Efesios 3:10 - TÄ̧DO Ä̧CUÄ̧ I̧HUȨNȨ

¹⁰ Ja̧'hua̧nö̧ 'cuäopina'ado jitä o'ca toi'önä pi̧jä̧ isoppanä ka̧cuä̧tö̧ hue'ähuotömä Diosrö esetätörö topö, ttu̧huo̧jua̧ pä'ö o'ca juiyönä Dios u̧huo̧ju̧mä̧.

Nuevo Testamento Uwotjüja

¹⁰ Jua'amä̧ jȩpi̧nü̧ Dio rü̧ȩnä̧ u̧wo̧juö̧ iäre igresia-nä̧tä̧ i̧jȩkuä̧cha̧ pä'ü, tturuwo kku̧nä̧rä̧tü̧rü̧'i̧nä̧, mo̧ro̧jä̧nä̧ tturuwo kku̧nä̧rä̧tü̧rü̧'i̧nä̧, jü̧nä̧.

Efesios 3:10 Iomraidhean Croise

Romanos 11:33

¡Dios jähuä adihuä juäimä juiyo rö̧a̧'a̧! Ja̧'hua̧ta̧nö̧ u̧huo̧ju̧'i̧nä̧, ä̧ju̧cu̧'i̧nä̧ yoräteunä rö̧a̧'a̧. Chu amöcuädömä, yoröiso ji'ähuocotöjä. Yoröiso huo̧jui̧'o̧co̧tö̧jä̧ jȩö̧mä̧.

Romanos 8:38

Ja̧'hua̧nö̧ ja̧'a̧ttö̧ iso päi'önä huo̧jua̧sä̧, yoröiso juiya'a ujuturu Dios repeöttö 'quȩ'ȩpö̧ icumä. 'Corupäi'äcuähuä'inä, ta̧'cua̧rö̧'i̧nä̧, ángeles'inä, pi̧jä̧ isoppanä ka̧cuä̧tö̧ hue'ähuotö'inä, jitä 'cuäopö'inä, yodoji 'cuäopä̧cuȩ'i̧nä̧ yoröiso 'quȩ'ȩpö̧ icuocö ujuturu Dios repeöttö.

1 Corintios 1:24

Ja̧'hua̧nö̧ ja̧'a̧nä̧ Dios huoinä̧u̧mä̧, judíos ttö̧ja̧'i̧nä̧, griegos ttö̧ja̧'i̧nä̧ pä'ätö: “Cristomä Dios ujuru päi'önä kö̧.” Ja̧'hua̧ta̧nö̧ pä'ätö: “Cristomä Diosttö huo̧juä̧huä̧ päi'önä kö̧.”

1 Corintios 2:7

Ujutumä ji'ähuätöjä Dios u̧huo̧ju̧nä̧ pi̧jä̧ ttö̧ja̧ ttierunä. Ja̧'hua̧ta̧nö̧ pi̧jä̧ aditäcua'a ä'canä, Dios ja̧u̧ u̧huo̧ju̧mä̧ ku̧nä̧ri̧nö̧do ujuturu iya pä'ö, suronä jȩtö̧ jȩpö̧ icua pä'ö.

Efesios 1:21

O'ca juiyönä ruhuotö hueähuä'inä, ttujuru'inä, kä̧cuä̧huä̧'i̧nä̧, o'ca juiyönä jitä'inä, yodoji'inä ucuocuäcuähuä'inä huea pä'ö hue'inödo Cristorö.

Efesios 1:23

Iso päi'önä Diosrö esetätömä, Cristo jä̧ttä̧pä̧ya̧ päi'önä ka̧cuä̧tö̧jä̧. Chutä, Cristomä, suhuädi'önä kö̧ ujutu tami iso'quinä. Ja̧'hua̧ta̧nö̧ Cristomä o'ca juiyönä pi̧jä̧nä̧ suhuädi'önä kö̧.

Efesios 1:3

Diosrö, Tu̧ru̧hua̧ Jesucristo Jä'orö, teseäcuähuätucuaja. Ja̧u̧ ujuturu iyinä̧u̧jä̧ Cristorö tesetomenä, o'ca juiyönä adihuä juäi mo̧ro̧jä̧ra̧'a̧ ka̧cu̧.

Efesios 1:8

Ja̧'hua̧ta̧nö̧ iso päi'önä Dios ujuturu repe'ö iyinö o'ca juiyönä huo̧ju̧nä̧ tu̧huo̧jua̧ pä'ö.

