San Juan 1:14 - TÄ̧DO Ä̧CUÄ̧ I̧HUȨNȨ

¹⁴ Ja̧'hua̧ta̧nö̧ ja̧u̧ Dios i̧huȩnȩmä̧, ttö̧ja̧ i̧sa̧ päi'önä pärohuächö, ujutu tö̧'quȩtȩnä̧ ki̧nö̧do. Ujutu, chutä Jä'o I̧tti̧ chu ä̧cua̧tä̧ öadihuä topinätöjä. Ja̧u̧ iso päi'önä ucuocu, ahuaruhuärö repe'inödo.

Nuevo Testamento Uwotjüja

¹⁴ Ja̧'wa̧nü̧ ja̧'a̧ttü̧, Jua̧u̧ i̧wȩnȩ ji̧nü̧mä̧, ttü̧ja̧sa̧ jü̧nä̧tä̧ kki̧na̧'a̧ ujutu tü̧'kä̧tȩnä̧mä̧. Jua̧u̧mä̧ ttü̧ja̧ tteseunä̧tä̧, jueü wȩnȩnä̧tä̧ kki̧nü̧; Jä'o Dio chu̧'ä̧kua̧ jü̧nä̧ (gloria pättü) iyinü̧mä̧ topinä̧tü̧jä̧.

San Juan 1:14 Iomraidhean Croise

San Mateo 1:16

Ja̧'hua̧ta̧nö̧ Jacobmä, José jä'o pi̧nö̧do. Josémä, María kirecuo pi̧nö̧do. Jahuäjumä, Maríamä, Jesús ja̧ju̧ pi̧nä̧ju̧do. Ja̧'hua̧ta̧nö̧ Jesúsmä koro i̧mi̧ Cristo mi̧cua̧do.

San Lucas 2:11

Mo̧ro̧ji̧ mo̧ro̧ uhuäpächäji David idepiyuttu ya̧tȩ suronä jȩcu̧'ä̧tu̧cu̧ jȩpö̧ i̧cuä̧cua̧ ucuturu. Ja̧u̧tä̧ Tu̧ru̧hua̧ Cristomä.

San Lucas 2:7

Juhuorö äcuomenä ki̧tti̧rö̧ uhuäbecuinäjudo. Cue'ächähuotö ttä'ä'ijode ttö̧ja̧ttö̧ suhuädi'a'attö̧, jäyähuodenä pö̧jä̧ta̧nä̧ juä'opö rötinäjudo ttäji cuäcuähuotö ttucuä'cua rötähuo̧ca̧nä̧.

San Lucas 9:32

Pedrocu, ahuaruhuäcu ttä'a pödi rö̧ja̧'a̧nä̧, to̧pä̧ri̧nä̧tö̧do. Ja̧'hua̧nö̧ ja̧'a̧ topinätödo Jesús öadihuä'inä, u̧mä̧tö̧ ta̧ju̧ ja̧u̧tä̧cu̧ ka̧cuä̧tö̧rö̧'i̧nä̧.

San Juan 1:1

Pi̧jä̧'i̧nä̧ juiyäi, Dios i̧huȩnȩ ji̧na̧'a̧do. Ja̧u̧ Dios i̧huȩnȩ ji̧nö̧mä̧, Dioscu ki̧na̧'a̧do. Ja̧'hua̧ta̧nö̧ ja̧u̧ Dios i̧huȩnȩ ji̧nö̧mä̧, Dioscu yoräteunä ji̧nö̧do.

San Juan 11:40

Ja̧'hua̧ ja̧'a̧nä̧ Jesús päinäcuado: —Adiu cuesetöttömä, Dios adihuä öadihuä tocu'äcuajujä ¿ucuru pä'ocö päjisä tä̧ji̧?

San Juan 14:6

Jesús ädätinödo: —Ttötäsä mä̧nä̧mä̧, iso päi'önämä, kä̧cuä̧huä̧ i'comä. Ttörötä esetömä Chä'o ö̧ja̧'a̧mä̧ rȩbȩä̧cuä̧hua̧'a̧.

San Juan 14:9

Jesús ädätinödo: —Felipe ucutucu recuo chö̧jo̧mȩnä̧, ¿ji̧nä̧ jȩru̧pa̧jä̧ tä̧ji̧ ttörö? Ttörö topömä, Chä'orö'inä topö. Ja̧'hua̧nö̧ ja̧'a̧ttö̧ Cuä'orö tota pä'ätöjä, ¿tta̧'a̧nö̧ päcuhuäjättö?

