̧. Ä̧ju̧cuä̧tu̧cui̧ ja̧u̧ru̧tä̧, —ucuocua'a ä̧ju̧cui̧nä̧tö̧do.

San Lucas 3:22

Ja̧'hua̧ta̧nö̧ Espíritu Santo unucu ta'anö hua̧ mȩyȩhui̧'ö̧ kä̧mä̧di̧nö̧do Jesúsru tottönä päi'önä. Ja̧'hua̧ta̧nö̧ ttä̧ju̧cu̧nä̧ mo̧ro̧jä̧ra̧'a̧ttö̧ ya̧tȩ i̧huȩnȩ rä̧mi̧pa̧'a̧ ä̧ju̧cui̧nä̧tö̧do. Ja̧u̧ huȩnȩ päina'ado: —Ucumä ttö chi̧tti̧ rȩni̧'a̧jä̧. Ucuru juiyo eseusä, —päina'ado.

San Lucas 9:35

Ja̧'hua̧nö̧ ja̧'a̧ ajiya isoppattö ya̧tȩ i̧huȩnȩ ucuocua'a ä̧ju̧cui̧nä̧tö̧do: —Pidemä ttö Chi̧tti̧ rȩni̧'a̧. Ä̧ju̧cuä̧tu̧cui̧ ja̧u̧ru̧tä̧.

San Juan 11:4

Jesús ja̧'hua̧nö̧ ä̧ju̧cuo̧mȩnä̧, pä'inödo: —Ja̧u̧ na̧huä̧cho̧mȩnä̧, 'corupä'i'ocö. Dios adihuä öadihuä'inä, Dios I̧tti̧ adihuä öadihuä'inä i̧jȩcua̧ pä'ö na̧'ä̧chö̧ ja̧u̧mä̧.

San Juan 18:11

Ja̧'hua̧nö̧ jȩo̧mȩnä̧, Jesús Pedrorö pä'inödo: —Cucurodä hua'adö ku̧ni̧. Chä'orö pä̧huä̧ rö̧jö̧ttö̧mä̧ pi̧yȩ surojö 'cuädopa pä'ö, ¿ja̧u̧ru̧tä̧ amöcuädö 'cuädopö juiyäcua'a tä̧ji̧?

San Juan 9:3

Jesús jahuätörö pä'inödo: —Chutä'inä, jä'o'inä, ja̧ju̧'i̧nä̧ suronä jȩpo̧co̧tö̧ pi̧nä̧tö̧do. Pi̧jä̧ ttö̧ja̧ Dios ujuru tottäcua'a̧nö̧ ja̧'hua̧nö̧ uhuäpächinödo.

Efesios 2:7

Chutä ja̧'hua̧nö̧ jȩpi̧nö̧do, iso päi'önä yodoji'inä ujuturu, rö̧ȩnä̧ rȩpȩä̧cua̧ tu̧huo̧jua̧ pä'ö. Ja̧'hua̧ta̧nö̧ o'ca juiyönä adihuä juäi i̧yä̧cua̧ ujuturu Cristo Jesúsru teseta'attö tu̧huo̧jua̧ pä'ö.

Efesios 3:10

Ja̧'hua̧nö̧ 'cuäopina'ado jitä o'ca toi'önä pi̧jä̧ isoppanä ka̧cuä̧tö̧ hue'ähuotömä Diosrö esetätörö topö, ttu̧huo̧jua̧ pä'ö o'ca juiyönä Dios u̧huo̧ju̧mä̧.

Efesios 3:21

¡Diosrö esetätörö amöcuädö, 'cuäopönä teseäcuähuätucuaja Diosrö! Ja̧'hua̧ta̧nö̧ Cristo Jesúsru esetö, jitä'inä, yodoji'inä, 'cuäopönä teseäcuähuätucuaja Diosrö. Amén.

2 Pedro 1:17

Tä'o Dios I̧tti̧ Jesucristorö esehua'a topinätöjä. Ja̧'hua̧ta̧nö̧ Dios i̧huȩnȩ eseunu ucuocua'a ä̧ju̧cui̧nä̧tö̧jä̧. Chutä Dios pä'inö: “Pidemä ttö Chi̧tti̧ rȩni̧'a̧. Ja̧u̧ru̧ juiyo eseusä.”