Gálatas 4:3 - TÄ̧DO Ä̧CUÄ̧ I̧HUȨNȨ

³ Ja̧'hua̧nö̧ jä̧'i̧nö̧'a̧nö̧ 'cuäopa'a ujuturu. Ujutu Diosrö tieruhuei o'ca juiyönä pi̧jä̧ ttö̧ja̧ ttamöcuädönä jȩpö̧ ka̧cui̧nä̧tö̧jä̧.

Nuevo Testamento Uwotjüja

³ Ja̧'wa̧nü̧ jü̧ta̧'a̧nü̧ 'kuäopa'a ujuturu'i̧nä̧: ji̧nä̧ ta̧'u̧kuä̧i̧mä̧, pi̧jä̧nä̧ weünä̧tä̧ kka̧kui̧nä̧tü̧jä̧.

Gálatas 4:3 Iomraidhean Croise

San Mateo 11:28

O'ca toi'önä cuaditähuättö'inä, amäcö cuȩpä̧tu̧cua̧'a̧ttö̧ 'cuä'ächi'ätömä, ichätucui ttörö. Ucutu 'cuäcuhuächi'ätucumä ppä̧dä̧dä̧cua̧sä̧.

San Juan 8:31

Ja̧u̧nu̧ o'ca'a, judíos ttö̧ja̧ ja̧u̧ru̧ esetäjätörö pä'inödo: —Ttö pädömä adiu cuesetätucuttumä, iso päi'önä chu̧huo̧juȩtä̧u̧jä̧.

Hechos 15:10

¿Dä̧bö̧ Dios jȩi̧nö̧mä̧ cuesetätucuoca'a cu̧ja̧cuä̧tu̧cuä̧ttö̧ ucutumä? Ujutu'inä, ujutu tä̧do̧tö̧ mi̧nä̧'i̧nä̧ jȩtto̧cö̧ ji̧nö̧ juäi ucutu hue'ätöjä pitö judíos huocotö jȩtta̧ pä'ö.

Romanos 7:14

Ujutu huo̧juä̧tö̧jä̧ hueähuä huȩnȩ Diosttö icha'a pä'ö. Ja̧'hua̧nö̧ ja̧'a̧nä̧ ttömä chidepä hueötä jȩpö̧sä̧, surojö hueö jȩä̧cuä̧huä̧ i̧sa̧ cha'attö.

Romanos 8:15

Ja̧u̧ Espíritu Santo, Dios ucuturu iyinäcumä, pä'äji ta'anö hueö jȩä̧cuä̧huä̧ isotö päi'önä yecuhuecuätucua pä'ö hue'ocö. Ja̧u̧mä̧ Dios i̧tti̧mö̧ päcuhui'ätucua pä'ö ppä'ädö. Ja̧u̧nä̧tä̧ Espíritu Santonä pä'ätöjä Diosrö: “¡Chä'o Dios!”

2 Corintios 11:20

Ucuturu huettomenä, eseunu cuami 'qui'ächi'ätöjä. Ja̧'hua̧ta̧nö̧ cuhuäretucu ttö̧nä̧u̧cuo̧mȩnä̧'i̧nä̧, ttumöhuäyotö päi'önä huȩttä̧ro̧mȩnä̧'i̧nä̧ eseunu cuami 'qui'ächi'ätöjä. Ja̧'hua̧ta̧nö̧ ucuturu repeähuä juiyönä ttucuocuomenä'inä, cu'ätucunä cuäcuätomenä'inä eseunu cuami 'qui'ächi'ätöjä.

Gálatas 2:4

Juhua'acumä iso päi'önä korotö amönä tö̧jä̧hua̧tö̧ pä'ähuätö tö̧'quȩtȩnä̧ dajahuächö dodepäjätö pȩji̧nä̧tö̧ ujutucu. Jahuätötä circuncisión jȩta̧rö̧ pä'inätö. Jahuätö dodepinätö to̧ttä̧ra̧ pä'ötä ujuturu Cristo Jesúsru esetö adiu tö̧ja̧cua̧ja̧ pä'ö topö. Jahuätö ji̧nä̧ tö̧ji̧ya̧tö̧ pä'inätö.

Gálatas 3:19

Ja̧'hua̧nö̧ ja̧'a̧ttö̧ ¿Diosmä dä̧bö̧ iyina'ajä̧ttö̧ Moisés hueähuä huȩnȩ? Ja̧u̧ hueähuä huȩnȩmä̧ iyinö suronä jȩtto̧mȩnä̧ ttu̧huo̧jua̧ pä'ö. Ja̧u̧ Dios Abraham mi̧nä̧rö̧ iya päinäcu ichome jubö päi'önätä ttu̧ju̧nä̧ra̧ pä'ö iyinö ja̧u̧ hueähuä huȩnȩmä̧. Ja̧u̧ hueähuä huȩnȩ ángeles jittähuinö Moisés mi̧nä̧rö̧. Ja̧'hua̧ta̧nö̧ chutä Moisés mi̧nä̧ juhua'a yabo ji'ähuinö pi̧jä̧ ttö̧ja̧rö̧.