San Juan 17:22

Ucucu, ttöcu ji̧nä̧ ji̧yȩtȩ jö̧ ta'anö, jahuätö'inä ji̧nä̧ ji̧yȩtȩ pätti'a pä'ö ttörö adiu cuiyinömä, iyinösä jahuätörö.

San Juan 17:24

“Chä'o, ttörö cuiyinä̧u̧. Ttö chö̧jo̧mȩ'í̧nä̧ ttö̧ja̧cua̧ pä'ösä, chöadihuä, ttörö cuiyinömä, totta pä'ö. Pi̧jä̧ juiyäi'inä ttörö repe'inöjä.

San Juan 18:37

Ja̧'hua̧nö̧ päomenä, Pilato jä'epinödo: —¿Ucumä ttö̧ja̧ ttu̧ru̧hua̧jä̧ tä̧ji̧? Jesús pä'inödo: —A̧'a̧, ucu päcu ta'anö ru̧hua̧sä̧. Ttömä uhuäpächö ichinösä pi̧jä̧ra̧'a̧ iso päi'önä huȩnȩ jidähua pä'ö. O'ca toi'önä iso päi'önä huȩnȩ päö'a̧nö̧ jȩpä̧tö̧mä̧, ttörö ä̧ju̧cuä̧tö̧.

San Juan 2:11

Pi̧yȩmä̧, Caná ötahuiyänä Galilea rȩjȩttö̧, Jesús jȩi̧nö̧mä̧, äcuomenätä ttö̧ja̧ ttieru juäi jȩpi̧nö̧do. Ja̧'hua̧nö̧ jȩo̧mȩnä̧, ttö̧ja̧ öadihuä topinätödo. U̧huo̧juȩtä̧u̧mä̧ ja̧u̧ru̧ adiu ttesetinäcudo.

San Juan 3:16

Juhua'a yabonö pä'inödo Jesús: —Dios juiyo pä̧huä̧ rö̧jä̧cu̧ ttö̧ja̧ pi̧jä̧ ruhuärö. Ja̧u̧ I̧tti̧ ya̧tȩrö̧ä̧tä̧, chu ä̧cua̧rö̧ä̧tä̧, hue'inödo pi̧jä̧ra̧'a̧, ja̧u̧ru̧ esetätö o'ca toi'önä ttire'tehuächö juiyönä kä̧cuä̧huä̧ i'co ttu̧ju̧nä̧ra̧ pä'ö.

San Juan 3:18

“Ya̧tȩ Dios I̧tti̧rö̧ esetömä, tä̧bo̧cuä̧mä̧ 'cuäopoca'a ja̧u̧ru̧. Ja̧'hua̧nö̧ ja̧'a̧nä̧ esetocörö tä̧bo̧cuä̧ 'cuäopäcua'a ja̧u̧ru̧, Dios I̧tti̧rö̧ chu ä̧cua̧rö̧ä̧tä̧ esetoca'attö.

San Juan 6:51

Ttötäsä ja̧u̧ kä̧cuä̧huä̧ i'co i̧ri̧si̧ mo̧ro̧jä̧ra̧'a̧ttö̧ mȩyȩhui̧nö̧mä̧. Pi̧yȩ i̧ri̧si̧ttö̧ cumä, 'cuäopönä ö̧jä̧cua̧. Ja̧u̧ i̧ri̧si̧ chiyömä, ttötä chidepä chi̧yä̧huä̧cua̧sä̧. Pi̧jä̧ ttö̧ja̧ ttö̧ja̧cua̧ pä'ö chi̧yä̧huä̧cua̧sä̧, —pä'inödo Jesús.

San Juan 8:32

Iso päi'önä huȩnȩ cu̧huo̧jui̧'ä̧cuo̧tö̧jä̧. Ja̧'hua̧ta̧nö̧ ja̧u̧ huȩnȩ ucuturu ppädäcua'a surojöttö cuejächi'ätucua pä'ö.

Romanos 8:3

Moisés hueähuä huȩnȩ, ttö̧ja̧ ttidepä juiyuhua'attö jȩo̧cö̧'i̧nä̧, jȩpi̧nö̧ Dios. Chutä hue'inö I̧tti̧rö̧, pi̧jä̧ ttö̧ja̧ suronä jȩpä̧tö̧ a̧'cua̧rö̧nä̧ hua̧rö̧, surojö jȩpö̧ icua pä'ö. Ja̧'hua̧nö̧ jȩo̧mȩnä̧, surojö be'epö icua pä'ö amöcuädinö.

