Gálatas 1:11 - TÄ̧DO Ä̧CUÄ̧ I̧HUȨNȨ

¹¹ Ja̧'hua̧nö̧ ja̧'a̧nä̧ pi̧yȩ cu̧huo̧juä̧tu̧cua̧ pä'ösä chö̧jä̧hua̧tö̧, suronä jȩttö̧ jȩpö̧ icu huȩnȩ, ttö jidäu huȩnȩ, pi̧jä̧ ttö̧ja̧ i̧sa̧ amöcuädömäcö̧.

Nuevo Testamento Uwotjüja

¹¹ Isopäi'ünä̧, chawaruwä chü̧jä̧wa̧tü̧ pi̧yȩ ku̧wo̧jui̧pä̧tu̧kua̧ pä'ü ja̧'a̧: Jareü wȩnȩ ttü jidäwumä̧ pi̧jä̧ ttü̧ja̧ jäwämä̧kü̧ ja̧'a̧.

Gálatas 1:11 Iomraidhean Croise

Romanos 2:16

Adihuä huȩnȩ ttö jidäumä päa'a, ji̧yȩnö̧ mo̧ro̧, Dios Jesucristonä ttö̧ja̧ yä̧huä̧i̧nä̧ jȩttö̧ ro̧ȩpä̧cuȩ mo̧ro̧, ja̧'hua̧nö̧ 'cuäopäcua'a.

1 Corintios 11:23

Pi̧yȩ huo̧juȩcuä̧ huȩnȩ ucuturu chu̧huo̧juȩti̧nö̧mä̧, Tu̧ru̧hua̧ huo̧juȩti̧nö̧ ttörö. Ja̧u̧nu̧ yodo, Tu̧ru̧hua̧ Jesúsru ttiyä̧cuȩ yodo, chutä i̧ri̧si̧ ȩmo̧po̧'ö̧ 'chu̧'ä̧ri̧nö̧do u̧mö̧nä̧.

1 Corintios 3:4

Ucututtu korotö pä'ätö: “Ttötäsä Pablo i̧sa̧mä̧.” Korotö pä'ätö: “Ttötäsä Apolos i̧sa̧mä̧.” Ja̧'hua̧nö̧ jȩcu̧'ä̧tu̧cuo̧mȩnä̧, ucututä cuamönätucu cuamöcuädätucunätä cue'ächätöjä.

1 Corintios 9:8

Jitä pädäjimä pi̧jä̧ ttö̧ja̧ ttamöcuädö ji'ähuäji pä'ö cuamöcuädätucuä'. Moisés hueähuä huȩnȩ ja̧'hua̧ta̧nö̧ päa'a.

Gálatas 1:1

Ttö Pablo Jesucristo huȩ'ä̧hua̧sä̧. Ja̧'hua̧ta̧nö̧ Tä'o Dios, Cristorö 'corupä'i'inätö ttö̧'quȩtȩttö̧ tto'ädinö'inä, huȩ'ä̧hua̧sä̧. Pi̧jä̧ ttö̧ja̧mä̧ hue'ähuocösä.

Gálatas 1:6

Diosrö, Jesucristo ucuturu repea'attö huoinä̧u̧ru̧, koro huȩnȩ suronä jȩttö̧ jȩpö̧ icu pättö huȩnȩ i̧mi̧cu̧nä̧ jö̧ esetö o'ca päi'önä jarocuhui'ätucua'a chä̧ju̧cuo̧mȩnä̧, rö̧ȩnä̧ amöcuädösä ucuturu.