Apocalipsis 18:8 - TÄ̧DO Ä̧CUÄ̧ I̧HUȨNȨ

⁸ Ja̧'hua̧nö̧ ja̧'a̧ttö̧ ya'ute mo̧ro̧ jo̧mȩnä̧, rö̧ȩnä̧ surojö 'cuäopäcua'a jahuäjuru. 'Corupäi'äcuähuä'inä, ubara ttuhuähuä'inä, ppäi'inä, ocuränä ku icuähuä'inä 'cuäopäcua'a jahuäjuru. Iso päi'önä Tu̧ru̧hua̧ Dios, jahuäjuru suronä ro̧ȩpä̧cua̧mä̧, ju̧ru̧hua̧do.

Nuevo Testamento Uwotjüja

⁸ Ja̧'wa̧nü̧ ja̧'a̧ttü̧, ya'ute mo̧ro̧tä̧ ma̧ä̧mä̧kua̧ju̧ usurä ȩmä̧kuä̧wä̧mä̧: Wa'are'i̧nä̧, ajuäkuäwä'i̧nä̧, ppäi'i̧nä̧, jü̧nä̧ ja̧'wa̧nü̧ jȩpü̧ okuränä̧ kkuwü ikuäwäkuaju; Isopäi'ünä̧ Tu̧ru̧wa̧ Dio juäjuru tä̧bo̧tü̧ ro̧'ȩpü̧mä̧, rü̧ȩnä̧ ujuru kku̧nä̧rü̧ ja̧'a̧ttü̧.»

Apocalipsis 18:8 Iomraidhean Croise

1 Corintios 10:22

Ujutumä ¿Tu̧ru̧hua̧ a'cuoyäunu toatö pä'ö jȩpä̧tö̧jä̧ tä̧ji̧? Ujutumä ¿ja̧u̧ttu̧'i̧nä̧ abonänö juruhuätöjä tä̧ji̧?

Apocalipsis 11:17

Pä'inätö: Tu̧ru̧hua̧, Dios o'ca juiyönä ju̧ru̧hua̧mä̧, ucuru eseunu ucuocuätöjä. Ucu jitä'inä, pä'äji'inä, yodoji'inä ru̧hua̧jä̧. Ucu cujurunä huecuhua pä'ö kö̧jä̧.

Apocalipsis 17:16

Ja̧u̧ to̧mö̧rȩ jähuä u i̧sä̧juä̧ pä̧i̧cua̧ i̧sa̧ u̧ju̧nä̧ra̧'a̧ tocu'äjimä, jahuäju mä̧nä̧ ruhuajuru kö'cocotö ttäcuotö. Jahuäjuru kö̧'ca̧tä̧huä̧ta̧ juiyönä kö̧jö̧nä̧ jarotti'äcuotö. Jahuäju kidepättö ttucuäcuotö. Ja̧'hua̧ta̧nö̧ jahuäjuru ocuränä ku tticuäcuotö.

Apocalipsis 17:18

Jahuäju isajumä, tocu'äcuamä, ja̧u̧ ötahuiyä rö̧ome, o'ca toi'önä pi̧jä̧nä̧ ka̧cuä̧tö̧ ruhuotörö huea'a jä̧'i̧nö̧'a̧nö̧ ja̧'a̧.

Apocalipsis 18:17

Ja̧u̧ o'ca juiyönä rö̧ȩnä̧ micuäu juäi yoröiso o'ca päi'önätä beipächina'a. O'ca toi'önä huoi'quiyu ruhuotö'inä, ttö̧ja̧ ttuhuoi'quiyunä pä̧mä̧dö̧ cue'ächätö'inä, ttuhuoi'quiyunä aditätö'inä, dubora rö̧oranä aditätö'inä ototä ttö̧ja̧cuä̧cuo̧tö̧.

Apocalipsis 18:19

Ja̧'hua̧nö̧ huopö kä̧nö̧, rȩjȩ i̧sa̧ppȩ ttamönä ttunä icuäcuäu, ajuäunu amöcuädö huopinätö: —Ötahuiyä rö̧ome tta̧'cua̧ tta̧ttȩcu̧ juäi 'cuäopäja'a jahuäjuru. Jahuäju rö̧ȩnä̧ micuäu ku̧ju̧nä̧rö̧ juäittö, o'ca toi'önä huoi'quiyu ku̧nä̧rä̧tö̧mä̧ järe ruhuotö päi'inä̧u̧. Ja̧'hua̧ ja̧'a̧ o'ca juiyönä ja̧u̧ juäi rö̧ȩnä̧ micuäu juäi, yoröiso o'ca päi'önätä beipächina'a.

Apocalipsis 19:3

Ja̧u̧nu̧ o'ca'a, pä'äji ta'anö pä'inätö: —¡Aleluya! Jahuäju cuo'ö kicuinomettö, ocurä isoppa 'cuäopönätä, yoröiso beipoca'anä, 'chahuädäcua'a.