Efesios 4:14 - TÄ̧DO Ä̧CUÄ̧ I̧HUȨNȨ

¹⁴ Jitämä pärohuächocotöjä ppo̧'ä̧tö̧ jä̧'i̧nö̧'a̧nö̧. Ja̧'hua̧ta̧nö̧ korotö adihuä juäi huȩnȩ ji'ähuocotömä, koro yapareu huȩnȩ, jareö huȩnȩ jittähuomenä, esetocotöjä ujutu.

Nuevo Testamento Uwotjüja

¹⁴ Ja̧'wa̧nü̧ jo̧mȩnä̧mä̧ ppo̧'ä̧tü̧ tta̧mi̧ 'kuä'ätü jä̧'i̧nü̧'a̧nü̧, kkoro ttu̧wo̧juȩtü̧ jü̧'a̧kuä̧mä̧ kue'ächü kko̧ko̧tü̧ täkuotüjä̧. Pi̧jä̧ ttü̧ja̧ tta̧mü̧kuäda'aku ma̧ttä̧chü̧nä̧ jȩpä̧'chä̧tü̧ku̧mä̧.

Efesios 4:14 Iomraidhean Croise

San Mateo 11:7

Juan umöhuäyotö tti̧huä̧ji̧ o'ca'a, Jesús o'ca'a ka̧cuä̧tö̧rö̧ ji'ähuinödo Juan cueächinö huȩnȩ. Pä'inödo: —¿Däje juäi topö cui̧'chi̧nä̧tu̧cuä̧ttö̧ de'ara̧'a̧? ¿Nä̧yu̧ kä̧ru̧'coppa dö'ö hui'cuhua'a topö i̧huä̧ji̧nä̧tö̧jä̧ tä̧ji̧?

San Mateo 24:11

Recuätö yapareu ttö̧ja̧ ttichäcuotö. Jahuätömä “Dios hueä̧u̧jä̧” pä'ö kä̧nö̧, recuätö ttesetäcuotö jahuätörö, yapareu jittähuomenä.

San Mateo 24:24

Recuätömä “Ttötäsä Cristo, ttö'inä Dios i̧huȩnȩ ji'äusä”, yapareu ji'äu ttichäcuotö. Jahuätömä rö̧ȩnä̧ ttö̧ja̧ ttieru juäi jȩttä̧cuo̧tö̧ ttö̧ja̧rö̧ yapareu jȩpö̧. Dios huoinä̧u̧ru̧'i̧nä̧ yapareu jȩttä̧cuo̧tö̧ ttesetatö pä'ö. Dios huoinä̧u̧mä̧ yoröiso esetocotö ttäcuotö.

Hechos 23:21

Jahuätö pättömä yoröiso cuesetä'. Jahuätöttö ttö̧ja̧ ta̧ju̧ yabonänö u̧mä̧tö̧ dajähuächö Pablorö tta̧'ä̧rä̧tö̧. Jahuätö amöcuädäjätödo: “Dios ä'ca jo̧mȩttö̧ tu̧cuȩ'i̧nä̧ cuocotöjä, au'inä ahuocotöjä Pablorö cuä'ö ticuome jubö”, pä'äjätödo. Jitämä jahuätö jo̧mȩ päi'önä tta̧'ä̧rä̧tö̧ ucuru jättepomenä cuädätaja pä'ö.

1 Corintios 12:2

Ucutu iso päi'önä huo̧juä̧tö̧jä̧, Diosrö cuesetinätucu ä'canä, ttu̧mö̧nä̧ adicuä juäi, tti̧huȩnȩ jui'ätörö, re'tehuächö esetö jȩpi̧nä̧tö̧jä̧ o'ca juiyönä.

1 Corintios 14:20

Chö̧jä̧hua̧tö̧, ppo̧'ä̧tö̧ ttamöcuäda'a jä̧'i̧nö̧'a̧nö̧ cuamöcuädätucuä' ucutumä. Surojö jȩä̧cuä̧huä̧nä̧tä̧, ppo̧'ä̧tö̧ jȩttö̧'a̧nö̧ jȩpä̧tu̧cui̧. Juhuorö'inä adiunä jȩä̧cuä̧huä̧nä̧mä̧, tä̧mö̧ jȩttö̧'a̧nö̧ jȩpä̧tu̧cui̧.

1 Corintios 3:19

Dios ä'ca jo̧mȩttö̧ pi̧jä̧ttö̧ huo̧juä̧huä̧ yoröiso ttu̧'ȩpä̧ro̧co̧tö̧ ttucuocu'a̧nö̧ jö̧. Huȩyu̧cuä̧ Huȩnȩ päa'a: “Pi̧jä̧ ttö̧ja̧ pi̧jä̧ttö̧ rö̧ȩnä̧ ttu̧huo̧jua̧'a̧nä̧ jȩpö̧, Dios jȩä̧u̧ jitötä tta̧mö̧nä̧ jȩpö̧ tottei'a pä'ö.”

