Filemón 1:7 - TÄ̧DO Ä̧CUÄ̧ I̧HUȨNȨ

⁷ Ucu korotörö repecuhua'a ä̧ju̧cu̧, rö̧ȩnä̧ eseunu amöcuädösä. Ucu, chö̧jä̧hua̧, Jesucristorö esetätörö ttami iso'quinä eseunu ttamöcuäda pä'ö ppä'ädinöjä.

Nuevo Testamento Uwotjüja

⁷ Isopäi'ünä̧ cha̧wa̧ru̧wa̧ chi̧jä̧wa̧, ukú Filemó̧-rü̧ rü̧ȩnä̧ eseusä kkorotü tawaruwä tü̧jä̧wa̧tü̧rü̧ eseu ppäkuäda'a ä̧ju̧ku̧.

Filemón 1:7 Iomraidhean Croise

1 Corintios 16:18

Cha̧'cua̧ esehuächi'önä ppättädäjäcusä. Ttörö'inä, ucuturu'inä ppä'ädinätö. Iso päi'önä jahuätö ta'anö huotörö adiu cucuotätucuaja.

2 Corintios 7:13

Ja̧'hua̧nö̧ ja̧'a̧ttö̧ iso päi'önä esehuätöjä jitämä. Ja̧'hua̧ta̧nö̧ ja̧'hua̧nö̧ topö tesehuomenä, ji̧nä̧ isocu rö̧ȩnä̧ esehuätöjä Titorö topö. Ja̧u̧mä̧ rö̧ȩnä̧ eseunu kö̧ jitämä. Ucutu ja̧'hua̧nö̧ adiunä ö̧ja̧ pä'ö ppä'ädinätöjä.

2 Corintios 7:4

Juiyo eseunu amöcuädösä ucuturu. Rö̧ȩnä̧ ubara ttutomenä'inä, adiunä eseunu chami 'qui'ächi'ö kö̧sä̧.

1 Tesalonicenses 1:3

Tä'o Dios ä'ca jo̧mȩttö̧ amöcuädätöjä ucutu Diosrö adiu esetö cuaditätucua'a. Ja̧'hua̧ta̧nö̧ ucutu cuahuaruhuärö adiu repe'ö cuaditätucua'a amöcuädätöjä. Ja̧'hua̧ta̧nö̧ cuami 'qui'ächi'ö kä̧nö̧, Tu̧ru̧hua̧ Jesucristorö adiu tta̧cu̧huä̧rä̧tu̧cua̧'a̧ amöcuädätöjä.

1 Tesalonicenses 2:13

Ja̧'hua̧nö̧ ja̧'a̧ttö̧ ujutumä 'cuäopönä eseunu ucuocuätöjä Diosrö. Dios i̧huȩnȩ jitähuomenä, ucutu adiu ä̧ju̧cu̧ esetinätöjä. Pi̧yȩ huȩnȩ iso päi'önä Dios i̧huȩnȩ, pi̧jä̧ ttö̧ja̧ tti̧huȩnȩmä̧cö̧. Ja̧u̧ huȩnȩ cuesetätucuomenä, cuamöcuädätucumä pärohua'attö, iso päi'önä huȩnȩ ja̧'a̧.

1 Tesalonicenses 2:19

Tu̧ru̧hua̧ Jesucristo ichomenä, ¿dirö tesehuäcua'ajä̧ttö̧? ¿Dirö tta̧tä̧rä̧cua̧'a̧jä̧ttö̧ tesehua pä'ö? ¿Dirö tamöcuädäcua̧'ajä̧ttö̧? Ucuturu tesehuäcuotöjä Tu̧ru̧hua̧ Jesucristo ichomenä.

1 Tesalonicenses 3:9

Dios ä'ca jo̧mȩttö̧ ucuturu rö̧ȩnä̧ eseunu amöcuädö, Diosrö ucuocu juhua'a yabonö, ¿tta̧'a̧nö̧ tesehuäcua'ajä̧ttö̧ ucuturu?

2 Timoteo 1:16

Onesíforo pä'ö mi̧cua̧ ahuaruhuärö Tu̧ru̧hua̧ adiu re rö̧jö̧nä̧ toö'a̧nö̧ ja̧'a̧. Ja̧u̧ ttörö rö̧ȩnä̧ ppä'ädinö. Cärenä chö̧'a̧'a̧ topö ichäji'ca̧, ttörö dä'äcuocö pi̧nö̧.

Filemón 1:20

Iso päi'önä tö̧jä̧hua̧, Tu̧ru̧hua̧rö̧ cueseta'attö, ttörö ppä'ädi. Cristonä chö̧jä̧hua̧ cu'a'attö, chami iso'quinä eseunu chö̧ja̧ pä'ö ppä'ädittö.

2 Juan 1:4

Ucu cui̧tti̧mö̧ttö̧ yotöte Tä'o Dios hueinö ta'anö, iso päi'önä huȩnȩ päö'a̧nö̧ jȩpö̧ ka̧cuä̧tö̧ pä'ö tochomenä, juiyo esehuinösä.