Apocalipsis 8:13 - TÄ̧DO Ä̧CUÄ̧ I̧HUȨNȨ

¹³ Ja̧u̧nu̧ o'ca'a tochomenä, ya̧tȩ ángel mo̧ro̧jä̧nä̧ co̧ä̧ra̧'a̧, i̧huȩnȩ ä̧ju̧cui̧nö̧sä̧. Ja̧u̧ i̧huȩnȩnä̧ pä̧i̧cu̧nä̧ pä'inö: —Iso päi'önä korotö huämetucuä ángeles ttöäre trompetas ppöttomenä, pi̧jä̧nä̧ ka̧cuä̧tö̧mä̧ yoröiso tta̧'cua̧ tta̧'ȩcu̧ ubara ttuttäcuotö, —pä'inö.

Nuevo Testamento Uwotjüja

¹³ Jua̧u̧ o'komȩ päi'omȩ tochomȩnä̧, ya̧tȩ mo̧ro̧jä̧nä̧ á̧gȩ ko̧'ä̧rü̧ pä̧i̧ku̧nä̧ woa'a ä̧ju̧kui̧nü̧sä̧: «¡Isottü̧, isottü̧, ukutu pi̧jä̧ ttü̧ja̧we, kkorotü wä̧mȩtukuä á̧gȩrȩ ji̧nä̧ trompeta ppütta pä'ü juiya'a!» pä'inü̧.

Apocalipsis 8:13 Iomraidhean Croise

Hebreos 1:14

O'ca toi'önä ángelesmä, espíritus tta'attö, Dios hueötä jȩpä̧tö̧do. Dios ȩmi̧nä̧u̧ru̧ ttesetarö pä'ö ppättäda pä'ö hue'ähuotödo.

Apocalipsis 11:14

Ja̧'hua̧nö̧ päi'omenä, todäre jo̧mȩnä̧ surojö 'cuäopina'a. Ja̧'hua̧nö̧ ja̧'a̧nä̧ a̧'u̧cua̧'a̧ o'ca'a koro, huäbodäcuänä päi'omenä, surojö 'cuäopäcua'a.

Apocalipsis 12:12

Esehuätucui mo̧ro̧jä̧'i̧nä̧, mo̧ro̧jä̧nä̧ ka̧cuä̧tö̧'i̧nä̧. Ja̧'hua̧nö̧ ja̧'a̧nä̧ pi̧jä̧nä̧ ka̧cuä̧tö̧'i̧nä̧, dubora rö̧oranä ka̧cuä̧tö̧'i̧nä̧ suronä 'cuäopäcua'a, chutä ähuettämä ra̧huä̧rö̧ kä̧nö̧ i̧mȩyȩhui̧na̧'a̧ttö̧ ucuturu. Ja̧u̧mä̧ a̧'u̧cua̧'a̧tä̧ ö̧jä̧cuȩ'i̧nä̧ huo̧jua̧.

Apocalipsis 14:3

Chutä i̧dȩä̧cä̧ ä'ca jo̧mȩttö̧'i̧nä̧, jahuätöttö pa̧ja̧cuä̧nö̧ isotö a̧'cua̧rä̧tö̧ ttä'ca jo̧mȩttö̧'i̧nä̧, ancianos huotö ttä'ca jo̧mȩttö̧'i̧nä̧ jareö ra̧huä̧huä̧ ra̧'i̧nä̧tö̧. Korotömä yoröiso huo̧jui̧po̧co̧tö̧ pi̧nä̧tö̧ ja̧u̧ ra̧huä̧huä̧. Jitötä ciento cuarenta y cuatro mil jo̧mȩnä̧ ttö̧ja̧, pi̧jä̧ttö̧ ka̧cui̧pi̧nä̧tö̧, huo̧jui̧pi̧nä̧tö̧ ja̧u̧ ra̧huä̧huä̧.

Apocalipsis 14:6

Ja̧'hua̧ ja̧'a̧ttö̧ ka̧ra̧ ángel, mo̧ro̧jä̧ kä'conä co̧ä̧ra̧'a̧ topinösä. Ja̧u̧mä̧ yoröiso beipocö huȩnȩ, ttö̧ja̧rö̧ jȩpö̧ icu huȩnȩ, ko̧ro̧jä̧ tti̧rȩjä̧nä̧ ka̧cuä̧tö̧rö̧'i̧nä̧, pi̧jä̧ pa̧ja̧cu̧nä̧ ttö̧ja̧rö̧'i̧nä̧, tti̧huȩnȩ pö̧nä̧ ucuocuätörö'inä, o'ca juiyönä ötahuiyä ttö̧ja̧rö̧'i̧nä̧ jiähua pä'ö ku̧nä̧ri̧nö̧.

Apocalipsis 19:17

Ja̧u̧nu̧ o'ca'a, ya̧tȩ ángel mo̧ro̧ kä̧hua̧nä̧ ö̧ja̧'a̧ topinösä. Ja̧u̧ ángel o'ca toi'önä ppi̧yu̧ru̧, mo̧ro̧jä̧nä̧ co̧'ä̧rä̧tö̧rö̧, pä̧i̧cu̧nä̧ huopinö: —Dios öäre adihuä cuäcuähuome fiestanä ichö ca̧ca̧cuä̧tu̧cui̧.

Apocalipsis 3:10

Ttö huedinö ta'anö cuami 'qui'ächi'inöjä. Ja̧'hua̧nö̧ ja̧'a̧ttö̧ ucuru'inä, pi̧jä̧nä̧ pa̧ja̧cu̧nä̧ surojö 'cuäopomenä, ucuru ppä'ädö tta̧dä̧rä̧cua̧sä̧. Ja̧u̧ surojömä ichäcua'a pi̧jä̧nä̧ ka̧cuä̧tö̧rö̧ ka̧cuä̧mö̧.

Apocalipsis 8:2

Ja̧u̧nu̧ o'ca'a, ko̧ro̧mö̧ttö̧nö̧ ta̧ju̧nu̧ ángeles Dios ä'ca jo̧mȩ ttö̧ja̧cua̧'a̧ topinösä. Jahuätörö ko̧ro̧mö̧ttö̧nö̧ todäre trompetas ttiyinä̧u̧.

Apocalipsis 9:1

Ka̧ra̧ ángel, ji̧mö̧tȩ ru̧hua̧ päi'önä, öäre trompeta ppö'inö. Ppöomenä, ya̧tȩ siri'comä mo̧ro̧jä̧ra̧'a̧ttö̧ pi̧jä̧cu̧ ma̧'ö̧rö̧ topinösä. Ja̧u̧ siri'comä ttiyinäcu reju, yoröiso beipocoju llave.

Apocalipsis 9:12

Täcö äcuomenä surojömä 'cuäopina'a. Ja̧'hua̧nö̧ ja̧'a̧nä̧ ji̧nä̧ todäre jo̧mȩnä̧ surojö 'cuäopäcua'a.