Apocalipsis 6:10 - TÄ̧DO Ä̧CUÄ̧ I̧HUȨNȨ

¹⁰ Pitömä tti̧huȩnȩnä̧ pä̧i̧cu̧nä̧ pä'inätö: —Tu̧ru̧hua̧ adihuä i̧sa̧mä̧, päcumä o'ca juiyönä jȩpö̧jä̧. Pi̧jä̧nä̧ ka̧cuä̧tö̧rö̧, ujuturu cuä'ö icuinätörö, ¿dä̧bö̧ tta̧cu̧huä̧rä̧ttö̧ jahuätörö pä'ö cu̧ra̧huä̧ra̧ pä'ö?

Nuevo Testamento Uwotjüja

¹⁰ Juätümä̧ pä̧i̧ku̧nä̧ wopinä̧tü̧: «Dio ukumä̧ o'kajuiyünä̧ ju̧ru̧wa̧jä̧, surojü'i̧nä̧ jui̧'a̧jä̧, 'kuäopünä̧ jueü wȩnȩtä̧ ukuokujä̧.» ¿Ujuturu kuä'äu ikuinä̧tü̧rü̧mä̧ ti̧yȩnü̧tä̧ pärokua'aku mikuämä̧ jȩ'kuä̧kua'a̧jä̧ttü̧? ¿Ti̧yȩnü̧tä̧ ku̧tä̧bo̧tä̧kuä̧u̧jä̧ttü̧?

Apocalipsis 6:10 Iomraidhean Croise

San Lucas 2:29

Chu̧ru̧hua̧, jitämä täcö huäinä eseunu hua'ö chicuaja ttö. Cu̧mö̧huä̧ya̧rö̧ cucuocuinömä 'cuäopäja'a.

San Lucas 21:22

Ja̧u̧nu̧ mo̧ro̧ ro̧ȩcuä̧ mo̧ro̧ jä̧cua̧'a̧. Ja̧u̧nu̧mä̧ o'ca juiyönä Huȩyu̧cuä̧ Huȩnȩ päömä 'cuäopäcua'a.

Romanos 12:19

Adihuä chö̧jä̧hua̧tö̧, micuä päi'önä jȩcu̧'ä̧tu̧cuä̧', ucuturu suronä jȩpä̧tö̧rö̧. Ja̧'a̧tä̧ topätucui. Tta̧'ä̧rä̧tu̧cui̧ Diostä ro̧ȩpä̧cua̧'a̧nö̧ jitörö. Huȩyu̧cuä̧ Huȩnȩ päa'a: “Ttömä ro̧ȩcuä̧ ru̧hua̧sä̧. Ttötä ro̧dȩpä̧cua̧sä̧, pä'ö Tu̧ru̧hua̧mä̧.”

Hebreos 12:24

Jesús, jareö huȩnȩ tta̧huä̧rä̧cuä̧huä̧ i̧sa̧rö̧'i̧nä̧, ucuoja dattepinoya, Abel ucuojattö'inä abonänö adiu ucuocuoya'inä tö'cöpächätöjä.

2 Pedro 2:1

Ja̧'hua̧nö̧ ja̧'a̧nä̧'i̧nä̧ yapareu huȩnȩ ji'ähuinätömä ka̧cui̧nä̧tö̧do Israel ttö̧ja̧ ttö̧'quȩtȩnä̧. Ja̧'hua̧ta̧nö̧ ucutu cu̧'quȩtȩtu̧cu̧nä̧ yapareu huȩnȩ ji'ähuätömä ttö̧ja̧cuä̧cuo̧tö̧. Jahuätö yä̧huä̧i̧nä̧ yapareu huȩnȩ ttu̧huo̧juȩtä̧cuo̧tö̧. Churutä, suronä jȩttö̧ jȩpö̧ icuinörö, ä̧ppö̧tä̧rö̧ ji'ähuätö. Ja̧'hua̧nö̧ ttu̧huo̧juȩto̧mȩnä̧, o'ca päi'önä ttamönä bettipächäcuotö.