Gálatas 4:2

Jä'o hueipinome jubö päi'önä korotö tta̧'ä̧rä̧tö̧ ja̧u̧ru̧ öäre be'epö icu juiya pä'ö.

Gálatas 4:24

Pi̧yȩ huȩnȩtö̧ pättö'a̧nö̧ jö̧. Jahuätö nä̧tö̧ ta̧ju̧nä̧mä̧ Diosmä todärenä tti̧huȩyu̧ta̧ pä'ö hueina'a jä̧'i̧nö̧'a̧nö̧ ja̧'a̧. Koromä Agarrö pä'ö päömä Sinaí möä'cattö i̧huȩyu̧ti̧nö̧ pä'ö päa'a. Ja̧u̧ huȩyu̧cuä̧ esetö uhuäpächätömä ttumöhuäyotö tta pä'ö uhuäpächätö.

Gálatas 4:25

Agarrö pä'ö päömä Arabia rȩjȩ kä'ca möä'ca Sinaí pä'ö micuä'ca pä'ö päa'a. Ja̧'hua̧ta̧nö̧ jitä tu̧huo̧juo̧mȩ Jerusalén ötahuiyä pä'ö päa'a. Ja̧u̧ ötahuiyä'inä ttö̧ja̧tä̧cu̧ korotö ttumöhuäyotö päi'önä ka̧cuä̧tö̧ jitä.

Gálatas 4:31

Ja̧'hua̧nö̧ ja̧'a̧ttö̧ chö̧jä̧huä̧tö̧, ujutu ttumöhuäyajumä ki̧tti̧mö̧cö̧jä̧. Adihuänä irecua ki̧tti̧mö̧ isotöjä.

Gálatas 4:8

Pä'äjimä Diosrö cu̧huo̧juä̧tu̧cu̧ juiyäimä, ttu̧mö̧nä̧ adicuä, ttö̧ja̧ i̧sa̧ a̧'u̧cuä̧ adicuä, esetäcuähuä ttö̧ja̧ pi̧nä̧tö̧jä̧. Ja̧u̧ ä'coji cuesetinätucumä yoröiso Diosmäcö̧.

Gálatas 4:9

Ja̧'hua̧nö̧ ja̧'a̧nä̧ ucutu Diosrö cu̧huo̧juä̧tu̧cua̧'a̧nä̧, ja̧'hua̧ta̧nö̧ chutä'inä ucuturu u̧huo̧jua̧'a̧nä̧ ¿tta̧'a̧nö̧ pä'ö pä'äji ta'anö cuamöcuädätucuättö ja̧u̧ juruhuocö huȩnȩ, usurä huȩnȩ, pä'äji ta'anö ja̧u̧ huȩnȩ päö ta'anö jȩcu̧'ä̧tu̧cua̧ pä'ö?

Colosenses 2:20

Ucutumä Cristocu 'corupä'i'ö, pi̧jä̧ hueähuä jaropi'inätöjä. Ja̧'hua̧nö̧ ja̧'a̧ttö̧ ji̧nä̧ pi̧jä̧ hueähuä jȩcu̧'ä̧tu̧cu̧mä̧ ¿tta̧'a̧nö̧ pä'ö jȩcu̧'ä̧tu̧cua̧'a̧jä̧ttö̧?

Colosenses 2:8

Ttu̧ȩcuä̧nä̧ ka̧cuä̧tu̧cui̧. Korotömä täbo huȩnȩ'i̧nä̧, yapareu huȩnȩ'i̧nä̧ jittähuomenä, yoröiso cuesetätucuä'. Ja̧'hua̧nö̧ jittähuomenä, Cristo i̧huȩnȩ yoröiso ji'ähuocotö. Pi̧jä̧ ttö̧ja̧ amöcuädäcuähuätä ji'ähuätö.

Hebreos 5:12

Recuo cuesetinätucua'attö, huo̧juȩcuä̧ ttö̧ja̧ cu'ätucu'a̧nö̧ ja̧'a̧. Ja̧'hua̧nö̧ ja̧'a̧nä̧ Dios i̧huȩnȩ äcuomenä cuä̧ju̧cui̧nä̧tu̧cu̧ huȩnȩ, pä'äji ta'anö jittähua'a jä̧u̧jä̧. Cuijuiyuhuätucua'attö, lechetä ahuätöjä. Adihuä juäi cuäcuähuämä ji̧nä̧ cuocotöjä.

Hebreos 7:16

Ja̧u̧mä̧ pi̧jä̧ hueähuä huȩnȩ, pitö ttö̧ja̧ttö̧ chutä sacerdote hua̧ päi'önä ö̧jä̧cua̧, päö'a̧nö̧ ko̧cö̧ pi̧nö̧do. Ja̧u̧mä̧ beipocö juäi, kä̧cuä̧huä̧ i'co ujurunä ki̧nö̧do.