Efesios 5:3 - TÄ̧DO Ä̧CUÄ̧ I̧HUȨNȨ

³ Dios i̧tti̧mö̧ cu'ätucuttumä, suronä nä̧tö̧rö̧ jȩä̧cuä̧huä̧ cucuocuätucu juiyö'a̧nö̧ huotöjä. Ja̧'hua̧ta̧nö̧ koro juäi suräjuä huȩnȩ'i̧nä̧ cucuocuätucu juiyö'a̧nö̧ huotöjä. Ja̧'hua̧ta̧nö̧ korotö ttu̧ju̧nä̧rö̧ ta'anö, chu̧ju̧nä̧ra̧ päcuhuätucu juiyö'a̧nö̧ huotöjä.

Nuevo Testamento Uwotjüja

³ Ja̧'wa̧nü̧ ja̧'a̧nä̧, nä̧tü̧rü̧ jȩä̧'chä̧kuä̧wä̧mä̧, surojümä̧, o'kajuiyütä kkü'käwämä̧, ukutu jȩ'kuä̧tu̧kua̧'a̧ ukuowa pä'ümä̧ juiya'a, surojü jui'ätü kuätukua'attü.

Efesios 5:3 Iomraidhean Croise

San Mateo 15:19

Suronä amöcuädäcuähuä'inä, ttö̧ja̧rö̧ cuä'ö icuähuä'inä, nä̧tö̧rö̧ suronä usähuä'inä, ka̧ra̧ irecuarö suronä jȩä̧cuä̧huä̧'i̧nä̧, nä̧u̧cuä̧cuä̧huä̧'i̧nä̧, yapareu ucuocuäcuähuä'inä, korotörö suronä ucuocuäcuähuä'inä räopa'a ttö̧ja̧ ttami iso'qui jacuättö.

San Lucas 12:15

Ja̧'hua̧ta̧nö̧ pä'inödo: —Adiu tta̧'ä̧rä̧cuä̧huä̧tu̧cui̧. Pi̧jä̧ jähuä rö̧ȩnä̧ pä̧huä̧ rö̧jö̧nä̧ cuamöcuädätucuä'. Rö̧ȩnä̧ cu̧ju̧nä̧ro̧mȩnä̧mä̧, tta̧'cua̧ adiunä kä̧cuä̧huä̧mä̧ i'cächocö.

San Lucas 16:14

Fariseos huotömä, pärätä kö'cätömä, ja̧u̧ o'ca juiyönä ä̧ju̧cuä̧ri̧nä̧tö̧do. Jesúsru ya̧'ä̧huȩ'i̧nä̧tö̧do.

Hechos 15:20

—Ji̧yȩä̧cuȩtä̧ ti̧huȩnȩ huȩyu̧tu̧ huetö'a̧nö̧ ja̧'a̧ jahuätörö korotö ttä̧do̧ ä̧cua̧ a̧'u̧cuä̧ ä'ca jo̧mȩ iyähuämä ttȩmö̧ juiyö'a̧nö̧ ja̧'a̧. Ja̧'hua̧ta̧nö̧ ya̧tȩ chutä irecua pocojucu suronä jȩä̧'chö̧ juiyö'a̧nö̧ ja̧'a̧. Ja̧'hua̧ta̧nö̧ nu̧'ä̧hua̧rö̧'i̧nä̧, a̧'ä̧u̧ru̧'i̧nä̧ ttucu juiyö'a̧nö̧ ja̧'a̧. Isotö ttucuoja'inä ttucu juiyö'a̧nö̧ ja̧'a̧.

Hechos 20:33

Korotö ttöäre pärätä'inä, ttö̧'ca̧tä̧huä̧ti̧yu̧'i̧nä̧ pä̧huä̧ rö̧jö̧nä̧ topocö pi̧nö̧sä̧.

Romanos 1:29

O'ca juiyönä suronä jȩä̧cuä̧huä̧ su'pejä̧u̧. Ka̧ra̧ irecuarö usätö. Suronätä jȩpä̧tö̧. Rö̧ȩnä̧ ttu̧ju̧nä̧ra̧ pä'ätö. Korotörö suronä jȩpä̧tö̧. Korotö ttu̧ju̧nä̧rö̧'a̧nö̧, ttu̧ju̧nä̧ra̧ pä'ätö. Korotörö cuä'ö icuätö. Ja̧'hua̧ta̧nö̧ sȩ'ȩpä̧rö̧ rohuähuätö. Yapareu ucuocuätö. Korotörö yapareu amöcuädö ucuocuätö. Korotörö huȩnȩtö̧ ji'ähuätö.

