Apocalipsis 2:3 - TÄ̧DO Ä̧CUÄ̧ I̧HUȨNȨ

³ Ttörö esetö cuami 'qui'ächi'ö ubara ttu'inöjä. Ja̧'hua̧ta̧nö̧ yoröiso 'cuäcuhuächi'oca'a, rö̧ȩnä̧ aditinöjä ttörö pä̧huä̧ rö̧jö̧ jȩpö̧.

Nuevo Testamento Uwotjüja

³ Ja̧'wa̧ta̧nü̧ ttü chi̧mi̧ eseu repe'ümä̧ rü̧ȩnä̧ usurä ȩmä̧u̧, käkuädi'oka'a aditä'ijüjä̧.

Apocalipsis 2:3 Iomraidhean Croise

San Marcos 15:21

Ja̧u̧nu̧tä̧ ya̧tȩ Cirene ttö̧ja̧ i̧sa̧, Simón pä'ö mi̧cua̧mä̧, Alejandro'inä, Rufo'inä ttä'omä, ötahuiyä abottö ichö, 'chä̧hui̧'i̧nö̧do. Ju̧huȩnȩ 'cuäopomenä, Jesúsru pȩ'o̧pö̧ ttu̧ju̧nä̧cuodä ȩpa̧ pä'ö hue'inätödo.

San Lucas 14:27

Ya̧tȩ ttöcu cue'ächö, 'corupäi'a pä'ö ubara ttu juiyöttömä, ttö chu̧huo̧juȩtä̧cu̧ pä'i'ocö.

San Lucas 18:1

Jesús koro juäi jä̧'i̧nö̧'a̧nö̧ jö̧ huȩnȩ ji'äu huo̧juȩti̧nö̧do, 'cuäopönä Diosrö ucuocuäcuähuä 'cuächi'äcuähuä juiyönä pä'ö.

San Lucas 21:19

Cuami 'qui'ächi'ö cu̧ja̧cuä̧tu̧cu̧ttu̧mä̧, kä̧cuä̧huä̧ i'co cu̧ju̧nä̧rä̧cuo̧tö̧jä̧.

San Lucas 5:5

Simón ädätinödo: —Huo̧juȩcuä̧ I̧sa̧, yodo 'cuäoi'önä huo'äjätöjä. Huota'anä ya̧tȩrö̧'i̧nä̧ huo'opocotö päjätöjä. Ja̧'hua̧nö̧ ja̧'a̧nä̧ täcö ucu huecuhua'attö, chöäre ma'ayä kä'ö icu huo'opösä.

San Lucas 8:15

Ja̧'hua̧nö̧ ja̧'a̧nä̧ jacuä jähuä rȩjȩ adihuome ma̧ä̧chi̧nö̧mä̧, korotö Dios i̧huȩnȩ ttami iso'quinä adiu ä̧ju̧cu̧, Dios i̧huȩnȩ päö ta'anö jȩpä̧tö̧ jä̧'i̧nö̧'a̧nö̧ huotö. Ja̧'hua̧ta̧nö̧ adihuä juäinätä cue'ächö, u̧huä̧ju̧ adiu huȩjä̧u̧.

San Juan 15:21

Ttörö cuesetätucua'attö, ja̧'hua̧nö̧ o'ca juiyönä jȩttä̧cuo̧tö̧ ucuturu, ttörö hue'inörö ttieruhua'attö.

Romanos 12:12

Eseunu ka̧cuä̧tu̧cui̧, esetönö tta̧cu̧huä̧rä̧tu̧cua̧. Ubara ttucuhuätucuomenä, cuami 'qui'ächi'ö ka̧cuä̧tu̧cui̧. Diosrö ucuocu ka̧cuä̧tu̧cui̧ 'cuäopönä.

Romanos 16:12

Te'ähuätucui Trifenarö'inä, Trifosarö'inä, Tu̧ru̧hua̧ aditähuä ppä'ädö aditätörö. Ja̧'hua̧ta̧nö̧ te'ähuätucui adihuä töjähuaju Pérsidarö, rö̧ȩnä̧ aditinäjuru Tu̧ru̧hua̧ aditähuä.

