Gálatas 1:14 - TÄ̧DO Ä̧CUÄ̧ I̧HUȨNȨ

¹⁴ Judíos ttö̧ja̧ ttesetinö esetö korotö chahuaruhuä ttö ta'anö huotöttö'inä abonänö rö̧ȩnä̧ esetinösä ttömä, chä̧do̧tö̧ mi̧nä̧ jȩtti̧nö̧ juäi rö̧ȩnä̧ jȩcha̧'a̧ttö̧.

Nuevo Testamento Uwotjüja

¹⁴ Ja̧'wa̧ta̧nü̧ wo̧juä̧tü̧jä̧, chi̧rȩjä̧ttü̧ judío jäwänä̧ kkä̧nü̧, chawaruwä ttü ta̧'a̧nü̧ wotü ttu̧wä̧mȩnä̧ chinü̧mä̧, chä̧do̧tü̧ mi̧nä̧ jäwä ä'kuoyäunü̧ jȩcho̧mȩnä̧.

Gálatas 1:14 Iomraidhean Croise

San Mateo 15:6

Ja̧'hua̧nö̧ pä'ömä iso päi'önä jä'orö'inä, ja̧ju̧ru̧'i̧nä̧, ppädö juiyö'a̧nö̧ ja̧'a̧, pä'ätöjä ucutumä. Ucutu pi̧jä̧ ttö̧ja̧ jȩttä̧'i̧jö̧ ta'anö jȩcu̧'ä̧tu̧cua̧ pä'ö, Dios hueinömä jaropi'ätöjä, koro juäi micuähuocö do'opö tticu'a̧nö̧.

Hechos 21:20

Pablo jiähua'a ttä̧ju̧cuo̧mȩnä̧, Diosrö eseunu ucuocuinätödo. Ancianos huotö Pablorö pä'inätödo: —Ucu topöjä, tö̧jä̧hua̧, judíos ttöja̧ttö̧ juiyo recuätö esetinätö. Jahuätö o'ca toi'önä pä'ätö Moisés hueähuä huȩnȩ hueö ta'anö jȩtö̧'a̧nö̧ ja̧'a̧.

Hechos 22:3

Pablo pä'inödo: —Ttömä judíos ttö̧ja̧ i̧sa̧sä̧. Tarso ötahuiyättö, Cilicia rȩjȩnä̧ chuhuäpächina'anä, porö Jerusalén ötahuiyättö, böo juo'inösä. Gamaliel ttörö huo̧juȩti̧nö̧ hueähuä huȩnȩ, tä̧do̧tö̧ mi̧nä̧ ttesetinö huȩnȩ, o'ca juiyönä ttu̧ȩcuä̧nä̧ jȩcha̧ pä'ö. 'Cuäopönä ji̧yȩtȩnä̧tä̧ Dios aditähuä jȩcha̧ pä'ö amöcuädinösä, ucutu jitä mo̧ro̧ cuamöcuädätucu ta'anö.

Hechos 26:5

Jahuätö huo̧juä̧tö̧, ja̧'hua̧ta̧nö̧ jahuätö jittähua pä̧huä̧ rö̧jö̧ttö̧mä̧ jittähuäcuotö, ttö mö̧ä̧ya̧ pä̧ya̧ chö̧ji̧na̧'a̧ttö̧ päi'önä, jitä mo̧ro̧'i̧nä̧ fariseos ttö̧ja̧ i̧sa̧sä̧. Fariseos huotö korotöttö'inä abonänö ttu̧ȩcuä̧nä̧ jȩpä̧tö̧jä̧ Dios hueömä.

Hechos 26:9

“Jesús Nazareno i̧sa̧ i̧mi̧nä̧ esetätörö, rö̧ȩnä̧ suronä jȩchö̧ttö̧mä̧ adiu'a̧nö̧ ja̧'a̧,” pä'inösä. Ttötä äcuomenä ja̧'hua̧nö̧ amöcuädinösä.

Colosenses 2:8

Ttu̧ȩcuä̧nä̧ ka̧cuä̧tu̧cui̧. Korotömä täbo huȩnȩ'i̧nä̧, yapareu huȩnȩ'i̧nä̧ jittähuomenä, yoröiso cuesetätucuä'. Ja̧'hua̧nö̧ jittähuomenä, Cristo i̧huȩnȩ yoröiso ji'ähuocotö. Pi̧jä̧ ttö̧ja̧ amöcuädäcuähuätä ji'ähuätö.

1 Pedro 1:8

Jesucristorö tocu'ätucuoca'anä'inä, ja̧u̧ru̧ eseunu ka̧cuä̧tö̧jä̧. Ja̧'hua̧ta̧nö̧ ja̧u̧ru̧ tocu'ätucuoca'anä'inä cuesetätucuomenä, ttänämä jittäu juiyö'a̧nö̧ jö̧ rö̧ȩnä̧ cuesehuäcuotöjä, ucutu suronä jȩcu̧'ä̧tu̧cu̧ jȩpö̧ icu mo̧ro̧ päi'önä. Pi̧yȩ cuesetinätucu huȩnȩmä̧.