Romanos 16:2

Jahuäjuru adiu jȩpä̧tu̧cui̧ Tu̧ru̧hua̧ i̧mi̧nä̧ Jesucristorö esetätö jȩttö̧'a̧nö̧. Ja̧'hua̧ta̧nö̧ ppä'ädätucui koro juäi yajuru recua rö̧jö̧mä̧. Jahuäju recuätörö'inä, ttörö'inä ppä'ädinäju.

Romanos 6:13

Cuamönä cuiyäcuähuätucuä' suronä jȩcu̧'ä̧tu̧cua̧ pä'ö. 'Corupä'i'ö'cotö tto'ächätö jä̧'i̧nö̧'a̧nö̧ jö̧nä̧ Diosrö iyäcuähuätucui. Cuamönä cuidepä iyäcuähuätucui Diosrö, adiu jȩcu̧'ä̧tu̧cua̧ pä'ö.

1 Corintios 10:8

Ja̧'hua̧ta̧nö̧ ujutu nä̧tö̧rö̧ jȩtö̧ juiyäcua'a̧nö̧, korotö jahuätöttö jȩtti̧nö̧'a̧nö̧. Jahuätö ja̧'hua̧nö̧ jȩpä̧'chö̧, ya'ute mo̧ro̧mä̧ veintitres mil jo̧mȩnä̧ hua'ö icuinätödo.

1 Corintios 5:1

Ja̧'hua̧ta̧nö̧ koro'inä pä'ö ucuocuätö ucuturu. Ucututtu ya̧tȩ jä'o irecuarö kö̧. Ja̧u̧mä̧ yoröiso surojö. Diosrö esetocotö'inä yoröiso jȩpo̧co̧tö̧ ja̧u̧ surojö.

1 Corintios 6:13

Iso päi'önä pä'ätö: “Adihua'a o'ca juiyönä cuäcuähuämä cuä̧nö̧ tö'cäbiyunä suhuädi'önä. Ja̧'hua̧ta̧nö̧ tö'cäbiyu adihua'a cuäcuähuä tucuomenä ȩca̧ pä'ö. Juhuorö'inä Diosrö pä̧huä̧ rö̧jo̧mȩnä̧, tö'cäbiyu'inä, cuäcuähuä'inä be'epö i̧cuä̧cua̧. Ja̧'hua̧ta̧nö̧ ja̧'a̧nä̧ ujutu jättäpäyotö nä̧tö̧rö̧ usu jȩtä̧'cho̧mȩnä̧mä̧ surojö. Ujutu jättäpäyotö aditinödo Tu̧ru̧hua̧, chutä öäre päi'önä. Ja̧'hua̧ta̧nö̧ Tu̧ru̧hua̧ kö̧ ujutu jättäpäyotönä suhuädi'önä.

1 Corintios 6:18

Ja̧'hua̧ ja̧'a̧ttö̧ jaropi'ätucui nä̧tö̧rö̧ usu jȩä̧cuä̧huä̧mä̧. Ya̧tȩ irecuarö u̧ju̧nä̧ro̧mȩnä̧, karajuru jȩä̧'cho̧mȩnä̧, chutä jä̧ttä̧pä̧ya̧nä̧ suronä jȩpö̧. Juhuorö'inä koro juäi suronä jȩo̧mȩnä̧, chutä jä̧ttä̧pä̧ya̧nä̧ suronämä jȩpo̧cö̧.

2 Corintios 12:21

Pä'äji ta'anö ucuturu do'ächö chi̧'cho̧mȩnä̧, Dios ä'ca jo̧mȩttö̧ ucuturu chö̧dä̧pȩcuä̧cua̧sä̧ a̧'cua̧ra̧'a̧ pä'ö ye'ecu amöcuädösä. Ja̧'hua̧ta̧nö̧ ucututtu recuätö täbocö päi'önä suronä jȩtti̧na̧'a̧ amöcuädö, cha̧juä̧huä̧cua̧sä̧ a̧'cua̧ra̧'a̧. Jahuätö suronä jȩpö̧, nä̧tö̧rö̧ jȩpä̧'chö̧'i̧nä̧, koro juäi'inä jȩtto̧mȩnä̧'i̧nä̧ yoröiso ji'äu icuocotö pi̧nä̧tö̧do.

