Gálatas 5:19 - TÄ̧DO Ä̧CUÄ̧ I̧HUȨNȨ

¹⁹ Yoröiso huo̧juä̧huo̧tö̧ jitötä ttamönä ttamöcuädötä jȩpä̧tö̧mä̧. Jahuätömä nä̧tö̧rö̧ suronä usätö. Ka̧ra̧ irecuarö'inä suronä jȩpä̧tö̧. Jahuätörö pä̧huä̧ rö̧jo̧mȩnä̧ o'ca juiyönä suronä jȩpä̧tö̧.

Nuevo Testamento Uwotjüja

¹⁹ Ttidepä kkü'kekunä̧ kkä̧kuä̧wä̧mä̧, tottünä̧ i̧jȩkua̧'a̧: nä̧tü̧rü̧ jȩä̧'chä̧kuä̧wä̧, surojütä jȩä̧kuä̧wä̧, pä̧wä̧rü̧jü̧nä̧ eseu kkä̧kuä̧wä̧;

Gálatas 5:19 Iomraidhean Croise

San Juan 3:6

Pi̧jä̧ ttö̧ja̧ttö̧ uhuäpächätömä, pi̧jä̧ ttö̧ja̧jä̧. Espíritu Santottö uhuäpächätömä, Espíritu huotöjä.

Romanos 7:18

Ttö huo̧jua̧sä̧ ttö chidepänämä adihuä juäi juiya'a. Adiu jȩcha̧ päda'anä, yoröiso adiu jȩpo̧cö̧sä̧.

Romanos 7:25

Ya̧tȩtä̧ Diostä Tu̧ru̧hua̧ Jesucristorö tesetomenä ppä'ädö. Ttö eseusä Diosrö. Ja̧'hua̧nö̧ ja̧'a̧ ttö chamöcuädönämä ttörö pä̧huä̧ rö̧jö̧mä̧ Dios hueö jȩcha̧ pä'ösä. Ja̧'hua̧nö̧ ja̧'a̧nä̧ ttö chidepänä surojö hueötä jȩpö̧sä̧.

Romanos 7:5

Äcuomenä ujututä tidepä pä̧huä̧ rö̧jö̧ jȩpö̧ tö̧ja̧cuo̧mȩnä̧, hueähuä huȩnȩ hueina'a ujuturu, suronä amöcuädö jȩta̧ pä'ö. Ja̧u̧ juäi hua'aretä i'cächinö ujuturu.

Romanos 8:13

Cuidepä hueönä cu̧ja̧cuä̧tu̧cu̧ttu̧mä̧, hua'ö cuicuäcuotöjä. Ja̧'hua̧nö̧ ja̧'a̧nä̧ Espíritu Santo ujurunä, cuidepä hueö jȩcu̧'ä̧tu̧cu̧ juiyöttömä, adiu cu̧ja̧cuä̧cuo̧tö̧jä̧.

Romanos 8:3

Moisés hueähuä huȩnȩ, ttö̧ja̧ ttidepä juiyuhua'attö jȩo̧cö̧'i̧nä̧, jȩpi̧nö̧ Dios. Chutä hue'inö I̧tti̧rö̧, pi̧jä̧ ttö̧ja̧ suronä jȩpä̧tö̧ a̧'cua̧rö̧nä̧ hua̧rö̧, surojö jȩpö̧ icua pä'ö. Ja̧'hua̧nö̧ jȩo̧mȩnä̧, surojö be'epö icua pä'ö amöcuädinö.

Romanos 8:5

Ttidepä hueönätä ka̧cuä̧tö̧mä̧, ttidepä jähuä amöcuädätö. Ja̧'hua̧nö̧ ja̧'a̧nä̧ Espíritu Santo hueönätä ka̧cuä̧tö̧mä̧, Espíritu Santo jähuä amöcuädätö.

Romanos 8:9

Espíritu Santo ucutucu ö̧jö̧ttö̧mä̧, ucutu cuamönä cuidepä pä̧huä̧ rö̧jö̧nä̧tä̧ ko̧co̧tö̧jä̧. Espíritu Santo pä̧huä̧ rö̧jö̧nä̧tä̧ ka̧cuä̧tö̧jä̧. Ja̧'hua̧ta̧nö̧ Espíritu Santo to̧'a̧mä̧, Cristo u̧mö̧huä̧ya̧mä̧cö̧.

1 Corintios 3:3

Ucutumä ji̧nä̧ cuamönätucu jähuätä amöcuädätöjä. Ucutumä jȩcu̧'ä̧tu̧cu̧tä̧ jȩcu̧'ä̧tu̧cuo̧mȩnä̧, i̧mi̧cu̧nä̧ amöcuädö, rohuähuä'chö, ji̧nä̧ yo̧mȩtȩ cuamöcuädätucuoca'a, korotö ttö̧ja̧ jȩttö̧'a̧nö̧ jȩpä̧tö̧jä̧.

