Biblia Todo Logo
Bìoball air-loidhne

- Sanasan -




San Juan 12:1 - TÄ̧DO Ä̧CUÄ̧ I̧HUȨNȨ

1 Ko̧ro̧mö̧ttö̧nö̧ ya'ute mo̧ro̧ pascua fiesta jȩttä̧cua̧'a̧ ä'canä, Jesús Betania ötahuiyära̧'a̧ 'chi̧nö̧do. Lázaro 'corupäi'omettö ttoädinäcu, ju̧huȩnȩ ötahuiyänä ki̧nö̧do.

Faic an caibideil Dèan lethbhreac

Nuevo Testamento Uwotjüja

1 Pacua pä'käri kkä̧mä̧dä̧kua̧'a̧, kko̧ro̧mü̧ttü̧nü̧ ya'ute mo̧ro̧ ä'kanä̧, Jesú-mä̧ Betania ütawiyära̧'a̧, Chutä ttoädinä̧ku̧ Rázaru ü̧jo̧mȩku̧ ichinü̧.

Faic an caibideil Dèan lethbhreac




San Juan 12:1
13 Iomraidhean Croise  

Ja̧u̧nu̧ o'ca'a jahuätörö jaropi'ö, ötahuiyättö rä'opö Betania ötahuiyära̧'a̧ 'chi̧nö̧do yodo 'cuäopa pä'ö.


Ja̧'hua̧nö̧ huotta'anä Jesús 'chä̧hui̧'i̧nö̧do Jerusalén ötahuiyära̧'a̧. Diosrö ucuocuäcuähuodenä'inä do'ächinödo. Ja̧'hua̧ta̧nö̧ o'ca juiyönä topäji'ca̧, ni̧pä̧cha̧'a̧ttö̧, Betania ötahuiyära̧'a̧ 'chi̧nö̧do ttö̧jä̧pö̧ttö̧nö̧ ta̧ju̧nu̧ u̧huo̧juȩtä̧u̧cu̧.


Ja̧'hua̧ ja̧'a̧ Jesús jahuätöcu ötahuiyättö rä'opö 'chi̧nö̧do Betania ötahuiyära̧'a̧. Juhuorö u̧mö̧ cä'epö, Diosrö ucuocuinödo jahuätörö.


Ja̧'hua̧ ja̧'a̧ttö̧ ja̧u̧ ötahuiyänä ki̧nä̧ju̧do yajute isaju, suronä jȩpä̧ju̧. Jesús fariseo i̧sa̧ ojusodenä u̧cuȩ cuä̧nö̧ i̧'chä̧ja̧'a̧ ä̧ju̧cu̧, adihuä juäi alabastro ido'quittö adicuä̧yu̧, amehuoya a̧cuä̧yu̧, 'chu̧huä̧rä̧nö̧ 'chi̧nä̧ju̧do.


Ya̧tȩ na̧'ä̧chö̧mä̧, Lázaro pä'ö mi̧cua̧, Betania ötahuiyänä ki̧nö̧do. María, kuböa Martacu ju̧huȩnȩ ötahuiyänä ka̧cui̧nä̧tö̧do.


Ja̧'hua̧nö̧ ucuocuäji'ca̧, pä̧i̧cu̧nä̧ huopinödo: —¡Lázaro, juhua'attö rä'opi!


Ja̧'hua̧nö̧ päomenä, ja̧u̧ 'corupä'i'äjimä rä'opinödo u̧mö̧pi̧yä̧'i̧nä̧, ö̧jä̧pi̧yä̧'i̧nä̧ pö̧jä̧ta̧nä̧ juähua'a. Ö'ä'inä pö̧jä̧ta̧nä̧ juähuina'ado. Jesús ju̧huȩnȩ ka̧cuä̧tö̧rö̧ pä'inödo: —Ejädo icuätucuirö i̧'cha̧.


Judíos ttö̧ja̧ pascua fiesta jȩttä̧cua̧'a̧ mo̧ro̧ tö'cöhuächina'ado. Recuätö ttö̧ja̧ korome ötahuiyä ppo̧ö̧ttö̧ 'chi̧nä̧tö̧do Jerusalén ötahuiyära̧'a̧, pascua fiesta jȩttä̧cua̧'a̧ ä'canä suronä jȩtti̧nö̧ töcäu tticua pä'ö Diosrö ucuocuäcuähuodenä.


Recuätö ttö̧ja̧ Jerusalén ötahuiyära̧'a̧ 'chi̧nä̧tö̧do, pascua fiesta jȩtta̧ pä'ö. Ja̧u̧nu̧ o'come mo̧ro̧, Jesús ötahuiyära̧'a̧ icha'a ä̧ju̧cui̧nä̧tö̧do.


Fiesta jȩtta̧ pä'ö Jerusalén ötahuiyära̧'a̧ 'chi̧nä̧tö̧ ttö̧'quȩtȩnä̧, korotömä, judíos huocotö 'chi̧nä̧tö̧do.


Recuätö judíos ttö̧ja̧, Jesús Betania ötahuiyänä ö̧ja̧'a̧ ä̧ju̧cu̧, ja̧u̧ru̧ topö 'chi̧nä̧tö̧do. Lázaro, Jesús 'corupäi'omettö ttoädinäcuru'inä topö 'chi̧nä̧tö̧do.


Lean sinn:

Sanasan


Sanasan