San Juan 11:52 - TÄ̧DO Ä̧CUÄ̧ I̧HUȨNȨ

⁵² Ja̧'hua̧ta̧nö̧ jahuätötämäcö̧. O'ca toi'önä Dios i̧tti̧mö̧ kara'a ka̧cuä̧tö̧rö̧'i̧nä̧ u̧ca̧ca̧ta̧ pä'ö 'co̧ru̧pä̧i̧'ä̧cua̧, —pä'inödo.

Nuevo Testamento Uwotjüja

⁵² Suro juätü judío-rü ja̧'a̧tȩ'ü̧tä̧mä̧kü̧, kko̧ro̧jä̧nä̧ kka̧kuä̧tü̧ Dio i̧tti̧mü̧ judío-rümä̧ ü̧ka̧ka̧ta̧ pä'ü ja̧'a̧, pä'ü pä'inü̧.

San Juan 11:52 Iomraidhean Croise

San Lucas 15:8

“Ja̧'hua̧ta̧nö̧ yajute to̧mö̧rȩ jähuä pärätä o̧bi̧ ku̧ju̧nä̧ra̧'a̧, ji̧bi̧tȩ toei'iyäcuamä, ¿lámpara rȩdȩtö̧, kojusode ttu̧ȩcuä̧nä̧ juatö kä̧nö̧ kö̧'o̧cui̧'o̧mȩ jubö päi'önä usocoju tä̧ji̧?

San Lucas 2:32

Ja̧u̧tä̧ tȩa̧u̧mä̧, Israel huocotörö tȩa̧huä̧cuȩmä̧, cumöhuäyotö Israel ttö̧ja̧rö̧ ttucuota pä'ö, pä'inödo Simeón.

San Juan 1:12

Ja̧'hua̧ta̧nö̧ korotö ja̧u̧ru̧ adiu esetinätödo. Ja̧u̧ru̧ adiu esetätörö, chutä hueinä̧u̧do Dios i̧tti̧mö̧ pätti'a pä'ö.

San Juan 1:29

Ja̧u̧nu̧ o'come mo̧ro̧, Juan Jesúsru topinödo. Jesús Juanrö tö'cönänö ichinödo. Juan pä'inödo: —Topätucui, pidemä Dios I̧tti̧, oveja ji̧'qui̧cha̧hua̧, Cordero pättäcu, jä̧'i̧nö̧'a̧nö̧ hua̧. Pide pi̧jä̧ ttö̧ja̧ suronä jȩttö̧ jȩpö̧ i̧cuä̧cua̧.

San Juan 10:16

Ja̧'hua̧ta̧nö̧ korotö chä̧ji̧mö̧ o̧vȩja̧stö̧ i̧so̧ca̧nä̧ ka̧cuo̧co̧tö̧do. Jahuätörö ȩmö̧ chi̧'chä̧cua̧sä̧. Ttö pädömä jȩttä̧cuo̧tö̧. Ja̧'hua̧nö̧ ja̧'a̧nä̧ o'ca toi'önä o̧vȩja̧stö̧ ji̧nä̧ yo̧mȩtȩ ttö̧ja̧cuä̧cuo̧tö̧. Ja̧'hua̧ta̧nö̧ ya̧tȩtä̧ adihuä tta̧huä̧rä̧cuä̧huä̧ i̧sa̧ ö̧jä̧cua̧.

San Juan 12:32

Ttörö pi̧jä̧ huämenä cättepomenä, o'ca toi'önärö o̧di̧pä̧cua̧sä̧ ttörö tteseta pä'ö.

Hechos 18:10

Ttömä ucucu kö̧sä̧. Ya̧tȩ'i̧nä̧ ucuru suronä jȩo̧co̧cu̧jä̧. Pi̧yȩ ötahuiyänä ttö̧ja̧ recuätörö ku̧nä̧rö̧sä̧, —pä'inödo Tu̧ru̧hua̧.

Romanos 3:29

Diosmä ¿judíos ttö̧ja̧tä̧ Ttä̧do̧ ä̧cua̧ tä̧ji̧? ¿Judíos huocotö'inä Ttä̧do̧ ä̧cua̧cö̧ tä̧ji̧? Diosmä judíos ttö̧ja̧'i̧nä̧, judíos huocotö'inä Ttä̧do̧ ä̧cua̧do.