2 Corintios 2:17

Ujutumä Dios i̧huȩnȩ ji'äu kä̧nö̧, koro pä'ö ȩmo̧co̧tö̧jä̧ korotö recuätö jȩttö̧'a̧nö̧. Ujutu jueönä ta̧'cua̧ pö̧nö̧ ji'ähuätöjä Dios hue'ähuotö jittäu ta'anö. Ja̧'hua̧ta̧nö̧ Dios ä'ca jo̧mȩttö̧ ji'ähuätöjä Cristo umöhuäyotö jittäu ta'anö.

2 Corintios 4:2

Ujutumä jaropi'inätöjä o'ca juiyönä dajahuächö jȩä̧cuä̧huä̧'i̧nä̧, dä'äcu jȩä̧cuä̧huä̧'i̧nä̧. Ujutumä yapareu jȩpo̧co̧tö̧jä̧. Ja̧'hua̧ta̧nö̧ Dios i̧huȩnȩ'i̧nä̧ i̧mi̧cu̧nä̧ ji'ähuocotöjä. Ji̧yȩä̧cuȩtä̧, iso päi'önä huȩnȩtä̧ ucuocuätöjä pi̧jä̧ ttö̧ja̧rö̧, Dios ä'ca jo̧mȩttö̧ ttamöcuädäcua'a̧nö̧ jitötä.

Gálatas 3:1

Juiyo di̧ji̧ huo̧juä̧chi̧'o̧co̧tö̧jä̧, Gálatas ttö̧ja̧. ¿Dihuä ja̧'hua̧nö̧ jȩi̧nä̧tu̧cuä̧cu̧ iso päi'önä suronä jȩttö̧ jȩpö̧ icu huȩnȩ cuesetätucu juiyönämä? Adihuä huȩnȩ jitäumä, ucutu'inä ja̧u̧tä̧ Jesucristo daunä 'corupä'i'inörö tocu'ätucua pä'ö ji'ähuätöjä.

Efesios 6:11

Ähuettä ucuturu suronä jȩo̧mȩnä̧, cuami 'qui'ächi'ö ka̧cuä̧tu̧cui̧, o'ca juiyönä Dios ucuturu iyinö ta'anö.

1 Timoteo 3:6

Jareönä esetömä tta̧huä̧rä̧cuä̧huä̧ i̧sa̧ päi'önä ko̧cö̧. Ja̧'hua̧nö̧ jareönä esetö ö̧jö̧ttö̧mä̧, korotöttö'inä abonänö huo̧jua̧sä̧ pä'ö amöcuädäu'a̧nö̧ ja̧'a̧. Ja̧'hua̧nö̧ jȩpö̧ amöcuädöttömä, Dios ähuettärö ö̧tä̧bo̧ti̧nö̧ ta'anö, ö̧tä̧bo̧tä̧cua̧ ja̧u̧ru̧.

2 Timoteo 1:15

Ucu huo̧jua̧jä̧, o'ca toi'önä Asia rȩjȩ ttö̧ja̧'i̧nä̧, Figelo'inä, Hermógenes'inä, juhua'atä ttö̧ja̧, ttörö jaropi'inätö.

2 Timoteo 3:13

Ja̧'hua̧nö̧ ja̧'a̧nä̧ suronä jȩpä̧tö̧'i̧nä̧, yapareu ucuocu jȩpä̧tö̧'i̧nä̧ ji̧nä̧ isocu suronä jȩttä̧cuo̧tö̧. Jahuätömä ji̧nä̧ isocu ttesetäcuotö yapareu huȩnȩ.

2 Timoteo 4:3

Koronö mo̧ro̧ päi'omenä, yoröiso ä̧ju̧cuo̧co̧tö̧ ttäcuotö adihuä huo̧juȩcuä̧ huȩnȩ. Jitötä ttamönä ttamöcuädö jȩpö̧, ottäcuotö huo̧juȩcuä̧ isotörö jitörötä pä̧huä̧ rö̧jö̧ä̧tä̧ ttu̧huo̧juȩta̧tö̧ pä'ö.

Hebreos 13:9

Koro huȩnȩ, jareö huȩnȩ, i̧mi̧cu̧nä̧ jittähuä'chomenä cuesetätucuä'. Iso päi'önä tami iso'quinä Dios ppäda'attö tujuruhuomenä, pi̧jä̧ jähuä cuäcuähuä huȩnȩttö̧'i̧nä̧ abonänö adihua'ado. Ja̧u̧ juäi pi̧jä̧ huȩnȩ esetätörö yoröiso ppädoca'a ji̧na̧'a̧do.

