Efesios 4:6 - TÄ̧DO Ä̧CUÄ̧ I̧HUȨNȨ

⁶ Ya̧tȩtä̧ o'ca toi'önä Ttä'o Diosmä. Ja̧u̧tä̧ o'ca toi'önä Ttu̧ru̧hua̧ päi'önä kö̧do. Ja̧u̧tä̧ o'ca toi'önä ttami iso'quinä aditödo. Ja̧'hua̧ta̧nö̧ o'ca toi'önärö kö̧do.

Nuevo Testamento Uwotjüja

⁶ Dio'i̧nä̧ ji̧nä̧ ya̧tȩtä̧ ja̧'a̧, jua̧u̧mä̧ o'katoi'ünä̧ ttä'o ja̧'a̧, o'katoi'ünä̧tä̧ ttu̧wä̧mȩnä̧ wa̧, o'katoi'ünä̧rü̧ ppä'ädü ja̧'wa̧ta̧nü̧ o'katoi'ünä̧tä̧ kkü̧ ja̧'a̧.

Efesios 4:6 Iomraidhean Croise

San Mateo 6:13

Ja̧'a̧tä̧mä̧ tocu'ätö ähuettä suronä jȩa̧'a̧nä̧mä̧. Yabocutä surojöttö ejädö icuitö. Iso päi'önä ucu o'ca juiyönä hue'öjä. Ja̧'hua̧ta̧nö̧ o'ca juiyönä ju̧ru̧hua̧jä̧. Ja̧'hua̧ta̧nö̧ 'cuäopönä o'ca toi'önä ucuru tteseäcuähuäcuotö. Amén.

San Mateo 6:9

Ja̧'hua̧nö̧ ja̧'a̧ttö̧ pa̧'a̧nö̧ ucuocuätucui: Tä'o Dios, mo̧ro̧jä̧ra̧'a̧ kö̧jä̧. Ucu cui̧mi̧mä̧ adihuä cui̧mi̧ pä'ö ttucuotaja.

San Juan 14:23

Jesús ja̧u̧ru̧ ädätinödo: —Ttörö repe'ömä, ttö pädömä esetö ä̧ju̧cu̧. Chä'o ja̧u̧ru̧ rȩpȩä̧cua̧. Ja̧'hua̧ta̧nö̧ ttöcu, Chä'ocu ja̧u̧ru̧ ichö, tö̧ja̧cuä̧cuo̧tö̧jä̧.

San Juan 17:26

Ucuru ttu̧huo̧jua̧ pä'ö ji'ähuinösä. Ji̧nä̧ juhua'a yabonö ji̧dä̧huä̧cua̧sä̧ ttörö repecu ta'anö, jahuätörö'inä repecuhua pä'ö. Ja̧'hua̧ta̧nö̧ jahuätöcu chö̧jä̧cua̧'a̧nö̧ ji̧dä̧huä̧cua̧sä̧, —pä'ö ucuocuinödo Jesús Jä'o Diosrö.

San Juan 20:17

Jesús pä'inödo jahuäjuru: —Cä'ädö icuittö. Chä'o ö̧ja̧'a̧ ji̧nä̧ cä'ecuächocösä. Ja̧'hua̧nö̧ ja̧'a̧nä̧ chö̧jä̧hua̧tö̧rö̧ ji'ähuäji ttö Chä'o'inä, ucutu Cuä'otucu'inä ö̧ja̧'a̧ cä̧dȩcuä̧chä̧cua̧sä̧. Ja̧'hua̧ta̧nö̧ ttö Chä̧do̧ ä̧cua̧ Dios'inä, ucutu Cuä̧do̧ ä̧cua̧ Dios'inä ö̧ja̧'a̧ cä̧dȩcuä̧chä̧cua̧sä̧.

Romanos 11:36

O'ca juiyönä jähuä Diosttö icha'a. Chutä o'ca juiyönä aditinö. Ja̧'hua̧ta̧nö̧ o'ca juiyönä chutä öäre ja̧'a̧. Ja̧'hua̧nö̧ ja̧'a̧ttö̧ eseunu tucuocuaja Diosrö 'cuäopönä. Amén.

