Apocalipsis 7:17 - TÄ̧DO Ä̧CUÄ̧ I̧HUȨNȨ

¹⁷ Chutä Corderomä, i̧dȩä̧cä̧ jo̧mȩ kö̧mä̧, o̧vȩja̧stö̧rö̧ tta̧ttä̧rö̧'a̧nö̧ tta̧huä̧rä̧cua̧ jahuätörö. Ja̧'hua̧ta̧nö̧ kä̧cuä̧huä̧ i'co aje i̧sä̧rä̧ra̧'a̧cu̧ o̧i̧pä̧cua̧ jahuätörö. Ja̧'hua̧ta̧nö̧ ttajuähuomenä, Dios ttö'äre 'ca̧huä̧cua̧.

Nuevo Testamento Uwotjüja

¹⁷ Jua'amä̧ oweja mü̧ä̧ya̧ wa̧mä̧, ruwo deäkänä̧ pü̧mä̧, Ttu̧ru̧wa̧ pató ja̧'a̧ttü̧, Jua̧u̧tä̧tä̧ ȩpä̧kuä̧u̧ ajiya kkä̧kuä̧wä̧ kkoya beipokomȩku̧mä̧, ja̧'wa̧ta̧nü̧ Dio-tä tti̧'chȩrȩja 'ka̧wä̧kua̧mä̧.

Apocalipsis 7:17 Iomraidhean Croise

San Mateo 2:6

Ja̧u̧ huȩyu̧ti̧nö̧do: Belén ötahuiyä, Judá ttö̧ja̧ tti̧rȩjä̧ttö̧, pi̧jä̧ hueähuomettö kara'attö'inä abonänö ttucuotome. Belén ötahuiyättö u̧huä̧pä̧chä̧cua̧ ya̧tȩ ru̧hua̧mä̧, o'ca toi'önärö chidepiyu Israel tta̧huä̧rä̧cua̧mä̧, pä'ö huȩyu̧ti̧nö̧do.

San Mateo 5:4

“Tta̧'cua̧ tta̧'ȩcuä̧tö̧mä̧ eseunu ttö̧ja̧cuä̧cuo̧tö̧. Diostä jahuätörötä ppä̧dä̧cuä̧u̧.

San Juan 10:11

Ttötäsä adihuä tta̧huä̧rä̧cuä̧huä̧ i̧sa̧mä̧. Chutä adihuä tta̧huä̧rä̧cuä̧huä̧ i̧sa̧, ä̧ji̧mö̧rö̧ tta̧'ä̧rö̧ 'corupäi'ö'a̧nö̧ hua̧.

San Juan 10:14

“Ttötäsä adihuä tta̧huä̧rä̧cuä̧huä̧ i̧sa̧mä̧. Chä'o ttörö u̧huo̧ju̧'a̧nö̧, ja̧u̧ru̧'i̧nä̧ huo̧jua̧sä̧ ttömä. Ja̧'hua̧ta̧nö̧ chä̧ji̧mö̧ o̧vȩja̧stö̧rö̧ chu̧huo̧ju̧'a̧nö̧, ttörö'inä huo̧juä̧tö̧. Ttömä chä̧ji̧mö̧ o̧vȩja̧stö̧rö̧ ppä'ädö 'co̧ru̧pä̧di̧'ä̧cua̧sä̧.

San Juan 4:10

Ja̧'hua̧ ja̧'a̧ Jesús pä'inödo jahuäjuru: —Iso päi'önä Dios iyö'inä, ucuru ajiya jä'epörö'inä cu̧huo̧ju̧ttu̧mä̧, ttörötä jä'epajajujä. Ja̧'hua̧nö̧ jäcuhue'öttömä ucurutä kä̧cuä̧huä̧ ajiya iyajisä.

San Juan 4:11

Ya̧ju̧tä̧ pä'inäjudo: —Ucu ajiya huäcuhua pä'ö jui̧'a̧jä̧. Ja̧'hua̧ta̧nö̧ iso'u täcua'ado. ¿Tottö cuiyäcua'ajä̧ttö̧ ttörö kä̧cuä̧huä̧ ajiya?

San Juan 4:14

Ja̧'hua̧nö̧ ja̧'a̧nä̧ ajiya ttötä chiyomettö ahuätömä, yoröiso a̧di̧ rö̧jo̧co̧u̧ ttäcuotö. Ttötä ajiya chiyömä, aje i̧sä̧rä̧ ta'anö juoächäcua'a ami iso'quinä. Ttö chiyömä aumä, kä̧cuä̧huä̧ i'co u̧ju̧nä̧rä̧cua̧.

Hechos 20:28

Cuamönätucutä tta̧'ä̧rä̧cuä̧huä̧tu̧cui̧. O'ca toi'önä Tu̧ru̧hua̧rö̧ esetätörö'inä tta̧'ä̧rä̧tu̧cui̧. Espíritu Santo ucuturu hue'inö jahuätörö tta̧huä̧rä̧cuä̧huä̧ isotö päi'önä cu̧ja̧cuä̧tu̧cua̧ pä'ö. Tu̧ru̧hua̧mä̧ churutä esetätörö ȩmi̧nö̧ ucuojanä 'corupäi'omenä.

