Apocalipsis 17:3 - TÄ̧DO Ä̧CUÄ̧ I̧HUȨNȨ

³ Ja̧u̧nu̧ o'ca'a, Espíritu Santo hueähuä 'cuo̧ti̧nä̧, ja̧u̧ ángel de'acu ȩpi̧nö̧ ttörö. Ju̧huȩnȩ yajute isaju, pä̧i̧cua̧ i̧sa̧ tu̧'hua̧rö̧ huä̧mä̧dä̧ju̧ru̧ topinösä. Ja̧u̧ pä̧i̧cua̧ i̧sa̧rö̧ Diosrö suronä päömä huȩyu̧cui̧na̧'a̧. Ja̧'hua̧ta̧nö̧ uhuiyä'inä ko̧ro̧mö̧ttö̧nö̧ toyure ku̧nä̧ri̧nö̧. U i̧sä̧juä̧'i̧nä̧ to̧mö̧rȩ jähuä ku̧nä̧ri̧nö̧.

Nuevo Testamento Uwotjüja

³ Jua̧u̧nü̧ o'ka'a, Epíritumä̧ rȩbi̧yu̧ dȩ'a̧ra̧'a̧ ȩpi̧nä̧ku̧sä̧, jua'amä̧ visión pättünä̧. Juorü, yajute isaju i̧sa̧ büó tu̧'a̧ u̧wä̧mȩ kku̧wa̧'a̧ topinüsä̧, jua̧u̧mä̧ Dio-rü suronä̧ pä'ü ukuokuäkuäwä wȩyu̧kua̧'a̧ pȩji̧nä̧ku̧ jä̧ttä̧pä̧ya̧tä̧, u piyämä̧ kko̧ro̧mü̧ttü̧nü̧ toyure winü̧ ja̧'wa̧ta̧nü̧ u okämä̧ to̧mü̧rȩ jäwä jo̧mȩnä̧ kku̧nä̧ri̧nü̧.

Apocalipsis 17:3 Iomraidhean Croise

San Mateo 27:28

Ja̧u̧nu̧ o'ca'a chutä ö̧'ca̧tä̧huä̧ta̧ ko̧'ä̧dö̧ icu, ko̧ro̧ta̧ tu̧huä̧ta̧ 'ca̧ti̧nä̧tö̧do.

Hechos 8:39

Jacuotottö ttuhuämi'ächomenä, Espíritu Santo ȩmi̧pi̧nä̧cu̧do Felipemä. Espíritu Santo ȩmi̧pä̧ji̧ o'ca'a, ruhuaju kippeyä ru̧hua̧mä̧ topocö pi̧nö̧do Feliperö. Mä̧nä̧nä̧ eseunu 'chi̧nö̧do.

2 Tesalonicenses 2:4

Ja̧u̧mä̧ o'ca juiyönä Dios jähuä, pi̧jä̧ ttö̧ja̧ ttucuotömä, suronä u̧cuo̧cuä̧cua̧. Diosrö ucuocuäcuähuodenä do'ächi'ö, Dios a̧'cua̧rö̧nä̧ ö̧'ä̧mä̧dä̧cua̧. “Ttömä Diossä”, pä̧cua̧.

Apocalipsis 1:10

Ju̧huȩnȩ chö̧jo̧mȩnä̧, ya'ute ttö̧ja̧ 'cuättächi'ö mo̧ro̧, Espíritu Santo ujurunä ma̧i̧nä̧cu̧sä̧. Chabo ja̧'a̧nä̧ttö̧ ya̧tȩ i̧huȩnȩ pä̧i̧cu̧nä̧ ucuocua'a, trompeta ucuocua'a jä̧'i̧nö̧'a̧nö̧ ä̧ju̧cui̧nö̧sä̧.

Apocalipsis 12:14

Ja̧'hua̧nö̧ ja̧'a̧nä̧ yajujua isajuru kujuabiyä rö̧o̧ abiyä águilas ttu̧ju̧nä̧rö̧'a̧nö̧ tti̧yi̧nä̧cua̧, ku̧jo̧mȩ de'acu co̧jä̧ra̧ pä'ö, ja̧u̧ ä̧ca̧ttö̧ ototä kö̧ja̧ pä'ö. Ju̧huȩnȩmä̧ ku̧cuȩ kucua pä'ö huäbodäcuä a̧'ȩ, koro a̧'ȩ'i̧nä̧ kä'conä päi'omenä, ttiyäcuotö.