1 Corintios 12:6

Ja̧'hua̧ta̧nö̧ korotö i̧mi̧cu̧nä̧ jȩpä̧tö̧jä̧ o'ca juiyönä. Juhuorö'inä ya̧tȩtä̧, Diostä iyö o'ca toi'önärö adiu jȩtta̧ pä'ö.

1 Corintios 8:6

Ja̧'hua̧nö̧ pätta'anä, ujutumä huo̧juä̧tö̧jä̧ ya̧tȩä̧tä̧ Tä'o Diostä kö̧. Ja̧u̧ Tä'o o'ca juiyönä aditinödo. Ujutu'inä ja̧u̧ru̧ pä̧huä̧ rö̧jo̧mȩnä̧ ka̧cuä̧tö̧jä̧. Ja̧'hua̧ta̧nö̧ Tu̧ru̧hua̧mä̧ ya̧tȩä̧tä̧ kö̧. Ja̧u̧mä̧ Tu̧ru̧hua̧ Jesucristo. Ja̧u̧ru̧ pä̧huä̧ rö̧jo̧mȩnä̧, ujutu'inä ka̧cuä̧tö̧jä̧, pi̧jä̧nä̧ ka̧cu̧'i̧nä̧ o'ca juiyönä ka̧cua̧'a̧.

2 Corintios 6:16

Ja̧'hua̧ta̧nö̧ Diosrö ucuocuäcuähuodenä, koro juäi ttu̧mö̧nä̧ adicuä juäi juhuodenä ¿ttucuocu'a̧nö̧ tä̧ji̧? Dios kö̧rö̧ ucutucu kö̧. Chutä Dios ja̧'hua̧ta̧nö̧ pä'ö: Ttö jahuätöcu kä̧nö̧ cuȩdä̧chä̧cua̧sä̧. Ttömä jahuätö Ttä̧do̧ ä̧cua̧ Dios päi'önä chö̧jä̧cua̧sä̧. Ja̧'hua̧ta̧nö̧ jahuätömä ttö chumöhuäyotö pätti'äcuotö.

Efesios 1:21

O'ca juiyönä ruhuotö hueähuä'inä, ttujuru'inä, kä̧cuä̧huä̧'i̧nä̧, o'ca juiyönä jitä'inä, yodoji'inä ucuocuäcuähuä'inä huea pä'ö hue'inödo Cristorö.

Efesios 2:22

Ja̧'hua̧ta̧nö̧ ja̧'a̧nä̧ ucutu'inä Cristorö cuesetätucuomenä, o'ca toi'önä ji̧nä̧ yo̧mȩtȩcu̧ pä'i'ätöjä isode jä̧'i̧nö̧'a̧nö̧, Dios adihuä ö̧jo̧mȩ päi'önä, chutä Espíritu Santo ujutucu ö̧ja̧'a̧ttö̧.

Efesios 3:17

Ja̧'hua̧ta̧nö̧ jä'epösä Cristorö cuesetätucuomenä, cuami iso'quitucunä ö̧ja̧ pä'ö. Ja̧'hua̧ta̧nö̧ adiu amöcuädö kä̧nö̧ cuahuaruhuärö repe'önö dau ujupo'tä rȩjȩ jacuä ko'tä jä̧'i̧nö̧'a̧nö̧, 'quiyönä cu̧ja̧cuä̧tu̧cua̧ pä'ö jä'epösä.

Efesios 6:23

Tä'o Dioscu, Tu̧ru̧hua̧ Jesucristocu ucutu tö̧jä̧hua̧tö̧rö̧, adiu esetäcuähuä'inä, eseäcuähuä'inä, repeäcuähuä'inä ttiyäcua'a̧nö̧.

1 Juan 3:24

O'ca toi'önä Dios hueinö ta'anö jȩpä̧tö̧mä̧, ja̧u̧cu̧ ka̧cuä̧tö̧. Ja̧'hua̧ta̧nö̧ Dios jahuätöcu kö̧. Espíritu Santorö ujutucu ö̧ja̧ pä'ö iyina'attö, huo̧juä̧tö̧jä̧ Dios ujutucu kö̧.