1 Pedro 5:2

O̧vȩja̧stö̧rö̧ tta̧huä̧rä̧cuä̧huä̧ i̧sa̧ tta̧huä̧rö̧'a̧nö̧, Dios i̧tti̧mö̧rö̧, ucuturu hueinä̧u̧ru̧, tta̧'ä̧rö̧ ka̧cuä̧tu̧cui̧. Suronä päcuhuätucuoca'a, Diosrö pä̧huä̧ rö̧jo̧mȩnä̧ adiunä eseunu tta̧'ä̧rä̧tu̧cui̧. Ja̧'hua̧ta̧nö̧ pärätä cuamöcuädätucuoca'a, adiu tta̧'ä̧rä̧tu̧cui̧. Adiunä aditätucui cuaditähuätucu.

Apocalipsis 14:4

Pitömä yoröiso suronä jȩpo̧co̧tö̧ pi̧nä̧tö̧ nä̧tö̧rö̧. Adiunätä ka̧cui̧nä̧tö̧. Chutä Cordero i̧'cho̧mȩnä̧tä̧ 'chä̧tö̧. Jahuätö pi̧jä̧ ttö̧ja̧ttö̧, Dios ȩmä̧huo̧tö̧ Diosrö'inä, Corderorö'inä äcuomenä sacrificio jȩpä̧cuä̧huotö jä̧'i̧nö̧'a̧nö̧ hui̧nä̧tö̧.

Apocalipsis 21:22

Ji̧nä̧ isocu Dios adihuä ö̧jo̧mȩmä̧ isode jä̧'i̧nö̧'a̧nö̧, yoröiso topocö pi̧nö̧sä̧. Iso päi'önä chutä Tu̧ru̧hua̧mä̧, Dios o'ca juiyönä ju̧ru̧hua̧mä̧, ihueye chutä adihuä ö̧jo̧mȩ ja̧'a̧. Ja̧'hua̧ta̧nö̧ Cordero'inä ihueye chutä adihuä ö̧jo̧mȩ ja̧'a̧.

Apocalipsis 21:23

Mo̧ro̧ kä̧hua̧'i̧nä̧, yodo kä̧hua̧'i̧nä̧ tti̧tȩa̧u̧ juiya'a ja̧u̧ ötahuiyänä. Chutä Dios'inä, Cordero'inä tti̧tȩa̧u̧ttu̧ tȩa̧hua̧'a̧.

Apocalipsis 21:4

Ttajuähuomenä, Dios ttö'äre 'ca̧huä̧cua̧. Täcö 'corupäi'äcuähuä'inä, ajuäcuähuä'inä, tta̧'cua̧ tta̧huȩcuä̧cuä̧huä̧'i̧nä̧, ubara ttuhuähuä'inä juiyäcua'a. O'ca juiyönä pä'äji ka̧cui̧nö̧mä̧ 'cuäopina'a.

Apocalipsis 21:6

Ja̧u̧nu̧ o'ca'a, ttörö pä'inö: —Täcö 'cuäopa'a. Ttömä ä'canä'inä, röjinä'inä ru̧hua̧sä̧. O'ca juiyönä juiyäi'inä, beipächomenä'inä ru̧hua̧sä̧. Ya̧tȩ a̧di̧ rö̧jö̧ttö̧mä̧, aje i̧sä̧rä̧, kä̧cuä̧huä̧ i'co i̧sä̧rä̧ttö̧, yoröiso micuä juiyönä ahua pä'ö iyösä.

Apocalipsis 22:1

Ja̧u̧nu̧ o'ca'a, ja̧u̧ ángel aje adihuoto, kä̧cuä̧huä̧ i'co aje i̧jȩpi̧nö̧ ttörö. Koro juäi cristal ta'anö säruhuina'a. Dios'inä, Cordero'inä tti̧dȩä̧cä̧ttö̧ räopina'a.

Apocalipsis 4:11

Tu̧ru̧hua̧, Tä̧do̧ ä̧cua̧ Dios, ucumä adihuä i̧sa̧jä̧. Ucuru ttesehuäcua'a̧nö̧. Ucuru ttucuotäcua'a̧nö̧. Ucuru ttujuru ttiyäcua'a̧nö̧. Ucumä o'ca juiyönä aditinöjä. Ucurutä pä̧huä̧ rö̧jo̧mȩnä̧, o'ca juiyönä ka̧cua̧'a̧. Ja̧'hua̧ta̧nö̧ ucurutä pä̧huä̧ rö̧jo̧mȩnä̧, o'ca juiyönä aditinöjä.

Apocalipsis 5:6

Ja̧'hua̧nö̧ ja̧'a̧ dȩä̧cä̧ tö'cönä, jahuätö pa̧ja̧cuä̧nö̧ isotö a̧'cua̧rä̧tö̧ ttö̧'quȩtȩnä̧'i̧nä̧, ancianos huotö ttö̧'quȩtȩnä̧'i̧nä̧ ya̧tȩ Corderorö, oveja i̧tti̧rö̧, jueönä ö̧ja̧'a̧ topinösä. Ja̧u̧ Cordero cuä'ö i̧cuä̧hua̧ a̧'cua̧rö̧nä̧ hui̧nö̧. Ja̧'hua̧ta̧nö̧ ja̧u̧ Cordero oveja i̧tti̧ ko̧ro̧mö̧ttö̧nö̧ todäre u i̧sä̧juä̧'i̧nä̧, ko̧ro̧mö̧ttö̧nö̧ torere ö'äre'inä ku̧nä̧ri̧nö̧. Ja̧u̧ ö'äre Dios jähuä ko̧ro̧mö̧ttö̧nö̧ ta̧ju̧ espíritus, pi̧jä̧nä̧ pa̧ja̧cu̧nä̧ hue'ähuotö ja̧'a̧.