Gálatas 3:8 - TÄ̧DO Ä̧CUÄ̧ I̧HUȨNȨ

⁸ Judíos huocotöttö Diosrö esetätömä ttesetäcua'a ä'canä amöcuädö Dios jahuätörö ȩma̧ päinö huȩnȩ päina'a Huȩyu̧cuä̧ Huȩnȩ Abrahamrö. Ja̧u̧ adihuä huȩnȩ päina'a: “Ucu adiu cueseta'attö, o'ca toi'önä ttö̧ja̧mä̧ ppädädäcuotö.”

Nuevo Testamento Uwotjüja

⁸ Mo̧ täbokütä päi'ünä̧, ä'kanä̧ ukuokuina̧'a̧ Wȩyu̧kuä̧ wȩnȩmä̧, judío pokotü tta̧'kua̧ ttu̧wȩnä̧ro̧mȩnä̧ Dio ȩmä̧kuȩ wȩnȩmä̧. Ja̧'wa̧nü̧ jo̧mȩttü̧ Dio-mä̧, pa̧'a̧nü̧ jareü wȩnȩ ji'äwinü̧ Abraha̧-rü̧: «Ukunä̧tä̧ pi̧jä̧ ttü̧ja̧rü̧mä̧ o'katoi'ünä̧rü̧ ppä̧dä̧dä̧kua̧sä̧» jü̧nä̧.

Gálatas 3:8 Iomraidhean Croise

San Juan 19:37

Ja̧u̧ huȩnȩ korome'inä päa'a: “Ja̧u̧ru̧ tattinäcuru tottäcuotödo.”

San Juan 7:38

Huȩyu̧cuä̧ Huȩnȩ päö ta'anö, ttörö esetömä, ami iso'quittö kä̧cuä̧huä̧ ajiya aje i̧sä̧rä̧ räopö'a̧nö̧ rä̧o̧pä̧cua̧.

San Juan 7:42

Huȩyu̧cuä̧ Huȩnȩ päa'a: “Cristo, ru̧hua̧ David a̧hua̧ru̧hua̧ jä̧cua̧. Ja̧'hua̧ta̧nö̧ David ö̧ji̧no̧mȩ, Belén ötahuiyänä u̧huä̧pä̧chä̧cua̧,” päa'a.

Romanos 9:17

Dios Egipto rȩjȩ ru̧hua̧rö̧ päinömä Huȩyu̧cuä̧ Huȩnȩ päa'a: “Ucuru, ru̧hua̧ päi'önä cu̧ja̧ pä'ö hue'inösä, ucu jȩcu̧'u̧ to̧tto̧mȩnä̧, chujuru totta pä'ö. Ja̧'hua̧ta̧nö̧ chi̧mi̧ ttu̧huo̧jua̧ pä'ö pi̧jä̧ jättäja'a hue'inösä ucuru.”

Romanos 9:30

Ja̧'hua̧ ja̧'a̧ttö̧ ¿tta̧'a̧nö̧ pätäcua'ajä̧ttö̧? Judíos huocotömä usocotö pi̧nä̧tö̧ Dios jȩa̧tö̧ pä'ö chutäcu ji̧nä̧ ji̧yȩtȩ huotö tta pä'ö. Ja̧'hua̧nö̧ ja̧'a̧nä̧ Diosrö tteseta'attö, Dios jȩpi̧nö̧ chutäcu ji̧nä̧ ji̧yȩtȩ huotö tta pä'ö.

Gálatas 3:16

Iso päi'önä Dios Abraham mi̧nä̧rö̧'i̧nä̧, chutä ahuaruhuä isotö i̧sa̧rö̧'i̧nä̧ iya pä'ö ucuocuinö. Huȩyu̧cuä̧ Huȩnȩ päoca'a ja̧u̧ isotö jö̧nä̧mä̧. Recuätönä päoca'a. Huȩyu̧cuä̧ Huȩnȩ ji̧ta̧'a̧nö̧tä̧ päa'a: “Ucu i̧sa̧ttö̧.” Ya̧tȩrö̧tä̧ Cristorötä pä'ö päa'ajä ja̧u̧mä̧.

Gálatas 3:22

Ja̧'hua̧nö̧ ja̧'a̧nä̧ Huȩyu̧cuä̧ Huȩnȩ päö'a̧nö̧ o'ca toi'önä surojötä jȩpä̧tö̧ 'cuäopönä. Ja̧u̧mä̧ ja̧'hua̧nö̧ päa'a Jesucristorö esetätö Dios iya päinömä ttu̧ju̧nä̧ra̧ pä'ö.

Gálatas 4:30

¿Tta̧'a̧nö̧ päa'acuättö Huȩyu̧cuä̧ Huȩnȩmä̧? Ja̧u̧ Huȩyu̧cuä̧ Huȩnȩ päa'a: “Cumöhuäyajuru ki̧tti̧tä̧cu̧ ya'opö icuiju. Jahuäju cumöhuäyaju ki̧tti̧mä̧ ucu cuamönä cuirecua ki̧tti̧cu̧ ttä'o retämä ji̧nä̧ ji̧yȩtȩmä̧ ȩmo̧co̧tö̧ ttäcuotö.”

Hebreos 4:2

Jahuätö ttä̧ju̧cui̧nö̧ ta'anö, ja̧u̧tä̧ ttö̧ja̧ suronä jȩttö̧ jȩpö̧ icu huȩnȩ ä̧ju̧cui̧nä̧tö̧jä̧ ujutu'inä. Jahuätörö micuähuoca'a ji̧na̧'a̧do, ja̧u̧ huȩnȩ ä̧ju̧cu̧ ttesetoca'a ji̧na̧'a̧ttö̧.

Apocalipsis 11:15

Ka̧ra̧ ángel, ko̧ro̧mö̧ttö̧nö̧ ta̧ju̧nu̧ päi'önä, öäre trompeta ppö'inö. Ppöomenä, recuätö tti̧huȩnȩ pä̧i̧cu̧nä̧ ttucuocua'a mo̧ro̧jä̧ra̧'a̧ttö̧ ttä̧ju̧cui̧na̧'a̧. Pa̧'a̧nö̧ ucuocuina'a: Jitämä pi̧jä̧nä̧ hueömä ujutu Tu̧ru̧hua̧ Cristo hueäcua'a̧nö̧. Ja̧u̧ 'cuäopönätä huȩä̧cua̧.