Efesios 1:23 - TÄ̧DO Ä̧CUÄ̧ I̧HUȨNȨ

²³ Iso päi'önä Diosrö esetätömä, Cristo jä̧ttä̧pä̧ya̧ päi'önä ka̧cuä̧tö̧jä̧. Chutä, Cristomä, suhuädi'önä kö̧ ujutu tami iso'quinä. Ja̧'hua̧ta̧nö̧ Cristomä o'ca juiyönä pi̧jä̧nä̧ suhuädi'önä kö̧.

Nuevo Testamento Uwotjüja

²³ Ja̧'wa̧ta̧nü̧ igresia-mä̧ Crito jä̧ttä̧pä̧ya̧ jü̧nä̧ ja̧'a̧, jua̧u̧mä̧ jo̧mȩnü̧tä̧ wa̧ o'kajuiyünä̧tä̧.

Efesios 1:23 Iomraidhean Croise

San Juan 1:16

Ujutumä o'ca toi'önä chutä adihuä juäi iyomettö ȩmi̧nä̧tö̧jä̧. Ja̧u̧ 'cuäopönä rö̧ȩnä̧ ppä'ädö ujuturu.

Romanos 13:5

Ja̧'hua̧ ja̧'a̧ttö̧ ruhuotö huettö ta'anö jȩpä̧tu̧cui̧ huettömä. Ruhuotö ro̧ttȩpö̧ juiyattö pä'ömä jȩcu̧'ä̧tu̧cuä̧'. Ucutu huo̧juä̧tö̧jä̧ ruhuotö huettö jȩä̧cuä̧huä̧nä̧mä̧ adihua'a pä'ö.

1 Corintios 12:6

Ja̧'hua̧ta̧nö̧ korotö i̧mi̧cu̧nä̧ jȩpä̧tö̧jä̧ o'ca juiyönä. Juhuorö'inä ya̧tȩtä̧, Diostä iyö o'ca toi'önärö adiu jȩtta̧ pä'ö.

1 Corintios 15:28

Ja̧'hua̧ta̧nö̧ o'ca juiyönä Cristo ö̧jä̧pö̧ dȩa̧'a̧ rötähua'a päi'omenä, chutä Cristo, Dios I̧tti̧, i̧yä̧huä̧cua̧ Jä'o Diosrö, ja̧u̧ru̧ o'ca juiyönä iyinörö. Ja̧'hua̧nö̧ päi'omenä, iso päi'önä Dios o'ca juiyönä ru̧hua̧ pä̧i̧'ä̧cua̧.

Efesios 2:16

Ja̧'hua̧nö̧ ja̧'a̧nä̧ dau isodänä 'corujuoächomenä, Cristo be'epäjipö icuinö o'ca juiyönä rohuäcuähuä jahuätöttö. Ja̧'hua̧nö̧ ja̧'a̧ttö̧ jahuätö o'ca toi'önä judíos huotö'inä, judíos huocotö'inä Diosrö ttesehua pä'ö hue'inödo. Ja̧'hua̧nö̧ ja̧'a̧nä̧ jahuätö o'ca toi'önä ya̧tȩnä̧tä̧ pä'i'inätö.

Efesios 3:10

Ja̧'hua̧nö̧ 'cuäopina'ado jitä o'ca toi'önä pi̧jä̧ isoppanä ka̧cuä̧tö̧ hue'ähuotömä Diosrö esetätörö topö, ttu̧huo̧jua̧ pä'ö o'ca juiyönä Dios u̧huo̧ju̧mä̧.

Efesios 3:19

Ja̧u̧ repeömä cu̧huo̧juä̧tu̧cua̧'a̧ttö̧, Dios cuami iso'quitucunä suhuädi'önä ö̧ja̧ pä'ö jä'epösä Diosrö. Ihueye rȩbȩhuo̧co̧tö̧jä̧ o'ca juiyönä tu̧huo̧jua̧ pä'ö ja̧u̧ repeömä.

