Hechos 16:3 - TÄ̧DO Ä̧CUÄ̧ I̧HUȨNȨ

³ Pablomä Timoteorö oipa pä'inödo. Ja̧'hua̧ ja̧'a̧ circuncisión jȩi̧nä̧cu̧, judíos ttö̧ja̧ recuätö ju̧huȩnȩ ttö̧ja̧cua̧'a̧ttö̧. Jahuätömä Timoteo jä'o griegos ttö̧ja̧ i̧sa̧ pi̧nö̧ pä'ö huo̧jui̧nä̧tö̧do.

Nuevo Testamento Uwotjüja

³ Pauru-mä̧, Timoteo-rü oipa pä'ü amükuädinü̧ ja̧'wa̧nü̧ ja̧'a̧nä̧ ä̧kuo̧mȩnä̧mä̧ circuncisión jȩtta̧rü̧ pä'ü weinä̧ku̧, juȩnȩ kka̧kuä̧tü̧ Judío suronä̧ tta̧mü̧kuädü juiya pä'ü. Jua'amä̧ Timoteo, jä'omä̧ Grecia ttü̧ja̧sa̧ pä'ü ttü̧wo̧jui̧yä̧ku̧ jȩpi̧nü̧.

Hechos 16:3 Iomraidhean Croise

Hechos 15:20

—Ji̧yȩä̧cuȩtä̧ ti̧huȩnȩ huȩyu̧tu̧ huetö'a̧nö̧ ja̧'a̧ jahuätörö korotö ttä̧do̧ ä̧cua̧ a̧'u̧cuä̧ ä'ca jo̧mȩ iyähuämä ttȩmö̧ juiyö'a̧nö̧ ja̧'a̧. Ja̧'hua̧ta̧nö̧ ya̧tȩ chutä irecua pocojucu suronä jȩä̧'chö̧ juiyö'a̧nö̧ ja̧'a̧. Ja̧'hua̧ta̧nö̧ nu̧'ä̧hua̧rö̧'i̧nä̧, a̧'ä̧u̧ru̧'i̧nä̧ ttucu juiyö'a̧nö̧ ja̧'a̧. Isotö ttucuoja'inä ttucu juiyö'a̧nö̧ ja̧'a̧.

Hechos 15:37

Bernabémä, Juan koro i̧mi̧mä̧ Marcosrö, jahuätöcu i̧'cha̧ pä'ö oipa pä'inödo.

Hechos 15:40

Pablomä Silasrö o'ipinödo. Ttö̧jä̧hua̧tö̧mä̧ Diosrö, Ppädäcuähuä Ru̧hua̧rö̧, jahuätörö tta̧huä̧ra̧ pä'ö ttucuocuäji o'ca'a, 'chi̧nä̧tö̧do.

1 Corintios 7:19

Ja̧u̧ juäimä, circuncisión jȩä̧cuä̧huä̧mä̧, adiunä micuähuocö. Ji̧yȩä̧cuȩtä̧ Diosrö pä̧huä̧ rö̧jo̧mȩnä̧ jȩä̧cuä̧huä̧tä̧, adiu micuähua'a.

1 Corintios 9:20

Judíos ttö̧ja̧cu̧ cuedächomenä, jahuätö jȩttö̧'a̧nö̧ jȩpö̧sä̧ ttö'inä, Diosrö ttesetäcua'a̧nö̧. Ja̧'hua̧nö̧ pädomenä, pa̧'a̧nö̧ pä'ösä. Moisés hueähuä huȩnȩ jȩpä̧tö̧cu̧ cuedächomenä, ttö'inä ja̧u̧ huȩnȩ päö'a̧nö̧ jȩpö̧sä̧ pä'ö kä̧nö̧, iso päi'önä ja̧u̧ huȩnȩ jȩcho̧ca̧'a̧nä̧ pä'ösä, jahuätö'inä Diosrö ttesetäcua'a̧nö̧.

Gálatas 2:3

Ja̧'hua̧nö̧ ja̧'a̧nä̧ Titorö, judíos huocörö, ttöcu cue'ächörö'inä hue'ocotö pi̧nä̧tö̧ circuncisión jȩa̧ pä'ömä.

Gálatas 2:8

Ja̧u̧tä̧ Dios Pedrorö hue'inö Jesús huȩ'ä̧hua̧ i̧sa̧ ö̧ja̧ pä'ö judíos ttö̧ja̧ ttö̧'quȩtȩ, ttörö'inä hue'inö Jesús huȩ'ä̧hua̧ i̧sa̧ chö̧ja̧ pä'ö judíos huocotö ttö̧'quȩtȩ.

Gálatas 5:6

Ujutu Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧ yoröiso micuähuocö ujuturu. Ujutumä Cristorö tesetötä adiu micuähua'a. Ja̧'hua̧ta̧nö̧ ja̧u̧ru̧ tesetomenä, tahuaruhuärö repetäu'a̧nö̧ ja̧'a̧.

Filipenses 2:22

Ja̧'hua̧nö̧ ja̧'a̧nä̧ ucutumä täcö huo̧juä̧tö̧jä̧ Timoteo adiu jȩi̧nö̧mä̧. Ya̧tȩ jä'orö ppädö'a̧nö̧ ppä'ädinö ttörö, Dios i̧huȩnȩ ji'äu kä̧nö̧.