Romanos 4:17

Huȩyu̧cuä̧ Huȩnȩ päa'a: “Ucuru hue'ipinösä recuätö ttö̧ja̧ ttä'o päi'önä.” Abraham Diosrö esetina'attö, micuähuinö ja̧u̧ huȩnȩ. 'Corujuo'ächinätörö'inä Diosmä tta̧'cua̧rö̧ iyö. Ja̧'hua̧ta̧nö̧ pi̧jä̧nä̧ juiyö'inä, kö̧nä̧ jȩpö̧ Diosmä.

Efesios 1:5

Ja̧'hua̧ta̧nö̧ ujuturu repe'ö, Jesucristorö tesetomenä, i̧tti̧mö̧ päti'a pä'ö hue'inö täbocö päi'önä. Ja̧'hua̧nö̧ churutä pä̧huä̧ rö̧jo̧mȩnä̧ hue'inödo.

Efesios 3:11

Dios ja̧'hua̧nö̧ jȩpi̧nö̧do chutä päinö ta'anö, Tu̧ru̧hua̧ Jesucristo ichomenä.

Santiago 1:1

Ttömä Santiagosä. Dios'inä, Tu̧ru̧hua̧ Jesucristo'inä hueö jȩpö̧sä̧. Israel ttö̧ja̧ttö̧ dö'ecuächinätö'cotö pi̧jä̧ pa̧ja̧cu̧nä̧ ka̧cuä̧tö̧rö̧, te'äusä.

1 Pedro 1:1

Ttötäsä Pedro, Jesucristo huȩ'ä̧hua̧sä̧. Ponto rȩjȩnä̧'i̧nä̧, Galacia rȩjȩnä̧'i̧nä̧, Capadocia rȩjȩnä̧'i̧nä̧, Asia rȩjȩnä̧'i̧nä̧, Bitinia rȩjȩnä̧'i̧nä̧ ka̧cuä̧tö̧rö̧, jitötä tti̧rȩjä̧ttö̧ dö'ecuächinätörö, huȩyu̧tu̧ hue'ösä pi̧yȩ cuyäru.

1 Juan 2:2

Jesucristomä suronä jȩtö̧ töcö icu. Ujututä suronä jȩtö̧tä̧mä̧cö̧, o'ca toi'önä suronä jȩttö̧ töcö icu.

1 Juan 3:1

Adiu amöcuädätucui. Dios ujuturu rö̧ȩnä̧ repea'attö “chi̧tti̧mö̧” pä'ö. Iso päi'önä Dios i̧tti̧mö̧jä̧. Ttö̧ja̧ pi̧jä̧ jähuä amöcuädätömä Tä'o Diosrö ttu̧huo̧juo̧ca̧'a̧ttö̧, ujuturu'inä huo̧juo̧co̧tö̧.

1 Juan 3:10

Ja̧'hua̧nö̧ ja̧'a̧ topö huo̧juä̧tö̧jä̧ Dios i̧tti̧mö̧rö̧'i̧nä̧, ähuettä i̧tti̧mö̧rö̧'i̧nä̧. Adiu jȩpo̧co̧tö̧mä̧, ttö̧jä̧hua̧tö̧rö̧ repe'ocotömä, Dios i̧tti̧mö̧cö̧.

1 Juan 3:2

Chö̧jä̧hua̧tö̧, jitä ujutu Dios i̧tti̧mö̧jä̧. Ja̧'hua̧nö̧ ja̧'a̧ päti'äcua'amä Dios ji̧nä̧ ji'ähuocö pi̧nö̧ ujuturu. Ujutu huo̧juä̧tö̧jä̧ Jesucristo i̧jȩcua̧'a̧ totomenä, chutä jö̧ ta'anö päti'äcuotöjä, ja̧u̧ru̧ totomenätä.

Apocalipsis 5:9

Ja̧'hua̧ta̧nö̧ pi̧yȩ jareö ra̧huä̧huä̧ ra̧'i̧nä̧tö̧: Iso päi'önä ucutä adihuä i̧sa̧jä̧. Ucutä ja̧u̧ cuyäru'tä ȩmö̧, sellos jȩpö̧ cuicu'a̧nö̧ hua̧. Ucurutä sacrificio päi'önä cuä'ö tticuinäcujä. Ucutä cucuojanä Dios i̧tti̧mö̧ päti'a pä'ö ȩmi̧nö̧jä̧ o'ca toi'önä pa̧ja̧cu̧nä̧ ttö̧ja̧ttö̧'i̧nä̧, tti̧huȩnȩ pö̧nä̧ ucuocuätöttö'inä, o'ca juiyönä ötahuiyä ttö̧ja̧ttö̧'i̧nä̧, korotö tti̧rȩjä̧ttö̧'i̧nä̧.