Romanos 2:7

Korotö, adihuä juäi jȩpä̧tö̧rö̧, eseäcuähuä usätörö, ucuotäcuähuä usätörö, tta̧'cua̧rö̧ yoröiso beipächocö usätörö, jahuätörö Dios i̧yä̧cua̧ kä̧cuä̧huä̧ i'co.

Romanos 8:25

Ji̧nä̧ totoca'anä tta̧tä̧rö̧mä̧ tami 'qui'ächi'ö tta̧tä̧rö̧'a̧nö̧ ja̧'a̧.

1 Corintios 13:7

Ja̧'hua̧ta̧nö̧ o'ca juiyönä adiu a̧'cua̧ pö̧nö̧ kö̧. Diosrötä tta̧'ä̧rö̧ amöcuädö. Ami 'qui'ächi'ö'inä kö̧.

1 Corintios 16:16

Ucuturu ji'äusä iso päi'önä jahuätö'inä, korotö jahuätöcu aditätö'inä ttu̧huo̧juȩtö̧mä̧ adiu jȩcu̧'ä̧tu̧cua̧ pä'ö.

2 Corintios 10:15

Ja̧'hua̧ta̧nö̧: “Ja̧u̧mä̧ ujutu taditähuä” pä'ocotöjä korotö ttaditömä. Pärocua'acu, tta̧'ä̧rä̧tö̧jä̧ ucutu juhua'a yabonö cuesetätucua pä'ö, ji̧nä̧ isocu Dios hueinö ta'anö tadita pä'ö ucutucu.

2 Corintios 11:23

Jahuätömä, ¿Cristo umöhuäyotö tä̧ji̧? Ttö'inä jahuätöttö'inä abonänö Cristo u̧mö̧huä̧ya̧sä̧. Juhuorö'inä ja̧'hua̧nö̧ ucuocu, suripächätö ttucuocu'a̧nö̧ ucuocusä. Jahuätöttö'inä abonänö rö̧ȩnä̧ aditinösä. Ja̧'hua̧ta̧nö̧ jahuätöttö'inä abonänö rö̧ȩnä̧ cuäcuättinäcusä. Ja̧'hua̧ta̧nö̧ jahuätöttö'inä abonänö rö̧ȩnä̧ cärenä pi̧nö̧sä̧. Ja̧'hua̧ta̧nö̧ cuedächomenä, rö̧o̧ mo̧ro̧ cuä'ö tticua pä'inätö ttörö.

2 Corintios 4:1

Ja̧'hua̧nö̧ ja̧'a̧ttö̧ jaroti'a pä'ö amöcuädocotöjä. Dios ujuturu re rö̧jö̧nä̧ toa'attö hue'inö ujuturu pi̧yȩ taditähuä päi'önä.

2 Corintios 4:16

Ja̧'hua̧nö̧ ja̧'a̧ttö̧ ujutumä jaroti'a pä'ö yoröiso amöcuädocotöjä. Ujutu jättäpäyotö yoyonö beipächära̧'a̧nä̧, ta̧'cua̧ru̧hua̧nä̧ ji̧nä̧ isocu rö̧ä̧cha̧'a̧.

2 Corintios 5:9

Ja̧'hua̧nö̧ ja̧'a̧ttö̧ pi̧jä̧ jähuä tidepänä tö̧jo̧mȩnä̧'i̧nä̧ tö̧jo̧co̧mȩnä̧'i̧nä̧, 'cuäopönä adiunä tö̧ja̧cua̧ pä'ätöjä, Tu̧ru̧hua̧ eseunu toatö pä'ö.

2 Corintios 6:5

Ja̧'hua̧ta̧nö̧ ujutu ä̧nu̧chu̧nä̧ cuäcuäpö, cärenä ttötinä̧u̧jä̧. Ja̧'hua̧ta̧nö̧ koronö ttö̧ja̧ rö̧ȩnä̧ ttö̧ra̧huä̧ra̧'a̧nä̧, ki̧'i̧nä̧tö̧jä̧. Koronö'inä rö̧ȩnä̧ aditinätöjä. Ja̧'hua̧ta̧nö̧ koronö'inä tä'oca'a ka̧cui̧nä̧tö̧jä̧. Ja̧'hua̧ta̧nö̧ koronö'inä ppäi ttu'inätöjä.

