Hechos 1:3 - TÄ̧DO Ä̧CUÄ̧ I̧HUȨNȨ

³ Ja̧'hua̧ta̧nö̧ 'corupä'i'äji'ca̧, jahuätörö i̧jȩcui̧nö̧do a̧dȩcua̧ pä'ö ttu̧huo̧juä̧cua̧'a̧nö̧. Ttö̧ja̧ ta̧ju̧ mo̧ro̧ 'cuäoi'önä ki̧nö̧do. Diosmä Ttu̧ru̧hua̧ päi'önä kö̧ pä'ö ji'ähuinödo.

Nuevo Testamento Uwotjüja

³ Ja̧'wa̧ta̧nü̧ juätürümä̧, usurä ȩmä̧u̧ wa'ü ikuäja'attü tto'ächäji̧'ka̧mä̧, wäjuönä̧ ttu̧wo̧juö̧nä̧tä̧, ttü̧ja̧ ta̧ju̧ mo̧ro̧ jo̧mȩnä̧ i̧jȩkui̧nä̧u̧, ru̧wa̧ Dio weü wȩnȩ ji'äu kkä̧nü̧.

Hechos 1:3 Iomraidhean Croise

San Mateo 21:43

Ja̧'hua̧nö̧ ja̧'a̧ttö̧ ucuturu pä'ösä, Dios hueömä Dios ucututtu 'cho̧i̧pä̧cua̧, korotörö adiu hueö jȩpä̧tö̧rö̧ iya pä'ö.

San Mateo 28:9

Ja̧'hua̧nö̧ jottächomenä, Jesús jahuätörö ichi'ö esehuinödo. Jahuätö Jesúsru tö'cönänö ichi'ö, ö̧jä̧pö̧nä̧ 'chu'ädö eseunu ucuocuinätödo ja̧u̧ru̧.

San Mateo 3:2

Ja̧u̧ ji'ähuinödo: —Pärocuäcutä amöcuädätucui. Dios Cu̧ru̧hua̧ päi'önä ö̧jä̧cua̧'a̧ tö'cöhuächa'a, —pä'inödo.

San Mateo 4:2

Ttö̧ja̧ ta̧ju̧ mo̧ro̧'i̧nä̧, ttö̧ja̧ ta̧ju̧ yodo'inä u̧cuȩ ucuoca'a ki̧nö̧do. Ja̧u̧nu̧ o'ca'a ucua ppä̧i̧ rö̧jä̧chi̧'i̧nä̧cu̧do.

San Marcos 16:19

Jahuätörö ucuocuäji'ca̧, Tu̧ru̧hua̧ Jesús mo̧ro̧jä̧ra̧'a̧ cä'ecuächinödo. Dios u̧huo̧jua̧'a̧nä̧ pä̧mä̧di̧nö̧do.

San Juan 20:26

Ko̧ro̧mö̧ttö̧nö̧ huäbodäcuä mo̧ro̧ o'ca'a, Jesús u̧huo̧juȩtä̧u̧ pä'äji ta'anö ca̧ca̧cui̧pi̧nä̧tö̧do. Ja̧u̧nu̧mä̧ Tomás jahuätöcu pi̧nö̧do. Ja̧'hua̧ ja̧'a̧ttö̧ äpate 'quiyönä mö̧ttȩpä̧ji̧ o'ca'a Jesús do'ächi'ö, ttö̧'quȩtȩnä̧ kä̧mä̧dö̧, te'äu pä'inödo jahuätörö: —Eseäcuähuä ku̧nä̧rä̧tu̧cui̧.

San Juan 21:1

Ja̧u̧nu̧ o'ca'a, pä'äji ta'anö Jesús i̧jȩcui̧nö̧do u̧huo̧juȩtä̧u̧ru̧ Tiberias dubora jäyora ttö̧ja̧cua̧'a̧. Pa̧'a̧nö̧ i̧jȩcui̧na̧'a̧do:

San Juan 21:14

Ja̧'hua̧nö̧ jȩo̧mȩnä̧, 'corupäi'äja'attö tto'ächäji'ca̧mä̧, huäbodäcuänä päi'önä i̧jȩcui̧nö̧do u̧huo̧juȩtä̧u̧ru̧.

