Gálatas 5:2 - TÄ̧DO Ä̧CUÄ̧ I̧HUȨNȨ

² Ä̧ju̧cuä̧tu̧cui̧ttö̧. Ttö Pablo pä'ösä ucuturu, ucutumä circuncisión jȩtta̧ huecuhuähuätucuttumä, Cristomä yoröiso ppädoco̧u̧jä̧.

Nuevo Testamento Uwotjüja

² Ttü Pauru pädü ä̧ju̧kuä̧tu̧kui̧: isopäi'ünä̧ circuncisión pättü jȩpä̧kuä̧wä̧tü̧rü̧mä̧, Crito i̧mi̧täwinü̧mä̧ mikuäwokü ja̧'a̧.

Gálatas 5:2 Iomraidhean Croise

Hechos 15:1

Ja̧u̧nu̧ pä̧nä̧ korotö u̧mä̧tö̧ Judea rȩjȩttö̧ Antioquía ötahuiyära̧'a̧ ichinätödo. Jahuätö Jesucristorö esetätörö pä'inätödo: —Moisés hueinö ta'anö circuncisión jȩcu̧'ä̧tu̧cu̧ juiyöttömä, Diosmä suronä jȩcu̧'i̧nä̧tu̧cu̧ jȩpö̧ icuoco̧u̧jä̧, —pä'ö huo̧juȩti̧nä̧tö̧do.

Hechos 15:24

Ujutu ä̧ju̧cui̧nä̧tö̧jä̧ ujututtu yotöte 'chä̧nö̧, ucuturu ji'ähuinätödo circuncisión jȩcu̧'ä̧tu̧cua̧ pä'ö, ja̧'hua̧ta̧nö̧ Moisés hueähuä huȩnȩ hueö ta'anö jȩcu̧'ä̧tu̧cua̧ pä'ö. Jittähua'a cuä̧ju̧cuä̧tu̧cuo̧mȩnä̧, ucutu cuamöcuädätucu jerupinätöjä. Ujutumä jahuätörö hue'ocotö pi̧nä̧tö̧jä̧.

Hechos 15:5

Ja̧'hua̧nö̧ ja̧'a̧nä̧ Jesucristorö esetätömä fariseos huotöttö yotöte, ä̧rä̧mi̧'ö̧ pä'inätödo: —Jesucristorö ttesetomenä, judíos huocotörö'inä circuncisión jȩttö̧'a̧nö̧ ja̧'a̧. Ja̧'hua̧ta̧nö̧ Moisés hueähuä huȩnȩ päö ta'anö jȩtta̧ pä'ö judíos huocotörö'inä ttu̧huo̧juȩtö̧'a̧nö̧ ja̧'a̧.

1 Corintios 16:21

Ttö Pablo, pi̧yȩmä̧ ttötä chu̧mö̧nä̧ huȩyu̧tu̧ hue'ösä ucuturu.

2 Corintios 10:1

Ttö Pablo, ucuturu repe'önö Cristo adihuä juäi iyö amöcuädö pä'ösä. Korotö pä'ätö ttörö ucutucu chö̧jo̧mȩnä̧, jä̧rö̧nä̧tä̧ usurä i̧sa̧ ta'anö kö̧sä̧. Ja̧'hua̧ta̧nö̧ ucututtu oto kara'a chö̧jo̧mȩnä̧, pä̧i̧cu̧nä̧ ucuocu jȩpö̧sä̧ pä'ätö korotömä.

Gálatas 5:11

Juhuorö'inä chö̧jä̧hua̧tö̧, ttö ji̧nä̧ circuncisión jȩtta̧ pä'ö chu̧huo̧juȩtö̧ttö̧mä̧, judíos ttö̧ja̧ yoröiso ttö̧ra̧huä̧ro̧co̧cu̧sä̧. Ja̧'hua̧nö̧ jö̧ttö̧mä̧ Cristo dau isodänä 'corupäi'inö huȩnȩmä̧ ttä̧ju̧cuo̧mȩnä̧, ra̧huä̧ro̧co̧tö̧ pajatö a̧'cua̧ra̧'a̧.

Gálatas 5:6

Ujutu Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧ yoröiso micuähuocö ujuturu. Ujutumä Cristorö tesetötä adiu micuähua'a. Ja̧'hua̧ta̧nö̧ ja̧u̧ru̧ tesetomenä, tahuaruhuärö repetäu'a̧nö̧ ja̧'a̧.

1 Tesalonicenses 2:18

Koronö'inä chi̧'cha̧ pä'ö jȩpi̧nö̧sä̧. Ja̧'hua̧ta̧nö̧ recuo ti̧'cha̧ päta'anä, ti̧'chö̧ juiyönä jȩi̧nä̧u̧jä̧ Satanás.

Filemón 1:19

Ttö Pablo, ttötä chu̧mö̧nä̧ huȩyu̧tu̧sä̧ pi̧yȩmä̧. Ttömä o'ca juiyönä chi̧mi̧tä̧cua̧sä̧. Juhuorö'inä ucutä cua̧'cua̧rö̧ ttörö mippotöjä pä'ö jidäu'a̧nö̧ ja̧'a̧nä̧, ji'ähuocösä.

Filemón 1:9

Ucuru repe'ö huedoca'anä, jä'epötä jä'epösä. Ttö Pablo, bö̧o̧ i̧sa̧ cha'anä Cristo Jesúsru cheseta'attö cärenä pö̧sä̧.

Hebreos 4:2

Jahuätö ttä̧ju̧cui̧nö̧ ta'anö, ja̧u̧tä̧ ttö̧ja̧ suronä jȩttö̧ jȩpö̧ icu huȩnȩ ä̧ju̧cui̧nä̧tö̧jä̧ ujutu'inä. Jahuätörö micuähuoca'a ji̧na̧'a̧do, ja̧u̧ huȩnȩ ä̧ju̧cu̧ ttesetoca'a ji̧na̧'a̧ttö̧.