Efesios 5:12

Jahuätö korotö tottoca'anä da̧ja̧huä̧rö̧ jȩttö̧mä̧, dä'ä rö̧jä̧tö̧ jä̧cu̧ ji'ähuocösä.

Efesios 5:5

Täcö huo̧juä̧tö̧jä̧, ya̧tȩ irecua pocojuru jȩpö̧'i̧nä̧, koro juäi suronä jȩpö̧'i̧nä̧, korotö ttu̧ju̧nä̧rö̧ ta'anö, u̧ju̧nä̧ra̧ pä'ö'inä, koro ttu̧mö̧nä̧ adicuä juäi pä̧huä̧ rö̧jö̧nä̧ topö'inä, Cristocu Dioscu ttö̧jo̧mȩ yoröiso 'cho̧cö̧.

Filipenses 1:27

Ucutumä adiu ka̧cuä̧tu̧cui̧ 'cuäopönä, Cristo i̧huȩnȩ päö ta'anö. Ja̧'hua̧nö̧ cu̧ja̧cuä̧tu̧cuo̧mȩnä̧, ucuturu pä'äji ta'anö tochöttö'inä, tochö juiyöttö'inä, jittähua'a chä̧ju̧cua̧ pä'ösä ucuturu, adiu ji̧nä̧ yo̧mȩtȩ ttami 'qui'ächi'ö Dios i̧huȩnȩ esetö, adiu surojöcu rohuäu, ji'ähuätö pä'ö.

Colosenses 3:5

Pä'äji jähuä, pi̧jä̧ jähuä, jȩcu̧'i̧nä̧tu̧cu̧mä̧, jitämä amöcuädö jȩcu̧'ä̧tu̧cuä̧'. Ka̧ra̧ irecuarö suronä jȩcu̧'ä̧tu̧cuä̧'. Suronämä amöcuädö jȩcu̧'ä̧tu̧cuä̧'. Ucutuätä pä̧huä̧ rö̧jö̧tä̧ jȩcu̧'ä̧tu̧cuä̧'. Korotöttö'inä abonänö cu̧ju̧nä̧ra̧ pä'ö cuamöcuädätucuä'. Ttu̧mö̧nä̧ adicuä juäi pä̧huä̧ rö̧jö̧nä̧ tocu'ätucuä'.

1 Tesalonicenses 4:3

Dios pä̧huä̧ rö̧jä̧cu̧ surojö juiyönä, adiu jȩpö̧ cu̧ja̧cuä̧tu̧cua̧ pä'ö. Cuirecua pocojucu suronä jȩcu̧'ä̧tu̧cuä̧'.

1 Tesalonicenses 4:7

Dios ujuturu ȩmo̧cö̧ pi̧nö̧ suronä jȩpö̧ kä̧nö̧ tö̧ja̧cua̧ pä'ö. Pärocua'acu churutä adiu amöcuädö, surojö juiyönä adiu jȩta̧ pä'ö pä̧huä̧ rö̧jä̧cu̧.

1 Timoteo 2:10

Pärocua'acu nä̧tö̧'i̧nä̧ Diosrö esetätö jȩttö̧'a̧nö̧ adiunätä jȩttä̧cua̧'a̧nö̧.

1 Timoteo 3:3

Ja̧u̧mä̧ tä̧'ä̧mo̧cö̧. Ja̧u̧mä̧ ahuaruhuäcu rohuähuocö. Ja̧u̧mä̧ pärätä yapareu ucuocu ȩmo̧cö̧. Pärocua'acu ahuaruhuärö adiu ppä'ädö. Adiu kö̧ korotö ttä'ca jo̧mȩ. Ja̧u̧mä̧ pärätä u̧ju̧nä̧ra̧ pä'ömä amöcuädocö.

