Efesios 5:10 - TÄ̧DO Ä̧CUÄ̧ I̧HUȨNȨ

¹⁰ Cu̧huo̧jui̧'ä̧tu̧cua̧ pä'ö amöcuädätucui Diosrö pä̧huä̧ rö̧jö̧.

Nuevo Testamento Uwotjüja

¹⁰ Pojopü topü, Tu̧ru̧wa̧rü̧ pä̧wä̧rü̧jü̧tä̧ jȩpü̧ kka̧kuä̧tu̧kui̧.

Efesios 5:10 Iomraidhean Croise

Romanos 14:18

Ja̧'hua̧nö̧ ja̧'a̧ttö̧ Cristo korotörö amöcuädö jȩi̧nö̧'a̧nö̧ jȩpä̧tö̧mä̧, Dios öjö'cö jȩpä̧tö̧. Ttö̧ja̧rö̧'i̧nä̧ adiunä jȩpä̧tö̧.

Filipenses 1:10

Ja̧'hua̧nö̧ huo̧jui̧pö̧ koro adiutä jȩcu̧'ä̧tu̧cuä̧cua̧'a̧nö̧. Ja̧'hua̧nö̧ ja̧'a̧ttö̧ adiu cu̧ja̧cuä̧cuo̧tö̧jä̧, koro juäi pättoca'anä ucuturu, Cristo ichä̧cuȩ mo̧ro̧ päi'omenä.

Filipenses 4:18

Jitämä o'ca juiyönä ȩmi̧nö̧sä̧. Ja̧'hua̧nö̧ ja̧'a̧ttö̧ rö̧ȩnä̧ ku̧nä̧rö̧sä̧. Epafroditocu röjinä huecuhuinätucu iso päi'önä pärocuä rö̧ȩnä̧ ku̧nä̧rö̧sä̧. Ja̧u̧ huecuhuinätucua'a, ofrenda amehuoyattö ameu'a̧nö̧ ji̧na̧'a̧ ttörö. Ja̧'hua̧ta̧nö̧ sacrificio jȩpö̧ Dios eseunu amöcuädö'a̧nö̧ ji̧na̧'a̧.

Colosenses 1:10

Ja̧'hua̧ta̧nö̧ 'cuäopönä Tu̧ru̧hua̧rö̧ pä̧huä̧ rö̧jö̧nä̧ eseunu cu̧ja̧cuä̧tu̧cua̧ pä'ö jä'epätöjä. Ja̧'hua̧ta̧nö̧ korotörö ppä'ädö, adihuä juäi jȩcu̧'ä̧tu̧cuä̧cua̧'a̧nö̧. Diosrö rö̧ä̧chi̧'ö̧nä̧ cu̧huo̧juä̧tu̧cua̧ pä'ätöjä.

1 Tesalonicenses 5:21

O'ca juiyönä ka̧cuä̧mö̧ topätucui. Adihuä huȩnȩtä̧ esetätucui.

1 Timoteo 2:3

Ja̧'hua̧nö̧ adiu jȩä̧cuä̧huä̧. Ja̧'hua̧nö̧ jȩto̧mȩnä̧, Tu̧ru̧hua̧ Dios eseu ujuturu.

1 Timoteo 5:4

Yajute recua ki̧tti̧mö̧rö̧'i̧nä̧, kö̧nä̧mö̧rö̧'i̧nä̧ ku̧nä̧rä̧ju̧mä̧, ki̧tti̧mö̧, kö̧nä̧mö̧ tta̧ttä̧rä̧cua̧'a̧nö̧ yajuru. Jitötä ttamönä ttahuaruhuärö repe'ö ppättädö'a̧nö̧ ja̧'a̧ jitörötä ppättädinö'a̧nö̧. Ja̧'hua̧nö̧ jȩttö̧mä̧ adihua'a Dios ä'ca jo̧mȩttö̧.

Hebreos 12:28

Ujutu hueta pä'ö Dios ujuturu iyä̧cuȩ yoröiso ttö̧ȩpo̧cö̧do. Ja̧'hua̧nö̧ amöcuädö tesehuätucuaja. Ja̧'hua̧ta̧nö̧ churutä pä̧huä̧ rö̧jo̧mȩnä̧, adiunä amöcuädö, eseunu tucuocuätucuaja ja̧u̧ru̧, Diosrötä.

1 Pedro 2:20

Suronä jȩcu̧'ä̧tu̧cua̧'a̧ ro̧ttȩpo̧mȩnä̧, cuami 'quicuhuächi'ätucuttumä ¿adihua'a tä̧ji̧? Ja̧'hua̧nö̧ ja̧'a̧nä̧ adiunätä jȩcu̧'ä̧tu̧cua̧'a̧ ro̧ttȩpo̧mȩnä̧, cuami 'quicuhuächi'ätucuttumä, ja̧u̧tä̧ adihua'a Dios ä'ca jo̧mȩttö̧.

1 Pedro 2:5

Koro juäi isode ttaditö'a̧nö̧, Dios adihuode adita'anä, ucutu'inä ido'qui isode adicuo'qui jä̧'i̧nö̧'a̧nö̧ jö̧nä̧ ka̧cuä̧tu̧cui̧. Ja̧'hua̧ta̧nö̧ juhuode tta̧'ä̧rä̧tö̧mä̧, Dios aditö icuinä̧u̧mä̧, Jesucristorö esetö Dios öjö'cö juäi iyö ttö̧jö̧'a̧nö̧ ka̧cuä̧tu̧cui̧ ucutu'inä.