Apocalipsis 11:18

Korotö ttö̧ja̧ ra̧huä̧rä̧tö̧. Ja̧'hua̧nö̧ ja̧'a̧nä̧ ucu cu̧tä̧bo̧tö̧ mo̧ro̧ päi'a'a. Ja̧'hua̧ta̧nö̧ hua'ö icuinätörö: “Ucu adiu jȩpö̧jä̧”, “Ucu suronä jȩpö̧jä̧” päcu mo̧ro̧ päi'a'a. Ucutä cumöhuäyotö, ucu huecumä ucuocuätörö, adihuä juäi cui̧yä̧cua̧jä̧. Ucuru adiunä esehuätö'inä, cui̧mi̧ ucuotätö'inä, usurä isotö'inä, järe ruhuotö'inä ucuru esetätörö adihuä juäi cui̧yä̧cua̧jä̧. Korotö pi̧jä̧ be'epäjipö tticua pä'ö jȩpä̧tö̧rö̧, bettipächönä to'ädö cuicuometä päi'a'a.

Apocalipsis 18:20

Ja̧'hua̧nö̧ ja̧'a̧nä̧ mo̧ro̧jä̧'i̧nä̧, Jesús hue'ähuotö'inä, Dios i̧huȩnȩ ucuocuinätö'inä, o'ca toi'önä Dios i̧tti̧mö̧'i̧nä̧ ja̧u̧ ötahuiyä amöcuädö, esehuätucui. Chutä ja̧u̧ ötahuiyä ro̧ȩpo̧mȩnä̧, Dios ucuturu adiu ppä'ädinö.

Apocalipsis 18:24

Dios i̧huȩnȩ ucuocuinätö'inä, Dios i̧tti̧mö̧'i̧nä̧, o'ca toi'önä pi̧jä̧nä̧ cuä'ö tticuinä̧u̧'i̧nä̧ ttucuoja po̧cui̧pi̧nä̧tö̧ ja̧u̧ ötahuiyänä, —pä'inö ja̧u̧ ángel.

Apocalipsis 19:2

Chutä iso päi'önä jȩpö̧, jueönä ro̧'ȩpö̧ ttö̧ja̧rö̧. Jahuäju mä̧nä̧ ruhuaju, juruhuajuru, suronä jȩja̧'a̧ttö̧, pi̧jä̧nä̧ ka̧cuä̧tö̧rö̧ surojuo'epinäjuru, ro̧'ȩpi̧nö̧. Dios umöhuäyotö 'corupätti'inömä, micuä päi'önä ro̧'ȩpi̧nö̧ jahuäjuru.

Apocalipsis 3:10

Ttö huedinö ta'anö cuami 'qui'ächi'inöjä. Ja̧'hua̧nö̧ ja̧'a̧ttö̧ ucuru'inä, pi̧jä̧nä̧ pa̧ja̧cu̧nä̧ surojö 'cuäopomenä, ucuru ppä'ädö tta̧dä̧rä̧cua̧sä̧. Ja̧u̧ surojömä ichäcua'a pi̧jä̧nä̧ ka̧cuä̧tö̧rö̧ ka̧cuä̧mö̧.

Apocalipsis 3:7

“Ja̧'hua̧ta̧nö̧ Filadelfia ötahuiyättö iglesia ruhuärö tta̧huä̧rä̧cuä̧huä̧ i̧sa̧rö̧ huȩyu̧tu̧ hue'i: “Yoröiso adihuä i̧sa̧'i̧nä̧, iso päi'önä pä'ö'inä, Ru̧hua̧ David öäre llave ku̧nä̧rö̧mä̧ äpate bahuepomenä, ka̧ra̧mä̧ yoröiso mö̧'ȩpo̧cö̧. Ja̧'hua̧ta̧nö̧ äpate mö̧ȩpo̧mȩnä̧, ka̧ra̧mä̧ yoröiso ba'epocö.