Romanos 9:5

Jahuätömä tä̧do̧tö̧ mi̧nä̧ ttahuaruhuä isotö. Cristomä pi̧jä̧nä̧ ö̧jo̧mȩnä̧, jahuätö isotö i̧sa̧ pi̧nö̧. Ja̧'hua̧ta̧nö̧ chutä Diosrö, o'ca juiyönä Ru̧hua̧rö̧, 'cuäopönä tesehuaja. Amén.

1 Corintios 15:47

Äcuomenä ttö̧ja̧ i̧sa̧ pi̧jä̧ redä'ca i̧sa̧ppȩttö̧ a̧di̧cua̧ pi̧nö̧do. Ja̧u̧nu̧ o'ca'a pi̧nö̧mä̧, Tu̧ru̧hua̧ pi̧nö̧mä̧, mo̧ro̧jä̧ra̧'a̧ttö̧ ichinödo.

2 Corintios 12:9

Ja̧'hua̧nö̧ ja̧'a̧nä̧ Tu̧ru̧hua̧ ttörö pä'inö: “Ucuru repe'ösä. Ja̧'hua̧nö̧ ja̧'a̧ttö̧ cuami 'qui'ächi'ö cu̧jä̧cua̧jä̧. Cuijuiyuhuächi'omenä, ttö chujuru adiunä tottäcuotö,” pä'inödo. Ja̧'hua̧nö̧ ja̧'a̧ttö̧ eseunu chi̧jui̧yu̧huä̧cua̧sä̧, korotö Cristo ujuru adiu tottäcua'a̧nö̧ ttörö tottomenä.

Gálatas 4:4

Ja̧'hua̧nö̧ ja̧'a̧nä̧ churutä pä̧huä̧ rö̧jo̧mȩnä̧ Dios I̧tti̧rö̧ hue'inö, yajute isajuttu uhuäpächa pä'ö. Ja̧u̧ judíos i̧sa̧ ta'anö hueähuä huȩnȩ jȩtto̧mȩ uhuäpächinö.

Efesios 3:8

Ttömä o'ca toi'önä Dios i̧tti̧mö̧ttö̧'i̧nä̧ abonänö usurä i̧sa̧sä̧. Ja̧'hua̧nö̧ ja̧'a̧nä̧ Dios ttörö repea'attö, Cristonä adihuä juäi ka̧cu̧ huȩnȩ jidähua pä'ö hueinäcusä judíos huocotörö.

Colosenses 1:19

Diosmä ja̧'hua̧nö̧ hue'inö I̧tti̧rö̧, chutä jö̧ ta'anö ö̧ja̧ pä'ö.

Colosenses 2:3

Ja̧u̧mä̧ o'ca juiyönä huo̧ju̧nä̧ huo̧juä̧cuä̧ ku̧nä̧rö̧.

Colosenses 2:9

O'ca juiyönä Dios jähuämä Cristonä ka̧cua̧'a̧.

1 Timoteo 3:16

Iso päi'önä ujutu huo̧juä̧tö̧jä̧ Dios i̧huȩnȩ, pä'äji ttieruhuinö huȩnȩ, iso päi'önä adihuä huȩnȩ ja̧'a̧. Dios pi̧jä̧ra̧'a̧ ichinödo ujutu jö̧ ta'anö hua̧. Espíritu Santo i̧jȩcui̧nä̧cu̧do adihuä i̧sa̧ ja̧'a̧ttö̧. Angeles topinätödo ja̧u̧ru̧. O'ca toi'önä pa̧ja̧cuä̧chö̧nä̧ ä̧ju̧cui̧nä̧tö̧do ja̧u̧ru̧. Pi̧jä̧ pa̧ja̧cu̧nä̧ esetinätödo ja̧u̧ru̧. Mo̧ro̧jä̧ra̧'a̧ cä'ecuächinödo.

Hebreos 1:3

Chutä, Dios I̧tti̧mä̧, Dios i̧tȩa̧u̧. Ja̧u̧mä̧ yoröiso Dios ta'anö hua̧do. Ja̧'hua̧ta̧nö̧ ja̧u̧tä̧ i̧huȩnȩ, adiu juruhua'attö, o'ca juiyönä huȩ'ä̧rö̧do. Ujutu suronä jȩti̧nö̧ jȩpö̧ icuinö o'ca'a, mo̧ro̧jä̧ra̧'a̧ttö̧ Dios ö̧'o̧mȩ u̧huo̧jua̧'a̧nä̧ pä̧mä̧di̧nö̧do.