Hechos 13:31

Chutäcu Galilea rȩjȩttö̧ Jerusalén ötahuiyära̧'a̧ 'chi̧nä̧tö̧mä̧, recuo mo̧ro̧ tottinäcudo. Jitämä jahuätö o'ca juiyönä jȩi̧nö̧mä̧ ttö̧ja̧rö̧ ji'ähuätö.

Hechos 19:8

Ja̧'hua̧nö̧ ja̧'a̧ Pablo huämetucuä kä̧hua̧tö̧ 'cuäoi'önä judíos ttu̧huo̧jui̧'i̧nodenä do'ächö, yecuoca'a Dios i̧huȩnȩ rä'epö ji'ähuinödo. Dios Ttu̧ru̧hua̧ päi'önä ö̧jö̧mä̧ iso päi'önä huȩnȩ ja̧'a̧ ji'ähuinödo tteseta pä'ö.

Hechos 28:23

Koro mo̧ro̧ judíos ttö̧ja̧ ttichä̧cuȩ mo̧ro̧ amöcuädinätödo Pablocu. Ttamöcuädäji mo̧ro̧ päi'omenä, recuätö ttö̧ja̧ ichinätödo Pablo ö̧jodera̧'a̧. Dios Ttu̧ru̧hua̧ päi'önä kö̧ pä'ö ji'ähuinödo Pablo. Moisés hueähuä huȩnȩ'i̧nä̧, Dios i̧huȩnȩ jiäcuähuä isotö tti̧huȩyu̧ti̧nö̧'i̧nä̧ ucuocu ji'ähuinödo, Jesúsru tteseta pä'ö yo̧ȩi̧ kä̧mä̧dö̧, ni̧pä̧ro̧mȩ cä'ädö.

Hechos 8:12

Ja̧'hua̧nö̧ ja̧'a̧ adihuä huȩnȩ, Jesucristo i̧huȩnȩ, Dios Ru̧hua̧ päi'önä ö̧jä̧cuȩ huȩnȩ, Felipe jiähua'a ttesetomenä, bautizados pä'i'inätödo u̧mä̧tö̧'i̧nä̧, nä̧tö̧'i̧nä̧.

Romanos 14:17

Dios hueömä ttu̧cuȩnä̧tä̧mä̧cö̧, ttaunätämäcö̧. Dios hueömä adiu jȩä̧cuä̧huä̧, tta̧'cua̧ adiu, tta̧'cua̧rö̧ eseu, Espíritu Santonä ttö̧jo̧mȩnä̧.

Colosenses 1:13

Dios ujuturu ejädö icuinö yo̧ö̧ ujuruttu. Ja̧'hua̧ta̧nö̧ chutä I̧tti̧ rȩni̧'a̧rö̧ ujutu Tu̧ru̧hua̧ päi'önä ö̧ja̧ pä'ö hue'inö.

1 Tesalonicenses 2:12

Dios ucuturu ȩmi̧nö̧ chutäcu eseunu cu̧ja̧cuä̧tu̧cua̧ pä'ö. Ja̧'hua̧nö̧ ja̧'a̧ttö̧ Dios i̧tti̧mö̧ ttö̧ja̧cu̧'a̧nö̧, cu̧ja̧cuä̧tu̧cua̧ pä'ö huo̧juȩtö̧ hue'inätöjä ucuturu.

1 Juan 1:1

Ucuturu huȩyu̧tu̧ hue'ätöjä kä̧cuä̧huä̧ i'co huȩnȩ. Ja̧u̧mä̧ pi̧jä̧ aditäcua'a ä'canä ki̧nö̧do. Ja̧u̧ru̧ ä̧ju̧cui̧nä̧tö̧jä̧ ujutumä. Tö'ärenä'inä topinätöjä. Mȩ'ö̧'i̧nä̧ mȩ'i̧nä̧tö̧jä̧ tu̧mö̧nä̧. Ja̧u̧ huȩnȩ ji̧nö̧ttö̧tä̧ ji̧nä̧ kä̧cuä̧huä̧ iyö.