1 Timoteo 6:10

Pärätänätä tta̧'cua̧ huȩnä̧rä̧cuä̧huä̧nä̧, ja̧u̧ surojö kada'ca. Korotömä pärätä rö̧ȩnä̧ ttu̧ju̧nä̧ra̧ pä'ö, jaropi'inätö adihuä huȩnȩ. Ja̧'hua̧nö̧ ja̧'a̧ttö̧ rö̧ȩnä̧ ubara ttu'ätö.

2 Timoteo 3:2

U̧mä̧tö̧ jitöätä ttamöcuädäutä ttamöcuädäcuotö. Pärätä rö̧ȩnä̧ ttamöcuädäcuotö. Ttösä adihuä i̧sa̧ pättähuäcuotö. Diosrö suronä ttucuocuäcuotö. Ttä'o hueö jȩpo̧co̧tö̧ ttäcuotö. Ttahuaruhuärö esehuocotö ttäcuotö. Dios i̧huȩnȩ esetocotö ttäcuotö.

Tito 1:11

Ja̧'hua̧nö̧ ttucuocuomenä, ttö'coruchi'a pä'ö huettä̧u̧. Jahuätörö ä̧ju̧cu̧, recuätömä ttamönä ttahuaruhuäcu rohuähuätö. Jahuätömä yapareu huo̧juȩtä̧tö̧ pärätä ttȩma̧ pä'ö.

Tito 1:7

Ya̧tȩ tta̧huä̧rä̧cuä̧huä̧ i̧sa̧ Dios i̧huȩnȩ tta̧'ä̧rö̧. Ja̧'hua̧nö̧ ja̧'a̧ttö̧ adiunätä jȩpö̧ kö̧. “Ttömä adihuä i̧sa̧sä̧” pä'ocö. O'ca päi'önä ra̧huä̧ri̧po̧cö̧. Ja̧u̧mä̧ tä̧'ä̧mo̧cö̧. Ja̧u̧mä̧ ahuaruhuäcu rohuähuocö. Ja̧u̧mä̧ pärätä rö̧ȩnä̧ amöcuädö ko̧cö̧.

Tito 2:3

Ja̧'hua̧ta̧nö̧ nä̧tö̧ böäcuächätörö'inä huo̧juȩti̧. Dios ä'ca jo̧mȩ adiu ttö̧jä̧cua̧'a̧nö̧. Ttahuaruhuärö yapareu huȩnȩ jittähuä'chö juiyäcua'a̧nö̧. Ja̧'hua̧ta̧nö̧ tä̧ttä̧mö̧ juiyäcua'a̧nö̧. Korotö ttä'ca jo̧mȩ adiu huo̧juȩtö̧ jȩttä̧cua̧'a̧nö̧.

Hebreos 12:16

Ja̧'hua̧ta̧nö̧ cuirecuarö cu̧ju̧nä̧rä̧tu̧cuo̧mȩnä̧, karajuru suronä jȩcu̧'ä̧tu̧cuä̧'. Ja̧'hua̧ta̧nö̧ Dios ä'ca jo̧mȩttö̧ adihuä juäinä suronä cujö'cätucuä'. Esaú ja̧'hua̧nö̧ jȩpi̧nö̧do. Chutä ä'canä i̧tti̧ ja̧'a̧nä̧, jä'o hueipinömä iyinödo ö̧jä̧hua̧rö̧ ya'utenätä u̧cuȩ ucua'a micuä päi'önä.

1 Pedro 5:2

O̧vȩja̧stö̧rö̧ tta̧huä̧rä̧cuä̧huä̧ i̧sa̧ tta̧huä̧rö̧'a̧nö̧, Dios i̧tti̧mö̧rö̧, ucuturu hueinä̧u̧ru̧, tta̧'ä̧rö̧ ka̧cuä̧tu̧cui̧. Suronä päcuhuätucuoca'a, Diosrö pä̧huä̧ rö̧jo̧mȩnä̧ adiunä eseunu tta̧'ä̧rä̧tu̧cui̧. Ja̧'hua̧ta̧nö̧ pärätä cuamöcuädätucuoca'a, adiu tta̧'ä̧rä̧tu̧cui̧. Adiunä aditätucui cuaditähuätucu.