Gálatas 6:2

Ja̧'hua̧ta̧nö̧ korotö korotönö surojö 'cuäopomenä, ppä'ädäcuähuätucui. Ja̧'hua̧nö̧ jȩpö̧ Cristo hueähuä jȩcu̧'ä̧cuo̧tö̧jä̧.

Gálatas 6:9

Ja̧'hua̧nö̧ ja̧'a̧ttö̧ adiu jȩpö̧mä̧ 'cuätächi'ö juiyö'a̧nö̧ ja̧'a̧. Ja̧'hua̧nö̧ 'cuätächi'ö juiyöttömä, churutä pä̧huä̧ rö̧jo̧mȩnä̧ tȩmä̧cuo̧tö̧jä̧.

Filipenses 4:3

Ucuru'inä chu̧mö̧huä̧ya̧ adiu jȩpi̧nö̧rö̧, ji'äusä jahuätörö, tö̧jä̧hua̧tö̧rö̧, ppäcuhuäda pä'ö. Jahuätö adiu aditinätö ttöcu, ttö̧ja̧ suronä jȩttö̧ jȩpö̧ icu huȩnȩ ji'äu. Ja̧'hua̧ta̧nö̧ Clementecu, korotöcu ji̧nä̧ yo̧mȩtȩ aditinätöjä. Jahuätö tti̧mi̧mä̧ huȩyu̧cua̧'a̧ ka̧'a̧ kä̧cuä̧huä̧ i'co cuyäru'tänä.

Colosenses 1:11

Ucutu cujuruhuätucua pä'ätöjä chutä adihuä ujurunä, o'ca juiyönä eseunu tta̧'ä̧rö̧ cuami 'qui'ächi'ö cu̧ja̧cuä̧tu̧cuä̧cua̧'a̧nö̧.

1 Tesalonicenses 1:3

Tä'o Dios ä'ca jo̧mȩttö̧ amöcuädätöjä ucutu Diosrö adiu esetö cuaditätucua'a. Ja̧'hua̧ta̧nö̧ ucutu cuahuaruhuärö adiu repe'ö cuaditätucua'a amöcuädätöjä. Ja̧'hua̧ta̧nö̧ cuami 'qui'ächi'ö kä̧nö̧, Tu̧ru̧hua̧ Jesucristorö adiu tta̧cu̧huä̧rä̧tu̧cua̧'a̧ amöcuädätöjä.

1 Tesalonicenses 2:9

Tö̧jä̧hua̧tö̧, ucutu huo̧juä̧tö̧jä̧ ujutu taditinömä. Mo̧ro̧'i̧nä̧, yodo'inä aditinätöjä tö̧jö̧ micuä timita pä'ö, ucuturu mippoönä jätepö juiya pä'ö Dios i̧huȩnȩ ji'äu kä̧nö̧.

1 Tesalonicenses 5:12

Tö̧jä̧hua̧tö̧, ucuturu pä'ätöjä. Ucutucu aditätörö, ucuturu huo̧juȩtä̧tö̧rö̧, ucuturu Tu̧ru̧hua̧ i̧huȩnȩ ji'ähuätörö ucuotätucui.

2 Tesalonicenses 3:13

Tö̧jä̧hua̧tö̧, adihuä juäi jȩä̧cuä̧huä̧nä̧ 'cuäcuhuächi'ätucuä'.

2 Tesalonicenses 3:5

Diosttö repeähuä cu̧ju̧nä̧rä̧tu̧cua̧ pä'ö ppädäcua'a̧nö̧ Tu̧ru̧hua̧. Cristottö ttami 'qui'ächi'ö kä̧cuä̧huä̧ iyäcua'a̧nö̧ ucuturu Tu̧ru̧hua̧.

2 Tesalonicenses 3:8

Yoröiso mippoönä cuocotö pi̧nä̧tö̧jä̧ ucutu cu̧cuȩtu̧cu̧ttu̧mä̧. Mo̧ro̧'i̧nä̧, yodo'inä aditinätöjä tö̧ja̧cu̧ micuä päi'önä ucututtu mippoönä jätepö juiya pä'ö.

