Apocalipsis 9:21 - TÄ̧DO Ä̧CUÄ̧ I̧HUȨNȨ

²¹ Ja̧'hua̧ta̧nö̧ ttö̧ja̧rö̧ cuä'ö icuähuä'inä, huarähuä'inä, nä̧tö̧rö̧ suronä jȩä̧cuä̧huä̧'i̧nä̧, nä̧u̧cuä̧rä̧cuä̧huä̧'i̧nä̧ jarotti'a pä'ö pärocuäcutä amöcuädocotö pi̧nä̧tö̧.

Nuevo Testamento Uwotjüja

²¹ Juätümä̧ kuättäu'i̧nä̧, mä̧ri̧mü̧ jäwä jü̧ttü̧'i̧nä̧ kättädi'oka'a jȩpü̧ kka̧kui̧nä̧tü̧; ja̧'wa̧ta̧nü̧ nä̧u̧kuä̧rü̧tä̧ kka̧kui̧nä̧tü̧, nä̧tü̧ku̧, u̧mä̧tu̧ku̧ jȩpä̧'chä̧kuä̧u̧tä̧ kka̧kui̧nä̧tü̧.

Apocalipsis 9:21 Iomraidhean Croise

San Mateo 15:19

Suronä amöcuädäcuähuä'inä, ttö̧ja̧rö̧ cuä'ö icuähuä'inä, nä̧tö̧rö̧ suronä usähuä'inä, ka̧ra̧ irecuarö suronä jȩä̧cuä̧huä̧'i̧nä̧, nä̧u̧cuä̧cuä̧huä̧'i̧nä̧, yapareu ucuocuäcuähuä'inä, korotörö suronä ucuocuäcuähuä'inä räopa'a ttö̧ja̧ ttami iso'qui jacuättö.

2 Corintios 12:21

Pä'äji ta'anö ucuturu do'ächö chi̧'cho̧mȩnä̧, Dios ä'ca jo̧mȩttö̧ ucuturu chö̧dä̧pȩcuä̧cua̧sä̧ a̧'cua̧ra̧'a̧ pä'ö ye'ecu amöcuädösä. Ja̧'hua̧ta̧nö̧ ucututtu recuätö täbocö päi'önä suronä jȩtti̧na̧'a̧ amöcuädö, cha̧juä̧huä̧cua̧sä̧ a̧'cua̧ra̧'a̧. Jahuätö suronä jȩpö̧, nä̧tö̧rö̧ jȩpä̧'chö̧'i̧nä̧, koro juäi'inä jȩtto̧mȩnä̧'i̧nä̧ yoröiso ji'äu icuocotö pi̧nä̧tö̧do.

Gálatas 5:20

Ttö̧ja̧ a̧'u̧cuä̧ adicuä esetätö. Ja̧'hua̧ta̧nö̧ yuhuähuä mä̧ri̧mö̧rö̧ esetö jȩpä̧tö̧. Ja̧'hua̧ta̧nö̧ a'cuoyäunu sȩ'ȩpä̧rö̧ rohuähuätö. O'ca päi'önä ra̧huä̧ri̧pä̧tö̧. Jitörötä adihuomenätä jȩpä̧tö̧. Jitötä jö̧ ta'anö amöcuädätörö ca̧ca̧cuä̧rä̧tö̧.

Apocalipsis 13:13

Ja̧'hua̧ta̧nö̧ rö̧ȩnä̧ ttö̧ja̧ ttieru juäi'inä jȩpi̧nö̧. Ocurä'inä mo̧ro̧jä̧ttö̧ pi̧jä̧ra̧'a̧cu̧ ma̧ pä'ö jȩpi̧nö̧, pi̧jä̧ ttö̧ja̧ totta'anä.

Apocalipsis 13:15

Röji pä̧i̧cua̧ i̧sa̧rö̧, ja̧u̧ äcuomenä pä̧i̧cua̧ i̧sa̧rö̧ a̧'u̧cuä̧ ttaditinö juäi, ö̧ja̧ pä'ö hueäcua'a̧nö̧ ujuru ttiyinäcu. Ja̧'hua̧nö̧ jȩtti̧nä̧cu̧ ja̧u̧ a̧'u̧cuä̧ ttaditinömä ucuocua pä'ö. Ja̧'hua̧ta̧nö̧ o'ca toi'önä ja̧u̧ru̧ eseunu ucuocuocotörö cuä'ö icua pä'ö jȩtti̧nä̧cu̧.

Apocalipsis 13:7

Ja̧'hua̧ta̧nö̧ Dios i̧tti̧mö̧rö̧, umöhuäyotörö, örohuähua pä'ö huettinäcu. Jahuätöttö'inä abonänö juruhuinö. O'ca toi'önä pa̧ja̧cu̧nä̧ ttö̧ja̧rö̧'i̧nä̧, o'ca juiyönä ötahuiyä ttö̧ja̧rö̧'i̧nä̧, tti̧huȩnȩ pö̧nä̧ ucuocuätörö'inä, ko̧ro̧jä̧ tti̧rȩjä̧nä̧ ka̧cuä̧tö̧rö̧'i̧nä̧ huea pä'ö huettinäcu.

Apocalipsis 14:8

Ja̧u̧nu̧ o'ca'a, ka̧ra̧ ángel ichi'ö pä'inö: —Täcö ma̧ä̧chä̧ja̧'a̧. Babilonia ötahuiyä rö̧ome täcö ma̧ä̧chä̧ja̧'a̧, o'ca toi'önä kara'a ttö̧ja̧rö̧ vino au tä̧ttä̧mö̧'a̧nö̧, suronä amöcuädö jȩpö̧ hueära'attö.