Apocalipsis 12:3

Ja̧u̧nu̧ o'ca'a, koro juäi'inä i̧jȩcui̧na̧'a̧ mo̧ro̧jä̧nä̧. Koro hua̧ i̧sa̧, ojuo da'ä jä̧'i̧nö̧'a̧nö̧ hua̧, tu̧'hua̧mä̧, uhuiyä'inä ko̧ro̧mö̧ttö̧nö̧ todäre, u i̧sä̧juä̧'i̧nä̧ tomöre jähuä ppöttähuä koro unä'inä, koro unä'inä huȩnä̧rö̧ i̧jȩcui̧nö̧.

Apocalipsis 12:6

Yajutä isajumä de'acu, Dios kö̧ja̧ pä'ö aditinomecu, tö'ipächinäju, ya'ute mil doscientos sesenta mo̧ro̧ päi'omenä, ku̧cuȩ ttiyaju pä'ö.

Apocalipsis 17:18

Jahuäju isajumä, tocu'äcuamä, ja̧u̧ ötahuiyä rö̧ome, o'ca toi'önä pi̧jä̧nä̧ ka̧cuä̧tö̧ ruhuotörö huea'a jä̧'i̧nö̧'a̧nö̧ ja̧'a̧.

Apocalipsis 17:4

Yajujua isajumä kö̧'ca̧tä̧huä̧ta̧ idicunänö jä̧ta̧'i̧nä̧, tu̧huä̧ta̧'i̧nä̧ 'ca̧tä̧hui̧nä̧ju̧. Oro'inä, ido'qui rö̧ȩnä̧ micuähuo'qui'inä, ajettö ȩmä̧huä̧ juäi rö̧ȩnä̧ micuäu'inä ru̧nä̧ri̧nä̧ju̧. Ku̧mö̧nä̧, ji̧mö̧tȩnä̧ koro juäi, i̧so̧'ta̧, orottö adicuo̧'ta̧ 'chu̧'ä̧ri̧nä̧ju̧. Juhuo̧'ta̧ surojöttö'inä, yajutä suronä jȩjö̧ttö̧'i̧nä̧ suhuädi'ina'a.

Apocalipsis 18:12

Koro juäi oro'inä, pärätä'inä, ido'qui rö̧ȩnä̧ micuähuo'qui'inä, ajettö ȩmä̧huä̧ rö̧ȩnä̧ micuähuo'qui'inä, pö̧jä̧ta̧ linottö adicua'a adihuä̧ta̧'i̧nä̧, pö̧jä̧ta̧ sedattö adicuä̧ta̧'i̧nä̧, idicunänö jä̧ta̧'i̧nä̧, adiu tu̧huä̧ta̧'i̧nä̧ ttȩma̧ pä'ö toäcua'a. Ja̧'hua̧ta̧nö̧ dau ameu'inä, koro juäi marfilttö adicua'a'inä, adihuä juäi dauttu adicua'a'inä, broncettö adicua'a'inä, cuoräuttu adicua'a'inä, mármol ido'quittö adicua'a'inä tti'cächomenä, ȩmä̧tö̧ toäcua'a.

Apocalipsis 18:16

Pättäcuotö: —Ötahuiyä rö̧ome, tta̧'cua̧ tta̧ttȩcu̧ juäi 'cuäopäja'a ucuru. Karaju isaju, kö̧'ca̧tä̧huä̧ta̧ adihuä̧ta̧ttö̧ idicunänö jä̧ta̧'i̧nä̧, tu̧huä̧ta̧'i̧nä̧ 'ca̧tä̧huä̧ju̧, oro'inä, ido'qui rö̧ȩnä̧ micuähuo'qui'inä, koro juäi ajettö ȩmä̧huä̧ rö̧ȩnä̧ micuäu'inä ru̧nä̧rä̧ju̧ jä̧'i̧nö̧'a̧nö̧ ji̧na̧'a̧ ja̧u̧ ötahuiyä.

Apocalipsis 21:10

Ja̧'hua̧ ja̧'a̧ Espíritu Santo hueomenä, 'cuo̧ti̧nä̧ chö̧jo̧mȩnä̧, chutä ángel koro möä'cara̧'a̧, rö̧ä'ca, ju'toju isä'cara̧'a̧ ttörö ȩpi̧nö̧. Juhua'attö ja̧u̧ rö̧ome adihuä juäi ötahuiyä, Jerusalén ötahuiyä, Dios ä'ca jo̧mȩttö̧, mo̧ro̧jä̧ra̧'a̧ttö̧ mȩyȩhui̧nö̧mä̧, ttörö i̧jȩpi̧nö̧.

Apocalipsis 4:2

Ja̧u̧nu̧tä̧ Espíritu Santo ujurunä ma̧i̧nä̧cu̧sä̧. Mo̧ro̧jä̧ra̧'a̧ttö̧ dȩä̧cä̧ topinösä. Ju̧huä̧cä̧nä̧ ya̧tȩ pi̧nö̧.