Apocalipsis 9:3 - TÄ̧DO Ä̧CUÄ̧ I̧HUȨNȨ

³ Ja̧'hua̧ta̧nö̧ ja̧u̧ isoppattö cä̧'ö̧, pi̧jä̧ huämenä co̧'ä̧rä̧tö̧, rä'opinätö. Jahuätö cä̧'ö̧rö̧, pi̧jä̧nä̧ ka̧cuä̧tö̧ i̧di̧yu̧tu̧ ttujuru ta'anö ttujuruhua pä'ö ttiyinä̧u̧.

Nuevo Testamento Uwotjüja

³ Juoppa isoppattümä̧ ji̧ri̧chu̧tu̧ rä'ü pi̧jä̧ pa̧ja̧kuä̧chü̧nä̧ rü̧jä̧mi̧nä̧tü̧; ja̧'wa̧nü̧ ja̧'a̧ juätürü ttujuru iyäwi'ina̧'a̧ i̧di̧yu̧tu̧ jä̧'i̧nü̧'a̧nü̧ ttü̧ja̧rü̧ raratta pä'ü.

Apocalipsis 9:3 Iomraidhean Croise

San Lucas 10:19

Ttö chujuru chiyinä̧u̧jä̧ ucuturu ä̧ca̧tö̧rö̧'i̧nä̧, i̧di̧yu̧tu̧ru̧'i̧nä̧ cu̧jä̧dä̧tu̧cua̧ pä'ö. Ja̧'hua̧ta̧nö̧ cua̧bo̧i̧ya̧ Satanás ujuruttu'inä abonänö päcuhui'ätucua pä'ö, ubara ttucuhuätucu juiyönä chiyinä̧u̧jä̧.

Apocalipsis 9:5

Ja̧'hua̧nö̧ ja̧'a̧nä̧ ttö̧ja̧rö̧ cuä'ö tticuatö pä'ö hue'ähuocotö pi̧nä̧tö̧. Kä̧hua̧tö̧ ji̧mö̧tȩ ruhuä jo̧mȩnä̧, ttö̧ja̧ ubara ttutta pä'ö hue'ähuotö pi̧nä̧tö̧ jahuätö cä̧'ö̧mä̧. Ja̧'hua̧ta̧nö̧ ja̧u̧ ubara jȩtti̧nö̧mä̧, koro hua̧ idiyu rahuomenä, ubara jä̧'i̧nö̧'a̧nö̧ ji̧na̧'a̧.

Apocalipsis 9:7

Jahuätö cä̧'ö̧, ca̧ba̧llo̧stö̧ rohuäu 'chä̧cuä̧huo̧tö̧ jä̧'i̧nö̧'a̧nö̧ a̧'cua̧ri̧nä̧tö̧. Ttunä koro juäi ppöttähuä, orottö adicua'a jä̧'i̧nö̧'a̧nö̧ huȩnä̧ri̧nä̧tö̧. Ttö'ämä ya̧tȩ ttö̧ja̧ i̧sa̧ ö'ä jä̧'i̧nö̧'a̧nö̧ ji̧na̧'a̧.