Filemón 1:10 - TÄ̧DO Ä̧CUÄ̧ I̧HUȨNȨ

¹⁰ Ja̧'hua̧nö̧ ja̧'a̧ttö̧ Onésimo pä'ö mi̧cua̧rö̧, cärenä pä̧nö̧ Cristonä chi̧tti̧rö̧, ppäcuhuäda pä'ö jä'epösä.

Nuevo Testamento Uwotjüja

¹⁰ Chi̧tti̧ jä̧'i̧nü̧'a̧nü̧ wa̧ Onésimo-rü̧, kärenära̧'a̧ttü̧ esetü ikuinü̧rü̧.

Filemón 1:10 Iomraidhean Croise

San Marcos 9:17

Ja̧'hua̧nö̧ ja̧'a̧ ya̧tȩ ubo ttö̧ja̧ ttö̧'quȩtȩttö̧ ädätinödo: —Huo̧juȩcuä̧ I̧sa̧, pȩnȩ i'cächäjisä chi̧tti̧rö̧, espíritu su̧ro̧pa̧rö̧ ku̧nä̧rö̧rö̧, i̧huȩnȩ juiyönä jȩi̧nä̧cu̧ru̧.

Romanos 12:1

Ja̧'hua̧nö̧ ja̧'a̧ttö̧ ttö chö̧jä̧hua̧tö̧, Dios ujuturu re rö̧jö̧nä̧ toa'attö, pä'ösä ucuturu: Sacrificios päi'önä ttiya'a jä̧'i̧nö̧'a̧nö̧ iyäcuähuätucui Diosrö ji̧nä̧ cua̧'cua̧rä̧i̧. Churutä pä̧huä̧ rö̧jö̧tä̧ jȩpä̧tu̧cui̧, chutä esehuäcua'a̧nö̧ ucuturu. Adiu amöcuädätömä, ja̧'hua̧nö̧ jȩttö̧'a̧nö̧ ja̧'a̧.

1 Corintios 4:14

Pi̧yȩ huȩnȩ huȩyu̧to̧cö̧sä̧ ucuturu cudäpecuhuätucua pä'ömä. Chi̧tti̧mö̧rö̧ rȩni̧'ä̧tö̧rö̧ ppädäda'a jä̧'i̧nö̧'a̧nö̧, ucuturu ppädäda pä'ö huȩyu̧tu̧sä̧.

1 Corintios 4:15

Ja̧'hua̧ta̧nö̧ recuätö huo̧juȩtä̧tö̧ isotö, to̧mö̧rȩ jähuä mil jo̧mȩnä̧, ucuturu Cristo i̧huȩnȩ ttu̧huo̧juȩto̧mȩnä̧, cuä̧'o̧tö̧mä̧ recuätömä to'ätöjä. Ttötäsä cuä'omä Cristo Jesúsru cuesetätucuomenä. Ttö ttö̧ja̧ suronä jȩttö̧ jȩpö̧ icu huȩnȩ ji'ähuinösä ucuturu.

Gálatas 4:19

Chi̧tti̧mö̧, pä'äji ta'anö ubara ttu'usä ucuturu amöcuädö, yajute isaju ku̧mo̧du̧ma̧ ni̧yä̧cua̧ ubara ttujua'a jä̧'i̧nö̧'a̧nö̧. Ja̧'hua̧ta̧nö̧ ucutu Cristorö adiu cuesetätucuome jubö päi'önä ubara ttu̧dä̧cua̧sä̧.

Colosenses 4:9

Ja̧u̧cu̧ i̧chä̧cua̧ adihuä ta̧hua̧ru̧hua̧ Onésimo'inä. Ja̧u̧ adiu aditinö ttöcu Tu̧ru̧hua̧ aditähuä. Ja̧u̧mä̧ ucututä i̧sa̧. Jahuätömä o'ca juiyönä pȩnȩ 'cuäopäjimä jittähuäcuotö ucuturu.

1 Timoteo 1:2

Pi̧yȩ huȩnȩ huȩyu̧tu̧ hue'ösä ucuru Timoteo, Cristonä chi̧tti̧. Tä'o Dios'inä, Tu̧ru̧hua̧ Cristo Jesús'inä rö̧ȩnä̧ ppättädäcua'a̧nö̧ ucuru. Ja̧'hua̧ta̧nö̧ re rö̧jö̧nä̧ tottäcua'a̧nö̧ ucuru. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuru.

Tito 1:4

Pi̧yȩ huȩnȩ huȩyu̧tu̧ hue'ösä ucuru, Tito, Cristonä chi̧tti̧, ucu'inä, ttö'inä ji̧nä̧ ya̧tȩrö̧ teseta'attö. Tä'o Dios'inä, Tu̧ru̧hua̧ Jesucristo'inä rö̧ȩnä̧ ppättädäcua'a̧nö̧ ucuru. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuru.

Filemón 1:11

Pä'äjimä ja̧u̧mä̧ ucu cu̧mö̧huä̧ya̧ ja̧'a̧nä̧, adiu ppä'ädocö pi̧nö̧ ucuru. Ja̧'hua̧nö̧ ja̧'a̧nä̧ jitämä ucuru'inä ttörö'inä ppädö'a̧nö̧ ja̧'a̧.

Filemón 1:13

Adihuä huȩnȩ esetö cärenä chö̧'o̧mȩnä̧ ucu ttörö ppäcuhuädaji'a̧nö̧ ttörö ppä'ädö ö̧ja̧ päda'anä, ja̧u̧ru̧ hue'ösä ucuru.

3 Juan 1:4

Chu̧huo̧juȩto̧mȩttö̧mä̧ chi̧tti̧mö̧ iso päi'önä huȩnȩ päö'a̧nö̧ adiu jȩcu̧'ä̧tu̧cu̧ chä̧ju̧cuo̧mȩnä̧, koro juäi eseäcuähuättö'inä abonänö eseusä.