Hebreos 1:5

Pa̧'a̧nö̧mä̧ pä'ocö pi̧nö̧do Dios ángelesrö: Ucutä ttö Chi̧tti̧jä̧. Jitä mo̧ro̧ ttömä ucu Cuä'osä. Ja̧'hua̧ta̧nö̧ ángelesrö yoröiso pa̧'a̧nö̧ pä'ocö pi̧nö̧do: Ttötä ja̧u̧ jä'omä jä̧cua̧sä̧. Ja̧u̧mä̧ ttö chi̧tti̧ jä̧cua̧.

Hebreos 10:5

Ja̧'hua̧nö̧ ja̧'a̧ttö̧ Cristo, pi̧jä̧ra̧'a̧ ichö, Diosrö pä'inödo: Sacrificios'inä, ofrendas'inä äji cuäcuähuotöttö pä'ocöjä. Ttö chöäre jä̧ttä̧pä̧ya̧nä̧ aditö cuiyinäcusä.

Hebreos 2:11

O'ca toi'önä aditö icuinä̧u̧'i̧nä̧, chutä, jahuätörö aditö icuinö'inä, ya̧tȩtä̧ ja̧'a̧do Tä'omä. Ja̧'hua̧nö̧ ja̧'a̧ttö̧: “Jahuätö ttö chö̧jä̧hua̧tö̧ ja̧'a̧”, päa pä'ö dä'äcuocödo Dios I̧tti̧mä̧.

Hebreos 5:5

Ja̧'hua̧ta̧nö̧ 'cuäopa'a Cristorö'inä. Chutä amöcuädömä sacerdote ru̧hua̧ päi'önä ku̧nä̧huo̧cö̧ pi̧nö̧. Dios hueinäcu ja̧'hua̧nö̧ ö̧ja̧ pä'ö i̧huȩnȩ päinö ta'anö: Ucutä ttö chi̧tti̧jä̧. Jitä mo̧ro̧ ttömä ucu cuä'osä.

1 Juan 4:14

Ujutu totinömä ji'ähuätöjä, Dios I̧tti̧rö̧ hue'inö pä'ö, pi̧jä̧nä̧ ka̧cuä̧tö̧ suronä jȩttö̧ jȩpö̧ icua pä'ö.

1 Juan 4:9

Dios I̧tti̧ chu ä̧cua̧rö̧ hue'inö pi̧jä̧ra̧'a̧, kä̧cuä̧huä̧ i'co i'cächö iyatö pä'ö. Ja̧'hua̧nö̧ jȩa̧'a̧ttö̧ huo̧juä̧tö̧jä̧ Dios ujuturu repe'ö pä'ö.

2 Juan 1:7

Ja̧'hua̧ ja̧'a̧ recuätö yapareu ji'ähuätö pi̧jä̧nä̧ ka̧cuä̧tö̧. Jahuätö “Jesucristo ubo jö̧nä̧ ichinö” pä'ocotö. Ja̧'hua̧nö̧ jȩpö̧mä̧ yaparehua̧. Ja̧u̧mä̧ Cristo a̧bo̧i̧ya̧.

Apocalipsis 19:13

Ö̧'ca̧tä̧huä̧ta̧ ttucuojanä da'epäji'ca̧, 'ca̧tä̧hui̧nö̧. Ja̧'hua̧ta̧nö̧ chutä i̧mi̧mä̧ Dios I̧huȩnȩ mi̧cui̧nö̧.

Apocalipsis 21:3

Ya̧tȩ i̧huȩnȩ mo̧ro̧jä̧ra̧'a̧ttö̧ pä̧i̧cu̧nä̧ ucuocua'a ä̧ju̧cui̧nö̧sä̧. Päina'a: —Topi. Jitä pi̧jä̧ ttö̧ja̧ ttö̧'quȩtȩnä̧ kö̧ Diosmä. Jahuätöcu ö̧jä̧cua̧. Jahuätömä chutä umöhuäyotö pätti'äcuotö. Chutä Dios jahuätöcu ö̧ja̧'a̧ttö̧, Ttä̧do̧ äcuä̧ Dios pä̧i̧'ä̧cua̧.