Efesios 5:23 - TÄ̧DO Ä̧CUÄ̧ I̧HUȨNȨ

²³ Ubomä irecua ku̧ru̧hua̧ päi'önä kö̧, Cristo Diosrö esetätörö Ttu̧ru̧hua̧ päi'önä ö̧jö̧ ta'anö. Ja̧u̧tä̧ Cristo, chutä jä̧ttä̧pä̧ya̧ huotö, Diosrö esetätö, suronä jȩttö̧ jȩpö̧ icu.

Nuevo Testamento Uwotjüja

²³ Isopäi'ünä̧ kkirekuomä̧, isaju kku ja̧'a̧, Crito-rü igresia u jä̧'i̧jü̧'a̧nü̧. Ja̧'wa̧ta̧nü̧ jättäpäyotürü ra̧wä̧pi̧jü̧ttü̧ ppä'ädümä̧ jua̧u̧ Crito-tä ja̧'a̧.

Efesios 5:23 Iomraidhean Croise

Hechos 20:28

Cuamönätucutä tta̧'ä̧rä̧cuä̧huä̧tu̧cui̧. O'ca toi'önä Tu̧ru̧hua̧rö̧ esetätörö'inä tta̧'ä̧rä̧tu̧cui̧. Espíritu Santo ucuturu hue'inö jahuätörö tta̧huä̧rä̧cuä̧huä̧ isotö päi'önä cu̧ja̧cuä̧tu̧cua̧ pä'ö. Tu̧ru̧hua̧mä̧ churutä esetätörö ȩmi̧nö̧ ucuojanä 'corupäi'omenä.

1 Corintios 6:13

Iso päi'önä pä'ätö: “Adihua'a o'ca juiyönä cuäcuähuämä cuä̧nö̧ tö'cäbiyunä suhuädi'önä. Ja̧'hua̧ta̧nö̧ tö'cäbiyu adihua'a cuäcuähuä tucuomenä ȩca̧ pä'ö. Juhuorö'inä Diosrö pä̧huä̧ rö̧jo̧mȩnä̧, tö'cäbiyu'inä, cuäcuähuä'inä be'epö i̧cuä̧cua̧. Ja̧'hua̧ta̧nö̧ ja̧'a̧nä̧ ujutu jättäpäyotö nä̧tö̧rö̧ usu jȩtä̧'cho̧mȩnä̧mä̧ surojö. Ujutu jättäpäyotö aditinödo Tu̧ru̧hua̧, chutä öäre päi'önä. Ja̧'hua̧ta̧nö̧ Tu̧ru̧hua̧ kö̧ ujutu jättäpäyotönä suhuädi'önä.

Efesios 4:15

Pärocua'acu, ujutu iso päi'önä huȩnȩ tahuaruhuärö repe'ö ucuocu, ji̧nä̧ yo̧mȩtȩnä̧ Cristorö esetö, rö̧'ä̧chä̧tö̧jä̧. Iso päi'önä Cristo ujutu tu päi'önä kö̧.

Efesios 5:24

Ja̧'hua̧nö̧ ja̧'a̧nä̧ Diosrö esetätö Cristorö ttä̧ju̧cu̧ ta'anö, nä̧tö̧'i̧nä̧ ttirecuo hueö o'ca juiyönä ttä̧ju̧cuä̧cua̧'a̧nö̧.

Colosenses 1:18

Ja̧'hua̧ta̧nö̧ ja̧u̧mä̧, Cristomä, o'ca toi'önä ja̧u̧ru̧ esetätörö, ja̧u̧ jä̧ttä̧pä̧ya̧ huotörö, Tu̧ru̧hua̧ päi'önä kö̧. Ja̧u̧ jahuätörö tta̧'cua̧rö̧ iyö. Ja̧u̧ hua'arettö ä'canä tto'ächinö. Ja̧'hua̧nö̧ ja̧'a̧ ja̧u̧ o'ca juiyönä ä'canä ö̧jä̧cua̧.

1 Tesalonicenses 1:10

Ja̧'hua̧ta̧nö̧ Dios I̧tti̧ Jesúsru, Dios ttoädinäcuru, mo̧ro̧jä̧ra̧'a̧ttö̧ icha pä'ö tta̧cu̧huä̧rä̧tu̧cua̧'a̧ ji'ähuätö. Chutä ujuturu ppä'ädö Dios ö̧tä̧bo̧tä̧cuȩttö̧ tö̧ji̧pa̧ pä'ö.

Apocalipsis 19:7

Tesehuätucuaja. Eseäcuähuä suhuädi'önä tucuocuaja. Chutä Corderomä irecuarö ȩmä̧cuo̧mȩ päi'a'a. Irecuamä täcö jo̧mȩ päi'önä kä̧ju̧.

Apocalipsis 5:9

Ja̧'hua̧ta̧nö̧ pi̧yȩ jareö ra̧huä̧huä̧ ra̧'i̧nä̧tö̧: Iso päi'önä ucutä adihuä i̧sa̧jä̧. Ucutä ja̧u̧ cuyäru'tä ȩmö̧, sellos jȩpö̧ cuicu'a̧nö̧ hua̧. Ucurutä sacrificio päi'önä cuä'ö tticuinäcujä. Ucutä cucuojanä Dios i̧tti̧mö̧ päti'a pä'ö ȩmi̧nö̧jä̧ o'ca toi'önä pa̧ja̧cu̧nä̧ ttö̧ja̧ttö̧'i̧nä̧, tti̧huȩnȩ pö̧nä̧ ucuocuätöttö'inä, o'ca juiyönä ötahuiyä ttö̧ja̧ttö̧'i̧nä̧, korotö tti̧rȩjä̧ttö̧'i̧nä̧.