Apocalipsis 16:6

Jahuätömä ucuru esetinätörö'inä, ucu huecuhuinö ucuocuinätörö'inä ttucuoja erönä jȩpi̧nä̧tö̧. Jitämä jitötä ttucuoja ttahua pä'ö jȩcu̧'i̧nä̧u̧. Iso päi'önä huäinä 'cuäopäcuä̧u̧.

Apocalipsis 17:2

Pi̧jä̧ ttö̧ja̧ tturuhuotö jahuäjucu suronä jȩpö̧ ka̧cui̧nä̧tö̧. Pi̧jä̧nä̧ ka̧cuä̧tö̧mä̧ jahuäju suronä jȩja̧'a̧ vino ttau'a̧nö̧ jȩpö̧ tä̧'ä̧mi̧nä̧tö̧.

Apocalipsis 17:4

Yajujua isajumä kö̧'ca̧tä̧huä̧ta̧ idicunänö jä̧ta̧'i̧nä̧, tu̧huä̧ta̧'i̧nä̧ 'ca̧tä̧hui̧nä̧ju̧. Oro'inä, ido'qui rö̧ȩnä̧ micuähuo'qui'inä, ajettö ȩmä̧huä̧ juäi rö̧ȩnä̧ micuäu'inä ru̧nä̧ri̧nä̧ju̧. Ku̧mö̧nä̧, ji̧mö̧tȩnä̧ koro juäi, i̧so̧'ta̧, orottö adicuo̧'ta̧ 'chu̧'ä̧ri̧nä̧ju̧. Juhuo̧'ta̧ surojöttö'inä, yajutä suronä jȩjö̧ttö̧'i̧nä̧ suhuädi'ina'a.

Apocalipsis 17:5

Kö'änä'inä koro yä̧huä̧i̧nä̧ pättinö ki̧mi̧ huȩyu̧cui̧na̧'a̧: “Babilonia ötahuiyä rö̧ome, o'ca toi'önä nä̧tö̧ mä̧nä̧ ruhuä'inä, o'ca juiyönä pi̧jä̧nä̧ ka̧cu̧ surojö'inä tta̧ju̧.”

Apocalipsis 18:3

Pa̧ja̧cu̧nä̧ ttö̧ja̧ jahuäju suronä jȩja̧'a̧ vino ttau'a̧nö̧ jȩpö̧ tä̧'ä̧mi̧nä̧tö̧. Pi̧jä̧ ruhuotö jahuäjucu suronä jȩpö̧ ka̧cui̧nä̧tö̧. Järe iyähuä ruhuotö'inä, pi̧jä̧nä̧ ka̧cuä̧tö̧, ji̧nä̧ isocu järe ruhuotö päi'inä̧u̧, jahuäju suronä jȩja̧'a̧ ppä'ädö.

Apocalipsis 19:2

Chutä iso päi'önä jȩpö̧, jueönä ro̧'ȩpö̧ ttö̧ja̧rö̧. Jahuäju mä̧nä̧ ruhuaju, juruhuajuru, suronä jȩja̧'a̧ttö̧, pi̧jä̧nä̧ ka̧cuä̧tö̧rö̧ surojuo'epinäjuru, ro̧'ȩpi̧nö̧. Dios umöhuäyotö 'corupätti'inömä, micuä päi'önä ro̧'ȩpi̧nö̧ jahuäjuru.

Apocalipsis 21:8

Ja̧'hua̧nö̧ ja̧'a̧nä̧ ye'ecuätö'inä, esetocotö'inä, ttahuaruhuärö kö'cocotö'inä, korotörö cuä'ö icuätö'inä, nä̧tö̧rö̧ suronä usätö'inä, märirö esetö jȩpä̧tö̧'i̧nä̧, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esetö ucuocuätö'inä, o'ca toi'önä yapareu ji'ähuätö'inä, ocurä rö̧arära̧'a̧, azufrenä cuoarära̧'a̧ tti̧'chä̧cuo̧tö̧. Ja̧u̧ todärenä 'corupäi'äcuähuä ja̧'a̧.

Apocalipsis 22:15

Ja̧'hua̧nö̧ ja̧'a̧nä̧ esetocotö'inä, märirö esetätö'inä, nä̧tö̧rö̧ suronä usätö'inä, ttö̧ja̧rö̧ cuä'ö icuätö'inä, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esehuätö'inä, yapareu jȩpö̧ kö'cätö'inä, yapareu ji'ähuätö'inä u̧mi̧nä̧tä̧ ttö̧ja̧cuä̧cuo̧tö̧.

Apocalipsis 9:20

Ja̧'hua̧nö̧ ja̧'a̧nä̧ korotö ttö̧ja̧ ja̧u̧ juäittö 'corupä'i'ocotömä, yoröiso pärocuäcutä amöcuädocotö pi̧nä̧tö̧. Pä'äji jȩtti̧nö̧mä̧ jarotti'a pä'ö amöcuädocotö pi̧nä̧tö̧. Espíritus suropätörö'inä, ttu̧mö̧nä̧ adicuä juäi, orottö'inä, pärätättö'inä, broncettö'inä, ido'quittö'inä, dauttu'inä adicua'a, yoröiso tocö juäi'inä, ä̧ju̧cuo̧cö̧ juäi'inä, cueächocö juäi'inä jarotti'a pä'ö amöcuädocotö pi̧nä̧tö̧.