Santiago 1:6

Iso päi'önä esetömä, jäepö'a̧nö̧ ja̧'a̧ jarodäcuähue'ö juiyönä. Ja̧u̧ jarode'ömä aje yuhuecu'a̧nö̧ a̧'cua̧ huȩnä̧rö̧mä̧. Kä̧ru̧'coppa kara'a päcuädotocu'inä, pä'äji ta'anö kara'a päcuädotocu ȩpa̧'a̧ jä̧'i̧nö̧'a̧nö̧ hua̧.

Santiago 3:4

Ja̧'hua̧nö̧ ja̧'a̧ huoi'ca'inä topätucui. Huoi'ca rö̧ä'camä kä̧ru̧'coppa döa'anä ȩpa̧'a̧, ubö'ca ja̧'a̧nä̧ peädä̧rä̧bi̧ ji̧'qui̧chä̧jä̧bi̧mä̧ peädä̧rö̧rö̧ pä̧huä̧ rö̧jo̧mȩnä̧, pe'ädö i̧'cha̧ pä'ö.

2 Pedro 2:18

Jahuätömä a'cuoyäunu micuähuocö juäi ucuocuätö. Jitötä ttamönä pä̧huä̧ rö̧jö̧tä̧ suronä jȩpö̧ ttö̧ja̧cui̧nö̧ttö̧ rä'opächinätörö huo̧juȩtä̧tö̧ pi̧jä̧ ttö̧ja̧ ttamöcuädö huȩnȩ.

1 Juan 2:19

Ujututtu jaropi'inätömä yoröiso ujutu isotöcö̧. Ujutu isotö jö̧ttö̧mä̧, ujutucu ka̧cua̧ja̧tö̧. Ja̧'hua̧nö̧ ja̧'a̧ jaropi'inätörö topö tu̧huo̧jua̧ pä'ö jahuätömä o'ca toi'önä ujutu isotöcö̧ pä'ö.

1 Juan 2:26

Korotö ucuturu yapareu ttucuocuiyäcu, pi̧yȩ huȩnȩ huȩyu̧tu̧sä̧ ucuturu.

1 Juan 4:1

Chö̧jä̧hua̧tö̧, cuesetätucuä' o'ca toi'önä “Espíritu Santo ttöcu kö̧” pä'ätörö. Jahuätörö ka̧cuä̧mö̧ topätucui, Espíritu Santo jahuätöcu ö̧ja̧ pä'ö. Jitä recuätö yapareu ucuocu “Dios i̧huȩnȩ ji'ähuätöjä” pä'ätömä pi̧jä̧ o'ca juiyönä cue'ächätö.

Judas 1:12

Ucutu ji̧nä̧ yo̧mȩtȩ ca̧ca̧cu̧ cu̧cuȩ cucuätucuomenä, jahuätö dä'ä juiyönä eseunu ttu̧cuȩ cuätö, au'inä ahuätö korotörö ttucuotö juiyönä. Jitöröätä pä̧huä̧ rö̧jo̧mȩnä̧ jȩpä̧tö̧. Isoppa, ajiya juiyoppa kä̧ru̧'coppa ȩpö̧'a̧nö̧ huotö jahuätömä. Dauhuiyä u̧huä̧ju̧ huȩjö̧ pä̧nä̧ koroi pö̧nä̧ huȩjo̧ca̧'a̧ jö̧'a̧nö̧ huotö. Dauhuiyä ujupo'tiyä böcuächi'ö jo'ö icuäi jä̧'i̧nö̧'a̧nö̧ huotö.

Apocalipsis 19:20

Ja̧u̧ pä̧i̧cua̧ i̧sa̧cu̧, ja̧u̧ ä'canä rö̧ȩnä̧ ttö̧ja̧ ttieru juäi yapareu jȩpi̧nö̧cu̧ cärenä rötinätö. Ja̧u̧ juäi ttö̧ja̧ ttieru juäi yapareu jȩo̧mȩnä̧, jitöja ttö̧ja̧, ja̧u̧ pä̧i̧cua̧ i̧sa̧ sello ttö'änä ta'ähuinätörö'inä, ja̧u̧ pä̧i̧cua̧ i̧sa̧ a̧'u̧cuä̧ esehuinätörö'inä yapareu jȩpö̧ ucuocuinö. Ja̧'hua̧ ja̧'a̧ttö̧ ja̧u̧ pä̧i̧cua̧ i̧sa̧rö̧'i̧nä̧, yapareu jȩpö̧ ji'ähuinörö'inä ji̧nä̧ tta̧'cua̧ra̧'a̧nä̧, do'opö tticuinä̧u̧ ocurä rö̧arära̧'a̧, azufrenä cuoarära̧'a̧.