Efesios 6:12

Ujutumä ttö̧ja̧cu̧, ttidepä'inä, ttihue'quiyu'inä ku̧nä̧rä̧tö̧cu̧ rohuähuocotöjä. Pi̧jä̧ isoppanä suronä huȩ'ä̧rä̧tö̧cu̧ rohuähuätöjä. Ja̧'hua̧nö̧ pädomenä, pi̧jä̧ yo̧ö̧cu̧ cue'ächätörö ttujurunä huȩ'ä̧rä̧tö̧cu̧ rohuähuätöjä pä'ösä.

Colosenses 1:16

Ja̧u̧mä̧, o'ca juiyönä mo̧ro̧jä̧nä̧ ka̧cu̧'i̧nä̧, pi̧jä̧nä̧ ka̧cu̧'i̧nä̧ aditinödo. Ja̧'hua̧ta̧nö̧ o'ca juiyönä totocö'inä, totö'inä aditinödo. Ja̧'hua̧ta̧nö̧ o'ca juiyönä hueähuä'inä, hue'ähuotö'inä, pi̧jä̧ isoppanä huȩ'ä̧rä̧tö̧rö̧'i̧nä̧ aditinödo. Ja̧u̧ o'ca juiyönä aditinödo esehua pä'ö.

Colosenses 2:10

Ja̧'hua̧ta̧nö̧ ucutu'inä o'ca juiyönä ku̧nä̧rä̧tö̧jä̧, Cristorö ji̧nä̧ yo̧mȩtȩ cuesetätucuomenä. Ja̧u̧mä̧ o'ca toi'önä pi̧jä̧ isoppanä huȩ'ä̧rä̧tö̧rö̧ ttu̧ru̧hua̧ päi'önä kö̧.

Colosenses 2:15

Cristomä dau isodänä 'corupäi'omenä, o'ca toi'önä pi̧jä̧ isoppanä huȩ'ä̧rä̧tö̧ttö̧'i̧nä̧ abonänö juruhuinö. Ja̧u̧mä̧ o'ca toi'önä ttä'ca jo̧mȩ ujuruhuomenä, jahuätörö ya'opö icuinä̧u̧.

1 Timoteo 3:16

Iso päi'önä ujutu huo̧juä̧tö̧jä̧ Dios i̧huȩnȩ, pä'äji ttieruhuinö huȩnȩ, iso päi'önä adihuä huȩnȩ ja̧'a̧. Dios pi̧jä̧ra̧'a̧ ichinödo ujutu jö̧ ta'anö hua̧. Espíritu Santo i̧jȩcui̧nä̧cu̧do adihuä i̧sa̧ ja̧'a̧ttö̧. Angeles topinätödo ja̧u̧ru̧. O'ca toi'önä pa̧ja̧cuä̧chö̧nä̧ ä̧ju̧cui̧nä̧tö̧do ja̧u̧ru̧. Pi̧jä̧ pa̧ja̧cu̧nä̧ esetinätödo ja̧u̧ru̧. Mo̧ro̧jä̧ra̧'a̧ cä'ecuächinödo.

1 Pedro 1:12

Ja̧'hua̧nö̧ ja̧'a̧nä̧ jahuätö ttȩmö̧ juiya pä'ö huo̧juȩti̧nö̧do Dios. Ujututä tȩmä̧cuȩ pä'ö huo̧juȩti̧nö̧do. Täbocö Dios i̧huȩnȩ jiäcuähuä isotörö Espíritu Santo u̧huo̧juȩti̧nö̧ ta'anö, ä̧ju̧cui̧nä̧tö̧jä̧ ucutu. Iso päi'önä Espíritu Santo, mo̧ro̧jä̧ra̧'a̧ttö̧ huȩ'ä̧hua̧ ujurunä, adihuä juäi huȩnȩ, suronä jȩttö̧ jȩpö̧ icu huȩnȩ, jittähua'a ä̧ju̧cui̧nä̧tö̧jä̧ ucutu. Angeles'inä ttä̧ju̧cua̧ pä'ätö pi̧yȩ huȩnȩmä̧.

1 Pedro 3:22

Chutä Jesucristo mo̧ro̧jä̧ra̧'a̧ cä'ecuächinö. Jitämä Dios u̧huo̧jua̧'a̧nä̧ kö̧do. Ja̧'hua̧ta̧nö̧ o'ca toi'önä ángeles'inä, hue'ähuotö'inä Ttu̧ru̧hua̧ päi'önä kö̧do Jesucristomä.