1 Corintios 6:18

Ja̧'hua̧ ja̧'a̧ttö̧ jaropi'ätucui nä̧tö̧rö̧ usu jȩä̧cuä̧huä̧mä̧. Ya̧tȩ irecuarö u̧ju̧nä̧ro̧mȩnä̧, karajuru jȩä̧'cho̧mȩnä̧, chutä jä̧ttä̧pä̧ya̧nä̧ suronä jȩpö̧. Juhuorö'inä koro juäi suronä jȩo̧mȩnä̧, chutä jä̧ttä̧pä̧ya̧nä̧ suronämä jȩpo̧cö̧.

Gálatas 5:13

Chö̧jä̧hua̧tö̧, Dios ucutumä ttumöhuäyotö päi'önä cu̧ja̧cuä̧tu̧cu̧ juiya pä'ö huoinä̧u̧jä̧. Ja̧'hua̧nö̧ ja̧'a̧nä̧ adiunä kä̧nö̧, ucuturutä cuamönätucutä pä̧huä̧ rö̧jö̧mä̧ jȩcu̧'ä̧tu̧cu̧ juiyö'a̧nö̧ ja̧'a̧. Cuahuaruhuärö repe'ö kä̧nö̧, ka̧ra̧ ka̧ra̧nö̧ ppä'ädätucui.

Gálatas 5:17

Ujutu tamönä pä̧huä̧ rö̧jö̧mä̧ Espíritu Santo jähuämäcö̧. Ja̧'hua̧ta̧nö̧ Espíritu Santomä ujutu tamönätä pä̧huä̧ rö̧jö̧mä̧ yoröiso kö'cocö. Espíritu Santo öjö'cö'inä, ujutu tamönä pä̧huä̧ rö̧jö̧'i̧nä̧ i̧mi̧cu̧nä̧ jö̧. Ja̧'hua̧nö̧ ja̧'a̧ttö̧ ucuturutä pä̧huä̧ rö̧jö̧mä̧ jȩcu̧'ä̧tu̧cu̧ juiyö'a̧nö̧ ja̧'a̧.

Gálatas 6:8

Ya̧tȩ churutä pä̧huä̧ rö̧jö̧ amöcuädötä ku̧nu̧mä̧, ja̧u̧ chutä amöcuädö hua'aretä ȩmä̧cua̧. Ja̧'hua̧nö̧ ja̧'a̧nä̧ Espíritu Santorötä pä̧huä̧ rö̧jo̧mȩnä̧ u̧ju̧nu̧ttu̧mä̧, ja̧u̧ru̧ Espíritu Santo kä̧cuä̧huä̧ i'co i̧yä̧cua̧.

Tito 3:3

Iso päi'önä täbocö ujutumä ja̧'a̧tä̧ cue'ächö, Diosrö esetocotö pi̧nä̧tö̧jä̧. Re'tehuächätö cuettächö'a̧nö̧ cue'ächinätöjä. Ujutumä suronä amöcuädö cue'ächinätöjä. Ja̧'hua̧ta̧nö̧ suronä jȩpi̧nä̧tö̧jä̧ korotörö. Korotö ttu̧ju̧nä̧rö̧ ta'anö, tu̧ju̧nä̧ra̧ pä'inätöjä. Korotörö pä̧huä̧ juiyönä topö cue'ächinätöjä.

Hebreos 13:4

O'ca toi'önä cuirecuarö ku̧nä̧rä̧tö̧mä̧, korotö ucuturu ttucuotäcua'a̧nö̧. Karajuru suronä jȩcu̧'ä̧'chä̧tu̧cuä̧'. Ja̧'hua̧nö̧ irecuarö ku̧nä̧rö̧, nä̧tö̧rö̧ suronä jȩpä̧'chö̧rö̧'i̧nä̧, irecua to̧'a̧ nä̧tö̧rö̧ suronä jȩpä̧'chö̧rö̧'i̧nä̧ ö̧tä̧bo̧tä̧cua̧ Dios.

Apocalipsis 21:8

Ja̧'hua̧nö̧ ja̧'a̧nä̧ ye'ecuätö'inä, esetocotö'inä, ttahuaruhuärö kö'cocotö'inä, korotörö cuä'ö icuätö'inä, nä̧tö̧rö̧ suronä usätö'inä, märirö esetö jȩpä̧tö̧'i̧nä̧, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esetö ucuocuätö'inä, o'ca toi'önä yapareu ji'ähuätö'inä, ocurä rö̧arära̧'a̧, azufrenä cuoarära̧'a̧ tti̧'chä̧cuo̧tö̧. Ja̧u̧ todärenä 'corupäi'äcuähuä ja̧'a̧.

Apocalipsis 22:15

Ja̧'hua̧nö̧ ja̧'a̧nä̧ esetocotö'inä, märirö esetätö'inä, nä̧tö̧rö̧ suronä usätö'inä, ttö̧ja̧rö̧ cuä'ö icuätö'inä, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esehuätö'inä, yapareu jȩpö̧ kö'cätö'inä, yapareu ji'ähuätö'inä u̧mi̧nä̧tä̧ ttö̧ja̧cuä̧cuo̧tö̧.