2 Pedro 2:10

Ttu̧ru̧hua̧rö̧ jarode'ö jitötä ttamönä suronä ttamöcuädäu jȩpä̧tö̧rö̧, ji̧nä̧ isocu ö̧tä̧bo̧tä̧cua̧ Dios. Jahuätö yettecuoca'anä jarode'ätödo. Mo̧ro̧jä̧ ruhuärö yecuäcuähuä juiyönä suronä huopätödo.

2 Pedro 2:14

Isajuru tottö juiyö'a̧nö̧ huotö. 'Cuä'ächi'ocotö suronä jȩpä̧'chö̧. Juiyupätörö yapareu jȩpä̧tö̧. O'ca juiyönä ttȩma̧ pä'ätö jitötä ttöäre päi'önä. Jahuätömä suropätö.

2 Pedro 2:3

Pärätä rö̧ȩnä̧ ttȩma̧ pä'ö, ucuturu yapareu huȩnȩ ttu̧huo̧juȩtä̧cuo̧tö̧ cuiyätucuatö pä'ö. Yoröiso ttö̧ji̧pö̧ juiyönä, bettipächäcuotö ja̧'hua̧nö̧ huo̧juȩtä̧tö̧mä̧. Ja̧'hua̧nö̧ 'cuäopäcua'a, täbocö päi'önä amöcuädinödo Dios.

Apocalipsis 2:14

Ja̧'hua̧nö̧ ja̧'a̧nä̧ koro huȩnȩtä̧ pä'ösä ucuru. Ju̧huȩnȩmä̧, Pérgamo ötahuiyänä, cu̧'quȩtȩtu̧cu̧nä̧ korotömä Balaam pä'ö mi̧cua̧ u̧huo̧juȩti̧nö̧ huȩnȩ jarotti'a pä'ocotömä ka̧cuä̧tö̧. Ja̧u̧ Balaammä, Balacrö ji'äu Israel ttö̧ja̧rö̧ u̧huo̧juȩta̧ pä'ö koro juäi cuäcuähuä, ttu̧mö̧nä̧ adicuä juäi iyähuämä cuä̧nö̧, suronä jȩtta̧ pä'ö huo̧juȩti̧nö̧do. Ja̧'hua̧ta̧nö̧ u̧mä̧tö̧ nä̧tö̧rö̧ suronä jȩpö̧ ttö̧ja̧cua̧ pä'ö huo̧juȩti̧nö̧do.

Apocalipsis 2:21

Täcö recuo tta̧'ä̧ri̧nö̧sä̧ pärocuäcutä kamöcuäda pä'ö. Ja̧'hua̧nö̧ ja̧'a̧nä̧ pä'ocoju. Suronä kö̧jö̧mä̧ yoröiso jaropi'ocoju.

Apocalipsis 21:8

Ja̧'hua̧nö̧ ja̧'a̧nä̧ ye'ecuätö'inä, esetocotö'inä, ttahuaruhuärö kö'cocotö'inä, korotörö cuä'ö icuätö'inä, nä̧tö̧rö̧ suronä usätö'inä, märirö esetö jȩpä̧tö̧'i̧nä̧, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esetö ucuocuätö'inä, o'ca toi'önä yapareu ji'ähuätö'inä, ocurä rö̧arära̧'a̧, azufrenä cuoarära̧'a̧ tti̧'chä̧cuo̧tö̧. Ja̧u̧ todärenä 'corupäi'äcuähuä ja̧'a̧.

Apocalipsis 22:15

Ja̧'hua̧nö̧ ja̧'a̧nä̧ esetocotö'inä, märirö esetätö'inä, nä̧tö̧rö̧ suronä usätö'inä, ttö̧ja̧rö̧ cuä'ö icuätö'inä, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esehuätö'inä, yapareu jȩpö̧ kö'cätö'inä, yapareu ji'ähuätö'inä u̧mi̧nä̧tä̧ ttö̧ja̧cuä̧cuo̧tö̧.

Apocalipsis 9:21

Ja̧'hua̧ta̧nö̧ ttö̧ja̧rö̧ cuä'ö icuähuä'inä, huarähuä'inä, nä̧tö̧rö̧ suronä jȩä̧cuä̧huä̧'i̧nä̧, nä̧u̧cuä̧rä̧cuä̧huä̧'i̧nä̧ jarotti'a pä'ö pärocuäcutä amöcuädocotö pi̧nä̧tö̧.