1 Timoteo 4:10

Ja̧'hua̧nö̧ ja̧'a̧ttö̧ pi̧yȩ amöcuädö, aditätöjä Dios i̧huȩnȩ. Ja̧'hua̧ta̧nö̧ ubara ttu'ätöjä. Ujutumä Dios kö̧rö̧, o'ca toi'önä ja̧u̧ru̧ esetätö Tu̧ru̧hua̧rö̧, esetö tta̧'ä̧rä̧tö̧jä̧.

1 Timoteo 5:17

Ancianos huotö adiu ji'äu huo̧juȩtä̧tö̧rö̧'i̧nä̧, iglesia ruhuärö adiu hue'ätörö'inä, ji̧nä̧ isocu adiu tucuotäcua'a̧nö̧.

Hebreos 10:36

Ucutumä Diosrö pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö, cuami 'quicuhuächi'ätucu'a̧nö̧ ja̧'a̧. Ja̧'hua̧nö̧ jȩpö̧, Dios iya päinömä cuȩmä̧cuo̧tö̧jä̧.

Hebreos 12:1

Ja̧'hua̧nö̧ ja̧'a̧ttö̧ ujutu tä̧do̧tö̧ mi̧nä̧, recuätö ja̧'hua̧nö̧ rö̧ȩnä̧ ttesetina'a amöcuädö, o'ca juiyönä ta̧mö̧cuä̧rö̧'i̧nä̧, suronä jȩtö̧ ujuturu 'chu̧huä̧rö̧'i̧nä̧, pporädö icu, tami 'qui'ächi'ö kä̧nö̧, juhua'a yabonö adiu jotätucuaja.

Hebreos 13:13

Ja̧'hua̧ ja̧'a̧ttö̧ ötahuiyä abocu Jesús ö̧jo̧mȩcu̧ ti̧'chä̧tu̧cua̧do, chutä ubara ttuhuinö'a̧nö̧ ubara ttu'u kä̧nö̧.

Hebreos 6:10

Diosmä amönä pä'ocö. Yoröiso unichi'ocö ucutu cuaditinätucu. Cuahuaruhuärö, Diosrö esetätörö, repe'ö ppäcuhuädinätucu'inä unichi'ocö. Jitä'inä ja̧u̧tä̧ juäi jȩpä̧tö̧jä̧.

Hebreos 6:12

Kö'cocotöjä cutähuätucuttumä. Dios adihuä juäi iya päinö Diosrö esetö ttami 'qui'ächi'önö ȩmö̧ jȩttö̧'a̧nö̧, ucutu'inä jȩcu̧'ä̧tu̧cua̧ pä'ätöjä.

Hebreos 6:15

Abraham ami 'qui'ächi'ö tta̧'ä̧ri̧nö̧do. Ja̧'hua̧nö̧ tta̧huä̧ro̧mȩnä̧, Dios iya päinömä ȩmi̧nö̧do.

2 Pedro 1:6

Ja̧'hua̧ta̧nö̧ ä̧ju̧cu̧ kä̧nö̧, cuamönätucu cuamöcuädätucutä jȩcu̧'ä̧tu̧cuo̧ca̧'a̧, cuami 'quicuhuächi'ätucuaja. Ja̧'hua̧ta̧nö̧ cuami 'qui'ächi'ö kä̧nö̧, Diosrö eseunu cucuocuätucuaja.

Apocalipsis 1:9

Ttö Juan, ucutu cu̧jä̧hua̧sä̧. Ucutucu ubara ttu'usä. Ucutucu pä̧di̧'ä̧cua̧sä̧ Dios hueomettö'inä. Ja̧'hua̧ta̧nö̧ tami 'qui'ächi'ö Jesucristo iyomenä, ucutucu iyäcusä. Dios i̧huȩnȩ, Jesucristo päinö huȩnȩ jidähuomenä, cärenä pi̧nö̧sä̧ Patmos kä'co i̧sä̧sa̧ttö̧.

Apocalipsis 3:10

Ttö huedinö ta'anö cuami 'qui'ächi'inöjä. Ja̧'hua̧nö̧ ja̧'a̧ttö̧ ucuru'inä, pi̧jä̧nä̧ pa̧ja̧cu̧nä̧ surojö 'cuäopomenä, ucuru ppä'ädö tta̧dä̧rä̧cua̧sä̧. Ja̧u̧ surojömä ichäcua'a pi̧jä̧nä̧ ka̧cuä̧tö̧rö̧ ka̧cuä̧mö̧.