Hebreos 7:3 - TÄ̧DO Ä̧CUÄ̧ I̧HUȨNȨ

³ Jä'o'inä, ja̧ju̧'i̧nä̧, jä̧do̧tö̧ mi̧nä̧'i̧nä̧ toina'ado. Uhuäpächinö huȩnȩ'i̧nä̧, 'corupäi'inö huȩnȩ'i̧nä̧ yoröiso juiya'a. Ja̧'hua̧nö̧ ja̧'a̧ttö̧ Dios I̧tti̧ jä̧'i̧nö̧'a̧nö̧ hua̧. Ja̧'hua̧ta̧nö̧ sacerdote i̧sa̧ päi'önä 'cuäopönä ö̧jä̧cua̧.

Nuevo Testamento Uwotjüja

³ Jua̧u̧ awaruwä ttütü'kümä̧ yoriso jeruwäkuäwa'a, jä'orü'i̧nä̧, ja̧ju̧ru̧'i̧nä̧, ü̧tä̧mü̧mi̧nä̧rü'i̧nä̧ jü̧nä̧; ja̧'wa̧ta̧nü̧ uwäpächinomȩ'i̧nä̧, 'korujuoächinü̧'i̧nä̧ jeruwäkuäwa'a ja̧'wa̧nü̧ ja̧'a̧ttü̧mä̧ Dio I̧tti̧ 'kua̧rü̧nä̧tä̧ wa̧, 'kuäopünä̧ sacerdote jü̧nä̧tä̧ wa̧ ja̧'a̧.

Hebreos 7:3 Iomraidhean Croise

San Mateo 4:3

Ja̧'hua̧nö̧ päi'omenä, ähuettä ichinödo Jesúsru suronä jȩa̧ pä'ö. Pä'inödo: —Iso päi'önä, Dios I̧tti̧ cu'uttumä, pidu inäduttu ire päi'önä jȩpi̧.

Hebreos 4:14

Jesús, Dios I̧tti̧, do'ächinödo Dios ö̧jo̧mȩ. Ja̧u̧ ji̧nä̧ isocu sacerdote ru̧hua̧ päi'önä kö̧do ujuturu. Ja̧'hua̧nö̧ ja̧'a̧ttö̧ adiunätä esetö tö̧jö̧'a̧nö̧ huotöjä.

Hebreos 7:1

Ja̧u̧ Melquisedec Salem ötahuiyä ru̧hua̧ pi̧nö̧do. Ja̧'hua̧ta̧nö̧ chutä Dios, Ju'toju Ru̧hua̧, hueinäcudo sacerdote i̧sa̧ ö̧ja̧ pä'ö. Abraham korotö ruhuotörö rohuäu ujuruhuäji o'ca'a, ojusodecu ppa̧huä̧cho̧mȩnä̧, Melquisedec ja̧u̧ru̧ toa pä'ö rä'opinödo. Ja̧'hua̧ta̧nö̧ Abrahamrö adiu ppä'ädinödo.

Hebreos 7:17

Dios pa̧'a̧nö̧ pä'ödo ja̧u̧ru̧: Ucutä ihueye 'cuäopönätä sacerdote hua̧ päi'önä cu̧jä̧cua̧jä̧, Melquisedec ö̧ji̧nö̧ ta'anö.

Hebreos 7:2

Abraham örohuähuomenä ȩmi̧nö̧ttö̧, to̧mö̧rȩ jähuättömä, ji̧yȩtȩ 'quȩ'ȩpö̧ iyinödo Melquisedecrö. Chutä Melquisedec i̧mi̧mä̧ ujutu ti̧huȩnȩnä̧ “adihuä ru̧hua̧” pä'ätöjä. Ja̧'hua̧ta̧nö̧ Salem ötahuiyä ru̧hua̧ ö̧ji̧no̧mȩ i̧mi̧mä̧ pä'ätöjä “eseäcuähuä” pä'ö. Ja̧'hua̧ta̧nö̧ koro'inä i̧mi̧mä̧ “eseäcuähuä ru̧hua̧” pä'ätöjä.

Hebreos 7:6

Ja̧'hua̧nö̧ ja̧'a̧nä̧ Melquisedec Leví a̧hua̧ru̧hua̧ o̧'ca̧ pocö pi̧nö̧do. Ja̧'hua̧nö̧ joca'anä, Abraham u̧ju̧nä̧rö̧ttö̧ to̧mö̧rȩ jähuättö, ji̧yȩtȩ 'quȩ'ȩpö̧ ȩmi̧nö̧do. Ja̧'hua̧nö̧ ȩmö̧ Melquisedec Abrahamrö, Dios adihuä juäi iya pä'inörö, adiu ppä'ädinödo.