Gálatas 5:3 - TÄ̧DO Ä̧CUÄ̧ I̧HUȨNȨ

³ Pä'äji ta'anö päda pä'ösä, ya̧tȩ circuncisión jȩttä̧cu̧mä̧, ja̧u̧mä̧ Moisés hueähuä huȩnȩ o'ca juiyönä jȩä̧cua̧.

Nuevo Testamento Uwotjüja

³ Pä'äjita'anü̧ pädäu̧jä̧: o'katoi'ünä̧ circuncisión pättü jȩpä̧kuä̧wä̧tü̧mä̧ weäwä wȩnȩ päümä̧ o'kajuiyünä̧tä̧ ttukuota pä'ü ja̧'a̧.

Gálatas 5:3 Iomraidhean Croise

San Mateo 23:16

“Ucutumä, korotörö cu̧huo̧juȩtä̧tu̧cuo̧mȩnä̧, ä̧to̧cä̧tö̧ jä̧'i̧nö̧'a̧nö̧ huotöjä. Ucuturu suronä 'cuäopäcua'a. Ucutu pä'ätöjä: “Ya̧tȩ Diosrö ucuocuäcuähuode i̧mi̧nä̧ koro juäi jȩa̧ päöttömä, ja̧u̧ juäi jȩö̧ juiyöttö'inä adihua'a.” Ja̧'hua̧nö̧ ja̧'a̧nä̧ pä'ätöjä: “Ya̧tȩ Diosrö ucuocuäcuähuode jähuä oro i̧mi̧nä̧ koro juäi jȩa̧ päöttömä, ja̧u̧ juäi iso päi'önä jȩä̧cua̧'a̧nö̧.”

San Mateo 23:18

Ja̧'hua̧ta̧nö̧ ucutu pä'ätöjä: “Ka̧ra̧ koro juäi jȩa̧ päöttömä Diosrö ucuocuäcuähuode jacuoju podä ofrenda rötähuodä i̧mi̧nä̧, ja̧u̧ juäi jȩö̧ juiyöttö'inä adihua'a. Ja̧'hua̧nö̧ ja̧'a̧nä̧'i̧nä̧ juhuodä huäme pä̧jö̧ ofrenda i̧mi̧nä̧ koro juäi jȩa̧ päöttömä, ja̧u̧ juäitä iso päi'önä jȩä̧cua̧'a̧nö̧.”

Hechos 15:1

Ja̧u̧nu̧ pä̧nä̧ korotö u̧mä̧tö̧ Judea rȩjȩttö̧ Antioquía ötahuiyära̧'a̧ ichinätödo. Jahuätö Jesucristorö esetätörö pä'inätödo: —Moisés hueinö ta'anö circuncisión jȩcu̧'ä̧tu̧cu̧ juiyöttömä, Diosmä suronä jȩcu̧'i̧nä̧tu̧cu̧ jȩpö̧ icuoco̧u̧jä̧, —pä'ö huo̧juȩti̧nä̧tö̧do.

Hechos 2:40

Pedro juhua'a yabonö rö̧ȩnä̧ ucuocu, ji'ähuinödo: —Esetätucui, Dios pitö suronä jȩpä̧tö̧rö̧ ö̧tä̧bo̧to̧mȩnä̧, ucuturu ö̧tä̧bo̧tö̧ juiyäcua'a̧nö̧, —pä'inödo Pedro.

Hechos 20:21

Judíos ttö̧ja̧rö̧'i̧nä̧, judíos huocotörö'inä ji'ähuinösä pärocuäcutä amöcuädö Diosrö, Tu̧ru̧hua̧ Jesucristorö cuesetätucua pä'ö.

Romanos 2:25

Iso päi'önä Moisés hueähuä huȩnȩ hueö ta'anö jȩcu̧'u̧ttu̧mä̧, circuncisión cuaditomenä ppädäcujä. Ja̧'hua̧nö̧ ja̧'a̧nä̧ Moisés hueähuä huȩnȩ hueö ta'anö jȩcu̧'u̧ juiyöttömä, circuncisión ttaditoca'a jä̧'i̧nö̧'a̧nö̧ kö̧jä̧.

Gálatas 3:10

Moisés hueähuä huȩnȩ tta̧'cua̧ huȩnä̧rä̧tö̧mä̧, Diostä ö̧tä̧bo̧tä̧cuo̧tö̧. Huȩyu̧cuä̧ päa'a: “O'ca toi'önä 'cuäopönä hueähuä huȩnȩ huȩyu̧cuä̧'tä̧nä̧ huȩyu̧cuä̧ päö ta'anö jȩpo̧co̧tö̧mä̧, Diostä ö̧tä̧bo̧tä̧cuo̧tö̧.”

Gálatas 5:2

Ä̧ju̧cuä̧tu̧cui̧ttö̧. Ttö Pablo pä'ösä ucuturu, ucutumä circuncisión jȩtta̧ huecuhuähuätucuttumä, Cristomä yoröiso ppädoco̧u̧jä̧.

Gálatas 5:6

Ujutu Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧ yoröiso micuähuocö ujuturu. Ujutumä Cristorö tesetötä adiu micuähua'a. Ja̧'hua̧ta̧nö̧ ja̧u̧ru̧ tesetomenä, tahuaruhuärö repetäu'a̧nö̧ ja̧'a̧.

Efesios 4:17

Pi̧yȩtä̧ hue'ösä ucuturu Tu̧ru̧hua̧ i̧mi̧nä̧. Korotö jitötä ttamönä amöcuädö, Diosrö jerupö jȩpä̧tö̧ ttö̧jö̧'a̧nö̧mä̧, cu̧ja̧cuä̧tu̧cuä̧' ucutu.

1 Tesalonicenses 4:6

Ja̧u̧ huȩnȩ amöcuädö, ya̧tȩmä̧ ö̧jä̧hua̧rö̧ yapareu jȩpö̧, suronä jȩö̧ juiyö'a̧nö̧ ja̧'a̧ ö̧jä̧hua̧ irecuarö. Ya̧tȩ ja̧'hua̧nö̧ jȩpö̧rö̧, Tu̧ru̧hua̧ ö̧tä̧bo̧tä̧cua̧, ucuturu jitähuinö ta'anö.

1 Juan 4:14

Ujutu totinömä ji'ähuätöjä, Dios I̧tti̧rö̧ hue'inö pä'ö, pi̧jä̧nä̧ ka̧cuä̧tö̧ suronä jȩttö̧ jȩpö̧ icua pä'ö.