Apocalipsis 22:20 - TÄ̧DO Ä̧CUÄ̧ I̧HUȨNȨ

²⁰ Pi̧yȩ huȩnȩ päömä, päa'a: —Iso päi'önä jurunänö ichösä. Amén. ¡Ichi, Tu̧ru̧hua̧ Jesús!

Nuevo Testamento Uwotjüja

²⁰ Pi̧yȩ jiäumä̧, pä'ü: «A̧, jitätä ja̧'a̧ku̧ ichüsä.» ¡Amȩ́! a̧, chu̧ru̧wa̧ Jesú, ichi.

Apocalipsis 22:20 Iomraidhean Croise

San Juan 21:25

Ja̧'hua̧ta̧nö̧ koro Jesús jȩi̧nö̧ huȩnȩ rö̧ȩnä̧ ka̧'a̧. O'ca juiyönä koro'inä, koro'inä tti̧huȩyu̧tu̧ttu̧mä̧, pi̧jä̧nä̧ o'ca juiyönä yoröiso pa̧ja̧cuä̧cho̧ca̧'a̧ a̧'cua̧ra̧'a̧ ja̧u̧ juäi cuyäru. Amén.

1 Corintios 16:22

Ya̧tȩ Tu̧ru̧hua̧ Jesucristorö repe'ocömä, chutä Tu̧ru̧hua̧tä̧ ro̧ȩpä̧cua̧. Tu̧ru̧hua̧, ¡jurunä ichi!

2 Timoteo 4:8

Adiu jȩchi̧na̧'a̧ttö̧, ttö̧ja̧rö̧ pojocuä mo̧ro̧ päi'omenä, Tu̧ru̧hua̧ adihuä juäi iya päinömä i̧yä̧cua̧ ttörö. Chutä adihuä Tu̧ru̧hua̧mä̧ o'ca toi'önärö pä̧cua̧. Ttörötä ya̧tȩrö̧tä̧mä̧ iyocö. O'ca toi'önä ja̧u̧ru̧ adiu esetö ichä̧cuȩ mo̧ro̧ tta̧'ä̧rä̧tö̧rö̧ i̧yä̧cua̧.

Hebreos 10:37

Huȩyu̧cuä̧ Huȩnȩ, päa'a: Jurunänö, iso päi'önä jurunänö i̧chä̧cua̧mä̧ i̧chä̧cua̧. Recuo tta̧'ä̧ro̧cö̧.

Hebreos 9:28

Iso päi'önä Cristo ya'utenätä sacrificio jȩpi̧nö̧do recuätö ttö̧ja̧ suronä jȩttö̧ jȩpö̧ icu. Ja̧u̧nu̧ o'ca'a, pä'äji ta'anö i̧chä̧cua̧. Ja̧u̧nu̧ suronä jȩttö̧ jȩpö̧ icua pä'ö ichocö jä̧cua̧. Ja̧u̧ru̧ tta̧'ä̧rä̧tö̧rö̧ ȩmö̧ i̧chä̧cua̧do.

Apocalipsis 1:18

Ttömä ihueye kö̧sä̧. 'Corupä'i'inösä. Ja̧'hua̧nö̧ ja̧'a̧nä̧ jitämä kö̧sä̧ 'cuäopönä. Ttömä 'corupä'i'inätöttö'inä abonänö ju̧ru̧hua̧sä̧. Ja̧'hua̧ta̧nö̧ hua'are huattomettö'inä abonänö ju̧ru̧hua̧sä̧.

Apocalipsis 1:2

Chutä Juan, o'ca juiyönä toinömä, iso päi'önä huȩnȩ ji'äu huȩyu̧ti̧nö̧do. Pi̧yȩ huȩnȩ Dioscu, Jesucristocu jittähua'a ä̧ju̧cu̧ huȩyu̧ti̧nö̧do.

Apocalipsis 2:16

Ja̧'hua̧nö̧ ja̧'a̧ttö̧ pärocuäcutä amöcuädi. Ja̧'hua̧nö̧ pärocuäcutä cuamöcuädö juiyöttömä, yodojinänö ucu cu̧jo̧mȩ chi̧chä̧cua̧sä̧ curodänä, chättö räopodänä, jahuätörö chörohuähua pä'ö.

Apocalipsis 22:10

Ja̧'hua̧ta̧nö̧ ttörö pä'inö: —Pi̧yȩ cuyäru'tänä, Dios i̧huȩnȩ huȩyu̧cuä̧mä̧ jicuhuähuoca'a dajahuächönä jä̧'i̧nö̧'a̧nö̧ jȩcu̧'ä̧'. Pi̧yȩ huȩnȩ o'ca juiyönä päö'a̧nö̧ 'cuäopa pä'ö, täcö tö'cöhuächa'a.

Apocalipsis 22:12

—Iso päi'önä jurunänö ichösä. O'ca toi'önä jȩtti̧nö̧ topö, adihuä juäi chiyä̧cuȩmä̧, chi̧'cä̧chä̧cua̧sä̧.

Apocalipsis 22:18

O'ca toi'önä pi̧yȩ cuyäru'tänä, Dios i̧huȩnȩ huȩyu̧cuä̧mä̧ ä̧ju̧cuä̧tö̧rö̧ pa̧'a̧nö̧ pä'ösä Ya̧tȩ pi̧yȩ cuyäru päö abo 'cuäo'önä i̧huȩyu̧tu̧ttu̧mä̧, Dios huȩä̧cua̧ ja̧u̧ru̧ pi̧yȩ cuyäru'tänä huȩyu̧cuä̧ji̧mä̧, surojö 'cuäoparö pä'ö.

Apocalipsis 22:7

—¡Jurunänö ichösä! Pi̧yȩ cuyäru'tänä huȩyu̧cuä̧, Dios i̧huȩnȩ ä̧ju̧cu̧mä̧, eseunu ö̧jä̧cua̧.