Efesios 4:10

Äcuomenä pi̧jä̧nä̧ mȩyȩhui̧nö̧mä̧, ja̧u̧tä̧ mo̧ro̧jä̧ttö̧'i̧nä̧ yabo cä'ecuächinödo, chutä ö̧ja̧'a̧ttö̧ o'ca juiyönä adihua pä'ö.

Efesios 4:12

Ja̧'hua̧nö̧ iyinödo, i̧tti̧mö̧ aditö ppättäda pä'ö korotörö, Dios i̧huȩnȩ rö̧ä̧cha̧ pä'ö.

Efesios 4:13

O'ca toi'önä Dios I̧tti̧rö̧ ji̧nä̧ yo̧mȩtȩnä̧ amöcuädö teseta pä'ö iyinödo. Ja̧'hua̧ta̧nö̧ Dios I̧tti̧rö̧ adiunä tu̧huo̧jua̧rö̧ pä'ö iyinödo. Ja̧'hua̧nö̧ adiunä tö̧ja̧cuä̧cuo̧tö̧jä̧ Cristo ö̧ji̧nö̧ ta'anö yoräteunä kä̧nö̧.

Efesios 4:4

Ya̧tȩtä̧ ja̧'a̧do. Ja̧'hua̧ta̧nö̧ ya̧tȩtä̧ Espíritu Santo ja̧'a̧do. Ja̧'hua̧ta̧nö̧ ji̧yȩtȩtä̧ ka̧'a̧do Diosrö eseunu tta̧huä̧rä̧cuä̧huä̧. Ja̧u̧ tta̧cu̧huä̧rä̧tu̧cua̧ pä'ö, Dios huoinä̧u̧jä̧.

Colosenses 1:24

Jitä ucuturu ppä'ädö, eseunu ubara ttu'usä. Ttömä ja̧'hua̧nö̧ ubara ttudomenä, Cristo jä̧ttä̧pä̧ya̧ huotörö, churutä esetätörö, ppä'ädö ubara ttuhuinö ta'anö, ttö'inä ppä'ädö ubara ttu'usä.

Colosenses 2:19

Jahuätömä Cristorö esetocotö. Ja̧u̧ Cristo ujutu, chutä jä̧ttä̧pä̧ya̧ huotö, Tu̧ru̧hua̧ päi'önä kö̧. Ja̧u̧ tujuru iyö. Ja̧'hua̧ta̧nö̧ ji̧nä̧ yo̧mȩtȩ tö̧ja̧ pä'ö tta̧'ä̧rö̧, recuätö juotächa pä'ö. Ja̧'hua̧nö̧ jȩpö̧ Diosrö pä̧huä̧ rö̧jo̧mȩnä̧.

Colosenses 3:11

Jitämä o'ca toi'önä yorätehuätöjä Dios ä'ca jo̧mȩttö̧. Yoröiso toa'a judíos ttö̧ja̧ i̧sa̧'i̧nä̧, judíos huocö'inä, circuncidado hua̧'i̧nä̧, circuncidado huocö'inä. Ja̧'hua̧ta̧nö̧ ru̧hua̧cu̧ aditö'inä, aditocö'inä, kara'a ka̧cuä̧tö̧'i̧nä̧, o'ca toi'önä yorätehuätöjä. Iso päi'önä o'ca juiyönä ka̧'a̧ Cristonä. Ja̧'hua̧ta̧nö̧ Cristo o'ca toi'önärö kö̧.

Colosenses 3:15

Dios iyinö cuami iso'quitucunä eseäcuähuä. Ja̧u̧ eseäcuähuä hueäcua'a̧nö̧ cuami iso'quitucunä, ji̧nä̧ ji̧yȩtȩ huotö päcuhui'ätucua pä'ö Diosrö esetö, chutä hueinö ta'anö. Ja̧'hua̧nö̧ ja̧'a̧ttö̧ esehuätucui ja̧u̧ru̧.