San Juan 11:41 - TÄ̧DO Ä̧CUÄ̧ I̧HUȨNȨ

⁴¹ Ja̧'hua̧nö̧ päomenä, ido'qui pporädinätödo. Jesús mo̧ro̧jä̧ra̧'a̧ topö, ucuocuinödo: —Chä'o, ttörö cuä̧ju̧cuä̧ja̧'a̧ eseusä ucuru.

Nuevo Testamento Uwotjüja

⁴¹ Ja̧'wa̧nü̧ ja̧'a̧, wa'are ttütäjäju ä'ka i̧nä̧bi pporädü ikuinä̧tü̧. Ja̧'wa̧nü̧ ja̧'a̧ Jesú-mä̧ mo̧ro̧jä̧ra̧'a̧ku̧ topü pä'inü̧: —Chä'o, ukuru eseusä, ttürü kuä̧ju̧kuä̧ja̧'a̧ttü̧.

San Juan 11:41 Iomraidhean Croise

San Mateo 11:25

Ja̧u̧nu̧ pä̧nä̧ Jesús ucuocuinödo: —Chä'o, mo̧ro̧jä̧'i̧nä̧, pi̧jä̧'i̧nä̧ Tu̧ru̧hua̧, ucuru eseusä. Ucumä pi̧yȩmä̧ adihuä juäimä, dajahuächäji'ca̧mä̧ huo̧juȩto̧cö̧ pi̧nö̧jä̧ rö̧ȩnä̧ huo̧juä̧tö̧rö̧'i̧nä̧, rö̧ȩnä̧ ucuocuätörö'inä. Ppo̧'ä̧tö̧ ttö̧'a̧nö̧ huotörö iyö huo̧juȩti̧nö̧jä̧.

San Mateo 11:26

Iso päi'önä Chä'o, ja̧'hua̧nö̧ pä̧huä̧ rö̧ji̧nä̧cu̧jä̧ ucutä.

San Mateo 27:60

Idoränä churutä ttu'tura pä'ö hueä̧u̧ jareönä ttaditinoränä ötinäcudo. Ja̧u̧nu̧ o'ca'a idorä ä'ca ido'qui rö̧o'quinä mö̧'ȩpä̧ji̧'ca̧ i̧hui̧nö̧do.

San Marcos 15:46

Ja̧'hua̧ ja̧'a̧ttö̧ José adihuä juäi sábana'cua ȩmi̧nö̧do. Ja̧u̧nu̧ o'ca'a dau isodättö mȩyȩdö̧, Jesúsru juä'opinödo sábana'cuanä. Ja̧u̧nu̧ o'ca'a idoränä, inähuänä ttaditinoränä rötinödo. Idorä ä'ca, ido'quinä mö̧'ȩpi̧nö̧do.

San Lucas 10:21

Ja̧u̧nu̧ pä̧nä̧ Jesús juiyo esehuinödo Espíritu Santonä. Ja̧'hua̧ ja̧'a̧ pä'inödo: —Chä'o mo̧ro̧jä̧'i̧nä̧, pi̧jä̧'i̧nä̧ Chu̧ru̧hua̧, ucuru eseusä. Ucumä pi̧yȩmä̧ adihuä juäimä, dajahuächäji'ca̧mä̧ huo̧juȩto̧cö̧ pi̧nö̧jä̧ rö̧ȩnä̧ huo̧juä̧tö̧rö̧'i̧nä̧, rö̧ȩnä̧ ucuocuätörö'inä. Ppo̧'ä̧tö̧ ttö̧'a̧nö̧ huotörö iyö huo̧juȩti̧nö̧jä̧. Iso päi'önä Chä'o, ja̧'hua̧nö̧ pä̧huä̧ rö̧ji̧nä̧cu̧jä̧ ucutä.

San Lucas 18:13

Ja̧'hua̧nö̧ ja̧'a̧nä̧ ru̧hua̧ öäre pärätä ȩmä̧'i̧jö̧mä̧ otonänö ki̧'i̧nö̧do. Ja̧'hua̧ta̧nö̧ yoröiso mo̧ro̧jä̧ra̧'a̧'i̧nä̧ bo̧yu̧cu̧ topocö pi̧nö̧do. Ja̧'hua̧ta̧nö̧ a̧mö̧ca̧ 'ta'tapäcuähuinödo. Pä'inödo: “Chä̧do̧ ä̧cua̧ Dios, re rö̧jö̧nä̧ topittö ttörö, suronä jȩpö̧rö̧.”

San Lucas 24:2

Ja̧'hua̧nö̧ ja̧'a̧ 'chä̧hui̧'ö̧ tottomenä, ido'qui, idorä mö̧ȩcuo'qui pporädö icuähua'a topinätödo.

San Juan 11:22

Ja̧'hua̧nö̧ ja̧'a̧nä̧ o'ca juiyönä jäcuhue'ömä, Dios iyäcujä huo̧jua̧ju̧sä̧.

San Juan 17:1

Ja̧u̧ huȩnȩ ji'ähuäji'ca̧, Jesús mo̧ro̧jä̧ra̧'a̧ topö ucuocuinödo: —Chä'o, ttörö täcö jo̧mȩ päi'a'a. Cui̧tti̧rö̧ esehui, ucurutä Cui̧tti̧ esehuäcua'a̧nö̧.

San Juan 20:1

Ja̧u̧nu̧ pä̧nä̧, semana äcuomenä mo̧ro̧, ji̧nä̧ yo̧ä̧sa̧ ja̧'a̧ pä'ötä mo̧ro̧ juomenä, María Magdalena idorära̧'a̧ topö 'chi̧nä̧ju̧do. Ido'qui, idorä ä'ca mö̧ȩcuo'qui, juiya'atä topinäjudo.

Hechos 7:55

Ja̧'hua̧nö̧ ja̧'a̧ Estebanmä, Espíritu Santo hueinäcumä, mo̧ro̧jä̧ra̧'a̧ topö Dios i̧tȩa̧ topinödo. Ja̧'hua̧ta̧nö̧ Jesúsru topinö Dios u̧huo̧jua̧'a̧nä̧ ö̧ja̧'a̧.

Filipenses 4:6

Koro koronö cuamöcuädätucuä'. 'Cuäopönä Diosrö jä'epö ucuocuätucui. Ja̧'hua̧ta̧nö̧ eseunu ucuocuätucuirö.